Espresso Alchemy (PopCorn 1 )

营业中

休息中

今日收工返到將軍澳，喺地鐵站附近睇吓有咩好食，搵到呢一間位於 Popcorn 商場嘅簡單輕食。其實之前放假都食過，不過淨係飲咖啡，今日就嚟試吓佢嘅主食。鮮奶巧克力熱朱古力好香濃，飲落又唔甜，奶泡打得好靚，呈心形，好治癒。Panini青醬烤雞蕃茄芝士意大利三文治Panini有兩款都有烤雞，試咗比較輕盈嘅一款，賣相好靚，分成兩份，擺到成個心型咁。烤雞有數塊肉質鮮嫩，配合青醬好新鮮。加埋蕃茄芝士都幾健康。菠菜芝士意粉配忌廉汁望落以為細細碟，原來份量都幾多，菠菜鮮甜清新，同芝士意粉夾埋一齊食就無咁滯，配搭得好好😌自家製藍莓合桃蛋糕最期待嘅甜品出場，估唔到咁大件，可以開心share。藍莓甜甜地，合桃有咬口，食完好滿足🍰🧸評分：🧸🧸🧸🧸4/5

一直都有留意呢間裝潢幾靚嘅cafe，豆沙色為主，每次見入面都坐滿人。但入到去，發現餐廳坐位與坐位之間勁近🫂中庭就放張流線型設計嘅圓枱，岩打卡，好睇唔仲用，將梳化位嘅客人迫到難以自由出入，佈局嘅舒適度好差。坐低睇完menus之後要出返去counter order意粉+賣單，相對有啲麻煩，唔會稱為restaurant🫢 今次order左個Spaghetti Carbonara with Pancetta Affumicata Bacon + Hot Latte (Regular size)。先講意粉，意粉煮得過軟，相中亦可以睇到意粉過熱導致汁油分離、好稀、唔掛汁，啲煙肉好似分開放，完全無味，無煙肉油香、無蛋香、無芝士味，覺得自己食緊白灼意粉，口感有啲軟爛🤔至於杯Hot Latte，比連鎖店cafe遜色，偏向重奶，飲唔出咖啡香，奶泡同espresso比例有待改善。食完仲肚痛，真係唔會再光顧了😓

餐廳燈光柔和，座位有空間感，想搵個舒服嘅地方嘆杯靚啡呢度係唔錯嘅選擇✨🎈青醬雞胸沙律配檸檬醋醬 雞胸同沙律菜鋪滿一碟，真心被佢嘅份量驚艷到雞胸以青醬調味，搭配新鮮蔬菜、蕃茄乾同橄欖🫒食沙律都可以好滿足🥗🎈檸檬汁烤雞煙肉芝士意大利三文治熱壓Panini上枱時依然熱烘，口感鬆軟中帶點煙韌🥙以雞肉、蕃茄、芝士做餡料，嫩滑雞肉加上芝士奶香同檸檬清香，層次豐富🎈Americano咖啡在水準之上，咖啡香而溫和，口感滑順🎈自家製香蕉蛋糕 甜品都一樣有水準，蛋糕質感濕潤外層烘得微脆，食到甜品之餘唔會有罪惡感

這家咖啡店裝潢簡潔，座位闊落。⭐️特濃巧克力小小一杯，就像在吃朱古力，濃厚的巧克力香氣在口中迸發，讓人感受到如絲般的順滑。⭐️生酮意式芝士卷外形吸睛，充滿了濃郁的芝士咖啡風味，內餡則柔軟滑順。⭐️檸檬汁烤雞煙肉意大利三文治麵包皮烘得非常脆，咬下去時發出清脆的聲音，讓人食慾大開。雞肉鮮嫩多汁，搭配檸檬的清新酸味，與煙肉的鹹香配合得很好。⭐️牛油果蕃茄芝士意大利三文治新鮮的牛油果與新鮮的蕃茄相結合，搭配芝士，既健康又美味。

忙裡偷閒．揀咗將軍澳呢間Cafe慢活一下Lunch Menu 多款菜式選擇揀咗兩個Set 味道都好有水準✨香煎虎蝦配辣蕃茄汁意粉虎蝦大隻．口感爽彈配上新鮮露筍．帶點芝士 同 微辣嘅蕃茄汁熱辣辣 有溫度✨牛油果多士配沙律沙律菜新鮮嫩綠烘烤過嘅多士．配上新鮮牛油果．口感香脆✨宇治抺茶鮮奶抺茶味道濃郁不苦澀．鮮奶比例恰好✨Brew Coffee跟餐跟滴漏咖啡．味道香濃醇香環境舒適以後同朋友聚會又多個high tea嘅好地方

Espresso Alchemy 好欣賞佢地裝修 💕色調以橙啡為主調環境舒服真係好適合過來嘆返下午茶chill下今日來到將軍澳分店～係popcorn 商場入面叫左一份沙律、兩款蛋糕甜品、同埋咖啡渡過一個悠閒嘅下午👏🏻而且不設+1服務費🤪⭐️青醬雞胸沙律配檸檬醋醬健康好味之選！雞胸口感紮實配上青醬非常清新⭐️生酮宇治抹茶忌廉卷減肥人士嘅福音⚡️抹茶味濃香忌廉滑溜⭐️自家製合桃藍莓蛋糕～口感層次豐富！　☕️Mocha ～ 朱古力味濃郁帶有淡淡咖啡香📍將軍澳唐賢街9號PopCorn 1 1樓F54號舖

有心事時你會點?自己想方法解決?還是找朋友傾談?我就多數選後者。今日一放工就約了同事吃early dinner傾談生活事。以粉橙紅色為主調，裝潢簡約優雅，燈光柔和，感覺舒適寫意。地方闊落，座位挺多。沒有套餐，全是單點。飲品分別有Feature Drinks、Coffee、Chocolate & Tea，而食物就有Salad、Sandwich &Toast、Special 、Burger、Panini、Pasta和Dessert。******************************我地點了牛肉意式香草包伴蘑菇芥末醬及沙律配檸檬醋醬 Herb Foccacia with Beef and Sautéed Mushrooms, Salad and Homemade Lemon Vinaigrette Dressing ($107)，份量勁足，勁！香草包烤烘至外脆內軟，塗上很香的芥末籽醬，中間大量肥牛和雜菇菌，很豐富。肥牛肉嫩油潤，菇菌爽口兼有菇香，烹調入味，很美味！旁邊配了些雜沙律菜和車厘茄，新鮮清爽，拌入酸咪咪的檸檬醋汁，清新開胃神，同時亦可中和一下肥牛的油膩感。*********

💡休閒舒適咖啡店呢間再訪咖啡店，同朋友傾計最好嘅選擇，舒適，空間感十足。🍝青醬忌廉雞肉長通粉 🍗濃郁的青醬搭配奶油，令整成個醬汁滑順可口，雞肉嫩滑，通粉吸收左醬汁的香氣，食落好滋味。🍞雜菌黑松露芝士意大利三文治 雜菌的鮮香和黑松露的獨特風味令芝士的香氣更加濃厚，搭配香脆的麵包，整體口感層次豐富。🍌自家製香蕉蛋糕 鬆軟的蛋糕裡充滿了香甜的香蕉味，搭配一點點的堅果，口感既柔軟又有嚼勁。☕凍Latte 🧊綿密的奶泡同濃郁的咖啡香氣好夾，清涼又提神，令整餐體驗更加完美。

間唔中都好鍾意去Espresso Alchemy 食早餐，今晚專程去食個晚餐。煙三文魚牛油果碎雞蛋沙律蕃茄三文治擺盤精緻，特別係好似朵玫瑰花嘅煙三文魚，未食已經流晒口水！麵包焗得香脆，牛油果碎雞蛋口感順滑，煙三文魚帶來點點鹹香味道，整體超好味！青醬忌廉雞肉長通粉青醬味道好特別，雞肉鮮嫩，再加埋口感彈牙的長通粉，好好味！鮮奶朱古力口感濃郁，甜而不膩。藍莓合桃蛋糕揀咗藍莓合桃蛋糕做甜品，蛋糕好柔軟，藍莓配合桃，層次豐富。呢度嘅環境令人坐得好舒服，仲要過播放一啲令人好relax嘅音樂，喺度食飯傾偈最好不過。

這裡的裝潢以復古美拉德風格啡紅色為主調，營造出一個舒適且優雅的環境，可以chill一個下午~.☕️Flat White咖啡味超級濃郁，奶泡細膩幼滑，口感非常順滑，好味到轉圈圈，消除一整天的疲勞~.🥤Espresso Tonic也是一款值得推薦夏日的飲品。fresh得黎又好提神～.🫔豬頸肉卷餅配芥末籽醬豬頸肉烤得非常嫩滑juice，搭配上全麥芥末籽醬，口感差dd，如果加牛油果口感會更better🥑

今日約左好耐冇見的朋友食飯傾偈，決定去Espresso alchemy 飲杯咖啡，食個tea。環境舒服，服務又唔錯。青醬雞肉長通粉青醬味道清新，醬汁很夠，包裹著每一條長通粉，雖然是雞胸肉，但肉質不柴，質感不錯。烤雞菠蘿漢堡配檸檬醋醬及焗薯份量超級大，賣相十分吸引！雞扒有兩大塊，香草味道濃郁。菠蘿燒過後更鮮甜多汁，生菜新鮮爽脆。漢堡疊得高，要分層先食到🤣焗薯香口，薯味濃郁。法式西多配雜莓醬法式西多厚身，鬆軟，灑上糖粉，多了一份香甜。雜莓醬酸酸甜甜，整體感覺比一般的西多更輕盈好食！蜜糖伯爵latte 奶味濃厚香滑，伯爵茶味清新。

每次想食早餐，首選都會係Espresso Alchemy。位置方便，環境舒服，食物質素都唔錯。檸檬汁烤雞煙肉意大利三文治望落雖然唔似好大份，但係三文治厚身，食晒成份好飽肚。烤雞加上檸檬汁，幾清新，加上些少胡椒，調味好足夠。意大利麵包烘得十分香脆，好味！雞扒芝士奄列配多士因為用左Cajun, 所以帶有些少辣，辣辣地好惹味。呢份奄列超級大份，加上芝士，好拉絲，一個人完全食唔晒。我覺得呢度嘅麵包嘅係唔錯，香脆鬆軟！Cappuccino早餐餐飲加$11可以轉飲Cappuccino，咖啡味道濃郁，香滑。Original brew coffee 檸檬蛋糕呢個蛋糕好實在，檸檬味清新，帶有些少濕潤感，好味！

前幾日同個friend去Cafe食嘢吹吓水😋，將軍澳Popcorn呢間環境睇落都好靚靜靜地，見到嘢食種類都算幾多！🍴煙三文魚牛油果蛋沙律三文治 $88賣相非常吸引呀～牛油果蛋沙律酸酸地好開胃，配埋煙三文魚同埋沙律菜個配搭清新得來又有飽足感！🍴青醬雞肉長通粉$104慢煮雞肉好嫩滑，青醬係新鮮整嘅，加上少少芝士幾好食👍🏻👍🏻🍰homemade藍莓合桃蛋糕熱辣辣食好香牛油味得來又唔會太膩，合桃添加口感！🍵Matcha Latte $39好飲！

星期六日都比較多人，眼見都唔係特別太多位置，而且都少迫🥹由店員安排位置就可以自己去收銀落單，不過好處係未見有限制用餐時間，出面冇人排隊都可以係到CHILL下既😗ALL DAY BREAKFAST每次去唔同既café我都真係會必點，今次呢個係牛角包，相比起bagel就肥左d，不過食落都香脆鬆軟既=)個炒蛋就不太好了，有d太過水，好似怪怪地甘，其他都不外乎係果d配料啦BUGRER再黎就係烤雞菠蘿漢堡配檸檬醬同埋焗薯，個包都幾軟熟，有小小煎過既痕跡，幾香，肉質鮮嫩，配埋個菠蘿同檸檬醬酸酸甜甜幾開胃既~整體都真係一間打卡好睇既café，食物就真係冇咩大太既期望同特別

宇治抹茶鮮奶 - 重牛奶味，覺得refreshing，因為唔會太甜鮮奶巧克力 - 同樣重牛奶味，夠Rich👍🏻煙三文魚牛油果碎雞蛋沙律三文治 - 足料，調味豐富，三文治烘底即上所以夠熱夠脆，不過略嫌牛油果少少生雜菌意粉配黑松露醬 - 廚師落醬時一啲都唔吝嗇，每啖意粉都係滿滿嘅黑松露醬，蘑菇先用黑椒炒過，經過調味，再撈落意粉，蘑菇味好香，鍾意食雜菌類嘅朋友一定會覺得好吸引法式西多士配自家雜莓醬 -西多士一上碟係好靚嘅金黃色，多士夠哂厚，好香牛油味，自家製集莓醬唔係死甜，同埋真係有莓粒嘅口感，感覺健康，可能鍾意甜食嘅朋友會覺得偏酸Overall覺得坐落環境舒服，人流雖然多，但係唔會好迫，加上菜夠快，所以都好適合係附近返工嘅人💪🏻