Glasshouse Greenery (K11 Musea)

营业中

休息中

K11 Musea 係比較高價嘅商場，但係依間餐廳嘅價錢同出面差唔多，算係比較合理，主食質素就普通，不過甜品好好食🥢綠茶脆皮梳乎厘🥢非常推薦馬來風味炒貴叼 $188- 味道稍微鹹咗啲, 又炒得比較油膩- 配菜主要係魷魚，不過都唔係好多四季pizza $228- 依個pizza幾特別，有4款口味，所以叫四季，可以一次過滿足晒4個願望- 包括：五式芝士、蕃茄芝士羅勒、雜菌黑松露芝士、牛油果綠茶脆皮梳乎厘 $128- 調味啱啱好，唔會太甜- 鬆軟梳乎厘+面頭脆皮，令到食落口感好豐富

餐廳好大，有户外、室內位，室內都有唔同嘅區域，最右邊嘅區域有啲似酒吧設計，摩登啲，中間係模仿户外位嘅區域，光猛但會有人經過，最左就係玻璃屋設計，舒服。*蟹肉牛油果沙律 $168牛油果切成大塊，質地未算好腍，仲有粟米粒，多一層口感。蟹肉同牛油果撈埋一齊，份量少，而且有啲腥。法包烘到好脆但好乾，整體感覺一般般。秘制海南雞燴意大利飯 $168海南雞crossover意大利飯，雞胸肉冇骨又嫩滑，而且有雞肉味，唔洗點汁都好食。Risotto意大利飯好creamy，有雞油香味，仲唔會太油膩添。牛肝菌芝士意粉配馬德拉酒 $148大片半融芝士鋪面，仲有好多菇菇。意粉質地彈牙，白汁做底，奶香又有淡淡酒味，但醬汁略為杰，食到最後有啲張口。意式辣味香腸蘑菇薄餅 $158薄餅係薄脆底，係我最唔鍾意嘅style。表面有番茄醬、芝士、辣肉腸、蘑菇青椒。芝士、辣肉腸嘅份量頗多，所以有少少辣🤏🏻炸薯條配黑松露蛋黃醬 $48薯條炸到外脆內軟，外皮有啲薯仔碎碎，令薯條更加脆，入面依然軟綿。醬汁有好香好濃嘅黑松露蛋黃醬同埋普通番茄汁😂香蕉火焰焦糖燉蛋 $88淋上冧酒點火，好有gimmick，雖然唔係好影到相🙈香蕉片鋪滿表面

今日同三個朋友去咗哩度食晚飯，價錢嚟講喺Musea都叫比較相宜，環境亦都好舒服，自然採光令餐廳更有空間感。1️⃣ House platter $298喺多款小食裡面比較欣賞炸魷魚，酥脆香口，點上泰式辣醬更添滋味。其他都不過不失，略嫌串燒牛肉燒得太耐，食落比較乾同硬身。略貴。2️⃣ Crispy fries $78薯條炸得的確好脆，外脆內帶少少煙靭，口感特別。薯仔味都好香，點上味道香濃嘅黑松露醬，真係一大享受。3️⃣ Spicy lobster spaghetti $238顏色相當吸引，雖然佢係寫意大利粉，但望落比較似天使麵。麵炒得比較「碎」，好多條都斷了所以好短，但味道不錯，如果可以辣多少少就好了。4️⃣ Grilled prime sirloin $298牛肉味香濃，但有少少痴牙，醬汁好惹味，同牛肉好夾之如亦唔會喧賓奪主。5️⃣ Baby kale $98哩個係我全晚最欣賞的，炒得好惹味！芥蘭新鮮香甜，Parma ham都好食，估唔到味道同炒芥蘭咁夾。6️⃣ Chocolate crispy baked soufflé $148口感好特別，個面焗得好香脆，裡面就好鬆軟，富空氣感，甜度適中，味道好。7️⃣ Ber

餐廳環境好靚，因為天雨關係無辦法到户外用餐😂飲品：荔枝玫瑰冰茶味道：8/10甜度適中，荔枝個杯好香玫瑰味，但又唔會蓋過又有一份淡淡嘅荔枝味飲品：士多啤梨冰茶味道：7/10有點甜，士多啤梨味幾重，但可能飲落去有少少藥水味食物：印度煎餅配沙嗲醬味道：9/10煎餅非常美味，尤其將邊緣位煎得好脆。配上濃濃沙嗲醬，簡直係點精之處。牛肝菌芝士意粉味道：8/10意粉配上牛肝菌好夾，再加上佢香濃嘅芝士同奶油令到成個意粉好Creamy 但又唔會令到太油膩食幾啖就飽。炸薯條配黑松露蛋黃醬味道：7/10中規中矩嘅薯條，炸得好脆。未去到話好驚喜就係普通嘅炸薯條加黑松露蛋黃醬，去到餐廳都可以嘗試吓。四季薄餅味道：9/10有四個唔同味道（每個味道有兩塊），一次滿足四個願望。蕃茄味好特岀酸酸甜甜；嗰個蘑菇同芝士都好好食；牛油果芝士可能因為牛油果冇咩味道所以有啲似係芝士上面加咗牛油咁，軟軟滑滑；最後係普通芝士都好好食會重奶味。佢成個薄餅都烤得好脆個邊邊位，好似食緊脆脆片咁。美國頂級西冷配秘製京醬味道：8/10叫咗塊七成熟嘅牛扒，濺到啱啱好。呢塊牛扒都保留左唔錯嘅肉汁，而且牛味好重夾帶少少油脂。完全係唔錯同高質嘅牛扒。

服務差左好多，女侍應黑口黑面衝黎衝去，攪到個心煩曬。我都唔明佢急乜野，燥乜野咁囉。Cocktail 係隔離鋪頭提供，還好。音樂都係我鐘意既，不過都掩蓋唔到後面師奶啲聲，好嘈。唔會再黎。

呢度嘅肉醬意粉真係好出色‼️賣相比平時吸引好多✨面頭鋪滿一大舊炙燒軟芝士🧀鹹香十足 仲帶點焦香味 脆脆地🔥加埋啲芝士粉 夠晒濃郁😍撈埋下面底嘅肉醬🍝每一條意粉都沾滿晒醬汁 非常之惹味🥳

睇戲前要醫肚，喺OpenRice見到呢間都好似唔錯，而咁啱個朋友都話前排食過又ok，咁咪入去食過午餐啦。整體感覺就係食咗一餐冷飯，兩公婆嗌咗兩個午餐，分別係一個和牛漢堡同埋焗豬飯，上枱時已經係低過室溫，個漢堡牛肉係咬唔爛，薯條係凍同埋好似紙皮咁，而焗豬就味道正常。餐飲就叫咗兩杯冷檸茶，但係兩杯有當歸味(Fusion?)，難飲到喊⋯落單同埋單時侍應服務態度又差，大聲呼喝嚟問我要啲咩，好似我地欠咗佢咁⋯總之好日都唔寫食評，一寫就寫劣評。點解要寫出嚟，你明啦！

Glasshouse 好多分店,我最喜歡去是K11 Musea 商場內的一間。Glasshouse 都係一貫作風大玻璃, 空間感闊落, 而K11更有室外地方, 綠色花園，環境好，又舒服，如果天氣唔係太熱我最喜歡坐外面。呢一間我都係認為食物保持水準、而且味道特別好。之前都試過佢哋pizza, 龍蝦沙律, 青口等美味食品。今次朋友推介要食鵝肝乾炒牛河及綠茶疏乎厘。乾炒牛河，豉油味香，河粉夠滑，仲有大大嚿嘅鵝肝，滋味無窮。綠茶疏乎厘，大大個半圓形，見到都吸引，鬆軟可口，綠茶味濃，正。

符合返名字需求Glasshouse特別多大大個玻璃窗透光度十足 亦亦佈置了不少綠色植物.《燒焦芝士肉醬意粉》🍝肉醬意粉上面有一大塊燒焦了的軟芝士 亦灑滿芝士粉 鹹香味十足燒焦了的芝士部份好似熔岩一樣帶香脆 芝士味道亦更加濃郁同肉醬融為一體 令每一條意粉都好滋味.《意式辣味香腸蘑菇薄餅》🍕薄脆嘅Pizza批餅 脆卜卜食埋個皮都唔會覺得好漏上面既Salami唔會好辣 屬於大眾化嘅口味除咗辣肉腸 仲有蘑菇同青紅椒 增添爽脆嘅口感.《吞拿魚法式尼斯沙律》🥗賣相非常精美 圍邊有奶黃色嘅蛋黃同蛋白好似砌成一朵花咁🌼沙律菜新鮮 撈勻吞拿魚仲有法式豆同車厘茄 很豐富

Old gentleman at reception seemed to be in a bad mood. Gave a reminder dining time is 90 mins only. We just arrived and there was barely any people. Not very welcoming when we were the only people he reminded of that. Food was served slow and in reverse - mains then appetiser and salad. Drinks suddenly appeared at random. They forgot one dish, too. The quality of the food is dismal and bland. It’s not fresh. Dessert was not impressive either. So for a bill costing 500 per person for a full cour

氣氛好正適合用嚟進行朋友間嘅聚會 如果要喺outdoor 嘅話 記得book枱要提早講定班fd 鍾意樣樣可以食啲 所以我冇得自己獨食一份 （個人習慣）🤦🏻‍♀️咁冇計啦 唯有少數服從多數 必竟聚會次數唔多叫咗薯條點黑松露醬 黑松露醬真係唔識欣賞 呢個見仁見智 覺得有一浸汽油味 怪怪地 真係感恩仲有honey mustard 可以點 仲叫咗Pizza 牛扒 意粉🍝甜品 moscato叫咗個員工幫我哋揀 要味道偏甜嘅 好好味 仲要酒精濃度低 個男仔員工幾好 最衰唔記得咗佢叫咩名 如果唔係可以順便喺度寫低 個員工幾健談 可以撩到客人傾偈 又唔會覺得好尷尬個種 一定再幫襯

閒日約朋友食個late lunch，選了這間評價頗高嘅餐廳。餐廳環境很不錯，頗大，有室外座園位置也有室內bar 枱與餐枱。最近天氣熱，還是坐在室內涼冷氣舒服。Blue Sunset $62朋友點的。侍應會在面前倒上紫色（應該是蝶豆花）的部分，整體觀感都幾靚，幾instagramable!Very berry cream foam $62就是草莓混合牛奶忌廉之感覺，賣相與味道都很少女心。Spicy Lobster 🦞 Spaghetti $238 價錢少貴，味道很惹味，但不能食辣的朋友要小心，因為味道比我們想像中辣。Honey Wings $98 蒜蓉蜜糖味的單邊雞翼，都幾滋味，又容易食。整體食物質素都唔錯，服務都唔錯，勝在好坐，傾計啱哂。味道：🌕🌕🌕🌕🌑服務：🌕🌕🌕🌕🌑空間：🌕🌕🌕🌕🌘性價：🌕🌕🌕🌕🌑

出面好熱吖，已經一連多日酷熱天氣！系時候放慢腳步休息一下，嘆個靚靚下午茶🫖Glasshouse Greenery 絕對系一個午後休閑的好地方🍽幾乎每檯都order呢個三層架Glamour Forest 🌳 Afternoon Tea Set呢間Glasshouse Greenery的環境好別緻，特別令人有放鬆的感覺。因為天氣太熱，我哋都係揀坐室內，享受冷氣。第一層迷你龍蝦沙律，意大利鵝肝黑醋多士，煙三文魚卷。沙律酸酸甜甜的果肉同龍蝦好夾，好fresh的口感打開今日的食欲。第二層酥脆炸蝦米紙卷，迷你牛肉漢堡，脆薯皮棒棒蝦，蘑菇甜椒撻。最鐘意呢層，無論造型還是味道都很出眾，棒棒蝦外脆內彈，十分香口。炸蝦米紙卷用黑白芝麻為綴，令視覺為之一亮。第三層綠茶雪糕，士多啤梨慕絲蛋糕，朱古力布朗尼，蜜糖爆爆珠奶凍，馬卡龍。甜點一樣出色，造型分滿滿。越式x 手冲椰子咖啡☕️玫瑰草莓花茶。印象最深刻係杯椰子咖啡，椰子🥥香味出眾，同咖啡好夾，系會令你上癮，好似即刻帶咗你去渡假咁嘅意境！

自從 K11 呢個大型商場成立後，不停有好多新食肆餐廳進駐，差唔多每次嚟都會有新發現，所以自己都會 Keep 住係 K11 消費。今日就同朋友試下 Glasshouse 嘅 Afternoon Tea 🥰 餐廳環境非常好，無論坐係室內同室外感覺都超舒服，成個人都放鬆哂。呢個 Tea Set 性價比超高，單睇第一層就已經覺得有誠意，有煙三文魚卷、龍蝦沙津同鵝肝黑醋多士。鵝肝勁厚又大件，龍蝦肉又勁多，當然味道都超級正。第二層有蘑菇甜椒撻、脆薯皮棒棒蝦、迷你牛肉漢堡同酥脆炸蝦米紙卷 🍤 脆薯蝦口感外脆內彈牙 🍔 牛肉漢堡牛味濃郁。第三層有綠茶蛋糕、士多啤梨慕斯蛋糕、朱古力布朗尼、馬卡龍同蜜糖爆珠奶凍 😋 第一次食蜜糖味嘅爆珠，估唔到配埋奶凍食效果都幾正。朋友口痕有啲想食 Parma Ham 炒芥蘭苗，所以就叫埋嚟試下，估唔到份量都幾多，炒得有鑊氣之餘蒜香味十足，呢個中西配搭都幾得意，第時自己喺屋企都可以試吓。最後飲埋杯香滑奶茶，非常滿足咁離開。🥰

人大咗，生日都會簡單一點，以前又會連續慶祝一兩個禮拜，而家反而想靜靜咁過。生日當日，想做下啲有意義嘅野，一朝早去跑步，呢幾年成日會係屋企跑去尖沙咀，今天跑到K11，之後去呢間我bookmark左好耐嘅餐廳食飯，glasshouse Greenary，有人話high tea好正，試下早餐係乜嘢光景。呢間餐廳都幾靚，真係好似一間溫室一樣。完全估唔到平日嘅朝早都咁多人食早餐，有中式點心，有all day Breakfast，你以為剩係得西式嘢？no way。我都覺得幾驚奇有咁多選擇。生日對自己好啲，我試咗個沙嗲和牛公仔麵，和牛當然係重點，都幾多牛肉，仲有幾濃嘅沙爹汁，公仔麵同沙爹汁比例不錯，唔會太乾，唔會太多，只不過價錢係k11嘅價。本身想食all day breakfast，有人讚過呢到嘅多士同奄烈好食，一於試下。我點了經典火腿芝士奄烈，件多士最令我驚喜，做得好好，火腿芝士奄烈當然夠正，有拉絲，多火腿，當然比平時茶餐廳食嘅好味好多，仲要有好多沙律菜。特別一讚，佢嘅咖啡都唔係求其。可惜由於呢排天氣太熱，如果唔係坐外邊嘅景色一定更加舒適，平日來食一餐早餐，都幾寫意。食完祝自己生日快樂。