FooDo

营业中

休息中

今日喺旺角試吓呢間以手工意粉做主打的手作意粉店。位於通菜街的foodo，店舖裝修簡約以白色為主，枱七至八張，夜晚坐滿座。蕃茄汁鳳尾蝦菠菜配手作闊麵蕃茄汁醃肉配手作闊麵由於兩款手作麵都係蕃茄汁佢酸酸甜甜好開胃每條手工闊面都掛滿汁而且口感又咬口配上菠菜同爽口嘅鳳尾蝦健康好食每個餐都可以配杯嘢飲，我哋揀咗冰凍嘅水果茶水果茶甜度適中，清爽解渴又有果茶味，推薦。因為綠茶卷賣晒我哋就揀咗焦糖脆脆蛋糕佢嘅蛋糕成為咗我最推薦嘅美食成個蛋糕都唔會太甜，好啱我食而佢嘅海綿底做得非常鬆軟忌廉若打得好幼滑海綿蛋糕同忌廉都非常相似加埋焦糖脆脆，增加口感非常之好食

今晚約咗朋友仔出旺角，佢帶我嚟呢間小店食手工意粉門外有個搶眼又有趣的公仔燈箱～入內以簡約風格為木主，純白餐桌配木系地板而牆身掛上一系列食材的掛畫，挺有文青氣息餐牌主要有手作意粉、手作薄餅、小食及甜品仲有期間限定—涼意粉套餐第一次試就揀咗只限堂食的a1 套餐忌廉汁醃肉、日本生雞蛋配手作闊麵 $96跟餐免費配凍冷泡玄米茶賣相相當吸引～先將生雞蛋拌麵，闊麵掛滿香濃忌廉蛋汁，食落香滑細膩而柔韌爽滑，而醃肉豐厚鮮美c3 醃肉、蕃茄片、車打芝士、乾辣椒碎手作薄餅 $101跟餐免費配凍水果茶濃香芝士加上酸甜蕃茄片，配埋鹹香醃肉及酥脆薄餅，食落滋味無窮而層次豐富～(左)蕨餅配黃豆粉$49半透明的蕨餅食落軟糯而清爽彈牙，咬下去帶有芳香的黃豆味，十分香甜(右)蕨餅配抹茶粉及黑蜜$52半透明茶色的蕨餅Q彈滑溜，咬下去帶有濃厚的抹茶香味配埋醇厚的黑蜜真是搭配～整體食材用料新鮮，每道菜色都食得出用心烹調適合朋友聚會～值得再來支持的高質小店～

旺角呢間小店主打手造意粉及薄餅，食材大多都用上日本貨，真係食得出相當有水準，而且價錢親民免加一，回頭率好高，今餐2人食都係人均$150「忌廉汁醃肉、日本生雞蛋配手作闊麵」係呢間餐廳必食，日本麵粉手作麵條煙韌彈牙帶蛋香，忌廉汁拌上日本生雞蛋撈勻麵條，食落更濃郁滑更香滑，仲有自家鹹香醃肉，呢個價錢食到咁質數性價比相當高手作薄餅「醃肉、蕃茄片、車打芝士、乾辣椒碎」餅底用上冷發，所以批邊香脆中間軟熟，有拉絲效果，微微香辣好惹味「焦糖脆脆脆蛋糕」係呢到招牌人氣甜品，質素好似喺日本食蛋糕咁，海綿蛋糕濕潤鬆軟，外層忌廉係冇糖，但食到奶滑嘅香甜，而焦糖脆脆係自家製，甜度剛好夠脆不癡牙（當零食都可以😌）「烤焗芝士雞塊」即叫即焗，外層日本麵包糠香口，入面雞肉超嫩滑多汁，仲有啖啖巴馬臣芝士味，好食喔👍自家製「水果茶」及「冷泡玄米茶」，前者清甜後者充滿玄米香，冰涼夠解渴，夏天飲好舒服，跟餐免費配送

我身為多年的意粉愛好者對這家餐廳的出品十分期待這家餐廳主打手工意粉比起一般的乾意粉多了彈牙口感第一款是番茄汁風味蝦菠菜手工闊麵醬汁清新帶一點酸辣味道意粉口感彈牙煮得有咬口蝦肉彈牙有濃郁蝦香味第二款是忌廉汁白菌汁手工闊麵忌廉汁質感濃厚但沒有膩膩的感覺配上簡單的白菌更突出意粉的香味飲品可免費加配凍冷凍玄米茶加錢可配薯仔洋蔥青瓜甘荀沙律和湯薯仔沙律是日式沙律口味忌廉蘑菇湯濃厚超足料最後甜品點了焦糖脆脆蛋糕想不到意粉店竟有如此高水準的蛋糕輕盈的忌廉蛋糕配上香甜的焦糖脆脆一濃一淡入口清新甘甜是今夜的主角

今日就同朋友來旺角通菜街到揾食，唔行過都唔知女人街都有好多特或餐廳小店，咁啱見到呢間叫「Foodo 」係主打日本食材的意粉店，咁就去試下啦，餐廳以白色為主色比人感覺簡約潔淨好舒服。同埋餐廳主打都係手作意粉及薄餅。 涼意粉呢個係期間限定的意粉，內有自家蕃茄乾、蘋果、菠菜葉、及橄欖油，好啱食素的朋友，同埋佢好清新好啱而家咁熱的天氣食。而所有薄餅及意粉都可以免費升級做套餐，會有凍水果茶或凍冷泡玄米茶。 手作薄餅手作薄餅我地就選擇左果菠菜葉、車打芝士、日本太陽蛋手作薄餅，薄餅好香脆，同埋將果太陽蛋整穿來點果薄餅真係好正。 日漬糖心蛋我係糖心蛋控，去到餐廳見到果餐牌一定會必點的食物，呢個蛋生熟度剛剛好，同埋勁入味。 焦糖脆脆蛋糕呢個蛋糕真係一定要叫，佢個蛋糕底好鬆軟及濕潤，我平時都好怕食有Cream的蛋糕，但呢個Cream真係好清新再夾埋果焦糖脆脆令到果蛋糕味道更加提昇。

食咗Foodo幾年 水準一直保持到無論係 pizza 意粉定甜品都好好味服務態度好 仲唔收加一環境乾淨今次20:30到無曬送嘅冷茶 有啲可惜知道佢個甜品賣得好快所以一開始落單就已經留咗個蛋糕先😼😼反而早過我地到但食完主食先叫甜品嘅客人就食唔到蛋糕haha 蛋糕夠兩個人份量 天使脆脆超好味

今次分享下呢間我珍藏嘅良心手工意粉店，100蚊都唔洗就有得食手工意粉，CP值高，味道相當唔錯，仲有靚靚焦糖脆脆蛋糕食🫶🏻❀薯仔沙律及自家製湯品❀薯仔沙律軟綿綿咁，仲有紅蘿蔔絲、洋蔥絲及青瓜絲，食落酸酸地咁好開胃。磨菇忌廉湯飲到有磨菇粒粒，幾香口唔錯～❀忌廉汁醃肉日本生雞蛋手作闊麵❀日本雞蛋蛋香味重又唔腥，撈勻後令到個忌廉汁變到有少少芝士味咁，手作闊麵好好咬又掛汁，配上自家製醃肉好鹹香。❀醃肉蕃茄片車打芝士手作薄餅❀好多芝士可以輕鬆拉芝，醃肉鹹香，份量又夠多，加上辣椒碎辣辣地咁夠惹味。❀烤焗芝士雞塊❀雞塊用上雞扒肉，好大舊，沾上麵包糠及芝士再烤焗，食落外層脆脆地，雞肉嫩滑又juicy。❀焦糖脆脆蛋糕❀忌廉蛋糕好輕巧，軟綿綿咁，配上微甜嘅焦糖脆脆，食完都唔會好heavy。❀冷泡玄米茶及凍水果茶❀跟餐送嘅飲品，味道唔錯。

旺角手工意粉小店 — FooDo呢間位於旺角通菜街嘅小店，由藝人林秀怡合夥開嘅，主打手工制意粉，手工意粉採用日本來貨原材料來製成，主要配上忌廉汁/蕃茄汁，意粉同Pizza都係會跟餐附送1杯水果茶或凍冷泡玄米茶，🍝忌廉汁醃肉、日本生雞蛋配手作闊條麵蛋($96)店員吩咐雞蛋要盡快撈勻🥚將蛋汁沾滿所有麵條後，再加上忌廉汁，蛋香味濃之餘亦帶點忌廉奶香味，麵條煙韌有口感，而醃肉係充滿咸香，而且有油脂味，整體醬汁好多，可以均勻地沾滿每一條麵條，不錯！🍝忌廉汁鳳尾虎蝦、菠菜葉配手作闊麵($104)虎蝦都幾彈牙，醬汁同樣夠多，足夠沾滿每一條麵條，而且仲食咗啲黑椒粒粒，醬汁味道都不錯醃肉、菠菜葉、車打芝士手作薄餅($96)呢款長方形Pizza係分成四份，批底係薄批，估唔到咬落都幾煙韌軟熟，好似厚批嘅質感咁！幾鍾意呢個質感！啱晒平時鍾意食麵包嘅我😋配料有菠菜、醃肉同車打芝士，味道都充滿鹹香，夾埋一齊食都幾夾！

由藝人林秀怡開設嘅餐廳，主打忌廉手工意粉🍝人氣一直不減，估吾到手工意粉店除咗意粉之外，仲有一款甜品亦好多人食。✿ 烤焗芝士雞塊 $48雞塊香脆可口，採用烤焗方式黎烹調，確實同平時常見嘅炸雞唔同，健康啲同時又能保持香氣。食到少少芝士🧀️味道挺不錯。✿ 忌廉汁醃肉、日本生雞蛋配手作闊麵 $96醃肉都可以整得好好食！開頭以為系煙肉🥓原來吾系呢，因為味道幾似。日本生雞蛋撈勻手作闊麵好creamy！蛋香味濃郁💛🥚手工闊麵有嚼勁。✿ 忌廉汁鳳尾虎蝦、菠菜葉配手作闊麵 $104鳳尾虎蝦吾系話大隻，勝在爽口🦐意粉配菠菜葉真系夾，又健康啲。✿ 焦糖脆脆蛋糕 $54估吾到手工意粉店除咗意粉之外，仲有焦糖脆脆蛋糕亦好多人食🤎上面擺滿焦糖脆脆，即一啲甜品上嘅蜂巢🍯外層cream吾漏🤍本身焦糖脆脆系偏甜，搭配甜度較低嘅蛋糕剛好。

一早bookmark咗哩間小店🔖，因為佢係主打自家handmade意粉🍝，而唔係用機打，淨係手工製哩份誠意，已經值得去試下。間鋪冷氣好夠凍，坐底咗職員會先介紹下佢地主打食咩，非常之nice☺️。不過因為即叫即整，上菜都等左啲時間⌛。忌廉汁醃肉、日本生雞蛋配手作闊條麵 ($96)店員落單時會講明係生蛋🍳，可能怕有人接受唔到，不過佢係採用日本生雞蛋🇯🇵，唔會怕食完會唔舒服。一黎到已經見到Handmade闊條麵同平時食開嘅例牌意粉唔同😮，每一條麵形狀都不一。而佢意粉嘅熟度可以話Perfect💯，做到al dente起骨嘅效果👍🏻，唔會過軟亦唔會過硬。個意粉汁都係自家祕製，撈埋隻日本生蛋就變左港式卡邦尼🍝，由於闊條麵掛汁能力強，每一啖意粉都被Creamy嘅汁忌廉包住，不過忌廉食到後面可能會有啲啲漏🫣。要讚一讚個醃肉，唔係hea你用普通啲煙肉碎而係醃過嘅五花肉片🥩，充滿鹹香油香，非常有風味同有心機嘅做法，肉嘅份量都有7-8片，一啲都唔孤寒👏🏻。醃肉、菠菜葉、車打芝士手作薄餅 ($96)薄餅即叫即焗新鮮熱辣上到，形狀唔係平時食開嘅圓形，而係長方形🍕。餅底就係薄批，焗到好似餅乾咁香脆。車打芝士底部變左

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 每份細細碟，唔會過飽值得一讚嘅係烤焗芝士雞塊非常脆香嫩滑！爆哂汁！同啲芝士好夾𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 忌廉汁鳳尾虎蝦，菠萊茱配手作闊麵 104配水果茶✨ 菠菜葉，車打芝士，日本太陽蛋手作薄餅 104配玄米茶✨ 忌廉汁白菌配手作闊麵 104配水果茶✨ 烤焗芝士雞塊 48𝐒𝐞𝐫𝐯𝐢𝐜𝐞⭐️ 紙巾要問員工拿ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ Foodo📍 3-5, Ladies' Market, 3-5 Tung Choi St, Mong Kok

呢間餐廳主打一系列手作意粉, 薄餅同班戟🤲🏻選用日本麵粉同雞蛋 食物又平又高質😚店員服務態度好又熱情 值得一試❣️.📌醃肉、菠菜葉、車打芝士手作薄餅 $96手工pizza必食呀‼️批邊焗到外脆內軟 批底煙韌 滿滿嘅車打芝士 鹹香味濃郁 仲令成個pizza更軟熟🧀️醃肉用咗五花腩 偏瘦但完全唔鞋 仲好爽口🐷用上唔同嘅香料醃製 食落有啲似韓式五花腩+印度烤肉 好特別🍖面頭加左菠菜葉 令味道更清新🥬整體配搭得好好 一定會試埋其他款呀😍.📌忌廉汁鳳尾虎蝦配手作闊麵 $76手作闊麵賣相好吸引🤩麵質煙韌彈牙🍝忌廉汁好creamy 味道濃郁 每條麵都掛晒汁 但食落一啲都唔膩🤍三隻鳳尾虎蝦好爽口 不過梳打粉落得重手咗啲 蓋過咗蝦嘅鮮甜味🦐.📌日漬溏心蛋 $13半熟流心蛋黃好滑溜 蛋白夠彈牙 熟度啱啱好 醬油香味相當濃郁🥚.📌配凍水果茶 $free帶微微熱帶水果嘅果香甜味 好清新🥭🍊🍍.📌配凍冷泡玄米茶 $free係日本嘅玄米茶 糙米味好香 茶底濃郁🍵

之前都係食開P字頭嗰間嘅手工意粉，食到厭厭地，朋友推介呢間 話價錢抵食之餘，質素都唔差~餐湯餐湯係自家製嘅忌廉蘑菇湯，飲得出好足料，不過如果保留返少少蘑菇粒 有返啲咬口就仲正👐🏽忌廉醃肉生雞蛋手作寬麵佢地嘅signature，見枱枱客都有叫 XＤ 佢地嘅麵好有韌性，而且厚度啱啱好，唔會太厚食到成口粉。肉唔會醃得太鹹，撈埋忌廉食有種鹹鹹甜甜嘅感覺。加埋隻蛋一齊食，口感好滑。我覺得四者之間係一個好好嘅配搭，唔怪得咁多人嗌～蕃茄汁鳳尾虎蝦手作寬麵意粉同樣係手工做，今次配上帶有少少辣嘅蕃茄汁，食落酸酸地辣辣地非常開胃。鳳尾蝦好大粒好彈牙，好食😋芝士焗雞呢個係即叫即焗，濃濃嘅芝士焗溶哂😍雞肉都幾大粒，好香口～水果茶同埋玄米茶叫意粉的話，仲會跟餐送埋嘢飲，都幾抵食🫶🏼

位於旺角女人街，周圍食肆林立，呢間餐廳以簡單整潔舒服的設計，吸引到我入去一試。🤍餐廳主要售賣的食品是意粉、簿餅同甜品！材料款式不多，但好精要。🍕菠菜葉、車打芝士、日本太陽蛋手作簿餅 （$104）長方形的簿餅，燒得好香身，厚簿度比起我地傳統的簿餅過之而無不及，脆得來不會覺得似食餅乾，簡簡單單的菠菜葉、車打芝士、日本太陽蛋更襯托到簿餅的美味！👑🍝忌廉汁醃肉、日本生雞蛋配手作闊麵（$96）手作闊麵有咬口、有較濃的雞蛋香，配上簡單卻精要的食材，味道不錯！🥣磨菇忌廉湯（跟餐＋$18）好香濃，濃郁的磨菇忌廉，飲完一啖又會想繼續飲。🥗薯仔洋蔥青瓜甘荀沙津（跟餐＋$13）清新的味道，酸酸甜甜好開胃。

成日約朋友食飯都行經通菜街, 新開左一段時間次次見到都好多人食今次入去先知原來係明星店~ 我地坐入面睇住個電視mon就見到有雜誌報道「手工意粉殺入旺角」就係以前睇TVB林秀怡🤣店鋪唔算大, 但裝修簡潔, 白色主色, logo好似隻白色小鬼幾cute; 餐點主要係手工意粉同pizza, 另外加D小食同甜品, 西日式為主蕃茄汁醃肉配手作麵 $96菠菜葉、車打芝士、日本太陽蛋手作薄餅 $104呢個價錢包左凍水果茶或凍冷泡玄米茶, 唔係話好抵食, 但因為店家係用日本麵粉同日本雞蛋, 意粉超彈牙同蛋香味都特別突出, 所以都好值得; 蕃茄汁醃肉仲好香香草味, 肉塊多汁好開胃🥰手作薄餅亦好出色, 個餅底好軟熟, 酥脆得來唔油, 個蛋流心用來點pizza食好正; 芝士味超香! 原來唔一定要蕃茄醬做底既pizza都好好食🤤烤焗芝士雞塊(4件) $48即叫即焗超正, 一上菜已聞到超香芝士味, 雞塊厚身多汁, 肉質堅挺而鮮嫩蕨餅配黃豆粉 $49係日本食到既風味😆 蕨餅冰凍煙韌, 沾滿黃豆粉甜甜地, 為晚餐畫上完滿句號