Flames (海濱匯)

营业中

休息中

Waitress落錯單，同事過嚟共覆咗3次單，等咗40分鐘，枱枱都有野食，但我地連飲品都未到，因為連飲品order都落錯…😓服務質素唔達標，唔值得再幫襯🥶 食物環境方面就唔錯

星期日好天氣☀️去觀塘海濱漫步，之後去左海濱匯既「Flames」午餐🥣，餐廳裝修精𡟹簡潔，食物以Pasta、pizza等為主，環境舒適，食物有質素，可以輕鬆享受一個愉快午餐✨。香蒜蘑菇銀魚柳薄餅🍕$128餐廳既手工薄餅十分出色，薄餅鬆脆好味，銀魚柳帶點咸香，味道較一般薄餅特別，有中西合璧感覺，配合拉絲芝士，好味新口味。黑松露卡邦尼扁意粉🍝$108對於我尼個黑松露控，濃郁既黑松露醬又香又好味，配襯卡邦尼醬汁十分出色，扁意粉🍝十分掛汁，彈牙有口感。炸魚薯條🍟配他他醬$128大大條炸魚柳，外脆內軟，份量夠曬多，而且唔油膩，再加埋脆薯條，必點之選。✨

地點有啲遠，但食物既味道都好好，值得行遠啲黎食！蘑菇湯：蘑菇湯基本上無得挑剔，煮得好完美，夠熱，味道亦非常濃郁。龍蝦汁意粉：呢個意粉係有啲驚喜。本身以為配搭普通餐廳都常見會無咩特別，但味道卻比其他餐廳都出色。龍蝦汁味道香濃，蝦都好新鮮。肉眼扒：肉眼扒好食，medium rare無煮多，肉好鮮嫩，配菜都份量多而且好味。總括黎講，所有食物都好食，無後悔黎到，期待下次再試下其他菜式，300幾蚊一個人都物有所值。

呢間西餐位於觀塘，餐廳分戶外同室內座位，餐廳有會員系統只要join左，A la carte散叫有8折，星期六日仲有免費兒童餐提供，呢個地方好岩小朋友放電,戶外地方仲有個小草地可以俾小朋友響出面跑黎跑去或者踢波咁,見到有D小朋友響外面都玩得好開心,我地叫左一碗好濃味既蕃茄湯，一份炸到外脆內軟既炸魚薯條，薯條好多好粗身，大大條，仲有好好味既牛扒，肉味超濃郁好juicy，牛扒大大塊，咖啡仲有拉花心心，仲有好味勁濃芝士味既蛋糕。

九龍灣商廈海濱匯開左唔少餐廳，Flames主打多國菜，餐廳環境唔錯，有落地玻璃窗，仲設有室外座位，日頭時間坐戶外都幾有氣氛🤩🌟½葡式香辣燒雞配薯條 $188燒雞雖然係半雞，但份量都唔惹少，外皮燒得香脆入味，仲加左唔少香草去醃過，另外更配一款辣辣地嘅醬汁，食落有d似印度風味，又幾好食😚🌟 紅酒燴牛面肉草菇扁意粉 $128牛面肉炆煮到非常軟腍，仲有香濃嘅牛味，用紅酒煮過嘅牛面肉令到牛嘅鮮味提升，意粉汁就用番紅酒汁但加左辣汁，食落多左陣香辣嘅口味，令人更加開胃🥰🌟 黑松露薯條 $48薯條份量真係好多，即炸食落香脆熱辣辣，仲有黑松露嘅香味，呢個價錢係幾抵食👍🏻🌟 CRANBERRY JUICE $38🌟ORANGE JUICE $38

超喜愛九龍灣海濱滙Flames的氣氛，一半室內一半室外的用餐環境，天氣好坐到室外望著Megabox 一帶更覺開揚整家餐廳也充滿悠閒舒適的感覺。Flames菜色供應也甚豐富，Weekend Brunch由輕食沙律到即烤Pizza, 肉食愛好者也有澳洲烤雞與紐西蘭肉眼， 也有各款pasta ，跟餐加甜品都可以。-巴馬火腿火箭菜薄餅Pizza賣相好繽紛，簡單以巴馬火腿火箭菜同巴馬臣芝士做材料，火腿咸咸香香，火箭菜新鮮帶微辣最重要餅底是我愛的，外脆內煙韌帶麥粉香口感一百分。-炸魚薯條配他他醬炸魚超大塊😍😍😍外邊脆漿唔會太厚，魚肉都嫰身薯條炸得金黃，外脆內軟完全停唔到口，-8安士紐西蘭肉眼扒配燒蔬菜 另配燒大蝦兩隻想吃豐富一點叫肉眼肯定沒錯，烤得得一流的紐西蘭肉眼，--入味軟淋，肉香也滲滿整個旁邊的烤蔬菜再加上燒大蝦，十分大推，仲有甜甜的烤澳洲新薯，好滿足啊～

天氣咁好，同阿囡黎觀塘海濱公園玩餐飽， 玩咗兩個鐘出完一身汗好肚餓，行去對面就有海濱滙上一樓高質餐廳食野照燒汁金獅魚柳配芝麻油燒粟米 $198大人小朋友都好啱食，魚柳味和燒汁味好夾，仲可以突出魚既味道。配菜都好有驚喜，落足心機，少少燒乾得黎又保黎少少水份蟹肉巴馬臣芝士脆脆蕃茄忌廉汁通粉 $138阿囡主動要添，係咁講話好好食， 有蕃茄汁但係又唔同平時紅色的，叻叻手勢再出現，讚！！香草蒜蓉包 $48好香脆，脆既程度好透徹，堅塊塊都脆卜卜，仲要有5塊呀

如果唔鍾意假日同人逼，可以考慮呢間喺觀塘海濱長廊位置嘅Flames。呢間餐廳有戶外同室內部分，室外部分如果好天嘅話，環境極之靚，絕對係打卡好選擇，可惜我同我老公用餐嗰日天氣唔係咁好，我哋打消咗呢個念頭。呢日我哋12點嚟到，所以完全唔使等就已經有得坐，但係坐坐吓大概1230左右，已經湧現人潮，所以奉勸各位想Chill吓嘅朋友，千祈唔好晏起身，要嚟食個Early Lunch。整體嚟講，啲食物價錢唔算貴，而且大大份，所以CP值都好高吓。1. 內眼扒配燒蔬菜  HK$178呢個價錢歎到咁嘅Size嘅肉眼扒，係抵嘅！技巧方面就要讚吓個廚師，我哋叫Medium，佢完全做到外脆內有肉汁，切開牛肉嘅顏色都幾靚，絕對收貨。而成碟嘅靈魂係燒蔬菜，平時自己喺蔬菜整燒或焗蔬菜，都一定係難食收場，但呢間 餐廳整到真係好好，有恰到好處嘅燒烤味，而且亦唔會話整到乾晒。2 馬格麗特薄餅 HK$138 個薄餅一上台已經好香烤焗麵粉味，睇Pizza焗出嚟嘅形狀，亦都證明個麵團發酵得好好，咁嘅價錢食到手工Pizza，每小塊上 面個芝士仲要大大舊，好香奶味，算係咁。另外叫咗兩杯Iced Americano，埋單400蚊有找，

情人節晚餐$688另加一.頭盤有三文魚他他同蘑菇湯，個湯係全餐最好飲的，夠熱同creamy主菜揀咗牛同羊，牛點餐嘅時候店員無問要幾成熟，不過最後生熟係ok ge，肉質都ok同幾多配菜，不過我覺得個醬太咸了，但係本身肉又無乜醃料味，同唔夠熱！上菜嘅時候已經凍凍哋，坐窗口位吹一吹就好快凍晒🥶朱古力蛋糕係經典，硬過我條命，完全未解凍，枱枱都食咗一兩啖就無食😵同埋全間店嘅店員都瘋狂漏單❗️❗️湯食緊主菜嘅時候再吹先有，甜品吹咗4次先有，嘢飲吹咗5次先同我哋講無落單🙂最後埋單先有杯水飲🫠並不是單一事件，隔離枱枱都係咁吹漏單😶

明明叫咗情人節set，點知前菜都未上主菜就到，以為係佢上菜亂嚟，點知原來係店員搞錯咗，叫set變咗散叫2個主菜only................... 同佢講返話係要set呀，等咗一大輪，最後先話轉唔返做set，送2個湯補數.............. 同埋2個主菜份量好細，等到天荒地老先話無得轉返，唔想再留係佢度食，但埋單後其他餐廳都已經臨近收鋪，之後要去食麥記................. 哩個用餐體驗真係好差！

情人節去咗海濱匯食飯，揀咗間幾多人like 嘅西餐廳，有少少景觀，室內裝修都ok嘅。20:00嘅到場，座無虛席，餐廳有特定情人節套餐，～$700 for 2，見套餐入面嘅食材都啱心水，所以訂枱嘅時候已經order咗，唔想去到乜都賣哂🤣🤣 一去到已經覺得餐廳人手唔夠，侍應溝通混亂，一時又叫我哋喺門口等，一時又叫我行入去，行到入去，又話張枱未得，叫我去返門口😒😒😒 來回幾次，印象分已經扣哂☹️點知一上菜就更加失望😫 餐湯只能叫微溫，份牛柳直情凍嘅，意大利飯就水汪汪，我地同隔離枱嘅食物就成日溝亂，放嚟放去，食到一半待應問我飲咗湯未🤦🏻 真係救命🆘 邊有咁㗎🫠🫠 未到22:00廚師已經走頭，22:15待應走咗一半，但餐廳裏面計埋我嗰枱都仲有5枱客未走😑😑😑 雖然個餐唔算貴，但唔係咁下嘛，真失望☹️ Flames 無下次😒😒😒

本來想和老公預祝情人節，於是預先於open rice 訂枱，這次是極度令人失望的體驗，我們到達餐廳後並沒有職員帶位及安排，在餐廳門口等了大約5分鐘再詢問職員才被安排坐的位置，眼見有3-4位外國人職員，但有2、3位都在處理收錢問題，餐廳沒有主動提供餐牌，眼見餐廳內較為繁忙，於是我們已自行於其他餐枱取餐牌參看，坐了20分鐘已分別向2位不同店員表示想落單，只收到打開手掌示意他們非常忙碌不要落單，但過程中並沒有表示何時可以協助我們，只是不停出餐及收拾枱面，我們第三次表示想落單，依然沒有職員理會。坐在餐廳的20分鐘內，完全沒有職員理會過我們，我明白晚餐時段較為繁忙，但食客不至於要完全被無視，想點餐還要被職員制止，最後我們憤然離開，向職員表示感到他們bad service ，職員還表示他們已經try my best, 完全沒有向客人表示歉意！對於這次的餐廳體驗，絕對極之憤怒和失望，餐廳有人手不足問題，亦不應對食客如此態度。

Flames (The Quayside) 今日同老婆早收工去咗啟德海濱散步，我就預先搵定餐廳食晚飯FFC 就係炸雞但係估唔到佢哋份量那麼多，外皮揸得非常酥脆，雞肉配上特製的葡萄牙醬，香辣又惹味。而且跟配既薯條絕不馬虎，炸得香脆熱辣辣配黑松露醬，非常好吃Beef Cheek Mushroom Linguine 牛面頰蘑菇扁意粉，牛面頰多汁牛肉味重每粒牛肉大都很有咬口，意粉都好煙韌，配扁意粉非常之好味1/2kg Mussels 青口非常新鮮嫩滑， 而牛油加上惹味嘅蒜蓉 更加令到用清酒煮過嘅青口都可以有更出色嘅口感總括嚟講，Flames算係係澳洲風既西餐廳中都好出名， 而且戶外座位，傍晚到夜晚都非常之有氣氛，仲有好多人來happy hour飲番杯，而且見到佢哋好多菜式都好有風味，搞到我都好想下次再試吓唔同嘅款式#Flames #探店 #九龍灣美食#foodie #hkfoodstagram #hkfood #hkfoodlover #kaygorfoodie #hkig #hkfoodie #foodiehk #hkigers #hkfoodblog#hkfoodblogger #fol

📍 Flames (海濱匯) (觀塘)觀塘海濱道77號海濱匯1樓2號舖weekend去觀塘，見到呢間bookmark左好耐既餐廳原來呢到都有分店，就一於去完夢食下，而且餐廳又有outdoor，岩曬我鐘意戶外chill吓既感覺🌴🌲🍀而且假日都有brunch set價錢合理😆😆👉 巴馬火腿凱撒沙律(drinks +18)💰118😋😋😋😋.2/5行入舖個時見到每枱都有，份量好大碟有好多菜，夾埋咸香的巴馬火腿，同埋面頭撒了點麵包脆脆增加囗感，清夾得黎又唔會太dry😆咖啡☕️香濃😆👉8oz紐西蘭肉眼扒配薯條 (drinks +18)💰178 😋😋😋😋.2/5肉眼肉味幾夠，我叫左3成熟，外層煎到焦香，入面仲有粉紅，都幾juicy，面頭有 新鮮香草，香草味超香。另外，值得一讚佢個薯條超香脆，薯條香脆口感同平時食開既唔同，而且佢仲有味粉係面，超惹味。配凍莫卡咖啡☕️👉 牛油烤雜菜💰$48😋😋😋😋.3/5烤雜菜帶炭香，份量都頗多，有薯仔，西蘭花，椰菜花，同紅蘿蔔，唔錯。回頭: yesYesyes ！呢到氣氛好輕鬆，好岩小酌，有咖啡又有酒，又室內又有室外，食物質素及環境相配合下，真係相當chill。#kerm

Flames位於海濱匯，係正九龍灣同牛頭角地鐵站中間，兩邊行過去都幾遠😂 我係平日夜晚去食，完全估唔到成間餐廳都爆晒，我早左15分鐘到係無位入🥹佢有2人餐同4人餐提供，但如果叫扒要加錢，計埋其實同單點相差不多。意粉好creamy好好味，西冷牛扒正正常常，反而個紅酒汁真係食到酒香比較搶鏡，配菜既薯蓉同雜菜都焗得幾香。整體講食物不過不失，餐廳有戶外部份，坐出去既話個景都幾浪漫，唯一扣分係餐廳出菜都真係幾慢🥲