GOTTHARD BASE Restaurant & Lounge

营业中

休息中

西班牙黑毛豬扒配野菌汁$248好味! 幾香豬味，幾嫩，軟硬適中，豬扒本身已處理得幾香口，咬落去亦都juicy，而且配菜也好味，份量亦都唔少但可惜豬扒得幾舊，唔係好夠喉亦變得價錢偏貴威靈頓牛柳$328內層牛柳幾淋，而蘑菇醬好少，亦冇咩鵝肝味，表面嘅酥皮淋，自己想像下我覺得都幾唔合格，是否起碼個酥皮都要脆呢？服務： 係Open rice已預定，等候0分鐘，招呼周到，上菜快，收碟快，成間店舖黑色為主，簡單，乾淨

五一黃金周有假期，可以去滿足為食的訴求。西餐吃牛的餐廳很多，但大多以steak為主，少有做Beef Wellington。因為工序繁複，火候又要準繩，否則不是過老就是血水長流。之前吃過洲際扒房的做得很好，但Gordon Ramsay名下餐廳的就名過其實，菇菌過量弄至一股猴頭菇湯的藥材味。如今洲際關門，想再嚐有水準的Beef Wellington，只好四出找尋。之前見蘋果日報介紹過這裡有賣「威靈頓牛柳」，廚師更是在洲際出身，就訂咗位過來試試。是午餐時分我們點了一客午餐，另外加了一客威靈頓牛柳。先來南瓜餐湯，做得有誠意。湯不是開粉的，沒有顆粒感。還配上蒜蓉麵包，味香而且不硬。午餐點了慢煮豬腩肉意大利飯，五花腩炆得很淋滑。意大利飯不會過硬也不太油膩，適合香港人口味。威靈頓牛柳是a la carte，需要預訂。這是傳統的英國菜式，酥皮、火腿、蘑菇泥、filet mignon。此店都處理得很好，沒有浪費嫩滑的免翁牛柳。我認為店家的水準可以媲美以前的洲際扒房，而且價錢只是$328，真是超值。此店食物做得出色，以後一定要再來試試這裡的晚餐。再提提大家若想試「威靈頓牛柳」一定要記得預訂。

♥ 鮮蝦番茄汁扁意粉♥鮮蝦番茄汁扁意粉麵質彈牙，份量適中，而且蝦很新鮮，配上番茄醬剛剛好🍅 ✧ 🎀 香煎盲草魚柳配白酒香草汁 🎀 ✧份量慷慨，魚柳十分鮮活，而且外脆內軟，好好吃💓而且非常推薦這一家的鮮奶咖啡，又滑又香💛——————𝐿𝒾𝓃𝑔𝓊𝒾𝓃𝒾 𝒯𝑜𝓈𝓈𝑒𝒹 𝓌𝒾𝓉𝒽 𝒮𝒽𝓇𝒾𝓂𝓅𝓈 𝒶𝓃𝒹 𝒯𝑜𝓂𝒶𝓉𝑜 𝒞𝑜𝓊𝓁𝒾𝓈the resto cooks it al dente, extremely fresh shrimps🦐 goes very well with the tomato loulis💕𝒫𝒶𝓃-𝓈𝑒𝒶𝓇𝑒𝒹 𝐵𝒶𝓇𝓇𝒶𝓂𝓊𝓃𝒹𝒾 𝐹𝒾𝓁𝓁𝑒𝓉 𝓌𝒾𝓉𝒽 𝒲𝒽𝒾𝓉𝑒 𝒲𝒾𝓃𝑒 𝒟𝒾𝓁𝓁 𝒮𝒶𝓊𝒸𝑒 generous portion, fresh and delicious fillet, esp when its crispy outside and moist inside, love itttt💞 also highly recommend the latte here, please try when you visit🥰

第一次喺北角揾地方食西餐，睇下openrice既介紹, 咁就揀0左呢間要行條斜路上去既西餐廳. 睇睇個menu, 今日set lunch 有豬, 牛, 魚. 喜歡海鮮既我, 今日試咗佢地煎魚柳午餐. 餐湯 + 蒜蓉飽,  當然高過一般快餐水準, 以佢既價錢, 合格. 到主菜魚柳, 第一個驚喜係個皮煎到脆, 下一個驚喜係魚肉係滑到似蒸魚既口感. 主材料固然好食，更驚喜係配菜都一絲不苟，可以食出唔同食材配上唔同調味既味道. 的確係好用心去煮每一樣食材. 食完主菜, 食埋個咖啡味濃郁既奶酪, 感覺完美, 係一餐非常滿足既午餐. 

回想，距離上次歐遊已經是大概一年前的事。武漢肺炎席捲全球後，大家大多數時間都留在家裏，吃的都是外賣或即食麵，連正餐都少有，更遑論是去歐洲再吃盡東西南北；最近難得外出，實在需要一餐比較得體正規的晚餐。這晚在北角逛了個圈，看到了這間在轉角內街的小餐廳，簡潔的環境裝修，樸實之餘又不失格調。見餐廳主打瑞士及意大利主題，想起了過去的歐洲之旅。最近出台的各種限制對食肆要求多多，餐廳行政成本上升、Social distancing 下生意又不景，外出食飯偶會看見侍應不耐煩的表現。其實外出吃飯講求的不僅是食物質素，用餐體驗亦是重要一環，不然每餐也快餐外賣充饑罷了。這家餐廳雖然樸實，但所謂見微知著，從員工的服務態度往往便知道餐廳實力的高低水平。由進門開始，從侍應到經理都充滿友善親切的笑容和貼心的服務，可謂賓至如歸。其實員工是否真誠，對話間很難騙得過顧客。當然不代表有禮待人就煮得好吃，但若果店家無微不至、用心經營，顧客用饍時自然更加享受整個用餐體驗。探熱、酒精搓手液固然是不會缺少，店員亦熟悉餐牌內容，當問到有何推介時，亦有主動介紹 a la carte 中推介的青口和瑞士芝士。可惜這晚食慾不算大，只叫了晚

有朋友介紹呢間餐廳有威靈頓牛食，於是喺openrice訂位，主餐牌有8折 (威靈頓牛同set dinner除外)一入門口，職員即時量體溫，檢查有冇手帶，之後再俾支搓手液你用喺OpenRice網上訂枱之後，我特登打電話去預訂威靈頓牛一份，果然冇令我地失望！牛肉可以話有四種食法，首先原味 (酥皮)、第二有牛肉汁、第三有燒汁、最後就有Mustard。牛肉比我想像中嫩滑，酥皮香脆，值得再試服務整晚都好好，感覺不錯。 見到其他食客叫咗西冷牛扒，好吸引，下次會去試

最近肺炎肆虐，好多食店都無奈要關。政府限制人群聚集措施升級，由「禁酒令」演變成停止酒吧營業14日，適逢今日又係小女生日。趁呢段時間就簡簡單單食個lunch，慶祝一下。平時好少會入北角食飯，想不到竟然有間隠世高質服務好嘅餐廳👍👍👍表示好滿意。衛生方面其實都做得很足，入到餐廳首先要探熱，確保客人無發燒；座位之間都會有塊白色版間隔，不單提高安全更加多了私隱度。午餐set 有多款選擇，有沙律或湯揀，仲有飲品。揀咗紅酒汁燉雞肉配法包，買相好吸引，鷄肉頗入味, 而且啲汁真係食得出有紅酒味、唔會太咸又唔會太杰，配菜都好多，食完之後好飽肚。另外，再試紐西蘭牛扒配紅酒汁，上枱牛扒好靚又大份，鮮紅嘅肉汁，肉脂分配平均，店員好細心會預先放黑胡椒同鹽等客人可以自行加上，如果食塊扒$200都唔使有呢個質素我覺得有所值，食一個開心嘅午餐，可以令你一日都滿足而且又精力充沛咁去工作，咩都抵啦～🥰🥰食飽再來一杯Latte, 可以慢慢回味，而且我真係估唔到拉花拉得幾好。❤️是日甜品： 不多說，嗰2條Churros 簡直係精粹，外脆內軟，肉桂味好香呀！而蛋糕酸甜層次都特別，濕濕地又唔會太creamy...整個食飯過程都頗舒服

-知道我電話沒有電，老闆還借叉電器給我🙏《帶子蟹肉香草醬闊條麵》一上桌便香氣撲鼻～～大大粒帶子，新鮮又多汁🤤煎得金黃飽滿，非常吸引～香草醬軟滑，份量我就剛好🤓不過整體味道和份量都不錯～少少蟹殼，小心點就可以了🌟♥《香蒜辣椒炒蜆意大利粉》挺惹味，微辣剛好😋炒蜆比想像中多，滿意～而意大利粉的質感也適中🥰不過比較起來，我還是喜歡帶子麵xd♥《精選甜品Set》太貪心了，我吃不完🙈擺盤好美，吃起來okay～

堡壘街很少經過，因為要上一條小斜路，但如果在巿區要大街大巷食野，都好難坐得舒服，畢竟租金太高.....所以能吸引我的，大多都比較隱世😳我寧願付出多一點，坐得舒服一點，狼吞虎嚥急住走，食龍肉都無味，做野都咁忙了....（當然，黃店我都係會試下）午巿，可能因為附近有學校，有一些是學生家長，反而OL少一點。一點半來到，不用等位，坐得舒服，坐係我左邊正好是律師&醫生媽媽。她們都對食物讚不絕口。廚房非常貼心，為她們兒子送甜品，好識留客。我一坐下，待應笑著過來，非常禮貌，自運動以來，總覺得黃店的服務態度大多比較好。 餐湯麵包是高水準之作，會想添食。 香口，但因為餐湯已用完，成份深炸物咁上菜就比較乾....可能少少overcook, 但以呢個價錢，我覺得已算值回票價有餘，有人share就更好。

媽媽住在堡壘街的山上。 我成日坐肀經過都會見到這歐陸小餐廳！ 今天去投票順道帶媽媽去食午餐。 媽媽叫了慢煎曹魚，我叫了炸魚薯條。 材料新鮮， 賣相吸引。 份量夠，而且味道好。 誠意推介大家去試一試， 支持本土小生意！😘🌟

第三次去光顧。第一次有一個週末，盲摸摸去了吃一個brunch,，點了一個all day breakfast，食完好大滿足。第二次係同我朋友晚上慶祝生日。今次又帶左兩個朋友去試試呢間北角少有有質素有情調嘅餐廳。☺️我哋用咗openrice訂枱優惠，正價有八折，所以冇叫set dinner。我哋今次叫咗個crab cake做appetitizer，主菜叫了牛扒，sea bass，同scallop with mash potato，另外叫咗個甜品拼盤有三款不同口味。我哋帶咗枝紅酒去，開瓶費$150。啲staff服務ok，幾好傾，最好係佢地唔趕我地走，係朋友們catch up一個不錯的選擇，總括而言都很滿意。

一個人的晚餐都要食得豐富架😾行開附近取野， 見網上食評唔錯😻於是便去試吓😼叫左個南瓜大蝦意大利飯🎃大蝦好味又彈牙👍不過意大利飯會有點漏🥴佢又好味😋 故都食晒佢😬

性價比不高的西餐—Gotthard Base Restaurant & Lounge 一向喜歡試新餐廳既我，上星期六同屋企人黎左食呢間西餐！我地叫左午市套餐香煎紐西蘭西冷扒 配紅酒汁 ($148) 及黑松露菌意大利飯配鮮蝦($128) 今日的餐湯是雜菌忌廉湯！唔熱既湯，我真係可以俾好低分，餐湯仲要加$10，菌味是有的！旁邊還放了兩隻手指大細既蒜蓉包，不但止蒜味唔夠，還是淋的！不合格😅😅😅兩份主菜份量都唔算多！牛扒生熟度剛好，係五至六成！但可改善的是汁可以另上，因為汁淋上去後，蓋過牛既味道，上面還加了mustard! 雖知道有人是不喜歡mustard的！不喜歡mustard的人，記得叫佢走醬哦！飯唔合格，要改善，Rissotto食落應該係有嚼勁，米煮到仍保留米芯，但不是不熟哦！但今日呢個飯都得太軟身，完全唔似食緊risotto, 仲要無咩味，要自己落塩，但蝦食落係新鮮彈牙的！餐飲叫了凍檸茶，正常發揮！值得一讚的是，糖漿另上！👍🏾總結係價錢略貴，呢個價錢有更好既選擇！味道合格，環境okay! 整體來說ok，可以一試！但我會不會回頭？就未必了！

近幾年開始堡壘街有多間唔同類型既餐廳進駐有除左做左好多年既麥記小食，仲有茶餐廳、素食、中菜、火鍋、咖啡店同埋呢間 Gotthard Base，真係好似一條小小既食街咁見間餐廳寫住瑞士同意大利菜，咁到底同平時食到既西餐有乜嘢分別呢？睇下個menu，有啲食物好似all day breakfast 咁，好多西餐廳都有，但亦都有啲嘢好少喺其他餐廳見到，例如煙燻牛肉包我食左香煎盲曹魚柳—魚既份量比一般餐廳食到既大，煎過既魚皮好香口，配菜都好好味傳統烤瑞士軟芝士—一開頭只睇價錢覺得食呢啲嘢好似好唔抵，睇返menu佢係同炸鱈魚同意大利飯同價，但一場黎到都要試下啲新奇嘢。個人覺得上菜既時候有驚喜—首先賣相吸引，份量亦足，濃味烤芝士配薯仔由其他味淡既配菜平衡返呢間餐廳食物有水準，服務亦相當有禮唔怪得之有咁多人幫襯

餐館半新不舊，星期日供應午市套餐，無仿一試。先來例湯（加十元），今天是意式雜菜湯，蕃茄底，材料有薯粒、西芹條、椰菜等，味道清新，微酸有咬口。主菜是熱溶芝士薯仔粒，配2種火腿片及醋醃蕎頭小粟米沙律;蔬菜新鮮，附送的麵包片加了些少橄欖油，有意式感覺，但太乾太硬，可以放棄；火腿片味道適中，有回甘；熱溶芝士夠奶味，軟糯滋味，與薯仔好匹配，可惜是熱度不足，略爲溫吐。最後附上咖啡，質量高，不必加糖和奶，保留原有苦瀝甘香特質。