Freshness Burger (已結業)

我o係果頭返工, 間中放左工肚餓都會去食下野。cheese classic burger : 好味。d 蔬菜都好新鮮, 蕃茄仲好大塊好厚, 不過洋蔥間中會食到辣的。而塊牛肉真係讚, 好厚, juicy, 好有牛味, 我來人來講認為仲好食過 triple o。唯一要彈的就係個包底唔知係太薄定點, 有時食食下會被塊牛肉d 汁浸到淋晒。我去 freshness 只會食 "classic" 系列o既包, 因為塊牛肉o既 quality 係好過其他的。我見朋友以前食過咩和風xxx包, 塊牛薄d架。 粗著 : 大部份時間都係即時炸起, 尤其係 mon- thur 夜晚時段。極之好味 ! 薯條夠味, 外脆內軟, yummy。不過如果撞o岩唔係即炸呢, 咁就差d 喇。粟米湯 : ok 好飲, 幾 creamy。不可不提個環境真係幾好。呢間分店比較少人, 地方夠闊, 而且仲對住維港, 一流呀 !

1個月前既某晚 同朋友行經呢度就入左黎share左個芝士牛肉burger combo 飲粟米湯 配薯角先講個burger. 同之前食既照燒牛肉漢堡差好遠個包壓到扁哂 賣相唔好 仲要個汁又麻麻地好食相反 今次食呢個芝士牛肉burger蕃茄生菜勁新鮮 索索聲patty稱唔上juicy 不過都已經比麥記既好個salad dressing亦好夠酸 好好味粟米忌廉湯好好飲 好creamy 好滑亦唔滯 絕非平日飲到既茶餐廳水準果陣係10點幾. 得我同個fd 同埋1個外國既family佢地傾得好開心 好warm. 而間舖既感覺好舒服.好悠閒 同埋d sofa真係幾舒服下次經過絕對會再encore

猶記得香港上兩星期剛掛起三號風的晚上,同Ah 四逛尖東海旁,逛到近新世界中心海旁,看見有一間過江龍漢堡包店freshness burger,店出面大大塊牌寫住買"和風肉汁鮮堡"送汽水一杯,只需$22,見到間店只有兩枱食客,環境清靜,冷氣夠凍,便入去幫襯。因為未食過這裏的burger,我及Ah四都order了佢地招牌"和風肉汁鮮堡"+Diet coke($22一set),order後要坐下等一會兒(即叫即做),待應便會端上來給你,不用自己拿,招呼很好!圖中的fressness burger(和風肉汁鮮堡)實物和他們月曆上的sample一模一樣,鮮紅多汁番茄大半個+芝士醬及肉醬做topping,下面是一塊鮮牛肉漢堡,個包是南瓜包(不過食唔出),味道似mos burger,但我認為好吃過mos burger,起碼個包大D,番茄厚D,D肉汁味香濃D。之前睇好多食評話佢地d包凍的,但係我地食就不覺,還是暖暖的,可能這天客少,比較用心做!值得一提是這裏環境超正,落地大玻璃對出是星光大道,有無敵維港景,加上餐廳有light music、雜誌及电視睇,只花數十元便可享用海景晚餐,夫復何求?

本來去右邊starbucks飲咖啡食蛋糕, 但中門大開, 熱到飛起, 於是過左嚟食包, 之前嚟過食早餐, 早餐好難食, 但唔貴, 睇佢個裝修款, 以為要三十幾蚊個早餐, 原來只係廿幾蚊, 但d質素差到.... 隻牛角包應該係雪左係雪櫃成年, 同餅乾一樣, 一咬碎晒, 講翻今次個漢堡包餐, 好過旱餐百倍, 原來有兩種芝士漢堡, 一種係用芝士醬既漢堡, 另一種係用一片芝士既漢堡, 佢話係chadder喎, 但食唔出, 加上一杯可樂及一杯薯角, 幾好味, 夠熱, 其實個包都幾好味, 好味過麥記少少啦, 加上, 勝在環境好, 地方大, 冷氣勁, 會再幫襯!

freshness burger的名早已聽過, 昨天(28/5)逛得累了,剛好在新世界中心門口見到其廣告, 便打算去試試。本來我們是找不到的, 還去了pacific coffee坐了一個多鐘頭,但好奇心未減, 所以問路之下終於找到。叫了照燒牛肉漢堡($20), 再+$20配薯角及七喜朋友叫了個照燒雞肉沙津之類的。地方很大, 但人客十分少, 只有3, 4"木台"人客朋友的先到, 她說十分好吃, 比m記的好吃極多,我也吃了一些, 雞肉燒得挺乾身, 不過像我寫blue cafe的食評一樣,乾身會有點香口, 我不介意的。我的過了挺長時間才到, 把包著漢堡的紙打開,講真的, 賣相很差, 上面蓋著的包變了形, 包內的菜把牛肉完全遮著,人客數目那麼少, 用心做一個包我想不會太難吧??味道方面, 說實話, 只是普通, 沒有我想像中的好吃, 特別更稱不上。沙津醬子牛肉的汁很多, 令包也弄濕了, 吸了汁的包.....口感不好。薯角比harbour city內的triple's o好, 更脆一點, 滿足度一樣,另外一提, 包及薯角也熱得出煙........ 所以薯角也特別好吃。本來環境挺舒適, 可以作放鬆閒

手上有一張coupon，買漢堡可以送一個照燒牛肉堡，於是來吃了。這間分店其實位置很好，在星光大道，可以看到維港，可惜今晚因為風大雨大，沒有景色可言。餐廳面積也大，很寬敞舒適，加上全晚加上我倆只有兩木台客，寧靜得可以。芝士牛肉漢堡($26)︰很香的芝士味﹗配上牛肉和酸酸的蕃茄，很好吃﹗加上熱騰騰的麵包，沒有不好吃的理由。照燒牛肉堡︰coupon送的，價值$20。當然也好吃，已經是第三次嚐了，但還沒膩呢。這個的沙拉味比較重，也喜歡。加$20配上薯格和soda，薯格又是另一驚喜。即炸的，吃起來還十分燙口。很實在的薯仔味，令我也忍不住吃了好幾塊。吃完這一頓，飽了七成，是時候到下一站，吃我恨了很久的甜品了。

到新世界的Freshness Burger分店，無非是貪它望海，一進店就叫了照燒牛肉漢堡和有機咖啡，取了牌子後找位坐，於是就有點後悔了！室內部分相當寬敞，本來想坐在梳化位，可是看到白色布梳化上都是污漬，不敢坐下，唯有坐在籐椅上。整間店子彌漫著一種怪怪的「up」味，不知是否因為晚上會變成酒吧的緣故，在店子坐了一個小時左右，離開後身上一整天都是那種怪味，很辛苦！食物水準一般，不算特別好吃，咖啡還算不俗，只可惜套餐不能轉咖啡，只可選可樂或湯。

今日原本唸住去星光大道睇張國榮紀念,但落毛毛雨,聽D保安叔叔講可能會取消,無奈,就見到有間FRESSNESS BURGER,睇睇下就入左去,嘩!D食物都好似唔平,入面鰟 位收銀哥哥話D牛肉係無激素,我都未食過,就叫左一個特級芝士牛肉包,一杯汽水,都唔平,成四十幾蚊,之後有位侍應送食物過來,杯汽水實在太甜,我過去問收銀哥哥可唔可以換過其他飲品,佢就叫我試下佢地D有機咖啡,之後左杯好大的咖啡給我,仲話唔駛我補回差價,當係請我飲,無幾耐佢過來比左一本月曆和一D贈巻,原來佢地做緊買一個包送牛肉包或雞肉包,佢叫我下次可以和多D朋友鈬 既時侯可以用,真係好細心啊.講番過特級芝士牛肉包,真係好好食,牛肉肉汁好豐富,D生菜好爽口好新鮮,$30一個都值既.如果天氣良好,我會和男朋友一家人來吃,一來環境舒適,二來又有包包送,正!!!!!!!!

昨天去試食,也是被海景吸引,但是差得很。麵包無特別,而且還有點被壓扁。吃了fish burger,不知怎的,魚肉有些是白色,有些是透明,好像有點不正常。包內有生菜及沙律醬,跟m記的魚柳包唯一不同就是沒芝士及有生菜,但是m記二十多元已經有一個餐,這個fish burger也要二十元。朋友食牛肉漢堡,還是m記的至尊漢堡較有水準。薯角不夠脆,粟米湯應改名做粟米甜湯,像糖水一樣。m記已經不是好吃的漢堡,但freshness burger比m記還差。要吃有水準的漢堡,還是triple o最好。

三月廿三日(星期日)同老公諗住坐低傾下個plan!去左呢度!新開既!好似講到好吸引,因為對著個海!無意中發現檯上有coupon,買一個包送牛肉or 雞肉包!所以叫左個fish burger,加餐,要厚切薯條+light!老公就食照燒雞burger!個fish burger好食,d salad唔漏,而個包係南瓜包!好食!個雞包都唔錯呀!!清清地!^^個薯條好食^^好過m記多多餐!!食唔停口呀!!同埋個環境幾舒服,坐低同老公仔傾下計唔錯~~~hehe!而且呢個價錢,真係抵呀!!^^如果唔要餐22蚊兩個包呀!