Food Combo (已結業)

今次入咗屯門睇下有乜好食，見到好多人都介紹依呢間Food Combo😌 佢開左係新落成嘅大廈到，睇落好新，環境亦唔錯☺️叫做food combo佢嘅menu係一款款定食，包咗薯仔或紅菜頭沙律，湯同水果😝 前菜/配菜嘅質素的確唔差，沙律同雞翼更加令人眼前一亮，幾高質🤩 旁邊亦有水吧，有3款嘢飲斟，有茶呀杞子水個啲，唔錯架好過就咁飲水😋去到正餐部分，我地點左最多人講嘅西班牙海鮮飯同好耐冇食嘅香煎鱸魚🤪 鱸魚係配類似用豆煮成嘅咖哩汁同薯蓉，肉質幾滑，唔係好腥，唔會食到雪味👌🏽 薯蓉就正常，滑身棉滑，但就唔夠牛油香🤣西班牙海鮮飯就較為強差人意，似係KFC雞皇飯質素，好失望呀😭 急凍海鮮嘅質素算唔錯，但成個飯就唔值得呢個價錢😟 如果係$100內，我會食得開心啲😂 唔係難食，只係未去到$200嘅質素，性價比較低🙈總括而言，主食質素一般，其他野食係唔錯，份量足夠食到飽飽😬 可能我地手氣差揀錯餐，可能其他肉類會好啲🤔▫西班牙海鮮飯配焦糖青檸雞翼 $176▪香煎鱸魚配特式炸雞粒 $168

今日經過呢間舖門口，見到餐牌食物都幾吸引，見好耐冇食西餐於是走入去試下。入到店內環境好企理，衛生做得不錯，由於今天公眾假期只有套餐，我叫咗個西班牙海鮮飯餐一上菜就俾佢吸引住，相機食先睇落去好普通，但咪道好正！一點都不覺得咸，南瓜蕃茄湯仲有D南爪蓉，味道清新不太甜，個沙律係薯仔做底上面有羅馬生菜同羽衣甘藍，加咗少許胡麻醬食落下不會太寡輪到主菜個飯，飯粒不硬又不會太軟口感適中，廚師功架一流味道不錯海鮮類有帶子，蝦，青口仲有墨魚，要讚下D帶子，廚師好細心將帶子兩面都煎香，口感又提升不少同時間帶出海鮮嘅鮮味仲有個雞翼小食，外脆內軟，而且雞翼下面有腌好咗嘅蘿蔔，食完雞翼覺得有油膩感可以食D腌蘿蔔中和番！最後嘅飯後果都好新鮮另外仲有兩款冷飲同一款熱飲任君選擇，我就選擇兩款冷飲一款係水果水，另一款檸檬，由其🍋🍋直得推介，裡面有少少蜂蜜飲落去喉嚨好舒服總指：服務態度好好，食物質素不錯，我會再去的！

自從搬返屯門區 foodcombo就成為我心目中食嘢嘅頭幾位 無論係拼盤定焗飯都好出色（焗飯可以咸多些少）作為lunch係一個性價比高嘅選擇 可惜近日再次去嘅時候 俾位女店員西面 我地係嗌小食拼盤 佢覆單要雞翼薯條我地本身都無為意 因為拼盤的確有雞翼同薯條上菜嘅時候先知原來唔一樣 跟手就向你地位女店員確認一下 你地嘅員工竟然串我地係覆單嘅時候話岩 所以先落 。。我想講客人唔係你地嘅員工 唔知你兩樣野有分別 你話雞翼薯條 咁個拼盤都有 我地先話岩 唉 點都好啦 你地d野咁好食 就算你服務西都會照幫襯嘅sor for 無圖

Food Combo 都開左一段時間了, 每次經過都有諗下好唔好去試下. 今次下定決心去幫襯下啦! 所以就去試下個午餐先. 先講個門面就好清新下, 乾乾淨淨, 舖面就唔係大, 不過地方四四正正. 都尚算可以! 不過餐廳本身就細, 座個位亦都窄, 所以食完你唔想走都唔得. 大家當快餐店咁食就得! 如果想坐下傾下偈, 呢間舖就未必係個好選擇了.我今次同個同事一齊去試左二個午餐,  芝士白汁海鮮焗飯 / 芝士茄汁牛肉焗飯. 老實講, 二個既味道都好一般. 先講白個海鮮焗飯, 佢係用珍珠米, 本來都好地地, 但係佢個焗飯的米又濕, 即係唔夠乾身, 食落去好似糊仔咁! 失敗....  咁煮咪就係浪費左個米囉! 然後個海鮮, 好似平時去超巿買一包雜錦海鮮果啲料咁, 唔都方係好野! 個白汁自己煮又調得唔好味, 再去焗放啲芝士响面! 成件事真係好錯... 個份量亦都唔大. $68 一個飯, 連杯餐飲都唔跟, 叫你自己响出面攞已經預備好既飲料. 即係連服務都慳番, 水吧都唔使安排. 如果佢個飯會炒下底, 個米唔好咁濕, 啲用料比番好少少, 就算細碟啲我都可以接受. 但係食水咁深, 同埋唔知係咪個廚本身都

上星期三逛屯門既時候，同班frds行到攰攰地就是但入一間餐廳食午餐....一入到門口，眼見餐廳間格整潔，色調和諧，讓人有舒服的感覺...坐低之後，就開始睇menu揀野食....menu上有lunch set ($60-$80)同小食（$3x-$5x)....我忘了影低😑我地一行四人最後揀了三個lunch set （2x意粉+1x焗飯）同一個雞翼薯條拼盤小食...飲野方面就包任飲...個日有熱薑茶同凍檸茶...總括然而，整體不錯，環境整潔，服務態度良好...價錢合理....值得推介...

好耐無同朋友出街晚飯聯誼，揀選了這間未試過的餐廳。我早點到達取位，餐廳空間較峽窄，座位不多，侍應看到我朋友們還未到來，才提醒我用餐只有90分鐘！如果我入座前你已說明，我便會轉移陣地難得出街吃飯，卻又不可慢慢享受我們選錯了聚腳餐廳。還好餐牌上套餐款式吸引，應該有的都有，還附上簡單的沙律及水果，蕃茄湯美味，最重要賣點當然是任飲自助飲品吧，精緻的薄荷檸檬汁水，凍檸檬茶及熱飲杞子圓肉茶，客人都有禮貌，沒有執輸行頭慘過敗家的心態，眼見都只是添一次兩次便足夠。想快吃一頓豐富晚餐，呢間係心水選擇。

今日同舊同事相約左係呢邊食飯, 諗左好耐都唔知食咩好, 我又未病好😫係附近行左好耐最後都係決定黎food combo一試.呢度地方唔大, 所以都要禁張飛仔係門口等下.dinner有好多種揀, 百令到二百令都有.我就叫左肉醬意粉加墨魚串 $108好香, 而且有生果跟, 西瓜 菠羅咁, 好鮮甜架!唔係平時果D求其比人既生果盤, 個意粉咸左少少, 可能我病緊個味覺唔同少少啦.而同事就叫左呢個西冷扒 5成熟 $178扒塊好大, 同事切左少少比我食 好JUICY, 唔會咬唔爛! 如果唔係病緊既話我都想叫扒食呀!後面果個應該係自助飲品BAR黎既, 有水有茶咁, D水浸住D橙, 水入面有淡淡既橙味, 好飲!我地食飽左之後仲坐左一陣, D姐姐都唔會話趕我地走, 收好D野之後叫我地慢慢坐

今日發現屯門開左一間又舒適食物又健康嘅餐廳,名叫food combo.屯門站落左車,行3分鐘就見到真係好方便!入到餐廳地方唔算好大,但環境周圍都好潔白又舒適而且飲品方面喺可以自由使用的,有檸檬薄荷水，桂圓杞子茶,同檸檬茶.全都好啱哂我口味點餐方面叫左一個lunch set d茄汁牛肉焗飯加粟米蓉湯輕食既卡邦尼意粉,最後嗌左個芝麻雞翼薯條!當然仲有田園沙律🥗，清新一下粟米蓉湯,好有香濃的粟米味，唔會太鹹,夠哂健康!茄汁牛肉飯,牛肉好入味，一啲都唔硬同夠冧，配上又香又濃嘅芝士更加好味卡邦尼意粉,果汁真係超正,都係果句啦真係唔會鹹~最後係個芝麻雞翼薯條,覺得焗得岩岩好，過後又唔會過火，配埋芝麻簡直又香又脆!得閒去屯門，又多一個選擇了

和男朋友在屯門行街，行過鄉事會路，見到有間餐廳裝修好靚，就入咗去食。餐廳有個自助水吧比客人自己添飲既，個日分別有「鮮薑紅棗桂圓杞子水」、「薄荷鮮橙水」同「檸檬茶」，我就試左檸檬茶。茶底好香好濃，平時叫開少甜，呢個甜度對於我黎講岩岩好美國安格斯西冷(9安士)荷蘭汁配南瓜薯餅（$218）個set 好豐富，非常健康，有齊生果，沙津和可口嘅炸物，營養均衡得黎又係吸引到大人細佬食個種。首先個沙律好新鮮，而個湯酸酸甜甜幾開胃。個西冷扒肉質好嫩滑，叫左七成熟，剛好，口感不錯。南瓜薯餅炸得金黃色，非常香脆，又不油膩，十分好食。卡邦尼大通粉配薯絲蝦奶油的味道好突出，溫泉蛋黃搞勻後混入卡邦尼大通粉中，以煙肉及切粒蘑菇伴菜更畫龍點精，口感不錯。本身以為份量唔多，點知食到我地兩個大叫飽😂，一個set有埋沙津生果湯，岩曬我呢d三心兩意咩都想試下嘅人

入到去環境好舒服，好文青感覺，整體以白色為主，燈光充足💡，好光猛，衛生環境唔錯，加上一啲簡單嘅裝飾，配上一啲柔和嘅純音樂🎶，成個環境好寧靜好舒服餐牌入邊有A至J set，每set包括有餐湯、沙律🥗、水果🍎、同埋一個小食，嘢飲有三款、嘢飲自己斟，可以任飲，有凍檸茶、凍薄荷鮮橙水同埋熱鮮姜紅棗桂圓杞子水，我地每款都試左少少，薄荷鮮橙水無加糖，其他果兩款都唔係好甜，好健康，正合我心意😍Set J 西班牙海鮮飯配焦糖青檸雞翼 $178(美味指數: 😋😋😋😋😋)西班牙炒飯好足料，有帶子、蝦、魷魚、辣肉腸，面頭灑左一層七味粉，有少少辣味，都幾野味，而且海鮮好彈牙啊， 十分推薦！小食係焦糖青檸雞翼，雞翼嘅表面脆脆地，鋪上黑白芝麻，入面幾嫩滑，加上青檸汁，好開胃Set G 紐西蘭肉眼(9安士)荷蘭汁配南瓜薯餅 $218(美味指數: 😋😋😋😋😋)我地叫左7成熟，仲有薯蓉同埋粟米。先講下個牛扒，好大塊，面頭有啲炸蒜片，切開塊肉仲有肉汁，食落有少少咬口，但又唔會太韌，薯蓉都幾正，好creamy，好滑，有陣奶香味，小食係南瓜餅，外層好脆，入面啖啖都係南瓜蓉兩個set都的餐湯都係南瓜湯，幾有驚喜，味道濃郁，好有

去屯門睇戲，睇完戲喺附近搵嘢食，行過見到開咗幾間新鋪，揀咗呢間鋪嚟試晚餐餐牌得十款，啱我呢d選擇困難症嘅人😂有扒有魚有飯有粉麵，選擇都幾多叫咗一份三文魚同牛扒番茄湯好濃，好開胃。三文魚好大份，加埋粟米粒同薯蓉，完會夠飽肚。另外重有幾舊韓式炸雞，生果同沙律，相當豐富🤤另外一個餐叫咗牛扒，牛扒都好大份，有少少肥膏，食落口好香。重有塊南瓜薯餅，外脆內淋，唔錯。同樣都係有番茄湯、沙律同生果。每個餐都包嘢飲，嘢飲係自助式任飲，有紅棗水、香橙薄荷水同檸檬茶，我哋淨係飲咗檸檬茶，因為對其他兩款冇乜興趣😂

The shop isn’t big here but so neat. Having to wait for tables during peak dinning hour. But it’s really lacking of staff, you can see only one waitress in the whole restaurant. There are ten daily sets, and you can freely get your drink in self drink bar. I think you can mix mint orange juice and lemon juice together cause the lemon juice is too sweet. But I do think Jojobe wolfberries longan hot water seems the best.Daily soup is tomatoes beef soup with strong beef flavor. Beetroot and orange

三個朋友各自點左三個餐share，閒日晚市人流唔算多，但八點後開始多人。每個餐都跟一個餐湯、main course、小食同生果，飲品有三款、自助式任飲。當晚有熱飲桂圓紅棗、凍飲橙水同檸檬茶。每個main course 份量都偏大，如果胃口細，三個人叫兩份可能好啲。沙律ok，但其實佢係增量版既跟餐沙律，好似材料同同味道無好大分別；牛排一般，有點軔；西班牙海鮮飯ok。跟餐魷魚串一般，薯餅好味，有個餐都係跟返沙律。

呢度最特別就係飲品係任斟架，有鮮薑紅棗桂圓杞子（熱）、薄荷鮮橙冰（冷）、檸檬茶（冷），而我就最鍾意鮮薑紅棗桂圓杞，材料有龍眼肉、桂圓、薑片、杞子，唔太甜，熱熱地，好健康等左一陣，一個擺得好精美午餐就送到啦，一個set就有齊前菜沙律，番茄湯，芝麻雞翼，仲有生果添介紹吓主角西班牙炒飯先，面層鋪滿唔同既海鮮，例如青口、大蝦、魷魚、帶子等，下面就係金黃色既飯粒令一個set嘅小食係跟辣魚餅雞扒輕輕一煎，外皮脆脆的，肉質依然juicy，葡汁都好creamy，如果再多啲椰汁會更好

收工後來到位於屯門Vcity附近的Food Combo，一個人坐在位於高腳bar枱位置，枱面雲石紋，很吸睛。點了什扒黑椒汁配南瓜薯餅$188，包餐湯、前菜、小食、主菜和飯後生果，更有自助飲品吧任斟。自助飲品吧有三款左邊是冷的薄荷鮮橙水，中間是熱的鮮薑紅棗桂圓杞子水，右邊是冷的檸檬茶。先來一杯鮮薑紅棗桂圓杞子水，夠養身暖胃，之後再倒了一杯凍檸檬茶，開胃清新。食物上枱時都放在木餐盤上，定食擺盤吸引﹗是日餐湯南瓜湯，南瓜磨得好細緻，喝下來香濃幼滑﹗南瓜薯餅又香又脆~什扒餐份量十足，有牛扒、海蝦、煙肉、德國腸、芝麻雞翼、粟米和薯蓉，十分豐富。個人最愛德國腸，多汁好味又不會太咸，粟米和薯蓉伴碟可以減輕油膩感。水果有西瓜、哈蜜瓜和橙，新鮮清甜。 餐廳環境舒服，定食豐富滿足~