Gram Cafe & Pancakes

营业中

休息中

喺The One行街見到有想食好耐嘅Gram，二話不說打包兩份甜品返屋企慢慢嘆。雖然舖頭以pancake做主打，但選擇同變化都非常多樣，仲有新鮮水果製作嘅雪花冰，非常吸引，價錢方面亦合理。落單之後等咗大概15分鐘就拎得，即叫即整嚟講非常有效率。香蕉pancake賣相吸引，香蕉加咗焦糖令口感更加豐富，薄薄嘅pancake即叫即整，蛋味重而且口感鬆軟，配上健康嘅核桃，減少罪惡感。外賣紙盒嘅設計非常細心，輕輕打開之後就見到溫馨嘅提示，可以輕鬆直接拎起成個pancake。士多啤梨pancake仲附有兩盒仔士多啤梨漿，倒哂入去先一次過拉起外層嘅包裝膜，即時有熔岩嘅效果，pancake口感蓬鬆，蛋香同麵粉嘅香氣非常平衡，配上甜度適中嘅士多啤梨漿，係完美嘅配搭。

我最近🥰點了他們的紫薯pancake，感覺非常不錯。這個紫薯pancake的外觀非常漂亮，鬆軟的鬆餅中間鋪滿了紫薯泥，🤓看起來非常誘人。切開鬆餅，可以看到裡面的鬆軟和蓬鬆，非常令人期待。吃起來的口感也非常好，鬆餅的口感軟嫩，但不會太濕潤，😙紫薯泥味道非常濃郁，但不會太甜膩，整體味道非常協調。總體來說，這個紫薯pancake同tiramisu都值得一試，如果你喜歡紫薯和鬆餅，🤓這絕對是一道不容錯過的美食。

好耐都冇食pancakes🥞之前係日本食過呢間 覺得唔錯😆今次去咗尖沙咀就搵呢間餐廳食😙✨雜果朱古力班戟(💰$108)Pancakes係傳統個啲較實淨🥞面頭佈滿咗糖霜 煉奶 朱古力醬同埋唔同水果🫐🍊🍓🥝幾色彩繽紛而側邊仲有啲香滑忌廉 可以一齊食✨紫薯火山流漿班戟(💰$118)食前拉開膠片 紫薯流漿效果幾澎湃Pancakes食落幾輕盈 有空氣感中間夾住啲紫薯蓉 食落幾軟綿😆另外仲有啲棉花糖 朱古力醬同果仁

每次幫人慶祝生日都想試吓唔同嘅嘢，呢日就去左買Gram嘅pancake代替生日蛋糕，同朋友慶祝生日🥳🎂～紫薯火山流漿班戟💜外賣都做到流漿效果！👍🏻食嘅時候先倒紫薯流漿去pancake面，拉開膠片，流漿效果即刻出嚟！🤭梳芙厘pancake入口即化，中間夾住微甜嘅紫薯薯溶🍠，配埋濃厚奶味🥛、香滑嘅紫薯流漿，眨吓眼就食晒😋意大利芝士蛋糕班戟☕️賣相精緻，係偏厚實嘅班戟，唔係souffle texture，中間嘅吉士醬都幾滑，咖啡味就再濃啲會更好～

店名：Gram cafe & pancakes地點：尖沙咀彌敦道100號The ONE菜式：日式班戟餐牌：鹹班戟同甜班戟，班戟有梳乎里款式又有熱香餅款式。其他野如三文治，法式多士，雪糕，雪花冰，沙冰，梳打，咖啡，茶，果汁。另外都有午市套餐。雜果朱古力班戟 $108 另加一雜果朱古力班戟係用比較似熱香餅既班戟，唔係空氣感強嗰種，而係比較實在嗰種，味道方面係少少鹹。首先呢款雜果朱古力班戟賣相唔錯，顏色配搭方面明顯係花左心思，雜果五顏六色，有橙，奇異果，士多啤梨同藍莓。雖然叫雜果朱古力班戟，不過三塊班戟係原味，伴有朱古力醬，香滑忌廉一大pat同少少煉奶，仲有撒上糖霜。總括而言，成碟雜果朱古力班戟好輕盈，生果開胃又清新，感覺健康。石板街班戟 $118 另加一石板街班戟賣相好似成個蛋糕，由三塊啡色嘅班戟包住一層白色忌廉同一層吉士忌廉，面頭灑上朱古力粉同白色糖霜，有少少冬日落雪既感覺。啡色嘅班戟味道鹹鹹哋，其實冇朱古力味，面頭就擠上朱古力醬，上面加左一粒士多啤梨點綴，伴有4粒藍莓，棉花糖，同少少黏牙嘅鳥結糖。聞到朱古力味好香，不過一人一半食完都唔會太膩。今晚食既兩款班戟都各有特色。

日式咖哩之《Gram cafe & pancakes》今日Lunch做完野，唔打唔撞就入左呢間《Gram cafe & pancakes》，點知個lunch set日式咖哩有d驚喜，環境好開揚，唔算十分大，餐廳有個半開放式水吧，staff不停忙碌咁沖野飲，餐廳以pancakes同疏乎里出名，我見Lunch都好多人叫甜品，我同同事就叫左lunch set既豚肉咖哩蛋飯，雖然lunch份量細細，但其實都好夠飽，女士們一定夠，男士可能差少少XD，個咖哩唔算辣，甜甜地好岩送飯，豚肉片都好多、最搞笑係以為一粒粒個d係薯仔、但原來係雪梨黎，真係食入口先知！Gram cafe & pancakes尖沙咀彌敦道100號The ONE 4樓L408號舖#foodie #hkfoodie #hkfoodblogger #美食當前 #食咗先講 #尖沙咀 #theone # pancakes #疏乎里

又貴又難吃 舒芙蕾等的又久 服務員態度也差 拿個菜單一臉不爽還搞掉我們的點菜卡，等了半小時上個舒芙蕾吧還弄倒了（如圖），請問那我該怎麼拍照？而且還強制服務費要收10%，我問一定要給的嘛？因為我沒感受到任何的服務甚至體驗很差，還好意思跟我說香港就是這樣的啦？就你們香港厲害？我的重點是你們的服務差，不是沒見過服務費我謝謝你還要強制每個人都要點個東西 簡直是毀心情 避雷垃圾店再也不來难吃服务差没见过这种人

今日同屋企人經過想食Pancake，就簡左依間日本過江龍人氣Pancake餐廳😍已經好耐無去日本，唯有係香港懷念下味道🤣餐廳環境舒服，好適合同朋友下午茶或晚飯一邊食甜品一邊傾計。✨日本和牛漢堡班戟估唔到Pancake都有鹹點😋和牛漢堡好juicy，加埋肉醬芝士配埋Pancake甜甜鹹鹹幾特別👍🏻而且加埋沙律解下油膩感，而且當dinner都幾飽肚🤣👍🏻✨鮮果乳酪梳乎厘班戟芭菲 首先依個既賣相已經好特別😍入面係奶油水果再加埋細細粒既梳乎厘班戟，而最底係乳酪。一口size賣相好得意之餘，亦都解決左有時太飽食唔到成份大size pancake 既問題🤣pancake依然好有蛋香有足夠空氣感，夾埋新鮮水果好正😍最底既乳酪亦減低左成個芭菲既邪惡感🤣唔會全部都係奶油咁滯👍🏻係香港都可以食到日本既味道，好幸福啊😋❤️

Gram Pancake喺日本就食過，香港店就第一次試，閒日下晝想坐低歎個甜品，估唔到比我想像中多人。用餐時間限75分鐘招牌Premium Pancake $138每日限量產品，梗係相機食先，影完一輪，趁佢未塌就要快啲食喇。夠哂鬆軟，加埋忌廉丶楓糖漿會好味啲士多啤梨火山流漿班戟 $118最近見到好多post都係介紹呢款，自己動手拉起膠片，就有流漿效果，兩件班戟中間有層同班戟一樣厚嘅吉士醬，士多啤梨漿幾香。

第二次品嘗日本人氣pancake店GRAM的分店🥰今次試試招牌三層高的Premium Pancake﹙HK$138﹚蛋味香又夠口感鬆軟暖食口感👍👍！加士多啤梨及薄荷梳打，晚餐後比自己好好放鬆心情啊👀侍應好細心，提醒我地留意pancake 會跣落碟子，所以她一直扶着碟子，等我哋安心影相！服務殷勤細心🥰

成日都想同好姊妹去食pancake 甜品之類呢間日本人氣pancake 店我bookmark 左好耐了今日去開尖沙咀行街 一定要去食個🥞先🥞 士多啤梨流漿班戟 （$118）一上枱 粉紅白色既擺碟 充滿少女感覺 好吸睛呀😍呢款班㦸超治癒 有得食又有得玩一拉起個膠片圈 就好似火山溶岩咁流落去自己做到火山爆發既效果 超過癮🤪 打卡一流👍🏻3層嘅pancake浸滿士多啤梨味既cream Pancake口感幾鬆軟 甜度剛好又有奶香味 食完感覺好飽🍝蟹肉忌廉意粉 （$78）明太子蟹肉忌廉意粉非常creamy 奶油味濃撈勻d明太子落意粉度再加上蟹肉鮮香又好味 味道好豐富😋

🌟招牌梳乎厘班戟 $138平時食嘅梳乎厘都好有空氣感 入口即溶呢間日本過江龍主打實感加左較多麵粉整聞落香蛋味🍳但食落比較似食麵包 冇咩味🥯主要係靠伴碟嘅楓糖漿同cream添加味道.🌟Matcha Latte $40奶較甜奶泡冇厚度似係普通加左抹茶粉嘅奶😢.🌟水果茶 $42.📍 Gram cafe & pancakes (尖沙咀)尖沙咀彌敦道100號The ONE 4樓L408舖

中伏pancake🤢呢間日本過江龍黎佐香港好耐，依家先去食😂首先中午去到無咩人已心知不妙🙈叫佐兩個pancake ，招牌梳乎厘同tiramisu 先講tiramisu ，真係好難食，完全食唔出係tiramisu ，無咩咖啡味又無酒味，啲忌廉又好實好漏😅另一個招牌好少少，梳乎厘係幾輕盈，但就無咩味，要靠個糖漿，唔知日本食會唔會好啲😢

朋友想食日式梳乎厘揀左呢間人氣店點左原味同tiramisu梳乎厘原味就係蛋味Tiramisu味勁膩中午黎即入完全唔使等位但唔會想再黎好普通的pancake除非又有朋友想打卡

屋企人知我今日會去尖沙咀就叫我食完飯買pancake番屋企比佢食，佢話好耐無食啦好掛住。呢到班戟都有好多款式，選擇困難嘅我真係好難揀食咩味。紫薯火山流漿班戟班戟有一定厚度，口感真係幾鬆軟，外皮知道少少金黃色，雞蛋味道濃郁，中間夾住紫薯蓉，紫薯蓉口感幼滑，帶有少少天然甜味。石板街班戟朱古力愛好者必定要食呢一個班戟，朱古力味道濃，中間夾住cream同吉士醬，吉士醬香滑可口，班戟口感鬆軟，加上有士多啤梨同藍莓味道酸甜冇咁油膩。