Goobne Chicken (荃新天地)

营业中

休息中

蜜糖香滑烤雞，如果冇記錯佢名。佢係有得揀無骨/有骨，非常貼心！我個人比較鍾意食有骨嘅雞，感覺上比較新鮮，呢個雞既賣相好吸引，未食都覺得正啦，再加埋佢啲醬汁，好入味，肉質都可以，唔會死實實啲肉，整體都可以😌韓式雞蛋卷配有三個醬汁，茄汁、芥辣、仲有一個好似千島醬嘅汁。雞蛋卷份量都好足，入面有紅蘿蔔🥕、青瓜🥒、蟹柳、午餐肉、黃蘿蔔，外面係雞蛋包住，感覺上唔點醬會冇咩味，呢個要改進。整體表現不失不過，可以再進步

最近恢復堂食，周圍都好多人，咁岩依間等左陣就有位，嗌左最近好hit既社內相親套餐。最近都煲晒佢套劇，支持一下。先黎個pizza, 新鮮滾熱辣，啲芝士拉晒絲，有薯蓉，菠蘿，好match!跟住食埋佢個烤雞，我哋揀咗有骨嘅果味醬油蒜香炸雞，感覺好似惹味d！都係熱辣辣，d醬好高質，酸酸甜甜，香口！佢d酸蘿蔔都正！胃口大開！食身水準不錯，但環境唔夠好，間唔中有d烏蠅飛過，有d打擾。服務都ok, d staff都keep住有fill水價錢都略貴，中上喇

外賣都好好食👍🏻 拎到返屋企都仲熱辣辣，等耐d都值呀！我只食過有骨，唔知無骨好唔好食呢🤔上次食蜜糖蒜片同埋原味都好好食，今次試果香蒜味，原來果香蒜味蒜茸係粒粒，唔係一片片，都好好食，唔算好甜👍🏻👍🏻不過食多幾舊都會感覺有少少漏🙈薯條好一般，好似焗出黎咁，我都係鍾意食炸既過多d😂📣順帶一提，外賣早d落單好，一般都要等30mins，💰我老公話今次貴左，我先醒覺原來上次我係鋪買，外賣自取有8折😂😂 今次open rice 落單比鋪標價貴仲要無左8折💸💸😓😓😓

麻麻哋同KFC都係差唔多整得有啲求其即係$238有啲唔抵，見啲人話好好食去試吓結果食到我好失望點解可以煮到咁差我見韓片嗰個都食得好滋味唔係好明點解韓片煮出嚟同現實爭咁遠都唔知點解會咁。其實真心講句可以唔使再食因為我覺得佢啲水準真係有啲差我食過咁多間炸雞都冇咁服務態度差最緊要係我等咗50幾分鐘仲要係冇人嘅嗰陣時我真係唔明點解可以煮咁耐我以後都唔會食真心講句———好差！真係垃圾到暈，其實KFC都拍得住佢嘅水準。

冇得去旅行期間，所有外國出名嘅嘢食都好想食，韓國既食品，首當其衝就梗係想食炸雞啦，同老公講叫佢出去買炸雞，點知佢就買咗烤雞返嚟🤣🤣🤣佢以為叫咩都一樣！不過都好好食，仲揀左兩種口味！半半烤雞，叫左honey mellow chicken n Korea bbq chicken ，另多加個韓式煎餅，同埋叫附近買多碗芋圓就當晚餐！Kimchi 煎餅，外層香脆，咬落煙韌honey mellow chicken n Korea bbq chicken兩種味道都好好味😋

宜家疫情咁嚴重，我哋都減少左出去堂食… 今次就買左𝐆𝐨𝐨𝐛𝐧𝐞 𝐂𝐡𝐢𝐜𝐤𝐞𝐧既外賣👅 第一次試𝐆𝐨𝐨𝐛𝐧𝐞，結果俾佢既烤雞收買左🥴 又幾好食喎👍🏻三重芝士烤雞鋪滿車打、忌廉、藍紋芝士粉，超！級！正！大推❣️ 啖啖肉! 如果覺得膩，仲可以食附送既酸蘿蔔，夠哂開胃解膩✨海鮮炸醬麵真心份量多。有年糕、魚糕、海鮮、煎蛋，幾好食😋Goobne 鮮蝦芝加哥薄餅獨特既深盤餅底，勁多芝士。但鮮蝦就無乜🥴 食2塊已經好飽👍🏻 整體食落味道唔錯，可能堂食熱辣辣食會更好味，下次要堂食encore多次😎 心目中至愛三重芝士炸雞❤️❤️❤️

🐤Ordered the fruity, soy grilled chicken and the egg rolls. The chicken was really good. Tender, juicy and well seasoned. Easily chunk the whole thing down myself. 🥚The skin was crispy and the meat was juicy. Its hard to grilled a chicken without drying it up so nailed it. 🥰The egg rolls were also not bad but it did look better in the menu photo (seems more details and finesse but I'm not complaining). Its a quick gd bargain meal. They gave you free pickel which was appetising and some dressing

為大家介紹連鎖店Goobne Chicken，無去韓國當然要吃過夠，這個雙拼連芝士鍋真的不得了，雞味比其他香港連鎖店香口，雞也炸得較好。UFO芝士火鍋（無骨）啖啖肉，無需吐骨，小編選了果味醬油香烤雞和蜜糖香滑烤雞，有6款味可選大家可以選擇自己喜歡的，醬油味濃加上果香不會太重味，蜜糖雞就正正常常，不會過甜，怕吃膩的朋友可以配搭醃蘿蔔，令口腔清新，醃蘿蔔可以再叫的，小編也吃了兩小碟。雞本來就好吃加上cheddar 同mozzarella 就令口感層次更多，可惜是火爐太熱，要較至最細火才能不燶，有時甚至要熄掉火才可。另外，叫了一個蟹籽沙律醬芝士雞蛋卷，沙律醬不會太多，口味清香，配有車厘茄在旁，酸味加蛋味搭配有點像蕃茄炒蛋，芝士不太多不會喧賓奪主。最後，選了一個士多啤梨沙冰，略嫌冰塊粒太多，影響整體口感，但本身士多啤梨味夠，彌補了這缺點。

Goobne Chicken地址: 荃灣楊屋道1號荃新天地一期地下G29號舖好掛住韓國啲烤雞，無得去旅行，為有食住 @goobnehk 自high下先啦。原味烤雞🍗$188烤雞烤得好Juicy，肉質嫩滑，外皮烤得好香口。蜜糖香滑烤雞 🍗$218一層金黃色嘅外表非常吸引！蜜糖同烤雞嘅香甜味道係絕配。烤雞肉質鮮嫩，啖啖肉，好正。果味蒜香烤雞 🍗$205呢個烤雞好開胃呀，清新蘋果檸檬醬汁加上咸咸地嘅蒜香味道，令烤雞口感更豐富，好正。韓式BBQ醬煙燻烤雞 🍗$205BBQ醬完全滲到入雞肉裏面，味道更加香醇，再加上少少辣味，食起來更為惹味。韓式雞蛋卷 🥚$148雞蛋卷相對上無烤雞咁驚喜啦，但佢都好香蛋味，而且煎得好厚實，用料好豐富，口感都幾有層次感。鐵板海鮮煎餅 🦐$118煎餅外脆內軟，而且好足料，好香蔥味，不錯。韓式炒牛肉粉絲 🍲 $128粉絲炒得硬咗少少，而且仲痴埋一舊，好似橡筋咁實，有啲失望啦。味道正正常常，無咩太大特別。#nicefoodie荃灣 

呢間嘢係因為EXO代言我先第一次聽，我記得佢地係代言呢間嘅辣味炸雞，所以作為EXO-L就當然黎試下啦，但係居然比另一隻芝士味炸雞征服左味蕾。食到一半都係覺得有啲膩，但係醃蘿蔔拯救左我，瞬間解膩！

韓式炸雞店越開越多，但有時食咁多炸雞都想轉一轉口味。相比炸雞其實烤雞更加健康，但係烤雞都幾考舖頭嘅功力，炸雞只要一炸就香口惹味，但係炸雞就真係好睇出邊嘅汁同埋入邊嘅雞肉互相配搭蜜糖香滑烤雞佢嘅招牌烤雞，我見大部份客人都有點依個。雞皮烤得幾香脆，但入邊嘅雞肉又唔會烤得太過火，雞肉嫩滑得黎幾有口感。甜度適中，整體調味幾出色！再試埋BBQ醬烤雞依個相對濃味，同埋熱辣辣好惹味食落去好Juicy ，兩種烤雞嘅口味各有特色店舖仲會提供酸蘿蔔以作解膩幾啱食完烤雞後refresh ，整體嘅配搭唔錯，值得一試再試

好似好耐都冇介紹日韓野食 今次就來介紹下同普通炸雞都唔同嘅烤雞啦！平時食得炸雞多 都知道goobne嘅名聲 但係一直驚唔夠人食唔曬佢個金牌芝士烤雞 今次終於有機會一試😍🍗UFO芝士火鍋(無骨)💰268芝士火鍋係用左馬蘇里拉芝士、車打芝士同埋GranaPadano芝士一同融化 令芝士可以呈現拉絲嘅效果！一開始係一堆芝士碎 但係隨住火勢D芝士會慢慢融化 呢度注意一定要不斷keep住攪勻 如果唔係會變成一pat燶左嘅芝士乾😥有兩款烤雞可以揀 我地揀左果香蒜味醬油烤雞同甜辣烤雞！烤雞全部有皮 冇諗到唔係炸嘅皮都可以咁焦脆 而且醃得超入味 連皮都有醬汁嘅香甜味！蒜香醬油會比較鹹小小 而甜辣都唔係出面炸雞舖正路嘅紅色醬汁 反而有D kfc嘅烤雞味🤣不過整體要將烤雞裹上芝士會比較困難 同埋要顧住芝士唔燶都有D論盡 同埋太多芝士會比較膩 要視乎自己鍾唔鍾意食芝士啦🤣🍕Goobne芝加哥薄餅💰188呢個都係勁高身同厚批嘅芝加哥pizza！上面寫明有齊5種芝士 切開即刻可以拉絲 上面每一塊上面都有一舊芝士粒 會係甜甜地的！咬落口下面會有小小南瓜蓉嘅味道 再加上小小嘅辣醬味會有D甜中帶辣的感覺 有小小奇怪

朋友生日想食呢間炸雞，我先知原來香港有好多間分店！諗住平日要等位特登打電話Book，點知原來無得book位，一定要walk in...開頭仲驚食飯時間會等唔到位，但諗埋後補餐廳...點知7點去到，餐廳一半人都無，唔洗等位直入。有前菜酸蘿白幾好味，不過份量得幾嚿有點少。我哋叫咗ufo芝士火鍋炸雞，揀左三重芝士炸雞同酸辣炸雞各半，佢既芝士係現場幫我地炒，不過個芝士完全黏唔實隻雞，變相雞還雞，芝士還芝士。反而佢個明太子蛋幾好味，d醬夠多..都幾大嚿另外個部隊鍋就一般般啦，不過幾欣賞個年糕....

已經有段好長既時間無食過Goobne既烤雞… 由Goobne開張到而家一直都係蜜糖咖哩脆烤雞（$215）既捧場客… 今日再食味道依然… 就算外賣番屋企過左15分鐘都仲係熱騰騰外脆內嫩，值得一讚！😋😋😋

好耐無食過Goobne Chicken🤤🤤 連鎖嘅炸雞店黎講，佢真係我嘅最愛❤️韓式BBQ醬烤雞 + 蜜糖香滑烤雞 ($238)：Half & Half可以一次試曬兩隻味，兩個人咁樣嗌就最開心🥰 一鹹一甜，兩個都好好味，雞好嫩滑，咬落去好juicy🤤🤤 同埋烤雞熱辣辣，好加分👍🏻韓式雞蛋卷 ($148)：入面有午餐肉、黃瓜、芝士、紅蘿蔔，入口個陣既有芝士同餐肉嘅香味，黃瓜同蘿蔔又有解膩嘅作用，好鐘意🥰🥰鯊魚之淚 (無酒精) ($88)：打卡💯之選！同埋好大杯，兩個人share都好足夠😛 味道就正正常常😂