影片
更多
2023-01-23
348 浏览
平時就食得多韓式炸雞，依間連鎖餐廳就唔係食炸雞，而係食韓式烤雞，而烤雞相對來說，會比炸雞更加Juicy，雖然冇炸雞嗰一層炸皮，冇咁脆口，但也非常好食。社內相親套餐 GBP Set A 社內相親烤雞（甜辣）＋ 蜜糖BBQ芝加哥薄餅 $388平時係社內相親成日都見到依家烤雞，所以見佢新加左依個社內相親套餐，咁平時一般係食佢個芝火鍋，所以今次就去試吓依個社內相親套餐，份量都好多，3-4人份量烤雞（甜辣）今次揀咗有骨，雖然唔會好似冇骨咁啖啖肉，但係用手拿住食，又別有一番風味，不過看似好多份量，因為有好多都係骨，所以其實唔係太多肉食，所以都唔會食到好飽，但係甜辣醬永遠都係冇得輸，不過依家嘅甜辣醬我淨係食到甜味，反而辣味就唔係太食到，唔知係唔係因為我食得辣，所以覺得一隻辣椒嘅辣度唔太夠喉。不過食得多都係會覺得膩，所以佢有跟配醃蘿蔔比你，我就覺得酸度剛剛好，但係同行人士就覺得有少少酸，咁呢個就個人口味，我就唔多評論。不過真心烤雞係好食嘅，唔會係不斷重複翻熱嘅嗰種死柴柴，食得出佢係新鮮整俾你食嘅，肉汁唔係話好多，但都好夠；味道方面，我覺得好符合大眾口味，而且佢仲有好多口味選擇，就算鍾意食辣或者唔鍾意食
社內相親套餐 GBP Set A 社內相親烤雞
（甜辣）＋ 蜜糖BBQ芝加哥薄餅 $388
平時係社內相親成日都見到依家烤雞，所以見佢新加左依個社內相親套餐，咁平時一般係食佢個芝火鍋，所以今次就去試吓依個社內相親套餐，份量都好多，3-4人份量
烤雞（甜辣）
今次揀咗有骨，雖然唔會好似冇骨咁啖啖肉，但係用手拿住食，又別有一番風味，不過看似好多份量，因為有好多都係骨，所以其實唔係太多肉食，所以都唔會食到好飽，但係甜辣醬永遠都係冇得輸，不過依家嘅甜辣醬我淨係食到甜味，反而辣味就唔係太食到，唔知係唔係因為我食得辣，所以覺得一隻辣椒嘅辣度唔太夠喉。不過食得多都係會覺得膩，所以佢有跟配醃蘿蔔比你，我就覺得酸度剛剛好，但係同行人士就覺得有少少酸，咁呢個就個人口味，我就唔多評論。
不過真心烤雞係好食嘅，唔會係不斷重複翻熱嘅嗰種死柴柴，食得出佢係新鮮整俾你食嘅，肉汁唔係話好多，但都好夠；味道方面，我覺得好符合大眾口味，而且佢仲有好多口味選擇，就算鍾意食辣或者唔鍾意食辣都好，都一定會有一種味道適合你。
蜜糖BBQ芝加哥薄餅
講真，每次嚟食都冇試過佢嘅薄餅，都係叫烤雞或者小食為主，同埋佢單叫既價錢其實唔平，所以今次終於有機會試吓。
最初以為佢嘅蜜糖味係那種類近BBQ燒雞翼味，但食落去又唔係嗰一回事，有少少似食甜嘅芝士薯蓉咁，但第一啖食落口，真係令人眼前一亮，餅底好薄，所以你一啖咬落去會先食到一陣陣嘅甜味，再之後你會食到吸收咗芝士和油份嘅薯蓉，最後你食完之後口腔還是會帶少少甜味，食得多鐘意厭，所以佢配有一包醬汁給你，配少少一齊食，醬汁嘅酸味會中和左芝士同薯蓉嘅膩。可以讓你食得更多，同埋會增加層次。
不過依個薄餅建議趁熱食（雖然其他薄餅都係趁熱食最好）因為一凍左之後，口感會變得有點實，冇咗一開始嗰種軟綿綿嘅感覺，同埋芝士一凍咗真係冇咁好食，同埋唔知係咪因為人手切嘅關係，所以每一塊嘅分別都幾大，有啲就好大塊，有啲就好細塊。
叫咗咁多重口感嘅嘢食，咁就一定要叫杯嘢飲飲下，因為想清新一點，所以就選擇芒果沙冰同檸檬特飲
芒果沙冰 $58
依一杯嘢飲教識咗我，咩叫網上嘅圖片不能盡信，因為我見網圖沙冰係搭到超高，所以先諗住試一試，結果就俾佢欺騙左，不過其實份量都唔少，只不過係冇網圖上咁多，同埋味道都算唔錯，可以一試
檸檬特飲 $50
味道很清新，食完薄餅再飲佢真係一絕，雖然唔可以話好特別，同埋又唔可以拎嚟打卡，但係我覺得可以叫一杯
以上均是我個人觀感，每個人嘅口味各有不同，所以末必同每個人嘅用餐感覺一樣，如有不同，敬請見諒。
张贴
