Gram Cafe & Pancakes

营业中

休息中

呢間日本超人氣pancake其實已經黎左香港好耐，但一直都未有機會試，因為疫情，所以仍然未能夠返鄉下食，今日比較早食完晚飯，又想食甜品，就諗起呢到。意大利芝士蛋糕班㦸呢個賣相非常吸引，打卡一流，一層pancake夾住一層忌廉，夾埋一齊食又得，分開一層一層食都得，Tiramisu本身係我既至愛，將佢融入班㦸到，簡直係絕配，苦中帶少少甜。 焦糖香蕉班㦸香蕉加上焦糖燒過，變成脆卜卜既香蕉，非常香口，將蜜糖淋上班㦸，再加上香軟幼滑既忌廉真係食唔停口。

睇不少食評和朋友都試過蘋果味班戟說是不錯，所以慕名而去這一家甜品店，但叫完兩個pancake加一杯水果茶之後大失所望！！我哋分別叫了石板街味道，紫薯味道和一杯水果茶，原本諗住石板街朱古力味嘅甜品應該係冇死，但係食落去真係唔係好知食咗啲咩🤦🏾‍♀️因為個pancake係鹹嘅，味道來源只係側邊你見到碟邊嘅朱古力粉中間嘅cream不過不失，最好食係佢貼上面嘅幾粒棉花糖。紫薯味班戟的cream沒有紫薯味，只有中間一層紫薯蓉係紫薯related,肉眼可見cream裏面嘅色粉都未攪勻，重點係連呢個pancake都係鹹嘅。我懷疑佢鹽真係落多咗少少，我知佢有做鹹品，相信兩個pancake bass係兩份用，但甜品始終都係想食返甜少少，我寧願佢冇味。水果茶完全唔想評價，就係藥水。 仲要係唔甜嘅藥水😑佢一個pancake都要118 ，呢個質素真係食到唔係太開心🥲水果茶要45，我寧願去7仔買支茶

香港售賣嘅蛋糕都偏大，如果兩個人食就會太飽，難得呢間日本過江龍竟然有Mini pancake，就買咗個返屋企食下🤔******************************❣️石板街pancake-pancake表面鋪滿朱古力脆脆棉花糖同埋士多啤梨😌。第一層同第二層中間係綿滑嘅cream，而第二層同第三層中間就係充滿着芝士味嘅cream cheese😎 pancake 本身有濃濃既朱古力香味，比較紮實嘅口感，一啖食晒三層甜而不膩！******************************順帶一提，因為外賣嘅關係，店員都將蛋糕放喺個盒裏面，包裝得好整齊，由尖沙咀拎到返屋企大約一個鐘嘅車程都完全無損呢個蛋糕嘅外貌😆抵讚

今日朋友話佢唔開心，要食番啲甜嘢開心番，於是我地就嚟左尖沙咀呢間到食班戟。餐牌色彩鮮艷，一目了然，我地好快都諗到想食嘅野，我地一人叫左一款班戟。雜果朱古力班戟（＄108）：呢款班戟配上嘅生果有橙，士多啤梨，奇異果同藍莓，生果好清新，唔會酸，減低左食甜品嘅邪惡感。配上朱古力醬，甜甜地幾好味。焦糖香蕉班戟（＄98）：賣相好吸引，大大條香焦好吸睛，煮過嘅香蕉特別甜，而且加左脆脆嘅焦糖喺面，真係好滋味。班戟亦都會配上楓糖漿，唔會太甜，都幾香。班戟總共有三塊，份量都多，煎過都香口，呢款唔係空氣感嘅班戟，所以食完都會飽肚。忌廉好滑，亦都好香，又唔會膩，同班戟好夾。食完甜野朋友都話心情有好左，之後我地就係尖沙咀行咗一陣街就返屋企了。

今日行開尖沙咀見到Gram外賣既Mini Pancake 好吸引所以就買左兩款黎試下每一款都用一個小盒裝住好別緻雖然話係Mini 但拎落都幾重手第一款係Mixed Fruit面頭有滿滿既生果橙、奇異果、士多啤梨同藍莓而Mini Pancake 有三層食落偏紮實同埋充滿住牛油香Pancake 同Pancake 之間有滿滿既忌廉加埋生果一齊食味道好豐富第二款係石板街有棉花糖、朱古力同士多啤梨而Pancake係朱古力味食落比起第一款牛油味無咁重但多左微微既朱古力味份量睇落唔多但食完就好飽如果鐘意食口感紮實既Pancake一定買黎要試下

記得第一次食Gram 的班戟是在大阪🎎， 後來Gram cafe & pancakes 到香港開分店， 我就第一時間來捧場🤩。 現在間中都會相約朋友來這裏😋， 今次點了兩款做下午茶🥞 ～ 石板街班戟$118 、 雜果朱古力班戟$108。 🥞石板街班戟 ～ 濃郁朱古力味， 班戟綿綿的，囗感鬆軟😋， 有朱古力碎、 棉花糖、堅果粒和草莓， 配上香滑的忌廉， 香甜而不膩。🥞雜果朱古力班戟 ～ 賣相很吸引😍， 色彩繽紛的雜果🫐🍊🥝🍓， 加上濃香的朱古力醬和輕盈的忌廉， 班戟鬆軟帶點淡淡的鹹味，味道多元化。 本身我很喜歡食班戟， 每次到Gram都食得很滿足🤞🏻😋。

🥞早幾年去日本都食過Gram，香港就第一次食（未去到日本，香港食住先🤪）呢到最signature就係soufflé pancake🥞，但係限時限量推出，想食真係要夾啱時間啊～今可我就揀咗外賣回家，外賣一樣有pancake食～🍓Mixed Fruit Mini Pancake🥞$68有橙肉、士多啤梨、奇異果，因為外賣+西餅style所以pancake就無soufflé pancake咁空氣感，要實淨少少先承托到分層有cream, custard，味道夾又好食🍫Chocolate Rocky Road Mini Pancake🥞$68朱古力迷必食，朱古力味好重，蛋糕面除咗士多啤梨仲有棉花糖，一樣有cream, custard ，幾靚又幾好食🚩Gram cafe & pancakes (尖沙咀)📍尖沙咀彌敦道100號The ONE 4樓L408舖

呢間來自大阪嘅Pancake店外賣整得超靚！好容易拎之餘設計得十分穩陣，返到屋企食都仲係完整無缺☺️今次試咗提拉米蘇同雜果味，如果鍾意牛油嘅朋友一定要試吓佢哋嘅雜果，Pancake充滿牛油香味食落好紮實。提拉米蘇就比較軟熟有層次，但係又唔會太甜💕.Founded in Osaka, this Japanese pancake cafe offers takeaway pancake in a nice and decent way! The box was specially designed and it looks still the same as dine-in version. Tried their Mixed fruit and chocolate pancake, butter lover shouldn’t miss it. I prefer the multi-layered tiramisu flavour with cream and fluffier pancake.

餐廳位於尖沙咀，鄰近地鐵站，路程需要五分鐘左右，餐廳位於大型商場之內，環境十分不錯。這天的外賣自取我安排了吃pancake，絕對是餐廳最拿手的食物，雜果pancake，絕對是性價比之選，但我最欣賞的還是他的包裝，做得十分精細，一個盒子慢慢打開來有點像潘朵拉盒子的感覺，就是把最美味和最珍貴的食物，收藏在裏面。味道方面，層次不錯，入口香滑，有口感，最重要是不太甜，十分適合香港人口味。慢慢的吃，慢慢的細味，這樣更能感受食物的味道。

由日本大阪人氣嘅Pancake cafe 黎到香港嘅分店。當時去日本無時間排隊食，黎左香港咁耐都係第一次試焦糖香蕉班戟 $98Caramelize banana pancake焦糖香蕉是不敗甜品配搭，炙燒香脆糖衣配香甜香蕉，灑上walnuts 增添口感, 忌廉幼滑，淋上楓糖漿好夾。但pancake 口感好實在😂, 略咸雜果朱古力班戟 $108Mixed fruit chocolate pancake上面有雜果, 包括士多啤梨、藍莓、橙連皮及奇異果🍓🍊🥝配搭. 朱古力醬偏甜. 雖然我鐘意食水果，不過呢個配搭唔太match

今日剛巧外出到尖沙咀，飯後回家時，好像還差一點點，就來到Gram cafe & pancakes 買點甜品回家慢慢歎。見到門外店中咁大個Pancakes，真都非常期待！Mixed Fruit & Chocolate這款Mini班戟顏色燦爛，認真Colourful，淨睇賣相已經非常吸引，而且班戟雜果份量豐富，還真顛覆傳統班戟嘅概念。Chocolate Rocky Road一打開盒子，已聞到濃烈嘅朱古力香味，頂層有棉花糖，士多啤梨、朱古力醬，再有班戟夾住牛油吉士，一層接一層，更顯層次分明。

已經很久很久沒去過日本啦🥹，多麼懷念去旅行的時光，多麼想去日本瘋狂大吃特吃呀～為了一解思鄉之情，今天生日放假，吃飯前便來吃個下午茶吧! 相當年• 𝔾𝕣𝕒𝕞 ✨•在香港超級有名，如今雖然熱潮減退，但依然有好多客人光顧呀! 店家地方不大，人多的時侯要等位才能入座。餐廳主打班戟，有鹹有甜，種類繁多。 「ᴘʀᴇᴍɪᴜᴍ sᴍɪʟᴇ ᴘᴀɴᴄᴀᴋᴇ 🥞 $138 」 三層班戟，滿足你3個願意😚! 班戟味道各有不同，第一層是水果忌廉，第二層是朱古力忌廉，第三層是流心蛋😳，切開即爆蛋漿，相當有驚喜! 「 ᴄʜᴏᴄᴏʟᴀᴛᴇ ʀᴏᴄᴋʏ ʀᴏᴀᴅ🍫 $118 」 專為朱古力而設的石板街班戟，連班戟都是朱古力口味呢～不過班戟口感比較紥實，個人比較喜歡鬆一點的😋。

晚上未能堂食，唯有行過買甜品回去，跟男友食完飯後品嘗，作為假期頭炮未講味道前要讚下個包裝先。拎個刻已經覺得個包裝好扎實，一個Cake一個盒，唔怕兩個互撞變形。打開先見到隻叉仔，再打開就見個Pancake企定定係度， 再跟指定將綠色硬紙條連Cake一同抽出，有賴膠片保護，返到屋企個形先可以咁靚Mixed Fruit & Chocolate上面舖滿水果 (橙、奇異果、草莓同藍莓)，好colourful。三塊甜中帶咸的pancake夾著兩層綿滑的cream，唔會覺得好甜。Chocolate Rocky Road頂層草莓、櫻桃、綿花糖、脆脆，當然唔少得朱古力醬。同樣三塊pancake，第一層係夾cream，下層就係custard，口感豐富。對比水果那個，石板街會甜少少，不過未覺膩。

諗起尖沙咀出名嘅pancake，位於The One 來自日本嘅pancake店 Gram cafe & pancakes都幾出名 ，經過The One外賣左兩份返屋企。😋石板街班戟 $118今次揀左石板街pancake，雖然係外賣但一d都唔馬虎，餐廳已經訂造好專用的外賣盒，賣相仍然好靚。將pancake 一層層堆高。最高的一層有士多啤梨同棉花糖粒，食落有濃濃的朱古力味，香滑可口。雜果朱古力班戟 $108雜果朱古力pancake表面有大量新鮮水果🍊🫐🍓🥝等等。再加三塊原味班戟，仲有朱古力醬同埋香滑忌廉。搭配得剛剛好，啖啖水果，食落唔會覺得太漏。😋推介指數：🌟🌟🌟🌟（5星為滿分💯）大家下次經過都不妨試試😉#尖沙咀好去處 #尖沙咀美食 #theone #pancake #班戟 #香港人氣班戟 #下午茶 #hightea

大概見到openrice入邊有800幾個好評，就帶朋友黎食，本身開開心心慶祝生日，但食完真心覺得好差。上枱嘅時候，佢個樣都幾靚，我地都好期待。但係金玉其外，敗絮其中。紫薯那一個內裡有紫薯蓉，紫薯蓉係酸嘅，我們立刻跟餐廳反映，以防食壞其他客人，當職員到廚房，處理一輪後，只是跟我們說沒有壞，是紫薯加奶，然後正常的產生一點點酸。我見到他進入廚房前，都頗為緊張，令人根本無法相信這是平日的味道。另外紫薯加奶不應該有如此大的酸味，除非他落的是酸奶吧☠️ 但根本是壞了的味道，我和我的朋友都不敢吃😐😐另一個平平無奇，入口頗咸，也相對較漏。我認為餐廳應該更着緊食材的味道，壞了就不應該給客人吃吧，連他們都試到有酸味…不少小小酸，而是明顯的酸味，這一種不跟進的態度也實在不太能接受吧🥲🥲開開心心慶生，得到的只是不太好的回憶。不排除其他是好食的，但我們的真的很難吃🥲🥲