Figos

营业中

休息中

為免大家白行，呢間餐廳拒絕用正本紙本針卡的食客，各位自行決定去唔去啦。根據政府發出之原文指引，政府係允許紙本針卡作「疫苗通行證」：「你可以使用下列方法出示疫苗接種紀錄以作「疫苗通行證」之用：印有二維碼的紙本本地疫苗接種紀錄；或 .....」但呢間餐廳拒絕政府認可既針卡，亦唔解釋基於咩準則，一味用高高在上既態度話安心出行無登記電子針卡就唔入得，好似客人求間餐廳做生意咁。連政府都列明接受紙本針卡，呢間卻率先對巿民施加不合理限制，實在太霸道及有歧視之嫌。

今日來愉景灣行山，行完山醫下個肚。平日一至五，11:00-3:00有set lunch,有一個main, soup or salad, desert or coffee or tea. 好似好多野食咁。因為太肚餓啦，於是衝入去試下先，有露天及室內地方選擇。點了慢烤澳洲西冷牛扒配香草焗薯，烤菜，迷迭香汁要加50元，另外椰奶炸魚柳包配粗薯條。另加30元前菜蘿蔔青菜豌豆青豆沙律，同是日餐湯，餐湯蘑菇味濃郁，唔錯！不過個餐包係凍既，凍既,🤨！個沙律好大份，蔬菜好新鮮，唔錯！個西冷不過不失，一個女士份量剛好！微微香脆！個薯仔就烤得唔夠香！個魚柳飽魚正常，但個包唔得，唔熱同個包皮好普通！凍咖啡係好飲既，好香好滑！終括食物係偏淡的，原汁原味。食物質素同份量都大份，而個餐牌要睇清，並唔係個個項目都包，e.gdrink or desert. 我覺得價錢同食物質素都成正比的。唔算好抵！但地方好chill好舒服，坐位間隔寬敞, 我地坐半開放空間，海風吹送，有小小太陽，好悠閒，holiday mood, 所以我會再去幫襯的😊😊服務員都會留意我地需唔需要share食物。有提供協助。最後要留意一下張單，因我地見有

入去愉景灣Staycation, 第一日就由酒店坐車去到D’Deck 搵食，今次同埋朋友一家合共兩個小朋友，見到一間叫Figos 嘅餐廳放咗個大餐牌喺門口啲食物幾啱食，於是就決定入去試試。首先講食物， 我哋叫咗羅勒青醬意大利餃半菲達芝士、 香煎盲鰽配薯蓉烤菜奶油酸豆漿汁、烤紐西蘭西冷扒配烤薯蘆筍蕃茄，全部都係set lunch跟甜品或者咖啡。 老實講食物並非特別超卓， 但係絕對唔難食， 而且較為西式風格， 西冷扒嘅肉多汁亦都唔太煙靭容易咀嚼，呢一點要讚！個意大利餃就鹹咗少少，但仍然可以接受，但係口味就未必人人鍾意，意大利餃子完全係視乎個人喜好；香煎盲曹唔會太油，而且就煎魚嚟講份量亦都不少， 整體上算滿意。由於當日天氣晴朗較為炎熱，我哋都坐咗喺室內有冷氣嘅地方，環境乾淨。 至於服務態度，由於係中午時間，人流較多，侍應都會比較繁忙，這一點會絕對諒解，至少需要落order嘅時候都唔需要等佢哋好耐， 就會行埋嚟同我哋落單。 個人就覺得啲侍應都好禮貌，絕對沒有感覺因為我哋係黃種人而服務較差，而且我見在場亦有不少黃種皮膚客人。By the way, 由於當日有兩位小朋友，大人亦因為跟餐叫了杯咖啡，

今個夏天真係好熱，少不免會想去離島行下，順便去沙灘玩下水。愉景灣係一個好有外國風情嘅地方，地方好整潔，有好多唔同地方菜式嘅餐廳👍而且都有幾間酒吧，好啱外國人去，今次想介紹其中一間西餐廳，係食西班牙菜嘅，都唔錯呀 🔔在餐廳用膳每超過120元，就可以換領一程免費當日回程船費，如超過240就可換領兩程，等於減咗46蚊架 烤豬排骨半份($170)💕等咗一陣，相信係即刻烤焗嘅，好大一份，感覺係全份咁多。由於排骨size係大啲所以肉都多啲，第一次食ribs食到咁飽鬼佬size唔一定係超大份，但佢係會比香港人食開嘅份量多一啲 雞肉夾餅($134)💕夾餅皮薄脆而不硬，芝士雞肉餡都夠味，最正係加埋3個特色醬料，酸忌廉、牛油果醬同埋辣椒醬，可能我好喜歡呢啲醬，我食到心心眼😍自己食一份都食得哂

We visited your restaurant for lunch on April 3, accompanied by 3 adults and 2 children, the bill was $866. During the lunch, we were treated impolitely by an english speaking waitress (who tied long-haired ponytail).Suddenly she handed over us a white vest plastic bag and told us to pack all the paper towels & trash IMMEDIATELY, actually how many piece of paper towels are there? We need to dispose them by ourselves how urgently? I am wonder what the service this is!! The experience was totally

復活節期間同屋企人嚟到愉景灣呢間餐廳，一入去已不停催下單，我哋用左5分鐘睇餐單並下單，仍不停用惡劣的態度催我地，仲話唔滿意可以走，食物係唔錯，但態度差，如果大家想受氣可以一試

本以為愉景灣的餐廳性價比唔會高，點知見到呢間餐廳個Set Lunch $98起，包埋前菜、主菜、甜品或茶/咖啡，於是決定一試。前菜揀咗是日餐湯南瓜湯，幾creamy幾好飮，尤其係將鬆軟的麵包泡入湯中，更是別有一番滋味。至於主菜，正是呢個Creamy Fish Pie，誘使我入咗呢間餐廳食lunch。前幾日仲同friend講咁係香港幾乎揾唔到好味唧英式派，無諗到咁快就俾我揾到。真係好大一個pie，入邊啲魚肉+cream sauce都好足料，仲係steaming hot，一睇就知係新鮮出爐。雖然我覺得派皮顏色較淡，應該係焗唧時間唔夠耐，但整體嚟講呢道菜的味道平衡同埋調味都令人滿意，再配上外脆內軟唧熱辣辣厚切薯條，真係好正。甜品麻麻，白朱古力芝士蛋糕，賣相雖然靚，不過無咩白朱古力味，亦無咩芝士味。更接近芝士慕斯蛋糕？🤐

疫情下不能出國，一到假日總覺得要去一些特別的地方感受一下假日的悠閑與寫意才算是放假吧。愉景灣的確是一個不錯的選擇。除了在裏面閒逛也可以選擇行山往梅窩，搭船往坪洲等等。D’Deck有很多餐廳選擇，今次先試試它。坐左戶外進餐，別有一番風味。炸魚柳漢堡配薯條 Classic Fish Burger $160炸魚和薯條都是新鮮炸起，還是熱的。魚柳非常大塊，而且有調味，十分脆口，惹味😋。 薯條不過不失。雞肉洋蔥蘑菇薄餅 Tuscan Hills $160大大塊，足料，上面醬汁是它的精髓。 整體不會乾，味道也是第一次吃到的，酸忌廉令到味道變得更特別，好吃。烤豬排骨 Pork Spare Ribs $170Ribs十分入味，有肉汁，不會乾。不過高級餐廳而言，服務的確強差人意🙈尤其男侍應，只喜歡接待外國人。 看你不是外國人，即變臉。 女侍應則沒什麼，普通。

開頭都幾有好感，又有機會入去愉景灣睇下我都冇印像有去過 可以去enjoy family time結果。。。。。等嘢食等咗非常之耐。。。催促完之後話‘Coming’ 都仲係等緊。。。佢嘅大蝦蘆筍意大利飯都幾好食，飯粒畀平時意大利飯再大粒啲 脹卜卜ෆ╹ .̮ ╹ෆ味道都唔錯 最後嗰個士多啤梨TIRAMISU甜品都ok其餘我冇嘢讚(@_@)(@_@)(@_@)真係等得非常之耐要求嘅medium rare牛扒， 食唔到 退咗一次再上一次都係好一般。。。 有個三文魚白飯配中菜得幾條菜仔咁多多，D飯好硬，我覺得ok但我屋企人話好👎 我18歲第一次出糧請老豆食生日飯就搞到咁(╥﹏╥)(╥﹏╥)

到餐廳時冇餐牌係門口，都冇侍應安排座位，等咗一陣就行咗入去，完全唔理我地，直到我地問店員，佢就話你隨便搵個位坐就得。但係又唔比餐牌我地！等咗好耐，終於叫到佢地比餐牌。叫落餐個陣佢係咁扮望我地唔到，終於見到之後，個店員講句「yes sir.」就算，繼續佢嘅出餐，冇諗住幫我地落餐更冇叫其他店員幫我地，最後嬲嬲地，直接走人算。唔知好冇食啦，但咁嘅服務幾抵幾好食都唔想食！

好耐冇去愉景灣啦，一直覺得愉景灣充滿異國風情😻，去愉景灣就可以當去咗個小旅行。而且愉景灣有好多露天餐廳，又對住海，喺嗰度食嘢都幾舒服😽 唔好以為愉景灣啲餐廳好貴，其實性價比都幾高，呢間Figos既set lunch $98加一！不過因為嗰日既set lunch menu我冇乜嘢啱食，所以最後都係散嗌😹🔸🍝Chicken & Mushroom Fettuccini $137雞肉份量足，個闊麵比較軟身，用番茄醬配羅勒葉煮真係好好味😻 好香甜🤤 💬題外話：友人同我科普😂 外國既意粉會硬身啲，不過香港既意粉就番香港人口味會煮得淋啲。🐔Chicken Quesadillas $124雞肉唔多，同埋個餅偏淋，不過啲醬料好好味😽🍓Strawberry Milkshake $50士多啤梨味唔重，奶味好出，整體都係好飲嘅🤩🍫Chocolate Lava Pudding $88本身因為友人生日，所以我想叫侍應寫字喺碟度，不過可惜佢哋嗰日冇呢個服務😿 心太軟配雲呢拿雪糕😻 一冷一暖咁好正😚 心太軟非常之流心，而且朱古力味濃😋

聖誕節🎄去愉景灣逛逛！當日周圍餐廳都好多人排隊等，見到呢間最快有位又近碼頭就即刻坐底。橄欖🫒蘑菇pizza🍕餅底香軟，唔係hea嘅pizza，平時好少食橄欖，估唔到又幾夾芝士，唔會咁油膩。Chicken quesadilla 雞肉略少同埋碎，同埋餅質地好淋，依個麻麻地我最鍾意就係ravioli啦係所有pasta入面蘑菇餡好濃郁又creamy很好味道！三文魚linguini唔錯 屋企人鍾意食呢間餐廳嘅集團係愉景灣有幾間餐廳，所以質素都有保障。

臨近聖誕節，想感受一下歐陸氣氛，最適合就是入愉景灣輕鬆一下。船程半小時便可以遠離市區煩囂，絕對是假日的好去處。D-deck的餐廳甚多，各國菜式都有，但一場來到，絕對想選擇西餐再點聖誕大餐品嘗，看過這間餐廳的餐牌後便覺得價錢相宜又很吸引，馬上內進品嘗。我們選擇室外進食，餐廳亦貼心開暖爐予我們，服務態度很加分。餐牌上選擇不少，想有聖誕氣氛可以挑選聖誕拼盤，但我們對煎魚比較有興趣，所以加了$40要了蜜糖蒜香鯛魚柳配米飯。前菜可選湯/沙律，我選了紅莓合桃沙律。最後當然選了甜品-白朱古力慕絲作結尾。另外想更加享受，便點了house white wine。House white wine的味道很不錯，前調是比較酸且有果香，到後勁時酒精苦澀味道更突出，餐前飲很開胃，餐後配甜品亦覺得消膩，而且望著如此美景慢慢品嘗下，更感舒適。紅莓合桃沙律以蜜糖芥末醬調味，加上燈籠椒，紫洋蔥，火箭菜，合桃，芝士，紅莓提子乾等材料，蔬菜非常新鮮爽脆，其中生紫洋蔥有辣勁，味道突出。沙律分量很多，材料亦充足，醬汁酸甜，配搭非常醒胃。主菜的鯛魚的魚皮煎很香脆，肉質扎實，調味偏甜，加檸檬汁後更加味道豐富，魚肉是好吃的，配白飯亦算

難得同屋企人入到去愉景灣，碼頭旁邊既愉景灣廣場實在太多選擇，當日又一心想食西餐，見到Figos環境唔錯，餐牌又有set lunch, 於是就比佢吸引左入去。雖然Figos餐廳望唔到海，但餐廳都算大，枱同枱之間唔算太逼，當日坐落都鬆動。前菜揀咗意粉沙律，size非常大份，青醬味道清新開胃。主菜係香濃蘑菇汁闊麵，非常creamy，芝士味濃。跟餐甜品 紐約芝士蛋糕配雪糕，非常驚喜之作，雖然店員擺盤好明顯唔成熟😂但佢都好好咁笑住同我say sorry。蛋糕一啲都唔漏，重芝士味，餅底香脆，食完仲想再食。整體來講餐廳食物同環境都合乎價錢，性價比高既悠閒餐廳！

今日去行山，終點行到去愉景灣呢面，Figos嘅環境同食物將我由地獄帶我番去天堂ㅜㅜ ，而且食物比起愉景灣嘅其他餐廳，性價比算高。推薦：🤍🤍🤍🤍🤍▪️$132 香濃蘑菇汁闊面 Fettucini Funghi：蘑菇汁好濃味，唔會太水亦唔太稠身，蘑菇味香濃，麵條有咬口，完全係我鍾意嘅質感，值回票價▪️$50 Mango Smoothie：本身我以為佢會好甜，會就返外國人嘅口味，點知係清甜！雖然口感冇印象中Smoothie咁Creamy，但係又幾唔錯，有機會會再試其他味。見到餐廳無酒精飲品嘅menu上亦都有Mocktail，我自己有啲怕試，不過見到朋友都讚不絕口，大家下次去可以試吓。雖然見到價錢好貴，但係其實份量好足夠亦都好好食，所以可以話性價比都高㗎。對我來講配埋個Smoothie真係太多，所以大家下次可以配啲解濟嘅飲品。