影片
食家推介
392 浏览
母亲节前夕，以为四处餐厅都好难揾位。点知Mikiki 内的餐厅水静河飞，随便走进这间"Grand Restaurant & Bar"星期六、日的晚上竟然有85折优惠，当日母亲节依然有优惠，莫非生意难做又或是餐厅本身有些问题……？ 食完就知道原因。餐厅环境宽敞，以四人卡位为主，没有太大压迫感。至于装潢简洁富时代感，气氛幽暗营造Grand 的效果？但是笔者不太感受到Grand的气氛。虽然没有预先订枱，但是当时餐厅内只有两、三枱客，店员安排我们坐于餐厅最尽头最隐蔽的位置，真系叫天不应叫地不闻，每次想揾店员都要走出去揾，超级唔方便。【前菜】蜜桃果肉酸酸甜甜，罗马菜翠绿新鲜，菜的表面上放上果仁去增加口感。【汤】味道普通没有留下任何印象【面包】面包热烘烘呈上，面包表面比较硬身，有些似法包，里面则松软，配上牛油及黑醋味道不错。晚餐有四款，包括汤或沙律、主菜、餐饮及甜品。当中拣了这份【西冷牛扒配红酒汁 $318】牛扒的表面烧烤过的坑纹吸引。切开后，牛扒比较薄身，肉色呈浅粉红色，按照笔者的要求熟成度。肉质尚且松软，但肉味不够浓郁。薯蓉竟然有意外惊喜！大部分餐厅的薯蓉都是开粉而成，但食这个薯蓉可以食到未有磨碎的薯仔粒……同样你可以批评薯蓉不够细滑，不过笔者喜欢有薯仔粒的薯蓉。除了晚餐外，散叫份【美式烧排骨配薯条 $188】，只有这个菜式有我家公主最爱的薯条。其实只要加$60就可以变成晚餐，都不错！大部分餐厅的猪肋骨都是煮熟煮淋后才最后烧烤一下，这个也不例外。猪肋骨的表面虽然烧到焦黑微脆，卖相不错。可惜不用切开，用叉都可以把肉分开。入口肉质非常嚡口，好似煲汤瘦肉。又嚡又无味……最后的甜品令人失望。餐厅叫得 这个【法式焦糖布丁】非常之甜又唔够香，只有滑。餐厅叫做"GRAND", 当然对这里的期望多一点点，但是食后感就是食物味道只是一般，服务更加是不够级数，上菜混乱，安排我们坐到最尽头位置又不去照顾我们需要，累我们亲自走出去下单。
继续阅读
放工后，原本过九龙城晚餐，上 open rice 睇吓有咩食，无意中见到呢间餐厅， comments 也不错，所以决定来一试。 餐厅环境原本都清静，不知是否后天父亲节关系，多了一家大细来进餐，原本清静的环境，多了份嘈吵。
继续阅读
新蒲岗区最好吃的西餐厅，服务一流，环境一流，人少。因为在屋企附近，所以经常帮衬，已经成为我们的饭堂之一。午餐有面包或沙律，主菜、甜品及餐饮。晚餐菜色差不多，但价钱便接近贵一半。试过晚餐后，我们便通常会选择在午餐帮衬😉很喜欢吃这里的烧鸡，入味，香😋其他食品也很好味，甜品也很有特色。最识得赞的是无论何时这间的客人都不多，由于这店是在商场里的偏僻一角，门口也会不显眼，所以很多人都没有留意。和朋友谈天是一个好地方。
继续阅读
新蒲岗唔只有街坊美食，今次试西餐一样有惊喜～Mikiki二楼嘅西餐厅，装修唔错，加上座位好阔落，几舒服Set lunch有餐包、汤或沙津、主菜、甜品同饮品，几丰富餐包系暖嘅，牛油亦唔系雪到硬个种，唔错蕃茄汤味道唔浓，但酸酸地几开胃半扒烧得好香，羊味好重但唔会太膻，叫左7成熟亦冇过熟。砵酒汁味道唔算特出，但只食羊扒味道已经好好。可惜羊扒太肥，可以食嘅肉好少....伴碟嘅薯仔同样好味，豆角好爽口（只系个人口味唔太喜欢豆角，可以转就更好）友人点嘅牛扒要五成熟，切开后仍带少少粉红，肉质唔错亦有牛味，配埋红酒汁好香，少少可惜系肉唔够厚，所以肉汁同口感有少少欠缺。要赞一赞薯蓉，其冇用即冲薯蓉hea人，食到薯仔粒，而且好香好creamy甜品真系喜出望外，冇谂过百几蚊嘅set lunch会食好高质嘅甜品。雪芭带乳酸味，配上酸嘅红莓汁好夹，系好清新嘅甜品，食完主菜食都唔会腻最后仲有饮品，超满足食物准备得好用心，味道好好，对番质素黎讲价钱唔算贵，绝对系令人满足嘅一餐
继续阅读
今日情人节、特登放半昼同老婆出去撑枱脚同行下街街。虽则已经接近老夫老妻既地步、啲大时大节整色整水既野依然少不得。情趣丫嘛...同老婆大人食饭、我一向都系俾佢揸fit，佢想食乜就偏向佢口味，我相信有好多男人都系咁。唔系话男人无主见、系好多男人都好憎左谂右谂又度呢样又度果样。系男人既就决定左今日食中餐就中餐、西餐就西餐，咪同我扭扭捏捏！系咪好大男人？所以咪留俾女人拣啰、咪话我地唔民主题外话都系唔讲咁多。今日系Mikiki行街时老婆大人话想食西餐，又唔想再行咁远行出街慢慢揾、就去揾商场水牌search一search。见到楼上2楼有间未试过既新餐厅、去门口𥄫下个lunch menu有啲岩key、间新店睇落又几阔落就入去试试。一入门口有两个靓靓大卡位、可惜有人坐紧、无机会享用。餐厅里面环境几靓、装潢同设计好明显落足本钱。个人颇欣赏佢既窗帘既运用，间单既横纹半透式拉帘，采光足够之余又唔会灿眼。一条条既光线斜斜咁射入黎影相仲几靓添。全场唯一大缺点就系个大电视。其实呢度又唔系酒楼，又唔系Conference Room，整咁大个电视系度其实真系好格格不入。但既然餐听个名写到名系”Resturant & BAR” 就当你夜晚要变身做间Bar俾人饮酒睇波... 但日头仲系Resturant时可唔可以熄左个电视等个场静番啲？又或者播啲管弦乐搞下气氛都好过开个新闻台劲loop新闻同财经，咁入到黎都好难放松同专心食饭倾计。Lunch Set Menu 简洁明瞭，老婆想锯扒所以二话不说拣左个「烧谷饲牛西冷红酒汁」，而我就拣左我至爱既意大利饭「蕃茄忌廉汁海絴意大利饭」。由于我地都对个沙律无乜兴趣，又想饮啲热野䁔下胃，所以一律拣左餐汤。是日餐汤是日餐汤系绿豆蓉忌廉汤，个汤既味道其实都唔差的，金宝汤质素但尚算足料。唯独汤面果一大Pat忌廉好搞笑，差不多有半球雪糕系面。好奇下试过啲忌廉仲系坚涷既，同啲汤搅匀后啲汤就有啲唔够热，但总括黎讲尚算OK的。随餐附送的法式小餐包有牛油同黑醋任均选择，个人好Like黑醋所似餐前开胃菜我系食得几开心的。食完个包两个餐几乎同时送到。唔驶搞到同枱得一个人有野食呢方面我觉得做得唔错的我觉得上菜既时间控制呢样系西餐厅应该要为顾客考量既基本问题黎。一班人系茶餐厅食碟头饭就无乜所谓，但西餐厅系呢方面都算系对顾客既一种尊重黎。蕃茄忌廉汁海絴意大利饭呢个始终系自己个饭黎，感受较深就讲左先，蕃茄、忌廉汁同芝士既配搭算系烚到好处，酸酸甜甜的蕃茄汁和芝士的香浓在洋蒽同少量的蒜交织着相当美味的乐谱，带咬劲既珍珠米令人食起上黎相当醒胃。清左肠既虾同杂菌都相当新鲜。但奇妙地呢个意大利饭居然仲埋藏左碎鳕鱼柳条系里面，某一两旧食落有阵好强烈既冷藏味。明明餐牌上都无写有鱼，加多左落去如果好味既话都可以话当大赠送。但呢旧有强烈雪味既鳕鱼完全系出黎搞破坏，明乎其实既「多旧鱼」。烧谷饲牛西冷红酒汁老婆钟意食七成熟既牛扒，对于五成都嫌太熟既我黎讲其实唔应该去评论块扒软唔软熟。但被喂食过几片（借啲儿放闪？）惊觉七成熟都算软熟。虽然唔算非常有牛味，但尚算够Juicy，唔多筋。红酒汁调较得几好味，但唔算好深刻，所以唔讲咁多了。是日甜品（一粒橙肉＋几粒柚肉＋碎蒟蒻）因为唔知叫咩名，唯有咁拆散黎叫住先。卖相麻麻，尤其是上枱时见到滴到四围都系。睇落似杨枝甘露既䄂珍版，但食落几清新，水果既酸同蒟蒻既甜几夹，食完感觉好似食左饭后果咁，但又一啲都无裹腹感，系一个唔错既结尾。餐饮 - 热奶茶唔错的普通热奶茶，完。是次午餐 （二人前）Set Lunch 蕃茄忌廉汁海絴意大利饭 $80Set Lunch 烧谷饲牛西冷红酒汁 $138总结不过不失的一间西餐厅，如果唔系坐近电视既话都算系倾计既好地方。食品其实味道可达到中上的，但雪味鳕鱼真系令我扣唔少分，祈望下次有机会再帮衬既话会令我感到再满足一啲。这家餐厅的待应其实给我印象几深刻的，因为个个都初四咁既面口，呢个现像令我地猜度班待应系咪今年未收开工利士等八挂云云。但经理的招待是相当之欣勤的，如此强烈对比令我地深信该经理应该就是老板...（误）
继续阅读