euro go go

营业中

休息中

LUNCH時間　去左EURO GOGO兩個人  叫左蜜糖雞翼, 薯皮3件 仲有肉醬意粉 野飲就叫左蜜桃茶 -蜜糖雞翼 成個錫紙盤都係蜜糖 第一啖食到好香蜜糖 雞翼配蜜糖真係好好食 -薯皮3件 因只可以叫同款 所以叫左蒜香雞 好香口 每件都配了少少沙律醬 好果可以3款都食到就好啦~ －肉醬意粉 其實就無咩特別　普通意粉 份量很夠　兩個人都食吾哂　∼ -蜜桃茶 蜜桃茶係每次都會叫黎飲 有蜜桃香味 仲有幾片蜜桃 好好飲 佢D蜜糖雞翼真係幾好食架 ~ 環境　：　地方位於朗豪坊 好方便 人少時係幾舒服　但人多就會較迫夾~ 

📍 #ri在九龍 #mongkok 🇭🇰 .▫️ 蕃茄芝士焗芝士海鮮闊條麵 ▫️$68番茄汁食得出用咗茄膏而且甜甜酸酸好開胃芝士焗得金黃色可以拉斯闊條麵煮熟得啱啱好不過唔會太林以海鮮份量都足夠不過係雪藏海鮮味道.▫️黑松露忌廉鮮菌意大利飯▫️$56黑松露香味比較淡 意大利粉係米型嘅可以包住所有忌廉汁 ☺️☺️▫️焗芝士煙肉蘑菇▫️$40見到佢出晒水 🌝🌝係蘑菇再放上芝士煙肉味道不是10分出眾好普通🤦🏼‍♀️

很久沒到這間餐廳吃飯，今次和朋友一起到朗豪坊吃飯，餐廳座位不多，到達時坐滿了人，但等了大約五分鐘便有位了。這次點了蘑菇粟米鮮茄汁意粉($44)、芝士吞拿魚意粉($54)、香辣雞翼($44)、煙肉芝士焗蘑菇($40)、荔枝茶($26)，和法國紅莓冰冰($28)。這裡意粉的份量抵讚，鮮茄汁味道酸酸甜甜，蘑菇和粟米鮮甜，口感爽脆。芝士吞拿魚意粉的吞拿魚十分足料，絕對不是只有廖廖幾條，醬汁有濃郁的芝士和吞拿魚味，但沒有油膩感，食到微焦拉絲的芝士更是滿足。本以為香辣雞翼就是辣味雞翼，原來是蘸了甜甜辣辣的醬汁，雞翼肉質亦很嫩滑。焗蘑菇味道不錯，帶有很香蒜味，加上芝士和煙肉的鹹香味，層次豐富，口感也很爽脆。荔枝茶有著荔枝的甜味，也有紅茶的甘甜，還有三大粒荔枝果肉，身為荔枝愛好者十分滿意。法國紅莓冰冰有驚喜，味道酸中帶甜，不會過酸，有少許汽但不會過於刺激，更會咬到一粒粒的紅莓果肉，值得一試。這裡不設加一，叫滿一整桌的食物，結帳也只是$236，十分抵食。

3.8婦女節有半天假期，到旺角shopping後想休息一下tea一tea。在朗豪坊想起 Euro Go Go的下午茶，就Go Go Go~Euro Go Go下午茶餐提供不少輕型選擇。最愛他的蜜糖雞翼及焗薯皮。今天點了三式焗薯皮，貪其有三種不同口味 : 煙肉芝士、蒜香鷄及吞拿魚，感覺多吃點！三式薯皮套餐$42蒜香鷄及吞拿魚味，醬汁較多但薯仔分量少，感覺只吃到醬汁及肉，有點膩。煙肉芝士就配合得宜，煙肉香脆，再上香濃芝士，正！最後配上熱檸水，中和一下濃味的醬汁。

同男朋友出親街諗唔到食咩的話，通常都係揀eurogogo，咁多間分店係旺角依間最好味好耐無出過朗豪坊，今日先見到原來依家有得做會員，依家做優惠增值$500仲送個pizza於是就增值，揀個免費pizza，嗌多個意粉，蜆肉意粉係最常嗌，今次個味都保持水準，蒜同欖油調得岩岩好，又夠熱！蜜桃茶甜甜地，又有果肉，都係必嗌既平時食開夏威夷pizza有菠蘿同火腿，今次試新野，唔記得個名，餡料有辣肉腸菠蘿腸仔牛肉碎，今次依個就唔係好岩口味，料係好多好足，只係醬汁太濃，所以下次都係嗌返淡味d既夏威夷pizza好d

今晚同老公係旺角辦完年貨, 去完血, 到晚餐時間,  行朗豪坊, 又唔想食得太貴, 經過見到Euro Go Go唔洗等位, 可以即入, 立即坐低。Euro Go Go以前係我地兩個拍拖個陣成日都會去嘅飯堂, 所以坐低都唔洗諗食咩, 可以係門口落單。我地叫左3樣野食同一杯飲品。芝士蒜蓉包:呢一樣係我地嘅至愛, 每一次都係必叫。一份有4大件,  面包嘅質地柔軟, 包上面搽滿牛油蒜蓉醬, 再埋焗溶左嘅爆多芝士同香草碎, 外皮焗到外脆內軟, 真係好好食, 係我食過最好食嘅蒜蓉包。蜜糖雞翼:呢一樣同蒜蓉包都係必叫嘅。一份有5件雞翼, 每隻雞翼都被蜜糖完完全全包圍住, 外皮焗到少少焦焦地, 食落愛肉好嫩滑, 焗得岩岩好。不過美中不足嘅係今晚D蜜糖汁比平時稀, 冇平時甘做到可以掛汁。黑松露麥形粉:見到餐廳貼住個NEW字, 麥形粉個名未聽過, 又係新菜式, 差個主食就叫呢個啦。原來麥形粉嘅外型似飯, 食落口感唔似risotto, 反而似意粉多啲。整體食落都幾菇味, 不過唔係好食到有黑松露味, 但真係太咸, 食左幾啖就食唔落了, 下次都係叫係PIZZA安全D。蜜桃茶:食完那個好咸麥形粉, 呢一杯野飲完全

今日突然好想食意粉同蒜容包於是就去咗euro go go 我地兩個人叫咗一份芝士吞拿魚意粉同一份芝士白汁海鮮意粉同一份芝士蒜容包先講芝士白汁海鮮意粉，我每次黎都會食，之前食都會有2 舊青口今次冇咗而且海鮮嘅份量都少咗D 而味道方面就冇咩變都係算正常啦一直都覺得佢個白汁可以整得再creamy d 同埋重D 芝士味芝士吞拿魚意粉都及格，吞拿魚都係例牌罐頭吞拿魚啦，不過都對得住佢個價錢嘅，味道方面中規中矩，但其實冇乜芝士味，不過都係嗰句，味道對得住個價錢嘅而芝士蒜容包就要讚一下整得幾惹味，一上台嗰陣仲係熱辣辣，仲好脆口，不過就咸咗D，不過蒜容味同芝士味超夠！

睇戲前想近近地食個西餐又唔想太頹euro go go 確實係不二之選，連鎖西式快餐，平靚正又就腳。每次黎都會點焗薯，今次就叫咗拼盤，有雞肉、煙肉同呑拿魚三隻味，個人最喜歡就係煙肉味蜆肉意粉都相當唔錯，係比較乾身既蒜香意粉。牛油果番茄薄餅都十分不錯吃，有別於一般薄餅，比較輕盈

放工等埋個frd食飯 見到佢時已經8點幾 佢又唔想食太多野 就諗起朗豪坊間euro gogo 😌野食唔會太大份 種類多 價錢都ok平 平時去食都幾爆位要等 今次去可能比較夜 都有幾張空枱 唔洗等位 🤓直接坐低 揀野食 俾錢 等staff 送野食過黎 開餐🍴嗌左個香蒜蜆肉意粉🍝 個意粉食落陣味有d奇怪 🤢偏乾身 不過蜆肉好多e點值得一讚👍🏼另外嗌左個香辣雞翼 之前食開蜜糖雞翼 真係冇得輸 好好食 今次個fd想試香辣 就試一試🍴個辣醬都唔錯 幾惹味同多汁 食完都會想繼續食 但個人比較喜歡蜜糖版本😬（雞翼一份係有5隻ge ）最後蜜桃茶係euro gogo 必飲既飲品❤️今餐2個人一共食左150$幾左右 如果想食野價錢唔貴又唔想食太多份量 euro gogo係一個唔錯選擇

旺角真係有好多好野食❤今次又去朗豪坊食依間Euro go go😍價錢唔算貴,而且食物和環境也不錯, 適合與朋友聊天,聚舊的好地方😊香蒜蜆肉意粉🍝($62)第2次嚟食,都係要食返依個意粉💞 因為蒜味小小濃,而且帶點微辣, 好香❤而且蜆肉都ok多, 唔係得4,5粒蜆肉咁少😚雖然意粉無汁,乾身,但食落口感幾好😍百寶薄餅 🍕半份($48)(材料有蘑菇🍄, 辣肉腸, 菠蘿🍍, 雞肉🐥, 茄肉🍅)半份pizza 岩岩好, 好足料, pizza邊好脆, 熱辣辣, 好好食😍😍估唔到pizza都幾好食❤想食平少少,又想食下西餐,下次可以試下依間Euro go go😜好多地方都有分店架😚

朗豪坊睇完早場，到一點鐘食飯時間，我同朋友都好肚餓，所以就咁喺朗豪坊搵間餐廳食，經過euro gogo，難得食飯時間都仲有空位，所以就入去食飯。星期一至五都有套餐選擇，我哋兩個人叫咗一碟意粉，一個Pizza ,在加＄6轉套餐，食物不過不失。黑松露麥形粉$52原來係外型似飯粒，口感軟綿綿似意粉，自己第一次食幾得意，但係朋友就唔太鍾意，覺得唔似飯又唔似意粉，個醬汁好重黑松露味道，上面有幾片蘑菇，但係食得出有味精，食到最尾都唔係太想食。supper pizza$88加套餐加套餐，我哋揀咗田園沙律，同一杯熱檸茶，原來熱檸茶要另外再加多＄4 ,就覺得唔太值，而且收銀完全冇提過我哋，呢度有點減分，個沙律都唔錯，好新鮮，配上醋汁，好開胃。Pizza焗得唔夠乾身，上面明顯好多水份，而且個餅底冇徹底切開，番茄醬份量夠，亦都夠酸，但係芝士就唔係好多，其他嘅配料都不過不失。

星期四晚同朋友出街，我又要趕住9點走，係旺角行黎行去都唔知食麥好。朋友突然話想食意粉，就諗起呢間Euro Go Go。佢唔似平時西餐廳，要人帶位，等埋位等落單等上菜都花佐段時間，呢間夠快捷方便。我地好好彩，咁岩有人走，平時都要等好耐卡邦尼意粉上次食過，覺得意粉煮得太耐唔彈牙，今次試多次，係好少少，有番d口感。講到個汁就好一般，好重芝士粉味，太鹹，有時唔係足料就係好。肉醬蘑菇意粉意粉都比上次黎食做得好佐，有少少彈牙，唔係發佐水咁。肉醬量份夠，好有蕃茄味。撈埋意粉一齊食都唔會變淡佐。食完成個意粉仲有少少肉醬淨。

一個人，在旺角找地方食午餐，在朗豪坊行了幾層。見到Euro go go, 咪入去試試！半自助形式，在收銀處購買，再攞牌仔，就可安坐位中等店員把餐送上。看了餐牌，左想又想，最後點了一個白汁香腸火腿蘑菇意粉午餐，除了意粉外，包一客沙律及一杯12安士汽水，只是$51。先吃沙律，係雜菜沙律，啲沙律菜都好新鮮，幾好味！不過個主菜，白汁香腸火腿蘑菇意粉，就非常差，全沒味道，很淡，而且又只是暖的，d白汁好似漿糊，黐實晒個口，很失望！非必要，不會再來！

星期五晚同同事仔睇完戲，係佢提議話要食Euro go go ，講到如何各樣那樣好食，我對食就無乜所謂，不過就唔太嗜西餐，心諗都係求其食咋⋯⋯同事點左個菠菜汁龍脷柳闊條麵，我就點左辣肉腸火腿煙肉意粉，跟住叫左份蜜糖雞翼，一份煙肉芝士薯皮，2杯荔枝紅茶呢餐又認真估唔到地咁好食喎！雖然辣肉腸意粉唔辣，但個汁醬好濃味道，岩晒食開重口味既朋友，蜜糖雞翼好多蜜糖，十分滋味，仲有個薯皮超正！薯皮上鋪滿唔知係沙律醬定係芝士醬，再有煙肉鋪響上面，呢個味道好得意，我超鐘意食！亦估唔到荔枝紅茶既荔枝味好濃，仲配有幾粒荔枝肉粒，味道清甜，所以呢餐非常滿意！大讚！唯一美中不足係地方問題，枱太細，唔可以比我點多幾樣野食，座位坐唔舒服，仲有呢間食店只可以快點快食，唔適合朋友聚餐閒談，因為進餐時候，一直有人企響枱附近等位搵位。提議：雖然係食西餐，但我覺得食店都應該要備有筷子比較好（申利）因為始終有食客係鐘意用筷子食野，而我就偏偏唔識用叉食麵既！哈哈！即係下次要我自備筷子黎食野啦！XD

今日自己一個人黎到旺角, 出黎當然要好好享受下一個人的浪漫~~~胃口不算大既我出到黎總係心大心細唔知食咩好, 咩都想食但又唔係食得多, 呢點係最麻煩的.... 最後選擇黎朗豪坊EURO GO GO呢度食返個tea先~~~~單人匹馬黎到其實好多野都想食, 焗田螺薯蓉又想食, 雞翼又想食不過因為叫tea set並沒有兩存其美既方法, 最後唯有選擇左食雞翼再加一個蕃茄通粉蕃薯通粉係套餐加的, 所以份量唔算好多岩晒我呢d想咩都食但又食唔到太多野既女仔! 先搵位>落單>職員就會送到你面前不久已經將蕃茄通粉送到枱上蕃茄通粉都幾香, 湯底未至卞係如茄膏做成但整體都唔錯! 岩晒我口味呢口2蜜糖雞翼算係今餐飯既靈魂所在! 每隻雞翼面都被滿滿蜜糖包圍住, 食落可能會覺得甜左少少, 雞翼皮焗至焦焦地同蜜糖發生左一定化學作用! 食落有些微痴牙感覺, 但其實又唔係好痴牙~~~~ 果種口感係雞翼+蜜糖既最高境界!!!!!而且雞翼好嫩滑, 呢個總係我黎EURO GO GO必叫食物之一! 好味道蜜桃茶甜甜地, 紅茶味不算太重, 對於我呢個唔太中意濃茶味既我好中意呢個味道! 雖然一個人, 但有時靜靜地食