El Portal (已結業)

呢日同個舊同學約食飯，佢帶左我黎呢間位於廟街嘅「El Portal」食高質西班牙菜。用餐體驗好好，值得推薦！餐廳裝修有格調，好舒服。餐牌食物以西班牙菜為主，選擇頗多，亦都有2人餐選擇。睇左一輪，我地決定散叫～前菜我地選左青醬煮蜆。啲青醬好refreshing，蜆大大粒好肥美，完全無沙。$78咁多隻，好抵！主菜叫左海鮮西班牙飯（$218）。本來以為係一人份，點知兩個人都夠食！啲飯粒粒分明，調味好香。海鮮大大隻，都幾新鮮！另一個主菜叫左墨魚汁大蝦意大利粉（$118）。本來以為呢個價格得兩隻蝦，點知有成6隻！而且啲蝦都好大隻，肉質爽脆。特別一讚係啲意大利粉嘅醬汁一齊得好好，夾埋啲三色椒同蘑菇一齊食非常美味！甜品叫左2款: 西班牙油條同埋蘋果撻，兩款都係$68。呢度嘅西班牙油條係我喺香港食過最正宗嘅，而蘋果撻賣相一流，味道亦好好。總結：呢度環境好舒服，食物味道好好，店員亦都斯文有禮，絕對值得推薦！

由於局長一向都未試過食過任何地中海菜所以一時興起就係OPENRICE搵下有冇就腳又高質既地中海菜結果就搵到EL PORTAL哩一間勁多好評既餐廳就一於去試一試佢我地入到去比個酒櫃嚇一嚇感覺有好多靚酒! 但由於局長渣車唔飲得 所以只可以得個望字已經下決心會再黎然後開酒食飯!由於我真係無地中海菜既經驗所以我決定交比店員發版首先上既係餐包佢質素好高 烘到非常之脆口食落去仲好有麵包既香氣佢唔會係因為餐包就HEA你我覺得係非常之高質 加少少黑醋同OLIVE OIL去食簡直就係享受然後上左芝士SET我因為唔太識芝士 所以叫店員幫我揀一款輕身既食落去奶味好香 唔會太膩太咸係一款打開味蕾既前菜如果可以一路飲酒一路食就爽!肝醬 哩道真係正到痴線係好似到唔識形容完全係唔會內臟果隻唔好既味道只有油香 夾埋多士一齊食真係頂唔緊我連個樽仔都奶埋 痴線咁好食炸魷魚 不過不失重頭戲西班牙海鮮飯雖然話係西班牙海鮮飯但其實唔止西班牙先會食係成個地中海圈都會食因為地中海既海鮮都好出名佢番紅花既顏色好靚 好香而且海鮮好鮮味 唔會老哂 飯亦都粒粒AL DENTE 係誠意之作 份量亦都非常之適中唔會食完勁飽 又唔會唔夠食跟住上

原來廟街都有隱世西餐廳🤩如果唔係朋友介紹，都唔知道呢度有間樓上舖，好彩今日黎一黎，先無錯過到咁好食嘅餐廳。😳😳最令我印象深刻嘅一定係黑椒鵝肝醬配法式多士，有別於成份上嘅鵝肝，呢度係用一樽調好味嘅鵝肝醬配多士，鵝肝醬上有黑醋，內裏調味均勻，creamy嘅口感配搭上脆卜卜嘅多士，令人欲罷不能。👍🏼👍🏼另一個signature自然係西班牙海鮮飯，原塊鐵板將生米煮成西斑牙燴飯，海鮮高湯嘅鮮味完美融合喺飯粒入邊，上頭一大大隻嘅鮮蝦，有Juice嘅蝦膏，絕對令你感覺好似潛咗入深海一樣。😋😋甜品更加有鬼佬油炸鬼：西班牙油條，即叫即炸，配上咖啡朱古力醬，簡直係人間美味。🤩🤩

想搵啲特色菜食下上網搵到呢一間，喺佐敦幾方便今日行過附近，醒起就去試吓佢依家餐廳夜晚上嚟應該更好氣氛三五知己飲下紅酒睇吓風景餐牌都有好多選擇全部都係特色啲嘅食物叫咗呢個🐙烤八爪魚配法瓦豆泥嗰條八爪魚腳好粗🐙切開一粒粒嚟食，好有口感好彈牙整體嘅味道恰到好處唔會太油太Heavy仲叫左希臘餃子(羊奶芝士和菠菜）炸咗嘅外皮唔會好油入邊係菠菜嘅餡配上羊奶芝士幾好味食多幾粒都唔會覺得油膩最後仲叫咗呢個甜品上邊橙色嗰啲係水果配上小小甜甜地嘅醬汁再加埋一塊蛋糕🍰食落唔似一般嘅蛋糕，一食落去就滿口罪惡感呢個配搭得好好成碟食晒都無問題由於今次嚟嘅時候都唔係好餓所以都冇試到佢飽肚啲嘅食物我覺得呢間可以再encore 試試佢嗰啲飯啊果啲

🌃 食肆為地中海餐廳堂位於佐敦廟街牌坊旁，鄰近於佐敦港鐵站A出口， 餐廳設計比較簡約， 簡約嘅酒吧風格， 座位相對闊落 ， 有一個大酒櫃擺放各式各樣嘅紅白酒，室內位置面向投影大屏幕， 窗邊位置面向廟街街景， 我們選擇坐窗邊bar檯位置， 比較有氣氛，餐枱用了透明玻璃打燈， 加上卵石底， 十分適合擺上食物打卡😍。.🦑 蒜香蛋黃醬配炸魷魚💲 88👉 店員一上菜嘅時候已經聞到好香嘅 蒜蓉味， 魷魚炸得好酥脆，內裏幾彈牙， 配埋蛋黃醬絕對有加分👍.🐙 烤八爪魚配法瓦豆泥💲 168👉 呢一個係餐廳嘅招牌菜， 基本上每枱客人都會叫黎食， 有一條肥大嘅八爪魚腳，烤得恰到好處，估唔到食落會係有啲軟淋😍，唔似食緊擦子膠， 一啲都唔韌，餐廳採用嘅法瓦豆泥比薯蓉更creamy， 加上少量嘅芫茜碎點綴， 味道幾fresh。.🥘 西班牙海鮮飯💲 218👉 小編見到好多人專誠過嚟，都係為咗試呢一個飯，等小編試下有幾好食先。 一上菜時候鐵盤滋滋聲熱辣辣， 海鮮嘅種類好豐富， 有大蝦、魷魚、海蜆、青口等等， 食落嘅味道比較鹹， 係用咗海鮮高湯同埋蕃茄汁， 令到鮮味更突出， 啲飯都好有咬口。.🥐 西班牙油條配巧克力💲

好耐冇去佐敦啦今次同朋友收完工之後去咗佐敦廟街，行行吓見到竟然有間西式菜係樓上鋪，再去OpenRice search下見到有paella 食😍心郁郁就上去try try啦上到去環境都算闊落仲有窗邊位埸裏邊有個櫃裝咗好多靚酒顧客可以自己揀的整個menu如下：晚市佢哋有做開二人餐嗰日店主話因為前一日開party用晒啲蠔所以就冇得嗌蠔lu本身諗住叫杯Ahasi 啤啤佢，點知太好賣已經冇晒哩度提供嘅水係還原水👍🏻好少舖頭有提供還原水，值得一讚我哋叫咗：1️⃣西班牙海鮮飯呢個飯係店鋪好出名嘅主食，一上菜，同之前喺西班牙餐廳食嗰啲飯一模一樣、肉眼見都見到海鮮好豐富😆有蜆、青口、魷魚、蝦，如果隻蝦係虎蝦就好啦😆 飯口感少少硬硬地，撈埋啲汁令到啲飯口感變得軟啲，食落粒粒分明，飯嘅size唔算話好大，個人覺得兩個人啱啱好，如果多人就帶幾個好啲2️⃣蘋果撻配希臘乳酪雪糕高度推薦呢個甜品，個蘋果撻下面竟然有蛋糕😍個蛋糕係抹茶蛋糕，口感10分鬆軟，個蛋糕少少甜不過Mix埋抹茶嘅苦澀我覺得啱啱好,蘋果撻嘅蘋果好新鮮同鮮甜，撈埋蛋糕食一乾一濕令口感更加多層次，乳酪雪糕雖然唔算好多，食落有啲似cream，唔算話好快融👍🏻呢

What a surprisingly wonderful western restaurant in Jordon which offers good food 😍 the most remarkable one should be the oysters although it out of stock I enjoy the whole night so much. !!! We ate for more than 2 hrs… so nice For the snacks and so-call appetizers, we had 青醬蜆肉！ it’s super fresh. The sauce will not be too salty . The size is big too.And the 蛋黃醬魷魚！ It’s crispy 😋😋 yummyThe restaurant is romantic and suitable for celebration 🎉 and party . We ordered two main ，one is the pork mix wi

地中海菜成日聽，但就因為唔係好多地方有，未試過，所以今次同朋友一齊黎左位於廟街既樓上wine bar and restaurant試。香脆魚配阿拉比亞塔醬魚肉鬆軟嫩滑，外層脆漿唔厚，恰到好處。最最最重點既要數佢個醬汁，酸酸辣辣咁好開胃同惹味。黑椒鵝肝醬凍派配法式多士鵝肝醬份量都幾多，夠大大啖配多士食完之後仲有剩。多士香口鬆脆唔硬，配埋鵝肝醬食好滋味！燒烤黑豬排配松露醬烤南瓜個人覺得呢個豬肉幾出色，雖然未到好嫩既狀態，但肉香好出，近骨位置有油香，幾好食。但要留意既係佢無乜醬汁可言，適合好似我咁食肉唔鐘意配醬汁既人。house whte wine同house red wine感覺可以再揀好少少～總括而言，雖然食物選擇唔多，但質素幾好，可惜今次黎啲蠔已經賣哂。

星期四放工 自己一個去左廟街食飯 我坐bar枱 望住廟街個牌方 景色幾特別 打卡一流餐廳播住d歌 感覺幾chill 食物方面 好多款式 西班牙海鮮飯＄218大大碟 大碟到我覺得係2人份量黎 好多我lunch唔係食左好多 所以係食得晒ge 佢有好多海鮮 青口 蝦 魷魚 蜆 飯粒好有口感 配埋個汁 係唔錯ge 焦糖皮塔餅配巧克力醬和泡芙奶油＄68好似平時食ge肉香條咁 但今次係焦糖味 好香 配個7出朱古力jam同奶油好好味 推介 同埋佢一個價錢 係有2杯ge檸檬梳打＄46好多酒揀呀 但我得一個人 揀左飲檸檬梳打水 清新健康 下次叫埋朋友黎 先再飲酒啦我見好多人介紹生蠔 今日天sold out 下次黎一定會試生蠔 同埋下次會約埋朋友黎 傾住計慢慢食 成個環境係舒服 好chill ge

What a surprisingly fabulous western restaurant in Jordon which offers good food😍 I enjoy the dinner so much. !!! We ate for 2.5 hrs… so jeng 😍 Oysters out of stock but still like it 👍🏻We found the restaurant is romantic so we seat in and celebrate my b-day. We ordered two main ，one is pork mix with pumpkin 🎃 set 。love it so much ❤️💖 😍 it is delicious! Worth give it a try 👍🏻 The raw % is just fit, perfect match with the sauce. We also ordered the 墨魚汁大蝦意粉， it’s so yummy! I love the sauce so much

收工約左好耐無見既朋友一齊食飯，見到佐敦竟然有間樓上鋪食地中海菜就即管去試下！店鋪裝修都幾靚，有窗口，都可以望下街景，佈置都幾舒服。第一個小食香脆魚配阿拉比亞塔醬，雖然賣相無乜特別咁，但炸魚外脆內軟，配埋佢酸酸辣辣既醬汁食超級惹味。第二個小食黑椒鵝肝醬凍派配法式多士，多士同鵝肝醬凍派份量都幾多。多士好鬆脆，加埋鵝肝醬一齊食，都係個幾好既享受。主菜係燒烤黑豬排配松露醬烤南瓜，肉質幾好之餘肉香都幾突出。配菜有焗薯，南瓜同西蘭花。但可能可以比多個選擇客人睇下要唔要醬汁。另外佢地仲會有二人set，內容都幾吸引，有機會都可以番黎食下。

今日知道要去位於廟街嘅呢間小店，心裏面其實本身有少少偏見，覺得喺廟街應該都係比較低檔次一啲、或者求其一啲嘅舖頭。但原來上樓之後發現呢間西班牙小酒館都算幾精緻，仲有window seat，再試埋佢啲嘢食，就覺得超級surprised。嗌咗三款Tapas，第一碟嘅蕃茄醬麵包真係喜出望外，個蕃茄醬做得好好食，特別一讚係佢用嘅橄欖油都係高品質種類，配搭個脆卜卜麵包，超好食， $48有六件，簡直超值！然後就是佢個烤八爪魚，八爪魚燒得外面香脆，裡面軟林，成件事係好配合，連伴碟都講究，再食埋佢個炸魚，炸完都仲好鮮嫩，幾十蚊食到咁嘅品質，真係好感動。主菜一定要食佢個西班牙海鮮飯，用薄鐵盆上，估唔到又幾正宗，啲海鮮料都算好新鮮，飯嘅軟硬度適中。最後個西班牙Churros都係新鮮熱辣炸出嚟，絕對唔求其。雖然係位處於廟街，但我覺得佢哋成間餐廳嘅資本都放晒喺食物質素上面，所以唔好諗咁多地址喺邊，有好嘢食都要繼續支持。

西班牙海鮮飯Seafood paella $218 餐廳將飯整好之後放左上鐵板，之後再焗成個飯。海鮮飯嘅醬汁好鮮味，食到蝦膏嘅甘香，蜆嘅鮮味同蕃茄base 嘅酸甜。食嘅時候每粒risotto 都比鮮濃嘅湯汁包圍住。食放係底嘅飯會食到有脆卜卜嘅飯焦。海鮮飯有青口、蜆、大蝦同魷魚。一啖一鮮味！西班牙油條配花生、果仁糖、巧克力$68 Churros 又叫吉拿棒，岩岩炸好嘅面包再係個面加砂糖。熱辣辣又脆卜卜，因為岩岩整好，所以同時食到酥脆同柔軟，就咁食己經好好味。再點埋濃稠嘅朱古力，花生粒同果仁冇得頂！蘋果撻配希臘乳酪雪糕$68 佢個底似係抹茶海綿蛋糕，上面再加切件嘅糖漬蘋果，最高加埋蘋果蓉。糖漬蘋果好好食，平時都係食糖漬栗子或者糖漬蕃薯，估唔到糖漬蘋果嘅效果都幾好。唔會太甜，但係成件蘋果食落去酸酸甜甜。如果同埋希臘乳酪一齊食，乳酪嘅厚度令到口感豐富左。而且成個甜品好低卡路里，食完完全唔驚會肥！

放工同事帶咗我去間樓上餐廳食嘢，佢話之前同朋友包場開搞聚會食過啲嘢好好食，見佢講到咁正就跟佢去試下啦。餐廳入口唔難搵，係廟街牌坊側邊上一層就到。餐廳內部環境舒服唔焗束，眼見幾枱食客枱面都有紅白酒，似乎呢度嘅食物好適合配紅白酒。蒜香蛋黃醬配炸魷魚炸魷魚嘅粉醬好特別，唔可以用脆嚟形容但咬落好鬆化，鬆化口感有啲似炸豬油渣，沾少少蒜香蛋黃醬就好好味。烤八爪魚配法瓦豆泥呢個菜嘅有種眼前一亮嘅感覺，擺盤靚，睇得出廚師嘅心機，將黑蚊蚊嘅八爪魚擺得好靚令人食慾大增。豆泥嘅味道同口感都似薯蓉，不過就冇薯蓉咁粉，側邊嘅醬汁有好輕微嘅辣。八爪魚比想像中好食，完全唔韌，食到八爪魚嘅鮮甜但唔腥。燒烤黑豬排配松露醬烤南瓜豬排好大塊，切開見到熟得啱啱好，肉質嫩滑juice有肉味。配菜薯仔好好食，同蒜味蛋黃醬好夾，烤南瓜都好食但食唔出有松露醬味。西班牙海鮮飯為咗呢個飯而嚟，嚟到最後主角終於登場，香氣撲鼻，熱辣辣嘅飯同海鮮都好吸引，好心急地試咗一啖飯，飯嘅質地粒粒分明，咬落有少少硬但唔係生米果種硬，飯吸收晒海鮮嘅味道好鮮香，放咗一陣就後啲飯直頭有飯焦，食落脆脆地好正，海洋食得出好新鮮好鮮甜。老實講我唔知呢個西班牙海鮮飯

行街無意中見到地下有餐廳廣告牌，有啲興趣，所以上咗去試。🤩店內裝修好有質感，有張由鋪滿白色石仔嘅吧枱，望出佐敦道，好chill! 😌不過上菜需時，大家要預時間。青口馬拉涅拉舞醬汁$92🐚醬汁係用洋蔥同紅燈籠椒切到好細粒🧅，再炒到焦糖化整嘅，味道較淡，唔會覆蓋咗青口嘅海鮮味。而青口隻隻都好大隻，肉質鮮嫩甘甜。🤤鮮香蜆配青醬汁$78🌱蜆都好新鮮同大隻，肉質Q彈牙，仲要好多肉汁💦。蜆係用火槍微微燒過表面再鋪上青醬汁，所以一上枱就聞到好香嘅火炙味🔥。西班牙海鮮飯$218🥘海鮮飯上面鋪滿咗海鮮，有蜆、魷魚、青口、蝦。飯粒似意大利飯，米粒中間煙靭，飽滿嘅米粒吸晒海鮮高湯味。西班牙油條配花生、果仁糖、巧克力$68 🍫西班牙油條炸到外脆內軟加上沾滿了砂糖，帶有淡淡嘅玉桂味。杯底有果仁朱古力醬汁可以點油條一齊食。都係第一次食，唔會好甜。蘋果撻配希臘乳酪雪糕$68 🍎蘋果撻本身諗住係脆嘅曲奇撻底，但係呢度係用咗鬆軟嘅抹茶蛋糕同煮好林嘅嘢蘋果組成。抹茶加蘋果好夾🍵。乳酪雪糕有啲似cream🍦好滑，側邊仲鋪滿左餅乾碎加添口感，好味😋推介👍🏻