Espuma (QRE Plaza) (已結業)

每逢到週末，香港就會有遊行，示威，集會。今日到灣仔區，但也不損我的雅致，我今日堅持去灣仔，去食一間西班牙餐廳，其實我主要目的係，想試吓個海洋甜品，因為我係港女，我想呃like🤣由於灣仔區好多地方都有集會遊行，所以超靜！急不及待，一坐低，我哋就叫咗啲小食，然後，甜品再加兩杯飲品！馬介休炸薯波味道方面，唔算太鹹，一路以為，有馬介休即係等於鹹，裏面溝左薯蓉，食落去有另一番風味！廚師推介 - 蟹味兩食一食係蟹膏牛油果沙律，另一食釀蟹蓋配脆多士。牛油果撈起蟹膏，牛油果的香味，並沒有比蟹膏蓋過。相反地，味道變得特別！蟹蓋內釀咗d磨菇，食落帶點菇嘅味道。鍾意嘅，可以好似我咁，兩種唔同嘅味道都放喺麵包上面。一齊食，有別一種風味！我嘅海洋呀🥰我等咗你好耐😂賣相唔使講，我俾100分😂有得食，有得睇！海星，貝殼，係伯爵茶mousse，伯爵茶嘅味好香，好濃！沙，係木糠布甸嘅木糠石頭，小海星， 比堅尼，係朱古力原來個藍色海洋，係啫喱呢個甜品實在太吸引！我比咗101分🥰😍最後叫咗杯生果茶，同埋手搖咖啡！香濃嘅咖啡，飲完可以令到你忘記今日嘅煩憂！生果茶嘅香味，清新嘅感覺，飲咗一啖，內心不禁舒緩一口氣！最後，都介紹返

放工去左灣仔食飯等朋友收工過來聚一聚，朋友未到我先上去坐下，環境舒服夠大，座位之間都很寬敞明亮👍🏻👍🏻👍🏻食物方面都有很多種類😍😍Crab duo 蟹蓋蟹膏十分滋味，配上香脆的多士更加美味，濃濃的蟹膏食到停唔到口呢😋😋😋Grilled beef short ribs在餐牌上是廚師推介點左牛肋骨黎食，上到枱都很大碟，肉質鮮美好吃，配薯條🍟十分滋味！House red我地女仔傾計點左紅洒去慢慢嘆和聊天。紅洒帶甜甜地易入口👍🏻

有幾位朋友近日心情都麻麻，我地約左見面，決定要帶佢食D好野，等佢有番少少胃口。最方便大家揀左灣仔區，呢間餐廳係其中一位朋友都食過，覺得好好食，所以番兜餐廳位於QRE Plaza，我地落左車都要行一陣先來到，好在啱啱停左雨，否則幾狼狽。朋友訂左枱，仲一早到左。呢度假日都有唔少人，我地被安排坐卡位，非常舒服。而且餐廳喺25樓，窗外望出去雖然唔係咩景，但感覺都冇咁侷促鐘意呢度一樣野，就係menu經常都更新，要設計，又要配合主題，下午茶質素都愈來愈好，影相效果仲好靚！下次要試下。主餐牌選擇非常多，tapas款款都好吸引，好清新。例如西班牙式蒜香辣椒煎蝦、西班牙果酒醉蜆、帶子莎莎青檸醬等。小食都好多款，例如蜜糖雞翼、粟米薄脆、鵝肝多士、馬介休薯波等。主食非常豐富，總有一款啱食，例如薄餅、漢堡、扒類、意粉等。最正係甜品啊，其實我好想食，但太飽喇。甜品餐牌特別吸引，厚鬆餅、炸油條、慕絲碗、窩夫等，相機食先滿分仲有個二人套餐，由餐湯、沙律、小食到主菜、飲品都包埋，但我地覺得散叫比較有彈性。蟹味兩食 138好好食啊！蟹膏牛油果沙律、蟹蓋伴脆多士，多士四塊，非常香脆，無論伴蓋肉絲同牛油果都好正，豐富三文魚

之前已經去過尖沙咀ESPUMA 食TEA SET, 環境食物很不錯。今晚老公生日, 突然諗到灣仔都有分店, 決定去試試。侍應安排左較靜既窗邊位置, 坐得幾舒服。即刻望下有咩食先....晚餐來說都好多選擇。熱招牌水果茶 - 通常係其他餐廳飲水果茶都落左好多糖然後覺得好甜。但呢間既水果茶, 雖然第一啖會覺得酸, 因為佢完全冇糖..飲慣左就覺得幾好入口。同埋都幾大壺, 我同老公 2 個人飲剛剛好。特色重型牛肉漢堡 - 麵包塗上牛油再煎過, 口感柔軟但鬆脆! 牛肉肉質軟腍嫩滑, 加埋兩塊半溶芝士、蕃茄、酸瓜、洋蔥等...一咬就爆汁 粗薯條不過不失, 但配埋黑松露醬, 大大加分! 醬燒豬肋骨配脆薯條 - 都算幾厚肉, 肉質嫩滑, 加埋微甜既醬汁, 濃郁入味, 見到已經流哂口水, 好快就KO 哂 心太軟麻糬窩夫配Creme Brulee 雪糕 - 成餐飯既重點!! 窩夫非常香脆, 本身好喜歡煙煙韌韌既口感, 所以呢個甜品, 一咬就欲罷不能, 內裡仲有QQ麻糬。唯一不足係甜度唔夠。Creme Brulee 雪糕都有香濃嘅焦糖味 呢個價錢, 性價比極高。

We protect what we love, we fight for what we care.-皇后大道東比我印象係附近有好多甲級商業大廈、高級食府。好受歡迎既平民市集，今晚我就約左朋友係QRE Plaze呢棟全部都係美食匯聚既餐廳，試一試呢間主打西班牙菜Café - "Espuma"，店鋪佔地好大，以深色木質座枱，有心思燈飾既掛滿天花板，昏黃既自然燈光令整間Café氣氛好舒服！👇📌Bacalhau Croquettes - $108▪ Mashed Potato Balls ▪ Parma Ham▪ Anchovy▪ Minced Pork▪ Cheddar Cheese ▪ Crumble▫ 我呢排偏向以A La Carte形式，可以比我隨心意去揀返我想食既，當然先黎個小食過下癮先，香脆無比馬介休球，裡面釀左滿滿既薯蓉、帕馬火腿、鱈魚、免治豬肉同埋車打芝士混合而成。食落唔會太鹹，但口感就真係無得彈啦！📌Scallop Spinach Risotto - $158▪ Seared Jumbo Scallop ▪ Creamy Spinach Sauce▫ 我一向都好鍾意食Ri

今日同朋友去到灣仔Espuma 食晚飯，因為覺得地方夠大，而且環境氣氛不錯。天花板上擺着色彩繽紛的花朵，打卡拍照一流，所以就相約朋友在這裏聚舊。大約八時許，客人都不少，雖然我們沒有訂座，但剛好有位置，所以能夠馬上入座。我和朋友食得西餐，就一定會點沙律做前菜。慢煮八爪魚黑醋汁沙律 $128這個沙律十分開胃，有兩種煮法的八爪魚，一種是慢煮，帶有煙韌口感。另一種是將八爪魚炸過，比較酥脆。再配上新鮮蔬菜和酸酸甜甜黑醋汁，非常開胃。煙三文魚刁草菠菜薄餅 $138這個薄餅批底比較輕盈，對於兩個女仔share非常方便，可以留肚食其他食物。如果是厚批，絕對吃不完。煙三文魚十分香口，不會死鹹，更有刁草和菠菜調味，超級好食！低溫岩鹽烤穀飼安格斯肉眼牛扒$348安格斯牛扒足足有12安士，份量夠大，而且配菜更有整個焗薯，炒蔬菜和薯條，三至四人分享都可以。牛扒點了七成熟，熟度剛剛好，外面焗得香脆，裏面仍是粉嫩顏色。安格斯牛扒有嚼勁，油脂並不多，偏向牛味濃郁。我就喜歡吃近筋的位置，比較脆口和牛油味香。配菜是一整個焗番薯，非常香甜。上面更有酸忌廉，配埋一齊食能減輕膩感。整體菜式都很不錯，環境亦十分精緻，用來慶祝大事

今晚黎灣仔同朋友食飯，揀咗食物一向高質既espuma，今晚都無令我地失望我地點了一個意粉，一個pizza,同埋一個waffle先來的是「蝦醬蝦乾鮮蝦扁意大利粉麵」，triple shrimp 真係成碟都係蝦蝦蝦蝦乾脆脆地，鮮蝦肉質實，味道既新鮮，用翠肉瓜做配菜，juicy清新既味道同蝦肉幾夾～跟住係我最中意食既pizza, espuma pizza幾時都係咁出色，批底薄脆又帶有少少煙銀既口感，pizza餡極之豐富，今次點呢個係「巴馬風乾火腿磨菇薄餅」，底層蕃茄醬，配上大量蔬菜和Parma ham, fresh之餘，又有Parma ham既咸香味，整個佩搭非常好味見到隔壁枱點咗呢個waffle,賣照超吸引，我地食完main dish,都點返一份先「奧利奧朱古力布朗尼窩夫配雪糕-全份」放喺面嘅係棉花糖，底層係朱古力布朗尼，雲呢拿雪糕和法式焦糖燉蛋雪糕，和好多朱古力碎，當然有主角夾餅啦，成個組合超好味，尤其是佢啲雪糕同埋夾餅簡直係Perfect match，下次嚟絕對要在encore！大家記得一定要點全份先會有棉花糖，半份嗰啲係冇咁靚㗎

今日去灣仔QRE Plaza 搵野食😍我地揀左25/f 的espuma 試西班牙菜～入到去環境幾舒適，燈光柔和，有情調！我地7點入座，見唔係好肚餓又細食，就唔叫set dinner。menu 有好多菜式選擇，花多眼亂😍😍樣樣都好吸引，最後我地揀左以下三款：Crab Duo (Avocado crab meat salad & stuff)蟹味好鮮濃郁，而且好多蟹肉，勁足料！配埋牛油果一齊食，清爽唔膩👍🏻Salt-roasted Grain-fed Angus Rib Eye肉質腍嫩，而且充滿牛味。份量好充足，食完好滿足😍Waffle - Caramelized Pineapple甜品的造型真係「嘩」出黎，似藝術品多d!食之前真係要先打卡😍上面係棉花糖，下面係窩夫、雪糕、水果等配料。總結餐廳環境服務都唔錯，而且食物質素高。下次經開都會再黎～

今日在公司好多嘢做，做到2:30先可以出去食個lunch，叉叉電，咁辛苦梗係要對自己好啲，於是就行遠少少去咗Espuma大吃一餐。貪佢呢度環境好，食物質素更加好，而且老實講咁嘅價錢咁嘅質素， lunch來講其實真係非常抵食。叫咗一個lunch set加一碟小食，各樣的味道真的很不錯。小食係蜜糖雞翼，一碟都有好多隻，而且仲剪開變做單骨雞翼去燒，令到雞翼嘅味道和外皮都可以烤得更香。配埋蜜糖，真係非常夾呀！Lunch set 的前菜有南瓜湯、蒜蓉包、沙律，三樣都非常有水準，為滿足嘅一餐揭開序幕。主菜點了安格斯肉眼扒配蘑菇汁，他肉眼扒嘅味道真係不得了，雖然非常厚身又大塊，但係絕對唔靭，以前而且非常有牛味，仲有陣陣的炭烤味，真係冇得頂。除咗牛扒，配菜仲有瓜、甜薯薯蓉、青豆。餐飲我叫咗熱情果茶，你睇個賣相都知好飲啦，佢嘅茶睇得出係真係用左好多熱情果新鮮整，啲果蓉仲喺度飄浮，而且滿佈雜果，令味道提升一個層次。而且佢下面有個蠟燭幫你熱住啲熱情果茶，就算慢慢飲啲茶都唔會變涼。最後，甜品嘅蛋糕都係好味架。

與朋友預祝生日，特意book位打算吃豐盛一點。這次點了一個二人set，換了餐牌呢。首先環境不錯，很舒適也很有氣氛。正常發揮的沙律，配麻醬很不錯。最驚喜的一道菜，本身以為XO醬配白汁會很奇怪，加上本身不好青口，一開始不抱太大期望。但味道意外地好，不會有違和感，配搭的麵包亦能做到只脆不硬，好評👍🏻主食的牛扒，剛好做到五成熟，味道不錯，但肉質有少許韌，個人認為不值得另外加$98。固定的西班牙海鮮炒飯，味道很淡😂淡到我懷疑廚師忘了加調味料，份量很多，最終有一半要打包拿走。雜果麻糬窩夫，需要加$68，整體不會太膩，很好的飯後甜品。

3個女人一個墟，5個女人圍埋堆。因為幾個朋友都港島返工，其中一個食過尖沙咀分店再推介，咁我地就揀左灣仔食西班牙菜。唔知係因為呢區夜晚客少，定近排市道差，只坐滿一半客人，別人談天影響唔到我地，我地細聲講大聲笑亦影響唔到其他客。牛油果雞胸沙律：好開胃，so fresh~西班牙式慢煮八爪魚：個汁有少少辣，好醒胃。特色炸蟹鉗：真材實料但味道無乜特別。至尊海鮮西班牙炒飯：海鮮好新鮮，青口煮得剛剛好，仲有好juice嘅感覺，而且充滿海水味。帶子，帆立貝，蝦都唔差，雖知西班牙炒飯係較硬，但箍牙妹真係食到牙都軟。烤安格斯肉眼牛扒伴焗薯：點左7成熟，味濃肉質感重，墊底嘅南瓜蓉，焗薯都好正。天使薄餅：餅底非常薄脆伯爵海星慕絲：影相呃like一流。鮮雜果麻糬窩夫：窩夫鬆軟，雪糕冰凍實淨生果鮮甜，配合吉士醬，糖醬一齊好好味。招牌水果茶，貴妃荔枝茉莉茶是日餐湯：南瓜湯，個蒜蓉包好好味。

夜晚約左男朋友食飯，好似呢間餐廳好評都多，所以嚟試試。餐廳喺合和附近，都算易搵。我地兩個人叫左兩個主食，一個甜品。P6 鵝肝黑松露醬意大利麵 $148好大份鵝肝，平時餐廳一小塊鵝肝加麵包都好貴，但今次有黑松露又有意粉，感覺好回本。黑松露味道都出，仲有蘑菇，分量幾多。P1 西班牙橡果黑毛豬柳西京汁珍珠麵 $158第一次食珍珠麵，口感好特別。似普通意粉味道，但一顆顆，少少粉，又似義大利燉飯嘅米又似麵。網上睇珍珠麵係嚟自意大利薩丁尼亞島，係一種傳統麵。其實幾特別，如果未試過呢種麵質會建議你去試試。黑毛豬柳煮得幾滑，不過兩個主食分量都多。可能3個人分都夠。W6 招牌鮮雜果麻薯窩夫配雪糕 $138 (FULL)窩夫即整熱辣辣少少脆，配雪糕味道唔錯。可能主食已經食得好飽，所以甜品FULL 有啲多，不過好好食。

生日都要番工 不過好彩有班好同事陪我食飯🥰🥰雖然落住好大雨 但佢地都風雨不改照舊以前黎過呢到食tea 今次試lunch諗左好耐最後都係揀咗D餐 兩個fd就食牛扒其實西餐黎講有湯有野飲有甜品都係百零蚊都算抵！！！食埋呢個慶祝既waffle真係飽到！！個waffle幾特別 裏面有麻薯下次會再黎食lunch! 題外話就係等lift真係等好耐🤯😪

我喜歡灣仔這個地方的, 有新歐陸的利東街, 有舊色建築的藍屋, 這次就是穿過利東街上樓便到的餐廳, 雖然全餐廳都是樓景, 不過位置高, 人不多, 所以感覺都不錯,點了青口, 個汁都幾惹味, 配薯條都不俗, 是有一點點HEAVY, 始終我們得2個人, 另點了個甜品, 很一般。

內部燈光柔和，幾有情調。服務員態度很好。食物:1.德國豬手，真係啖啖肉呀！肉質嫩滑，而且多汁，唔錯！呢個份量可供兩至三人享用評分: 7/102. Appetizer 叫左個salad，份量比想像中多，沙律醬酸酸甜甜，好開胃，係唔錯之選。評分： 7/103. 海鮮意粉雖然海鮮同意粉份量都比較少，不過味道加番分！海鮮方面有墨魚、帶子、蝦。味道評分：7.5/104. 飲品叫左杯iced lime tea，不過不失。評分：6/102個人食，1個appetizer，2個main，1杯野飲，total 6百幾蚊。好飽，好滿足。