Dozy

营业中

休息中

20250725 Lunch心情麻麻，放lunch time飲杯咖啡支持吓自己，不過又唔想澱粉。甘就揀佢啦。第二次嚟呢間cafe，因為想食佢個雞扒沙律，因為上次試過係好食，冇麵包粒，蛋白質同脂肪同纖維，今次一於走埋汁，飲品就叫熱美，因為唔使加錢杯熱美揀左nutty豆，ok既其實我想試手沖，不過lunch time係繁忙時間，簡單d算啦Americano今次個雞扒牛油果沙律同上次一樣都係好靚仔。唔食皮既我，梗係去左d皮，食啖雞扒先啦。完全唔使靠汁，本身加左d香草，雞肉唔鞋，夾埋菜同牛油果一齊食，係好正架。不過牛油果好高卡，下次想走埋牛油果。個號碼牌好襯我

水泥工業風為設計主題，環境寬敞舒適，環境十分輕鬆，內部擺設了許多植物菜單融合了多國風味，為食客帶來豐富多樣的美食體驗。花生醬與韓式辣醬調製的意粉，非常有創意，味道出奇地夾，鹹香濃郁，非常惹味。松阪豬油脂豐富，口感滑嫩，肉質細緻，誠意推介。八爪魚魷魚意粉賣相吸引，爽口彈牙，加點辣椒及蒜蓉一同爆香，香味四溢，意大利麵夠幼細，口感Al dente。豆腐芝士蛋糕也是這𥚃的招牌，濃濃豆腐香味，口感非常順滑，帶點芝士奶香，好夠Creamy。焙茶芝士蛋糕茶味醇厚順口，焙茶香氣與芝士的醇厚結合，口感綿密，入口回甘。除了主食及甜品，這裡的咖啡也非常出色，黑芝麻Latte 好特別，濃郁的芝麻香氣，好濃郁堅果味，香氣獨特，營養豐富。Dirty也是近期咖啡界的大熱，深受咖啡迷喜愛，一口嚐到Espresso的強烈風味，由濃到淡，再嚐到牛奶的柔滑口感，雙重滋味。

👧🏻😋👅🍽✨超人氣靚靚cafe🌿-🪾六月先新開嘅啟岸店水泥風有綠化植物，樓底高有戶外座位，梳化仲好舒服🥰🪾開0930-1830，brunch set供應到1400，主食包啡/茶，亦可加錢配特飲▪蒜香柚子牛油魷魚八爪魚意粉 $148🐙 每一條意粉都掛上香蒜醬，配上柚子牛油同櫻花蝦，以辣椒炒香微辣鮮甜▫️ DOZY BRUNCH $128🥗 法蘭克福腸|煙三文魚|炒蛋|大啡菇| 蕃茄|沙律菜|多士|柚子忌廉芝士醬，簡單而滿足▪ Latte （跟餐）☕️ 玫瑰拉花優雅，奶泡豐盈飽滿，口感絲滑▫️ LauLau LingLing +$28🍹 榴榴檸檸splarkling，柚子檸檬加上石榴子，微甜清爽

假日經過土瓜灣啟岸巷子，留意到呢間大街旁，寵物友善的餐廳😉入面有不少植物，裝修乾淨簡潔舒適😙不少食客都帶同狗隻前往。我們點了兩個主食和兩杯🍻飲品🍸 分別係煙三文魚牛油果温泉蛋芥末忌廉貝果、韓式辣醬混花生醬炒板松豬意粉、扭扭檸檸（凍）和朱古力咖啡 （熱）。煙三文魚牛油果温泉蛋芥末忌廉貝果😍😍😍😍韓式辣醬混花生醬炒板松豬意粉😍😍😍扭扭檸檸（凍）😍😍朱古力咖啡 （熱）😍😍總括而言，這間餐廳不錯，食物🥘非常好，價錢相宜，係同朋友、寵物聚會的好地方。Dozy (土瓜灣)土瓜灣馬頭圍道63號啟岸地下18號舖

今日帶小朋友探店紅磡土瓜灣啟岸的Dozy西餐廳，一進門就被獨特的裝修吸引——水泥牆勾勒出隨性工業風，座位排布寬鬆自在，更貼心的是可以攜帶寵物，帶娃又帶毛孩子也毫無壓力，休閒氛圍拿捏得剛剛好。我們點了兩份午餐意粉，驚喜頗多。韓式辣醬混花生醬炒松阪豬意粉很有記憶點，辣醬的鮮辣與花生醬的醇厚融合得巧妙，松阪豬彈牙帶勁，每根意粉都均勻裹滿醬汁，層次豐富。蒜香柚子牛油八爪魚意粉則走清新掛，蒜香不沖，柚子的微酸中和了牛油的膩，八爪魚Q彈飽滿，越吃越開胃。飲品也值得一提。Chole熱情果芒果加黑咖啡凍飲酸甜清爽，咖啡凍的微苦增添餘韻；茉莉綠茶更是別出心裁，樽頂的小杯器皿用來品茶，茶香清幽，喝起來頗有儀式感。能同時容納娃與寵物，還有美味加持，無論是帶娃帶寵小聚還是朋友閒聊，都很合適。

紅磡之友今日生日，出街Chill下，見到Dozy係紅磡開左，之前佢其他分店都去過，體驗良好，今日再試下佢新意粉，試咗個韓式辣醬混花生醬炒松阪豬意粉，出色，Ho lun 出色環境方面冇佢其他分店咁昏暗，行光猛路線同埋佢地開始照顧單身人士，開心一人位，輕鬆WFH

2025年6月23日深水埗分店已經食過幾次，之前都覺得好食，青醬意粉，沙律，豆腐蛋糕，卷蛋都好味。而且深水埗店超高既樓頂同工業風既裝修，加埋staff都好friendly，每次食都好滿足。今日家姐生日，佢做野會去我公司附近，一於試吓紅磡店啦，一早同家姐睇定食咩野，因為lunch時間有限。家姐點左柚子汁蟹子魷魚意粉。我試咗一條，酸酸甜甜，好開胃，而且軟硬適中。我自己因為怕肥，所以點咗沙律。塊雞扒都大塊既，而且唔鞋口，好味。沙律菜份量適中，我當然想多d。整體都係好食既。家姐話杯latte好飲，我就唔知了我杯americano就正今日冇豆腐蛋糕，有d失望生日冇蛋糕，都食番件蛋卷啦，係烏龍茶蛋卷。好有菜味，同埋最緊要唔太甜。搵日試吓個bagel先不過間鋪細過深水埗好多，裝修風格同深水埗好唔同。我d野食係放矮枱，坐番矮櫈食都有啲吃力。不過味道抵銷番。

𝓟𝓮𝓪𝓬𝓮 𝓲𝓼𝓷’𝓽 𝓼𝓸𝓶𝓮𝓽𝓱𝓲𝓷𝓰 𝔂𝓸𝓾 𝓯𝓲𝓷𝓭 𝓲𝓷 𝓼𝓲𝓵𝓮𝓷𝓬𝓮 — 𝓲𝓽’𝓼 𝓼𝓸𝓶𝓮𝓽𝓱𝓲𝓷𝓰 𝔂𝓸𝓾 𝓬𝓻𝓮𝓪𝓽𝓮 𝓲𝓷 𝓼𝓽𝓲𝓵𝓵𝓷𝓮𝓼𝓼. 👩🏻‍💻久違嘅WFH日💻Dozy新店🩶
好耐冇帶Luffy去café陪我做嘢~尋日終於嚟到一直bookmark左嘅 Dozy 土瓜灣店🤩雖然之前bookmark咗北角同SSP分店，今次反而夾到時地人&狗，嚟咗土瓜灣新店🤭
新店係我最鍾意嘅 水泥工業風 + 木系傢俬，空間感十足，仲有超多自然光～舒服到唔想走 😌
門口仲有幾張枱凳，天氣涼啲坐出面真係very nice 🌿☕ 食物同咖啡都好有質素：- 豆腐cheesecake 加咗黃糖，口感層次好豐富- Pancake 賣相靚又好味，打卡一流 📸- 咖啡香又有拉花 心情都靚D!🎨 我最喜愛係牆上由 @kristopherh 創作嘅壁畫
黑白layer設計喺灰泥牆上展現得好有層次，筆觸細緻得嚟又有力度，完全係Dozy嘅靈魂之一⭐️
之前已經留意佢另一幅作品The Peace II，希望好快可以去SSP店欣賞！ Dozy唔止係打卡靚位，空間寧靜、座位寬敞，超適合嘆杯咖啡偈傾或者靜靜

今日係土瓜灣做完嘢，行行吓街諗唔到食咩好，行咗去土瓜灣啟岸，旁邊見到有一間勁有型嘅coffee shop，見到入邊啲人呢又靚仔又靚女啦，好有型呀，成間鋪，咁啱仲有一個位，即刻入去，嗌咗一杯Cappuccino ，有得揀nutty同Fifty豆，我揀左Nutty試下，都唔錯！咖啡朱古力味較重，跟住嗌咗一個八爪魚意粉，啲意粉呢都煮得啱啱好，跟住呢個味道都意想不到啊，辣辣地，好惹味！重點係嗰度啲員工超級友善，成日對住啲客人笑，然後呢有咩需要呢？佢哋都會即刻過嚟幫手！非常推薦，等我聽日再去先！

weekend約咗朋友見面，意外地見埋佢好好好可愛嘅bb👶🏻💕 去咗𝘿𝙊𝙕𝙔嘅土瓜灣新分店，開咗幾日咋，12點去到已經full house喇！𝘿𝙊𝙕𝙔嘅新分店一樣都係走獨特嘅隨性工業風，今次就多咗一幅線條感重嘅壁畫～ 朋友幫襯過其他分店，就發現原來間間個Menu都唔同㗎😆 ➿ 煙三文魚牛油果溫泉蛋芥末忌廉貝果 ($98)整體都幾足料同大份，擺盤又靚，望到都幾賞心悅目☺️ ➿ 蒜香柚子牛油魷魚八爪魚意粉 ($128)加入柚子元素嘅意粉比較少見，但食落又幾舒服，好啱夏天食呢🌞 魷魚靚靚地𠝹咗花🦑 加埋黑蟹籽、櫻花蝦，顏色豐富，口感滿滿～➿ 豆腐芝士蛋糕 ($58)豆腐cheese cake比想像中輕盈，豆腐味濃郁🥰 加埋少少黃糖鋪面，更港式🇭🇰➿ 𝑨𝒎𝒆𝒓𝒊𝒄𝒂𝒏𝒐 (C: $42)➿ 𝑴𝒂𝒕𝒄𝒉𝒂 𝑳𝒂𝒕𝒕𝒆 (C: $50)➿ 𝑫𝒐𝒛𝒚 𝑪𝒉𝒐𝒄𝒐𝒍𝒂𝒕𝒆 (C: $50)飲品都不錯的～ 我嗌個杯抹茶🍵 就算揀咗凍飲，茶味都幾濃！