Food Combo (已結業)

今日經過呢間舖門口，見到餐牌食物都幾吸引，見好耐冇食西餐於是走入去試下。入到店內環境好企理，衛生做得不錯，由於今天公眾假期只有套餐，我叫咗個西班牙海鮮飯餐一上菜就俾佢吸引住，相機食先睇落去好普通，但咪道好正！一點都不覺得咸，南瓜蕃茄湯仲有D南爪蓉，味道清新不太甜，個沙律係薯仔做底上面有羅馬生菜同羽衣甘藍，加咗少許胡麻醬食落下不會太寡輪到主菜個飯，飯粒不硬又不會太軟口感適中，廚師功架一流味道不錯海鮮類有帶子，蝦，青口仲有墨魚，要讚下D帶子，廚師好細心將帶子兩面都煎香，口感又提升不少同時間帶出海鮮嘅鮮味仲有個雞翼小食，外脆內軟，而且雞翼下面有腌好咗嘅蘿蔔，食完雞翼覺得有油膩感可以食D腌蘿蔔中和番！最後嘅飯後果都好新鮮另外仲有兩款冷飲同一款熱飲任君選擇，我就選擇兩款冷飲一款係水果水，另一款檸檬，由其🍋🍋直得推介，裡面有少少蜂蜜飲落去喉嚨好舒服總指：服務態度好好，食物質素不錯，我會再去的！