DONQ

营业中

休息中

……是我選麵包的必殺技。今次「打盲毛」，打中雞批。覺得八蚊有點貴，但同自己講食罷才方知抵唔抵。一嗅，很香。但熱到「辣」手，要行一陣超市先食得。咬落，皮比金鳳實，但口感各有各好。汁係透明，見到紅蘿蔔同蘑菇，幾靚，食落唔膠口，味道以為會好淡但結果又夠，雞就因為好瘦所以唔滑。食完發覺料都唔算少，至少比金鳳多。唔口渴，唔滯。唔錯。

我去開炮台山分店架. 因為貴左D, 一星期只係豪一次咋.昨日買左"吞拿魚蛋牛角酥($5.5)""黑椒煙肉法包($12)" 吞拿魚蛋牛角酥每次必買, 又抵又好味. 黑椒煙肉法包想試左好耐, 見佢9 折, 即買.... 而且味道好好^^ 個人比較欣賞佢D 大芝麻脆皮法包, $8-9 一個... 好味之餘(香, 脆, 軟)仲好飽. 我試過午餐食佢, 食左2/3 就食唔落啦

Sogo Fresh Mart 麵包店入面，買2個麵包，咖哩包($7)&吞拿魚蛋牛角酥($5.5)。咖哩包–一般啦！個包細細個，裡面係咖哩什豆，食完好口渴。吞拿魚蛋牛角酥–喱個好味好多，酥皮好香脆，而且價錢好抵，全店麵包一般都要$7起，唔知點解個吞拿魚蛋牛角酥會咁平。唯一要留意係比錢時，sales將個吞拿魚蛋牛角酥打錯做香腸芝士包(價錢唔同架，香腸芝士包要$7.5)，我仲以為自己錯麵包。

越來越發覺呢度D麵包及蛋糕幾得...琴日等女友放工食飯，正在思考去邊度食D嘢止住餓，諗嚟諗去都係呢度穩陣D...門口排晒長龍，好多office ladies買包聽日做早餐，簡直係插針都插唔入...唔想食鹹包，於是買咗件原味牛奶杯蛋糕..好香牛油味，蛋糕呈金黃色，好靚仔...雖然並唔係新鮮出爐，但仍然軟熟，亦並不過甜...食過番尋味.^_^

黎到呢間麵包店, 好多飽都好想買, 好想食, 但實在太貴, 所以呢間的南瓜鬆餅同提子鬆餅實在不算貴($4.5)..講到味道..岩我口味..不甜,鬆化...兩隻味道都好味,但南瓜鬆餅無南瓜味, 有南瓜籽,其他地方搵唔到, 提子鬆餅都好味..但我覺得前者好味d..

今日去開銅鑼灣，緊係要去買麵包啦，絲咪就最鍾意呢求既方包，係超厚個隻呀，一塊就等於平日既二塊多D，就算唔加任何野都好軟熟，好正家！跟住我就買左個黑椒煙肉法包，成日都好想食，不過覺得有D貴所以都唔會次次買，家姐就買左個粒芝士軟包，未食呀，所以都唔個好唔好味，不過應該有返咁上下水準既！跟住見到有法式多士岩岩出爐，所以就買黎試下啦，本來睇個樣以為係減既，點知意外地係甜既，味道都OK，不過就覺得油左D！本來想買串燒沙翁家，見到之前有人推介過，不過都係搵唔到，下次有機會一定要試下佢先得～～

fri nite 行過Sogo Supermaket, 見仲有二個屬近期較新出品但又未試過既French Toast剩, 就同薑餅人一人一個做翌日早餐.第二朝食外皮依然脆脆地, 超厚既三角形多士軟軟的, 滲住唔太甜既蜜糖香, 我十分喜愛呀~~~

十次經過SOGO有九次都因為聞到D包太香而引左我入去DONQ~呢度大部分包包都好好味,首選推介為串燒沙翁,一串有三小粒~不過要記住唔係成日有架,睇你好唔好彩啦~

我最愛食佢有料法包：合桃包、多款長法包外面脆卜卜,裏面軟,有一款裏面有芝士粒好好味,有時時出爐時間熱騰騰,脆卜卜十分好味,再加上佢方包好鬼軟,又有好多款揀,一流水準，當然仲有好多不同包俾揀

飽滿充滿層次感o既酥皮包住浸左檸檬醬o既海綿蛋糕, 而且每個獨立製作, 較坊間以一大塊酥皮包裹巨型蛋糕條後切件o既成品有誠意得黎, 外觀都優勝十倍! 由於新鮮出爐, 各樣材料o既口感都發揮出最佳狀態, 一個字, 正!

donq d 包我幾乎都食過晒~好食既有: 1.黑椒煙肉法包..個包同d餡好match2.合桃方包.估唔到d咁簡單既包咁好食3.純味蛋糕..次次食都會保持水準4.朱古力方型軟包..外脆內軟5.粒芝士軟包... 整熱佢\..d芝士融融地好好食6.朱古力丹mu酥7.大腸包8.吞拿魚蕃茄pizza9.三文魚三文治(不過佢\個d三文魚愈黎愈薄啦...同埋買左一定要即日食..隔日會難食好多)10.合桃法包(好好食，不過有d硬，最好叫d staff幫你切一切)11.朱古力牛角仔...(好鍾意食呢個，不過要睇下o個個係邊個師傅，有d好d既師傅整時會好重朱古力味，但又唔會甜得濟)唔好食既:1.夾夾飽...因為實在甜到令人頂唔順2.新出既蒜蓉多士，食落口成口都係油3.吉列豬三文治..塊豬x好乾

作為一個bread monster，行過任何一間麵包店都係會唔捨得行出嚟嘅。記得N年前食過呢度D麵包，今日食飯前百無聊賴，俾佢D麵包出爐香氣吸引，就走入去八吓...鹹甜包各盤據一方，甜包佔嘅比例較多，但今日淨係想食鹹嘢，正係揸住個盤唔知點算之際，睇到一盤啱啱出爐嘅芝士煙肉酥，好吸引，就試呢個...個酥面舖滿芝蔴，再加上啱啱焗起，芝士仍呈現將溶未溶嘅狀態，一口咬下，好辣口ar...但係好好味。個酥面仲係卜卜脆，煙肉並唔係好似其他普通店咁樣切成一粒粒，而係成條咁樣擺入去做餡...好滿足...^_^

買了個提子合桃scone. 其實以前都食過, 唔, 這裡的scone比傳統英式的scone乾一點, 似餅乾, 焗完之後仲會脆一點.但佢又比英式的scone有味道, 就算唔搽其他野都好食.其實都無話好唔好, 因為兩款都唔同, 好難比較, 都係個人口味啦!

昨日傍晚，遇上芝士軟法包新鮮出爐，即買。食完意猶未盡，對住個朱古力忌廉夾夾包虎視眈眈──「肥，怕不怕？」「怕！」「吃不吃？」「吃！」吃罷找面鏡子一照，哈哈，要打格仔，連忙抹乾淨。個人覺得Donq的強項係所有法包，新鮮出爐的話熱辣辣外脆內軟咬落有聲能同時滿足人五感簡直係人間美味。（呵呵我係麵包人，早排鍾意睇＜焼きたて!!ジャぱん＞／中譯＜日式麵包王＞。）至於那些忌廉夾夾包，暫時見過有楓糖味、花生醬味及朱古力味，顏色順序由淺到深，香味跟味道都濃郁兼且毫不含糊，交足功課。當中又以楓糖味最甜（不過仍未到個人極限）──可是maple syrup本身不就是極甜的嗎？

食得出同港式既麵包店完全唔同,無得比,貴d都抵,服務員態度都唔錯,值得一讚~