euro go go

营业中

休息中

朗豪坊嘅Euro Gogo人頭湧湧，不設排隊入座，所以大家都係自己入去等位，稍為混亂，好彩等左大約10分鐘就有位☺️蜜糖雞翼雖然除返開要$8一隻，幾貴但真係好好味，值得一試！蜜糖俾得好足，每啖都有😍重點係層皮焗得好好食，好脆同可口👍🏻肉又夠滑。蜜桃茶甜左啲，再加埋罐頭水蜜桃，個味太假🙈超級薄餅半份有3塊，熱辣辣同好脆，好味😆料都足！蒜香蜆肉意粉唔會好油，蜆肉大概有八隻，肉幾大同埋好有蜆味☺️以上食物兩個人食啱啱好夠飽，下次可以嗌多啲😊

* The garlic bread was nice and well done. * I took half of a pizza (the deluxe one) which was nice (enough for a small appetite) . However, the spaghetti with tuna were not really appetizing. * The milk tea is kind of strange and I couldn't finish it. * To sum up, it is great if you are on the go and don't want to spend much money. However, don't expect much from the service (still ok) or from the food.

蘋果脆脆沒有很脆。蘋果脆脆沒有脆。蘋果脆脆哪裡脆？？懷著下午茶的好心情吃，到滿足飽腹感就好。觀看周圍的人，大多是雞翅、意粉之類的餐點，感慨，那才是正確的點單方式--不易出錯。同伴點了芝士焗薯蓉，抵食。加8塊，可加通粉，抵食。that's it

第一次食呢間既tea餐係係黃大仙店，試過1次覺得好味，所以返工食tea就去朗豪坊店hea下tea餐最抵食都係芝士焗薯蓉，連熱飲都係$26, 即叫即焗夠哂好味，試過買外賣返公司食都唔怕凍，重係好熱唯一唔好就係朗豪坊店係11 樓，有d哂時間，上落人又多，次次店內都好多人，試過買外賣後，都唔會堂食試過1次買肉醬意粉比老公食，唔知係凍左定點，老公話好咸喎，我唔食牛所以無得試，但睇份量我都係覺得芝士焗薯蓉最抵食

我同另一半成日食gogo，因為覺得扺食得黎唔算貴。而今日同佢食下午茶，真係抵食到暈😂，我地嗌左好多款野食賣單百三蚊都唔洗！蜆肉意粉炒得唔錯，唔太油，多蜆，不過就唔太熱。餐湯係磨茹湯，偏咸，最後都冇飲哂個pancake扺食，加9蚊好大舊芒果又多，但芒果偏酸😵而蜜糖雞翼次次黎都一定叫，外皮烤得脆脆地，加上蜜糖，好食過bbq個d，但今次d肉偏紅，唔知係雪得耐定咩總括黎講，星期一至五既下午茶真係有質素得黎好扺食，6點前去你當晚餐都仲得

每晚放工同女朋友最大嘅難題就係晚餐食乜好....今次就去左朗豪坊行下，最後決定食呢間Euro Go Go。佢地個menu太多野揀，搞到我地都揀左好耐先決定到嗌一個雞翼一個意粉同兩個小食。蜜糖雞翼，好正嘅蜜糖味又唔會好乾👍🏻👍🏻焗薯皮，表面有d唔知係茄汁定係燒烤汁，酸酸甜甜幾好味😋😋粟米焗薯蓉，呢個一般般...覺得有d淡，可能係其他都比較濃味。最後就係煙肉卡邦尼意粉，芝士味好濃鐘意食芝士嘅朋友應該會幾鐘意...而且都有好多煙肉粒😍😍😍

下午茶時段，這小店看起來幾受歡迎，坐無虛席。可能價錢不貴，食物幾特別自助形式，在櫃台點了食物付了錢，拿著號碼牌回座位，等一下食物就會送來。幾適合一位的客人，因為事實也見很多～～～點了兩客下午茶，牛油果蕃茄薄餅半份，即叫即焗，不錯‼️‼️有餐飲，另可加錢有湯、有沙律‼️牛油青口，意外的很大隻，很好味可能都是即叫即做，所以等候了不短時間不過沒關係啦‼️相信還有下次光顧機會，因為看見鄰桌的，就想試試意大利粉、焗薯皮等。

相約左一位好多年冇見嘅朋友出黎聚舊，本身上OpenRice 揀左一間cafe 話會十點開門，但去到竟然冇開，大失預算下眼見周圍嘅餐廳都未開門，朋友提議到朗豪坊搵下。由頂層開始一路落，全部餐廳都未開門，明明已經12點.......最後見到得Euro gogo 有開，只好入去食。因為我地2位不嬲都食得好少，所以就叫左少少野食算啦。先黎一個凱薩沙律：超級細份.........蒜蓉包都大過佢......面包粒得個5粒.....得一種菜......實在太唔抵了.....雖然只係二三十蚊，但都覺得好唔抵。芝士蒜蓉包：有4片，好多芝士，但蒜蓉味唔太夠，包夠脆。芝士煙肉焗蘑菇：仲細份過個沙律碟，蘑菇十分細粒，煙肉得好少，芝士味不夠，仲好水汪汪。口戈凍焦糖咖啡：冇焦糖味，咖啡味亦唔夠，好似只係飲梗一杯凍嘅糖水咁..估唔到咁耐冇食euro gogo 個質素會差左咁多......

好耐冇食過euro gogo, 今日經過又見有位, 就啟動下佢張會員卡, 加食晚飯...2個人, 叫左2碟意粉, 蒜蓉包同蜜糖雞翼.卡邦尼正常, 但覺得火腿太少, 料太少.蜆肉意粉, 第一次食，一上枱已經聞到好香, 好多蜆, 蜆冇沙。 意粉雖然冇汁，但又唔會太乾身，蒜容加意粉好夾， 扺食.蒜蓉包好大件, 外脆外軟, 好香, 好得, 必食.蜜糖雞翼: 呢間比起沙田個間冇咁甜, 冇咁多蜜糖, 由於本人鐘意食甜d, 所以覺得沙田個間好味d.

同朋友仔一齊去食飯吹水，想搵啲大眾化既餐廳試下，睇黎近年來Euro go go為求得到多啲顧客幫襯，出既餐係就係快左，可惜質素大減，令人失望☹️☹️☹️1. 蜜糖雞翼5隻雞翼雖然甜味足夠同埋少許脆口，但係燒得太濃😔，而且蜜糖甜味未能滲透落雞肉裏面☹️2. 鮮茄煙肉腸仔蘑菇意粉汁好稀，唔夠濃郁，而且意粉煮得太腍身😔腸仔煙肉只係一般3. 法式薯茸焗田螺呢個依然尚算保持水準，田螺肉鮮味，薯茸混合香草同埋忌廉令到更香更滑更好味，兩個加埋一齊味道好夾4. 焦糖燉蛋焦糖唔夠脆唔夠濃，下面由於用得太多忌廉而令到蛋味唔突出，變左食忌廉蛋，而家太軟身，好流😔5. 梳乎厘梳乎厘熱辣辣，口感軟綿綿，但味道感覺上唔似全部用哂蛋白黎做，有少少麵包味道，所以覺得一般😞經過今次之後，我覺得質素下降左好多好味指數：😋😋😋😋

非常正既一間西餐廳！價錢不會太貴，野食多選擇又好味，有意粉丶薄餅、小食等，環境都不錯。叫左個卡邦尼意粉，意粉好有咬口，有彈性，carbonara sauce 比較特別，好好食！同埋份量多，好夠飽。至於個baked broccoli, 品質屬中上。整體來說很不錯！

有時去旺角朗豪坊經過都會食，每次都冇令我失望嘅蜜桃茶同蜜糖雞翼，極推薦俾未食過嘅朋友。薄餅其實每種都唔錯，但一定同其他薄餅店厚薄味道不同，建議第一次食的朋友叫半份。我個人對某海鮮敏感，通常選擇大路啲嘅肉類菇類薄餅。薄餅雖然路算厚，但咬落都有口感。邊位脆入面軟熟，材料足夠。👍香蒜蜆肉意粉味道較清，冇其他意粉濃味。呢間餐廳仲提供左素食意粉，素食者多左個選擇，素食者都可以食下呢類提供素食食材嘅西餐。我記得有其他地區都有呢間餐廳分店（e.g.油塘)，怕旺角多人可以去其他地方食。服務方面，沒有員工寫單，必須到收錢處先付款，再等員工送野食黎。唯一缺點是自己需要去搵位，沒有任何訂座服務，而且座位偏窄，繁忙時間易碰撞。今次二人同行總共消費167 。

去到朗豪坊想靜靜地坐低食個下午茶，突如其來我想食蒜蓉包所以一見到佢細細碟，我就入咗去。佢哋蒜蓉包非常好食，麵包質地非常之柔軟，而且外皮非常脆。加埋芝士熱辣辣啱晒冬天食。上面仲有香草襯托，食幾多塊都唔厭。我哋仲叫咗雞翼，蜜糖味好重又香又甜。唔會有好乾，不過有少少濃濃地。對於前面嘅消息都幾滿意之後就等到卡邦呢意粉既來臨。對住呢道非常之失望，好似食緊微波爐嗰啲即食意粉，佢嘅味道好似白汁，而且火腿都唔好食，並無任何煙肉，呢道意粉我自己係屋企整都好食過佢。佢唔錯嘅係有得自己落芝士粉，所以唔係好夠味既時候我都自己加左。另外仲叫咗麵包布甸，由於本人非常之鍾意食。所以佢嘅份量我係超喜歡，因為佢大大份仲比意粉要多，而且係啱啱焗出嚟所以非常香。我諗下次來我都知我系叫麵包布甸同蒜蓉包吧。

Milk tea was too strong, so I had to add a lot of extra sugar to make it taste decent. I ordered a Spaghetti Bolognese and asked for all dairy products (including cheese, milk and butter) to be taken out as my sister is allergic to them. However, there was still cheese on top of the spaghetti. In addition the spaghetti tasted terrible as there was an over-poweringly strong oregano taste. The Honey chicken wings were also over cooked and was probably left too long in the oven, which it shouldn't

路經euro go go，正好解決午飯的煩惱。先來一客小食香蒜芝士焗青口。蒜蓉和芝士從來都是無敵的組合，面層金黃色十分吸引；青口沒有雪味，蒜蓉亦沒有過份的多，濃淡得宜，一碟六隻剛剛好，吃完也不會膩滯。在euro go go小人定必點選意粉。今次的是芝士鮮茄汁海鮮寬條麵，麵條就像是在茄汁池裡，酸酸的甚是惹味，惟芝士不算多，海鮮亦少，跟吃著一碟茄汁齋意沒多大分別。其實之前已光顧多次，今回再吃，尚幸保持水準。