Goobne Chicken (荃新天地)

营业中

休息中

今次再一次黎到呢間餐廳食炸雞，見到出咗個炸雞UFO，就決定試一試！我哋仲叫咗一個紫菜包飯。當UFO上碟嘅時候，係完全冇諗到個份量咁大，2個人絕對食唔晒😂😂可以選擇三隻口味，今次揀左原味，火山同甜辣（啱啱好三種有辣有唔辣🙈）中間嘅芝士令成個味道昇華，一啲都唔油膩。我地好努力挑戰，食都唔晒，呢個分量會建議去四個人去食😂個紫菜包飯外貌唔錯，味道就一般，唔太特別，但價錢合理！整體食左$400左右（分量太多）

今日（13-4-2020 Mon）復活節後星期一公眾假期,同老公喺屋企睇完炸雞特攻隊後,又好似舊年咁,嚟呢間食炸雞(嗰個食評: https://www.openrice.com/zh/hongkong/review/%E9%9B%BB%E5%BD%B1%E6%95%88%E6%87%89-e3362641).由於武漢肺炎疫情關係,攪到冇乜人唔使等位,睇完menu同兩個舊食評(上次食評: https://www.openrice.com/zh/hongkong/review/%E6%B0%B4%E6%BA%96%E4%B8%8D%E4%B8%80-e3414151)後,就決定要$188.00嘅黃金脆烤雞,$128.00嘅地中海檸檬沙律,同$50.00嘅檸檬特飲. 冇耐,檸檬特飲同地中海檸檬沙律到嚟,menu話地中海檸檬沙律有新鮮蔬菜,西柚,橙,蝦,葡萄乾同杏仁, 蔬菜真係好新鮮,蝦仁甜,配搭佢哋嘅檸檬醬,清新開胃,不過我好似食唔到西柚.味道:5分食咗一半,黃金脆烤雞到嚟,伴咗兩個醬嚟,睇到佢哋炸到顏色啱啱好,拎上手,好熱;食落,辣,呢個menu寫明散發隱約嘅咖哩香,不過我覺得幾辣.外皮係

由於疫情關係，無得去韓國旅行，為有留係香港食炸雞。 呢間嚟過幾次都覺得啲炸雞好好味，所以今次再encore。 今次兩個人就叫左1份烤雞同炒年糕已經可以食到好鬼飽。😂-果味醬油蒜香烤雞呢碟炸雞皮脆肉嫩仲好juicy，煮嘅時間控制得好好，真係食唔停口。 醬汁方面，甜甜酸酸嘅醬汁，食落幾開胃，唔會食多左覺得好滯。仲有佢個蒜味幾濃下，如果中意食蒜頭嘅朋友一定中意😍-香辣炒年糕平時啲炒年糕只係得啲年糕同啲配菜，但呢個除左年炒之外仲有韓式粉絲，魚糕同蛋 ，我覺得都幾多料下。 呢個有唔同辣度揀，我地已經揀左最少辣果個，但都辣到抽筋。如果唔食得辣嘅朋友一定唔好叫。 呢間個人幾滿意 特別佢地啲烤雞整得好好味。下次會再嚟試😋

平日晚餐時候，很多人排隊，星期六下午兩點，不用排隊。韓式香辣海鮮湯$178成碗湯紅彤彤，一睇就知好辣，我食唔到辣，飲左幾杯水，好多海鮮，包括魷魚、青口、蜆。海鮮煎餅 $ 118雖然啖啖海鮮，有魷魚、蔥、蘿蔔，但煎餅太厚粉，很油膩食一小塊已經好膩，味道較淡。韓式炒牛肉粉絲$128韓國粉絲口感煙韌，很足料，有好多牛肉，唯一缺點是調味太甜。雙拼韓式烤雞( 果味醬油蒜香+甜辣醬) $238一款有兩集味，烤雞冇炸雞熱氣，雞肉好嫩滑，一咬有肉汁，好juicy。果味醬油蒜香感覺食落只有甜豉油味，不太特別，甜辣醬惹味，好味。

前排朋友約食飯，無意中發現呢間野，又好耐無試韓式野，所以就決定呢間💘 但估唔到8點幾都仲滿坐，大概得左十零分鐘。本身想食好吸吸幾乎枱枱都有叫既UFO芝士火鍋 ， 但因為我朋友原來唔係特別好雞，一人食唔到8件雞槌，所以就冇嗌。我地叫左 招牌凱撒沙律$108，都幾大份，D菜都新手爽口，多人既話叫份食小小都唔錯。野飲分別叫左 芒果沙冰$58，朋友話唔錯。我叫左 藍橙沙冰$58，因為未試過藍橙，點知好好飲❤ 兩杯都算大杯，呢個價錢黎講CP值好高👍朋友唔食辣，所以點解呢個蜜糖香滑烤雞(無骨)$218，又係比想像中大份，我覺得佢D芝士麻麻，唔係我中意個D，無咩芝士味，硬身唔係軟身個隻，不過個雞好好味熱辣辣第一啖食落去有驚喜，皮脆肉嫩，蜜糖好'野'味👍我食左豬多，應該有3分2😂 朋友本身唔特別好雞，佢比較好牛，所以食幾舊姐。咁岩過左幾日，同另1個朋友去旺角分店，想再試，點知多人都爆炸!由搭lift滿哂人，無人禁其他樓層，一開門見D人坐椅子等位，我同朋友出都無出就落其他樓層食野😂😂因為好味還好味，未至於要得咁耐去食餐飯。

依間野既雞真係香港敢認頭二無人可以更好!其他既幾間質素參差又學唔到韓國精萃(･_･;;)雖然話餐廳既位置係先贏一半 但平日星期四加上疫症都好多人來食 等左半個鐘都唔少人走同轉餐廳 可見間野係有幾吸引( ´▽` )ﾉ服務同衛生好 一入門度體溫兼有消毒液 客人一走即執嘢清潔 門面細但員工有心❤️上餐唔慢 都教足曬程序 芝士雞又好食 唯獨是拎起個下少熱 如果手套轉厚身少少/比個好用啲既夾食雞就好!!唯獨是落單後可樂要自己催先有(T_________T)

唔明點解咁多好評，好懷疑係咪搵打手打嘅！？食完好伏！呢餐呃咗我$477 ！！ 呢個蛋餅憑乜野賣$148？真係好過份！啲蛋厚到咁樣！雞蛋卷裡面配料都係好cheap!! 另外個烤雞，叫咗UFO芝士烤雞-揀咗三重芝士味同甜辣味，埋到嚟食落口啲雞肉無味嘅！只係依賴外層啲粉！個皮又唔脆！啲雞上枱又唔夠熱！配個熱熔芝士完全係唔夾，仲要全部都係雞桅！？？？呢度果200個好評我真係十萬個黑人問號！我走去買$200KFC食都好食過佢

📍Goobne Chicken🐥這家來第二次了，結果我好忘了拍烤雞跟另一道菜😂.🔸起司Ufo🧀可以自選2種烤雞味道，鍋中有3種起司，等溶化了之後就要拌勻一下，雖然吃到後面會有點膩，但起司控還是必點～🔸海鮮煎餅🐙第二次點，覺得很香又不會太油～🔸鐵板芝士泡菜炒飯起司起司起司而且還是泡菜，愛辣的怎麼可以錯過～ 🔸香辣炒年糕其實沒有很愛年糕，但這個底下有拉麵，那拉麵跟辣醬汁還有魚糕芽菜很搭，覺得說為了這些配菜而點也不為過💲約130@人🏡荃灣荃新天地一期地下G29號舖🕐11：30 - 22：00

韓式炸雞店周圍都係，但呢間主打嘅係健康烤雞，全部係非油炸嘅！對於我地呢啲怕肥嘅女仔嚟講，感覺健康啲又無咁肥無咁油😍呢到嘅炸雞食落真係一啲都唔會油林林，比連會似係烤雞！叫左個咖喱蜜糖烤雞，咖喱味好入味，啲肉質好嫩😍 完全打破左對炸雞既定嘅印象，好juicy好夾，無諗過咖喱同蜜糖咁夾☺️ 另外仲叫左份韓式海鮮煎餅，海鮮份量啱啱好，煎餅唔會太乾身，個底好脆😍 煙煙韌韌，好香口！飲品方面有好多韓式燒酒，我地試左桃味乳酪燒酒，好似飲緊yogurt咁，酒精味唔重，好似入口，要嚟配燒雞就啱曬😍

平時韓式炸雞就食得多，呢間韓式焗雞最初食嘅時候都覺得好驚喜！今次已經係第三次食，之前食過甜辣雞、佢招牌嘅蜜糖咖喱烤雞，今次試咗三重芝士烤雞，同埋牛肉年糕，份量都非常多，雖然價錢都唔平，但服務質素唔錯，而且味道好好。嗌烤雞仲會附送一小碟白蘿蔔，可以喺飯後食，比你食完重口味嘅食物後去除口臭。但係等候嘅時間會較長....一般到七點左右就已經需要等候一段時間，如果想食記得早啲去排隊攞飛。另外，用餐方面亦非常細心，每張枱有一個筒係用嚟放雞骨同埋垃圾，嘅筒入邊仲提供每人有一對手套，喺食雞嘅時候就唔怕整污糟雙手啦！

*🍽韓式雞蛋卷🍳🌯 ($148)🌟Special egg roll🌟要推介一下，煎雞蛋卷入面有蟹肉、餐肉、青瓜🥒、醃製紅蘿蔔🥕、芝士🧀、同埋佢係熱食既，有啲似加州卷但啲煎蛋好有層次，芝士融化左係蛋卷入面，另外裡面既青瓜、蘿蔔都非常爽脆，點埋蛋黃醬，入口味道一流！🥘🥘鐵板軟芝士甜辣烤雞分量適合2-3人吃，微辣，辣度類似係泰式辣醬個種甜辣，兩個人只吃烤雞的話有一點點膩，建議搭配其他解膩食物，但還是很好吃，無骨烤雞吃起來很方便，大力推薦！！！店內位於商場底層，間開左 但隔離其實就係路人會行過既地方，所以比較嘈雜，侍應都較少，不過啲烤雞值得推薦！#地點：荃灣荃新天地 Goobne Chicken8.5/10🤩🤩🤩

俾佢芝士吸引左，叫左呢個UFO餐，揀左三重芝士同甜辣既烤雞，味道還可以，可能樣太吸引，期望太高，冇預期咁正，但兩個人食有啲滯😅 所以都叫唔到其他野食，最好4個人食先好叫呢個餐😂

當日去食午餐，因為早過頂峰既午餐時間，所以不用排隊就能入座了～因為喜歡吃芝士的關係，一早鎖定UFO fondue，炸雞口味就選了蜜糖和三重芝士！蜜糖味配芝士很好～但原先三重芝士味就有惹味芝士粉了，再沾上芝士醬，就遜色很多！建議三重芝士味炸雞還是單吃比較好～

成日聽到呢間餐廳都好想試 咁岩今次係荃灣見到呢間餐廳可以試下成日以為韓國淨係食炸雞 但呢間就唔同 係烤雞 健康好多同無咁熱氣😊太多選擇好難做決定 最後揀左蜜糖烤雞 好入味好好味 最緊要係唔熱氣 食完唔會喉嚨痛!! 😄另外叫左芝士溶飯 熱熱地芝士溶哂 一邊食一邊覺得好滿足 有咁多芝士 雖然好肥 但好好味😋😋飲品方面叫左2杯 1杯係lime soda 另外1杯就係柚子沙冰 兩杯都唔太甜 凍凍地 尤其係夏天咁熱天氣就最岩 配烤雞仲正😋😋

這間餐廳嘅服務態度很好，熱情嘅招待，細心嘅服務。這間餐廳環境優美坐得舒服，有一個木製屋頂。我們叫了一個蜜糖香滑烤雞，味道剛剛好， 烤得很香脆，肉質鮮嫩甘香。另外叫咗鐵板芝士韓式烤肉炒飯配醬燒豬肋骨，芝士味濃，芝士都好多，整個賣相吸引，牛肉炒飯味道唔會太搶，豬肋骨味道甜甜酸酸很好味。海鮮煎餅很特別，係濕濕地，海鮮新鮮多。飲唔方面，叫了芒果特飲，顏色好靚，杯嘅形狀特別，又有清新嘅芒果味。整間餐廳都令我很滿意，下次會想返去食。