Gram Cafe & Pancakes (已結業)

講起gram其實響香港開咗咁耐都未食過，佢同另一間幸福班戟一樣，都係登港前已經響日本食過，相比之下幸福係完勝之餘，連當年仲未執嘅本地薑點子都好食過佢，所以就算gram登港都冇乜感覺😛然後到上年聽到泰國嘅gram竟然有得外賣，一睇之下確係有啲心動，畢竟唔流排隊嘛，到新年銅鑼灣開新店，連香港都有外賣班戟喇✨唔似泰國咁有綠茶味得原味可揀，價錢唔平但一個細細地試下無妨，凍食情況下班戟唔算話好特別，係有蛋香，但都只係更鬆軟嘅雞蛋糕，中間夾嘅忌廉超輕盈，不過冇乜甜味，成件事都唔係好突出，過口即忘轉個頭已經冇印象果隻，如果跟泰國賣廿蚊都可接受，而家賣三十五就有點over price喇😌 不過佢另外仲有個外賣限定和牛班戟有興趣，下次試埋先😛

Omg 日本過江龍Gram係銅鑼灣開左新分店！❤️以前係日本食過一次佢地最出名的疏乎厘pancake，返到香港一直念念不忘。自從進駐香港之後我都去過幾次，真係keep到日本水準👍🏻新店多左好多款新panckae，焦糖蜜桃朱古力慕士pancake 同埋 意大利黑松露醬虎蝦pancake我都超想試！尤其係黑松露醬配pancake真係好令人期待🆙😍不過因為新年已經約好晒拜年飯局，所以今次只可以試下佢地新推出既外賣service先，真係無諗過pancake都可以外賣，好有創意！今次試新嘢 - Cool Premium！鬆軟的pancake夾住用奶油同自家製吉士醬混合制成的忌廉，口感好soft好軟滑，而且就算一直食都唔會覺得好甜👍🏻而家有埋外賣service，咁以後就多個選擇啦～

好朋友話銅鑼灣新開左Gram於是就搵埋我陪佢去食。其實當初Gram係尖沙嘴開分店的時候我都有諗過去食，不過真係次次去都坐滿曬人，我又唔想等，所以而家開埋銅鑼灣店，應該可以分散少少人流😃我個fd就點左pancake食，我見到呢個雜莓法式多士🍞好似幾好食於是就試下啦。 多士上面塗滿蜜糖然後再拎去烤，當然蜜糖配吐司呢個組合本身一定唔會差，但有少少估唔到的係外層非常香脆，唔知點解感覺好像食緊Danish，正！再加埋好食的vanilla味雪糕，夾埋一齊食又冷又熱口感就更加豐富啊～另外仲附上楓糖俾客人根據自己口味再加上去，不論係唔想食太甜的人，定係無甜不歡的人都一定會鍾意。旁邊仲有好多新鮮士多啤梨、藍莓、紅莓，mix埋都好好食架！

曾經在大阪去過一次，留下美好印象，所以見到他們在銅鑼灣開分店，非常期待，今天特別約朋友去吃下午茶。因為時間不對，所以錯過了蛋白厚pancake, 但旁邊兩枱也叫了這款厚pancake, 賣相並不吸引，比大阪吃過的差很遠。我們點了比較多人點的朱古力石板街，還有Tiramisu, 每份$118，賣相一般，味道一般，沒有朱古力味，也吃不到咖啡味，可能因為在日本店留下美好的印象，所以感覺反差很大。在香港吃過Flipper’s, 也吃過幸福Pancake, Gram香港店是我吃過最差的一間。如果你跟我一樣，是因為去過日本店所以來朝聖，那我覺得可以不去！

早2日趁新年前去左銅鑼灣最後衝刺辦年貨，同媽咪行下行下突然見到Gram係銅鑼灣開左新分店，反正行到攰攰地二話不說走入去食返個靚pancake🥞 新分店對於作為港島人的我以後就更加方便啦。因為之後仲要食正餐，所以我地就點左個焦糖蜜桃朱古力慕絲班戟share食。朱古力mousse好香好滑，不過好彩朱古力味的班戟唔會好甜，所以就算一路食到最後都唔會覺得好膩，加埋棉花糖一齊食，成個感覺好sweet好開心💛 伴碟有士多啤梨同烤過的蜜桃，可以單獨食用來中和味蕾又得，夾埋一齊食令到口感更加豐富又得。終於食甜品的人一定要試下呢款pancake，好值得推介呀！飲品方面我覺得蜜桃沙冰或者蘋果茶都好正！

日本過江龍Gram 繼尖沙嘴之後進駐埋銅鑼灣啦～🎉 餐廳風格依然維持一貫清新感覺，同時又帶點田園風，而且座位間隔好寬闊，感覺好舒服👍🏻pancake俾人的感覺一般都係甜品，但係而家Gram出左好多鹹食pancake，而且每款味道都好唔錯～不過鄰近新年最近餐餐都已經大魚大肉，所以今日想食得healthy少少，於是就選擇呢個番茄沙沙醬牛油果配亞麻籽班戟，番茄酸酸甜甜，配埋牛油果一齊食好夾，好fresh好清新，絕對係好健康的選擇。同時亦都食到班戟的蛋香味，然後再慢慢嘆返杯蘋果茶🍎，有時生活都可以來點小寫意～

尖沙咀店就未試過，因為當年太多人，又話無晒梳乎厘班戟，所以無去過啱啱銅鑼灣店第一日開張就去試下，重要頭50張單半價，梗係順便試多幾樣啦！寫咗梳乎厘班戟先，雖然佢係最後上枱質地的確係好鬆軟，好似梳乎厘咁，外型亦十分靚，外觀我畀滿分，呃Like一流！但味道真心差：完全無蛋、食到有麵粉味，好似未煮熟嗰種咁、啲Cream就正常Cream（所以Ok）、上面嗰Pat真係唔知佢係吉士醬定牛油，如果係牛油，咁就係無乜味嘅牛油到Plain French Toast，因為半價關係，我重加咗球雪糕當佢係塊普通丹麥包黎講就幾好味，始終都有焗過，個皮都脆脆地，但而家係法蘭西多士喎，咁就唔合格啦！係有牛油香，但中間真係乾㗎，又無畀糖漿你加埋黎食，雖然有Cream可以幫補下，但總體係似食包。點解會兩樣應該有蛋味嘅甜品都無蛋味⋯⋯另外重食咗Tiramisu個Pancake如果係有「金拱門」水準都叫合格，但佢個Pancake又係好乾，好似食緊一塊麥包咁，略為黏韌，而非鬆軟。味道方面，吉士醬太多，幾乎無酒味，咖啡味好似得底層嗰塊Pancake先比較足夠。無任何一層Pancake係有濕潤、浸滿咖啡/酒嘅感覺，都係比較乾身。

因為之前去japan, 無食到，所以一見進軍銅鑼灣😂😂😂，去都去唔切。因為3月份去日，行程編排左去，咁去銅鑼灣方便得多，唔洗嘥時間 一去到未夠6點，知道日本分3段時間，原來香港都係😵😵😵諗住5點半啫，最多等半個鐘到就有得食，原來😅😅😅，服務員到前問餐，說最快要6:45pm-7:00pm , 真係♥都離一離，我fd話反正唔餓，咪等下囉，所以就。。。。因為行完花市都很攰，都要充充電先😁😁😁起初以為要企到有cake食，先入得去坐，點知企左約15mins就可入去，(只要有枱而定）唉，咁都好啲，唔係就慘慘🐷坐低左，因為就快食晚飯，所以排隊時，只點了那個最出名，限量發售的cake. 其它不是限量就任點，更不需要排隊，大家緊記哦還有要注意以👇最重要的圖我們因不想太飽，所以只叫了兩杯飲品先。芒果沙冰同士多啤利沙冰，因為今天熱爆😄，飲沙❄，涼下都無問題啦兩杯沙冰都👍👍👍，起碼飲落是原汁原味，唔會太多色素配料味道，如果唔搞溶上層，會飲到果香，這是重點😋😋😋坐到差不多叉足電，係時候pancake嚟喇，其實我上網睇過好多介紹，知道如果唔好彩就糟糕😁😁😁，今日就遇上，棟都棟唔穩，一嚟唔夠兩分鐘，就下😰😰😰唉😳