Fifty Fifty (已結業)

餐廳很環保用無紙餐單。晚餐所有主菜加$20就可轉set有餐湯、飲品和甜品。我們點了鮮大蜆香草墨汁意粉和大虎蝦蟹皇意大利飯。餐湯的賣相非常有心思，令人心情煥然開朗，味道也不錯。主菜很快送上，大蜆很新鮮呢，配合香蒜墨汁很惹味。大虎蝦蟹皇意大利飯賣相精緻，值得一讚是飯粒都平均地沾滿了蝦蟹醬，口感和味道都很出色，不一會兒就被我們清光了。完美的晚餐怎可能缺少甜品呢，想不到甜品都也很有驚喜，是紐約cheesecake,芝士很濃郁，配合藍梅醬，味道口感也很豐富，最重環是不會太甜膩，建議大家必加$20轉套餐品嚐這個甜品。

又黎到長沙灣搵食啦！自從上次食過呢間Fifity fifty之後都想搵機會再黎食，咁啱今日有嘢過嚟呢頭做，就順理成章地去食多一次啦！雖然去到都已經差唔多兩點，將近辦公室午飯時間尾聲，但都仲係人頭湧湧，要等一陣先有位。今次叫咗佢午餐嘅肉眼扒同埋煙鴨胸碎肉醬尖通粉。咁上主菜之前就嚟咗兩個是日餐湯，一嚟到已經有好大陣菇菌類嘅香味撲鼻！入口更加覺得個味好濃郁，真材實料！兩個主菜都好好食，肉眼扒雖然佢冇問要幾多成熟，但係都煎得好好，唔會入口咬唔郁，牛味香濃；個尖通粉係茄汁底，類似肉醬意粉咁嘅，但係食得出唔係現成嘅醬，微微蕃茄酸味好開胃，唔覺唔覺就食晒啦！飲品呢就叫咗一壺洛神花茶同埋熱薄荷朱古力，都係水準之作。最後就叫咗兩件是日蛋糕，今次係紅莓芝士蛋糕，加有少少焦糖醬，唔會太甜太膩，亦都好好口感！如果有去開長沙灣，又想食西餐嘅話，呢度真係非常好嘅選擇，又就腳，一定會再嚟！

今日約了4位認識了10年以上的死黨到這間之前去過幾次的在深水埗的西餐廳。環境還是一樣有氣氛、設計風格有型、坐位唔少；服務就普通，可能因為忙碌多客人，希望服務員下次可以放下水樽，不用每次叫佢地加水。這個是以推動環保的餐廳，無飲管、2D barcode餐牌，讓客人可以用電話睇餐單，網上餐牌是分類了，一頁頁的睇菜色。點了主菜更可加$20轉餐（包括了$20以下餐飲、餐湯及是日甜品），好抵食。1. 餐湯是日是甘筍番茄蓉湯，好健康又無味精，多蔬菜有少少楂的口感，加少少胡椒粉會香口一點2. Fifty Fifty 黑松露醬大菇焗大啡菇好多汁，上面有香口芝士、香草、紅椒，口感不錯3. 火焰豬手這個火焰豬手有show睇，真的看到有火焰，厚身豬手肉好香有口感微咸不會過濃，皮一些脆一些就腍，配上秘製甜醬汁、新鮮沙律菜及軟滑薯蓉口感！ 4. 虎蝦辣肉腸香蒜鮮茄醬蝦有3隻，都大隻又爽口；辣肉腸微辣野味、紅椒香草，多汁野味，意大利通粉軟硬剛好！好適合的口感！5. 巴馬臣芝士意大利雲吞野菌這個賣相不錯！雲吞口感香軟多汁，中間是有餡的，外面更有野菌！6. 意大利煙肉牛肝菌意大利飯意大利飯好有咬口， 微微硬身，多汁香濃

三日假期的最後一日，約了兩位朋友到深水埗下午茶，在網上找到這間餐廳！他們這間餐廳使用無紙餐牌，要用手機掃這個二維碼才能看到餐牌，點餐還是需要服務人員下單的！不過我覺得很環保，值得嘉許！環保，值得嘉許！朋友點了西班牙辣肉腸野箘意式焗飯，煩的口感適中，只是味道不錯，只是淡了一點！另外一個朋友點了燒牛肉自家製麵包，碟上的沙律菜好吃，牛肉比較少！我自己點了這個經典全日早餐，和其他全日制早餐比起來，用了芝士牛角包，這個是十分出色的！不過牛角包並沒有焗過，還是凍的，有點失望！其餘的都不過不失！

長沙灣可能對好多人黎講都係好少踏足嘅地方黎好彩我返工返深水埗成日過黎買雜貨比市區平好多架（師奶mode)最重要係呢到連食個有質素嘅西餐都性價比極高！今日黎食呢間餐廳有落地大玻璃出面望入去已經有好chill嘅感覺佢仲用左電子餐牌用電話掃一掃個QR code就可以睇到晒個餐牌點餐！個介面亦都好易睇我同老公一人嗌左一個意粉shareUpgrade做set都只係加$20就有齊湯、飲品、甜品！虎蝦辣肉腸香蒜鮮茄蓉忌廉尖通粉見到d長通粉每一粒都上晒色就知相當入味啦！Tomato cream sauce本身就冇得輸再加埋少少辣肉腸味就更加惹味！另一個意粉就嗌左白汁煙三文魚煙肉刁草扁意粉汁夠多睇相就知廚房一d都唔吝嗇配料同調味！餐湯都唔hea架係飲落好有口感嘅磨菇忌廉湯！呢間西餐廳雖然唔係咩集團經營但勝在有心同性價比高每人埋單都唔洗$150！而且環境旺中帶靜同朋友傾偈食飯都好適合架！

約左朋友係長沙灣食飯，見到呢間餐廳都有唔少好評所以去試下。整體都唔錯，上菜速度快，味道好，環境舒適。炸小食拼盤最怕食到啲勁厚炸粉，呢到炸得乾身、炸粉剛剛好，入面嘅用料都好好，一啲都唔馬虎，個人覺得炸蝦同蠔最好食伴碟嘅沙律菜都好新鮮。個意大利雲吞都ok，不過唔算好特別。仲叫左個煙肉牛肝菌意大利飯(唔記得影相)，好香菇味得黎唔會太重味，夠creamy最驚喜嘅係豬手，個皮脆脆地同時保持豬皮個種煙韌咬口，肉質依然錚鬆軟，唔會乾爭爭。

今日同朋友放學唔知食咩好，醒起有個朋友之前推薦呢間西餐話好好食，就同朋友放學黎左試下佢。入到黎可以坐四人枱，坐得舒服之餘仲可以多空位放嘢食，抵讚。我同朋友各叫左一個set lunch, 一個係意大利燴飯，一個係煎魚柳。先講下個湯，湯係蕃茄湯，飲落酸酸地，幾好味。之後到個意大利燴飯，食落唔會太鹹，亦有意大利飯應有個種軟中帶硬既口感。跟住到魚柳，魚份量唔小，肉質厚實唔會散泡泡，食得出有事先調味，好味。飲品兩杯各有特色，分別係薄荷朱古力同埋焦糖咖啡沙冰，都值得一試。

一坐低俾個qr code,我先記起佢轉左電了餐牌，是日星期六係早午餐，但其實價錢唔會因為假日貴好多，我點左個魚柳飯，好似係青衣魚，（唔記得cap低個餐牌）同埋最愛玫瑰咖啡，今次個拉花普通少少（普通都咁靚，之前真係有玫瑰既拉花🌹），但味道一樣咁好味。個餐湯係蕃茄湯，好濃郁，仲有啲鮮味，可能有啲海鮮？！個主菜睇落普通，但其實好好味，個魚柳上面啲綠色係醬料，再加埋魚柳係正野，絕不是龍利那些貨色，啲豆角及椰菜花等配料有調味，非常滿意。希望佢地繼續保持水準，不柱我搬走左都再三返去品嘗！

深水埗, 長沙灣之間的一間咖啡店. 和朋友相聚, 找個地方tea time, 傾下計. 平日下午茶時間, 有幾枱客人. 入座後, 侍應跟我說, 沒有實體餐牌. 用電話scan枱上的QR Code就可以到網站看餐牌. 個人來講, 唔係太鐘意. 實體餐牌會睇得清楚d, 或者店內提供的專用電子餐牌也比較好. 兩個人點了一個牛扒意粉, 單骨雞翼, 另加$10食了是日甜品. 牛扒意粉份量足夠性價比高單骨雞翼香脆香口是日甜品迷你的冧酒芝士餅芝士餅一入口十分驚喜好好味呀! 冧酒味道非常濃唔飲慣酒, 可能會醉呀芝士餅部分亦夠結實, 切時不會散開. 味道一流!整體ok環境不錯, 有特意裝成有格調的. 播著音樂讓客人很放鬆.

#Fifty Fifty網上訂座即賺里數 網址: https://s.openrice.com/QrbS0q44800~uZBsBAA地址: 長沙灣東沙島街青山道181號地下C舖電話: 36124901=====================昨晚幸運地有機會去到長沙灣，遇到一間非常出色的西餐廳(Fifty Fifty) ，可以食到一餐好味的晚餐，最緊要重係平、靚、正，全家人也激烈讚賞！無人反對！當晚點選了以下食物..............................#頭盤加主菜廚師推介生蠔（法國蘇飛亞）半打白汁忌廉煮藍青口手打自家制甘筍忌廉湯烤大啡菇黑松露忌廉天使麵法式燒春雞配焦糖檸檬牛油汁炭燒澳洲豬鞍架配焦糖黃梅梨汁#飲品（最是精彩！跟餐加錢好便宜！）黑白鴛鴦（即係好立克溝阿華田！）啤酒芒果沙冰 （芒果沙冰加一枝Corona)凍紅玫瑰鮮奶綠茶#甜品 （出色美味！份量剛好！）甜品四重奏意式薄班戟雜莓芝士餅咁豐富的陣營！竟然只需要$790，一家四口夠飽夠滿足！每樣食物都非常精美好味！睇得出廚師/餐廳東主自己，對食物質素、賣相、擺盤和客人利益都好有自我要求！連我家老細和兩個小

喺社交媒體嗰度見到呢間餐廳有落廣告，見到啲食物好吸引，於是就嚟食下。餐牌竟然係用掃QR code嘅，感覺好新潮，但係唔知道如果冇智能手提電話嘅客人點叫餐呢？ 我哋叫咗兩個set dinner，包括咗有餐湯、 主菜、甜品同飲品。是日餐湯係週打海鮮湯，味道都唔錯，好有週打忌廉味，飲落creamy都幾香。意大利煙肉牛肝菌意大利飯，意大利飯即係risotto, 通常意大利飯都會係煮到八成熟就ok, 呢個飯就是煮到八成熟啱啱好，食得出唔係一般嘅煙肉，因為好有口感同埋好有鹹香，好重菇菌味道，個汁好正好好味，成個飯嘅味道都好有鹹香口感好好，睇嚟呢間餐廳嘅廚師都幾有水準。Wellington lamb 威靈頓羊西冷，威靈頓牛柳我都食過，但威靈頓羊西冷我就未食過，所以我一定要試下佢，係試呀，呢個菜式係chef recommendation, 外皮好酥脆，羊西冷話係半生熟，但係我覺得就只係煮得三成熟 (有圖有真相)， 味道都唔錯。班蘭芝士蛋糕 (餐後甜品)，味道輕輕甜甜，有班蘭味但係唔會好重，蛋糕嘅面頭嗰層焦糖好好味。冇諗過深水埗都有西餐廳。

香煎海魴魚柳配香草醬薯菜 💰78 8⃣️分 魚皮煎得焦脆的同時卻能鎖住內裡的水分和油份，豐盈的魚油和鮮味被澆上的一圈醬汁中和，口感和味道配合之下可見廚師對調味和烹飪時間上的拿捏準繩，配上細膩不起粒的薯蓉墊底吸汁，整體溫和不衝擊，是午餐和晚餐一個安靜的選擇。/經典全日早餐 💰108 8⃣️分「早起既鳥兒有蟲吃」已經成為大家家傳戶曉既句子。但係有冇諗過就算遲左起，都可以照樣食豐盛優質既早餐呢？依款全日早餐陣容龐大，特別廚師係處理滑蛋既手法，令滑蛋個質感香滑柔軟，而且上面加左黑松露醬，錦上添花！/羽衣甘藍田園沙律 💰68 7⃣️分羽衣甘藍一直深受大眾歡迎，對身體有益之餘更可以解膩。佢地既沙律新鮮爽口，醬汁都十分唔錯。唯獨係羽衣甘藍有小小乾，如果口感可以濕多小小就完美啦！/黑牛 💰12 8⃣️點5⃣️分黑牛就係朱古力雪糕加上萬惡根源既可樂。朱古力雪糕就咁食十分鬆軟，唔會好甜，所以配合可樂真係幾明智既選擇，朱古力既苦澀味被可樂既甜味中和左，而且當雪糕慢慢融化滲透全杯可樂，飲落去既感覺就好似一頭黑色既牛對住你既味蕾全力衝擊，熱血又澎拜。/熱洛神花花茶 💰18 7⃣️點5⃣️分洛神花花茶係養生人士既選擇，更係同姐妹們一齊聊天度

放工去深水埗買野, 又唔想係西九食咁HEA, 所以搵左呢間高分小店食個靚dinner, 去到真係差唔多坐滿, 好采book左枱咋! 餐廳用左無紙menu, 要自己用電話睇, 不過佢地都有電話提供, 都幾方便, 如果可以電話落埋單就更加方便啦~我地叫左1個肉眼排, 都係$228, 同埋一個羊架~轉左套餐會有餐湯, 不過松露雜菌湯, 我麻麻地, 不過$20當加個野飲同甜品都抵既~牛排叫左5成, 生得黎又無血水, 同埋比想像中大份. 食落牛味都幾重, 薯條都炸得幾香脆, 相當唔錯!!另外羊架都好好食! 野飲可以揀$20以下, 所以都係叫左檸茶檸水, 不過值得一讚係甜品, 幾有誠意幾好味~

放工同同事去食飯，都係去番fifty fifty，因為食過LUNCH都覺得質素唔錯，而且方便就腳SET DINNER都係百零蚊起，加＄２０可以轉套餐，會有湯／野飲／甜品。其實仲有２人晚餐，不過我地都唔食生蠔，所以就無叫羊架$168，有三大件，同埋烤蔬菜同薯蓉。羊架叫左７成，真係岩岩好，用上紅酒汁，幾好味。羊肉好重酥味，個人好喜歡～而烤蔬菜一Ｄ都唔馬虎，有陣烤過既味，亦經過調味！薯蓉都好重牛油味，所以好正！LIKE!!套餐個甜品以為會好HEA，點知件芝士蛋糕都唔細件，仲幾好味，所以一定要轉套餐！

👭Fifty Fifty(長沙灣)👭1⃣焗法式田螺6隻 $68每隻田螺底都帶有少量薯蓉，薯蓉帶有調味，所以單食薯蓉都唔會好dry💖主角田螺既口感唔會過硬，邊位亦焗至微脆，份量作為2個人食既頭盤岩岩好。2⃣鮮大蜆香草白酒墨汁意粉 $128大蜆既份量多到遮蓋住意粉，唔講仲以為係就咁白酒煮蜆😆呢到既墨汁意粉唔係就咁將墨汁淋上意粉表面，而係製造意粉時加入，所以38今次無做污嘴貓😛整體蒜味較濃，唔會令人感覺好膩。3⃣意大利煙肉牛肝菌意大利飯 $118每一粒米都比濃濃既醬汁包裹住，38食落啖啖菌味，就好似食左一打菌類落口咁😌而且米既軟硬感適中，唔會過硬。不過整體對於38黎講重口味左少少，如果可以適量調整下更好🤩點解手機要差滿電去食Fifty Fifty?因為要用手機scan QR code黎睇菜單囉😚推薦度：7/10🏠長沙灣東沙島街青山道181號地下C舖🕐11:00am-11:00pm