FRITES Belgium on Tap (曦巒) (已搬遷) 新店位置

聖誕節沒特別事做， 約了好久不見的朋友來吃一頓比利時菜。可能受近來政治事件影響，平日非常多人的餐廳今天也比較少人。餐廳裝潢不錯，有種歐式暖暖的感覺可能因為聖誕節關係，點了小燈泡，很有氣氛。我和朋友點了個大蝦沙律，牛扒薯條，一杯熱朱古力和甜品。當中牛扒最有驚喜，肉質鮮嫩多汁，值得推介。由於當日有朋友揸車不能喝酒，因此特地叫熱朱古力奶，幾好飲（要特別和侍應拿餐牌，一般飲料餐牌都是酒精飲品）慶祝紀念日或和三五知己歡聚都可以來這間餐廳

聖誕前夕想搵一個地方比六個人聚會。又想食嘢又想飲酒，呢度真係一個好選擇。環境擺設氣氛都好好。而且唔少長枱坐到五六個人方便傾計。去嘅人真係好多如果有興趣嘅話真係唔好諗住w去嘅人真係好多如果有興趣嘅話真係唔好諗住walk in，最好都係打電話去預訂。值得一讚嘅係佢哋嘅服務，因為當時我第一次打去訂位係冇枱需要waiting list，結果好快佢確認到有其他人取消訂枱都不停打返俾我話我知可以去。佢打咗超過兩次俾我，我都做緊嘢接唔到電話，但係佢都有照留返張枱比我。如果唔係，嗰日就食唔成了。最緊要係，佢嗰到都有唔少德國啤酒選擇。簡直係酒鬼嘅好地方。嘢食都唔錯。特別推介佢嘅豬手同埋青口。佢仲每逢星期一都會有一個$200左右一位嘅任食青口，真係好抵食。

銅鑼灣推薦餐廳❤️初嘗比利時🇧🇪餐廳餐廳主打比利時菜式青口煲 1/2KG $245Mussel Pots with Hoegaarden我哋選擇了啤酒🍻烹煮青口青口大大粒😍 配上啤酒嘅香味 鮮味十足😍750g Roasted Pork Knuckles $255超巨型份量的豬手山😍😍豬手肉質得非常厚身嫩滑最值得一讚是豬手並沒有香烤而變得乾身👍🏻非常juicy 😋😋平時出去食豬手豬皮通常都硬都食唔到但呢間豬手皮薄脆 容易入口👍🏻豬手已經預先切開下面仲有好多烤焗過的蔬菜 飽到不行了😂另外可以+$60 選擇配菜揀咗焗薯仔粒 估唔到份量咁多三個人都食唔晒🤣.Waffle bomb Alaska $128Waffle sandwich with vanilla ice cream slab🍨Topped with a towering meringue filled with hidden chocolate 🍫 ice cream😋一定會再嚟encore嘅一間餐廳❤️要注意餐廳所有員工都講英文的😌

終於到星期五啦放工即刻到銅鑼灣搵好朋友食飯好耐冇同呢位好朋友兩個人食飯傾下心事聖誕節又就到所以我就揀左呢間餐廳當係同朋友食聖誕大餐🎄由於已經訂左位所以好快安排到座位坐低叫左幾樣較熱門既菜色🍽 Frites House Mussels 黎呢間餐廳必食既菜色怕兩個人食唔晒所以叫左1/2kg結果我同朋友好後悔因為青口好新鮮再配上個汁真係超好食我地將包沾上汁兩個人都食得哂🍽Steak Tartare將蛋黃同牛肉攪拌食落酸酸地好開胃唔覺食緊生牛肉🍽Caesar salad新鮮蔬菜配上芝士沙律醬等味道岩岩好🍽Provence Lamb Cutlets 主菜係羊架一共有五件我哋兩個人share都差少少食唔哂羊架下有類似南瓜蓉既汁同羊架好夾唯一投訴係”羊”味唔算好勁不過由於我同朋友都係愛食重口味既羊肉所以可能先有咁既感覺🍹Lucky PeachHappy Friday 點可以冇酒精呢杯cocktail 都算不錯幾易入口但較細杯

I’m honestly very disappointed with their service on Christmas Eve. I decided to book the restaurant in advance due to the excellent reviews I heard from friends. Unfortunately, the service was very disappointing from the start to the end. The food was also overrated.

呢間餐廳我生日黎過一次，覺得環境好好，每日都有唔同嘅食品有特價優惠，而且都好好食，所以今次過黎再幫襯。今次入到去，先食左個生牛肉他他，酸酸地感覺好開胃，仲有隻蛋黃比你撈埋食，一啲都無生肉核突嘅口感，不過略嫌比較多筋，較難咬，整體上都好好。之後就叫左個Frites house mussels個忌廉洋蔥汁底非常好味，令到個青口好入味，2個人叫左1/2kg 都唔夠食，連汁都飲埋，佢有薯條同麵包做side dishes,沾呢個汁食一流。最後叫左我地上次都有食嘅steak & frites.叫左3成熟，煮得岩岩好，外皮煎到香脆，內裡入口即溶，值得推介。因為8點前係happy hour,指定酒品半價，我地足足飲左4杯紅酒。**特別一提，呢度無中文菜單，另外服務員都係講英文的。~~~~~📍FRITES Belgium on Tap銅鑼灣希雲街38號曦巒地下1號舖

去親Frites 唔會唔叫Mussels 吧？鮮甜大隻無沙 ，再加幾款煮法俾你揀，白酒是長青又穩陣嘅選擇。Seafood Risotto 偏西方煮法，味道唔差但一溜就好難推薦，反而後街個樣平凡到無影相果個spaghetti aglio e olio 跑贏，蒜加parsley谷個香味，少辣令味覺起身，好襯個Mussels！

忽發奇想，午餐想吃一頓好的，不自覺去左一間貴嘢。朋友介紹下，第一次去Frites，裝修很英式，又有吧枱，相信多是外國人幫襯的食店。午餐是mini-buffet，沙律任食，大大話話都有十款選擇，感覺很健康。若只單點任食沙律，價錢是$98/位+10%。是次點了白汁青口做main dishes。青口數量超多，也不自覺一啖青口一啖白汁，其實用麵包沾汁，更正！青口算是新鮮，但有一兩隻變味了，要小心進食。頭盤享用了沙律，所以，吃剩很多薯條，有男士share會更好。

9月6 - 9月29 係 Hong Kong Restaurant Week！精明既食家知道呢個消息就提前係某App 訂左位，咁就可用最實惠既價錢，歎到高質美味既食物😋😋。-呢度環境好有歐美西餐廳風格，店員全部都係外藉人士，仿如置身比利時🇧🇪，食物方面同樣高質，以下係我同男朋友當日嗌左既食物：-💎Restaurant week dinner Menu 💰298/per person (1 starter + 1main course + 1 dessert)-🔻Starter - Five Spice Duck Salad (五香鴨肉沙律)（👅: 8.5/10）鴨肉香嫩惹味，配上一些簡單清新沙律，有芒果，辣椒，青檸，芫荽，雜沙律，青檸麻油汁，很開胃。🔻Main Course - 12oz Steak & Frites (牛扒薯條) +💰70（👅: 8.8/10）揀左medium，12oz 份量好足，兩個人食好足夠。外層香脆，肉質嫩滑Juicy，配埋黑松露雜菌牛油，口感一流🤤🤤。薯條外表正正常常，但值得一讚係不帶油膩感，新鮮熱辣食，好正！🔻Dessert - Affogato (阿芙佳朵

今晚一早訂定位，同班同事放工過黎銅鑼灣呢間餐廳食飯。餐廳星期一至五都有special offer,我地特登揀星期一黎，因為有$190每位青口任食。青口總共有六款，我地五個人都每人揀咗一款青口先，再加個rib eye 配薯條沙律。青口一份有100g,再配薯條，食完可以再落order但再黎既就唔跟薯條啦六款青口大致上有忌廉汁、喇沙、地中海、啤酒煮、辣味、白酒個人大愛忌廉汁煮青口，即signature mussel,我地總共叫咗七盤signature mussel,加埋其他口味夾埋就叫20盤，真係嚇親個侍應已個rib 都好軟林，外脆內軟，好好食如果鐘意食扒既，佢星期二有個龍蝦加牛排優惠可以一試！

依個steak and fries 都幾正 叫左medium rare既程度 啖啖都有肥膏 半肥瘦叉燒既感覺😂不過朋友話肉身就有少少硬 我就覺得ok每次都必點。評分7/10價錢方面係350蚊左右 有少少偏貴 不過餐廳環境好有氣氛 都值回票價依個青口就不得了 個醬汁我幾乎食到一乾二淨，連薯條都點。不過青口就細隻感咗啲。評分8/10我仲有點半肉，都好好食！好大份，有5隻。不過掛住食無影到相，大家可以睇下其他人既食評。依間餐廳係必來！必點既菜係青口！

之前舊同事帶過我食一次呢間比利時餐廳之後，呢間餐廳就變我的最愛今次好似已經係我第六次去食呢間分店，其他分店無去過，因為我鍾情呢間分店嘅高樓底設計。.呢間分店同地鐵站有一段距離，係銅鑼灣F出口出左之後都要行大約10分鐘，去到希雲街尾見到有一間特別唔同嘅餐廳就係啦。.以下菜式都係我試過好食，值得推薦俾大家：1️⃣大蝦煙三文魚燴意大利飯TIGER PRAWN & SMOKED SLAMON RISOTTO 2️⃣凍蟹肉千層 CRAB TIAN 3️⃣750克燒咸豬手 ROASTED PORK KNUCKLE ⭐️4️⃣招牌忌廉青口 FRITES HOUSE MUSSELS⭐️5️⃣ 法蘭德斯燉牛仔骨 FLEMISH BEEF STEW6️⃣ MUSSELS  A  L’ESCARGOT總括，食物質素十分高而且食物好大份，好適合一班人Share黎食，鍾意飲啤酒嘅人可以襯Happy Hour 啤啤佢🍻啤酒款式都幾多🤩

諗起食mussel。好快就會諗起frites。喺香港相對少有嘅比利時菜餐廳。見到有mussel madness monday。$195pp。星期一先有嘅promotion。6種口味mussel任食。平時正價half kilo都要$245。如果一心只為mussel而來。呢個價錢非常抵食。每次order都會係half kilo份量。除左一開始有上埋麵包薯條。之後就係upon request。兩個人去食。絕對可以試哂6種口味。隔離枱見到食得咁開心都話下次要黎試下。mussel煮得嫩滑。食mussel最驚就係食到又韌又有渣。汁嘅味道其實唔會太濃。可以食到mussel本身嘅鮮味。所以食落覺得有啲口味味道其實好相似。結論laksa最好味。可能因為係唯一汁嘅味最突出。食完見到高高嘅mussel殼山。成件事好治癒。

之前黎希雲街食野，無意中發現左間幾有情調嘅餐廳，咁就約幾個frd黎試下啦呢度地方大，座位又夠闊，同朋友黎食野傾計真係唔錯呢個有好多酒飲，但係我戒緊酒，所以叫左iced lemon tea呢個係生牛肉他他，撈埋隻蛋黃，d牛肉好濃好滑呢個係招牌忌廉青口，青口入味嫩滑，有好多隻，上面d洋蔥好甜，我地浸左舊麵包落去d湯汁度，索哂湯汁嘅麵包簡直係冇得輸，薯條好脆，點埋蛋黃醬簡直一流我地仲叫左個豬手，呢個豬手切到細細件，係可以一啖一件唔駛再用手切，仲有好多唔同嘅蔬菜粒喺底呢度d食物好好味，環境又啱傾計，下次一定會再黎！

香港唔算有好多比利時菜，其實講開比利時菜，最出名嘅一定係青口。今日有個台灣來的朋友，以前曾經一齊喺比利時exchange, 所以今次特登搵返有紀念性質嘅餐廳，同佢聚一聚。呢間餐廳好易搵，其實就係喺聖保祿醫院隔離個街口入去就係啦。你條街道兩旁都有好多餐廳，但係講個門面最突出最靚嘅一定係呢間比利時餐廳。一開始我哋就叫咗兩杯野飲，輕鬆下先。之後當然要叫呢度最出名嘅青口啦，佢有好多唔同煮青口嘅方法，由於我哋係第一次喺呢度食飯啦，所以我哋叫咗最傳統嘅白汁芝士青口，份量好多而且好好味！得青口梗係唔夠飽啦之後我哋再叫多個漢堡黎，都係好大份，而且佢份漢堡嗰塊扒係有啲肉汁唔係乾嘅，感覺幾好。再叫多份海鮮意粉，咁兩個人食就啱啱好啦！😋😋呢度係好啱傾計嘅地方，尤其是比一啲好耐冇見嘅朋友敘舊，係一個唔錯嘅選擇。