DONQ

营业中

休息中

愛吃包,四圍試包的我, 論到合桃包,一定是這店的合桃包, 無店能及!!~一loaf包, 包面軟,焗得香,包內鬆軟但有筋性,面包微甜有合桃香,而且有足夠合桃, 有些還大大粒~是面包的上上之選^^愛極~每次吃也可吃完大半,什至是一整條包!!沒記錯應該是$14(加價後的價錢)

茶餐廳的西多士是炸的,donq 的法式多士卻是烘的~這次在北角分店買,兩吋厚的三角形多士加上旦漿烘,非常脆, 還有糖霜的甜膩,如果是新鮮出爐的, 暖暖的吃下肚子,就更完美了。

和媽媽妹妹一人買了一個包包做第2日早餐\\\妹妹揀左朱古力蘋果酥($8), 佢\\\話幾好味, 不過餡太少;媽媽就揀左提子包($8), 佢\\\話唔錯, 我試左d, 發覺擺\\\左一晚都質地仲好軟熟, 而且組織可以一絲絲咁扯開, 好正!又唔係太甜wor, 比出面好多面包舖好味好多;我就揀左一個藍莓松子麥包($10), 因為覺得幾新鮮, 又未見過第2度有得買, 所以想試下,呀妹負責夾包, 一夾上手就話好重! 重過媽媽個包好多!今朝食既時候一切, 入面原來勁多藍莓, 多到你唔信!d松子大大粒又香, 個包又好有質感好好咬口, 真係物有所值!不過鍾意軟淋淋麵包既人就未必岩!惟一唔好既係店裡面人好多, 逼到不得了, 但d店員都好快手, 雖然幾長龍但都唔駛排好耐

同男朋友去銅鑼灣，又好耐未食過呢度既包，心思思走黎買，留番第２日ｌｕｎｃｈ食。要左朱古力軟包，香蕉普利歐同蟹形紅豆包。朱古力軟包：外脆內軟，面頭佈滿朱古力碎，外層係似朱古力既曲奇皮，裡面又有朱古力粒，但唔會太甜，好好食。香蕉普利歐：賣相奇怪，質地軟熟，兩邊有朱古力漿，裡面有香蕉碎，個包只有少少香蕉味，如果濃ｄ會更好。蟹形紅豆包：呢個麻麻地，雖然賣相得意，但包身唔軟熟，有點實，而裡面既紅豆蓉亦唔夠滑，好睇唔好食。

幾欣賞lee間店,夠晒多款~左上-小紅莓包k啦左下-咸包:lee個我家姐食,唔知好唔好味,中-粟米法包:lee個最好味,外脆內軟,但冇咩粟米,右-蜂蜜合桃包: ok啦,紅莓包同合桃包最好即日食,第二日食有d硬,一係要放入焗爐返熱會好d.今次冇咩驚喜,都係d有餡包比較好d~

因為家人幾buy 這兒的麵包，於是奉命買些回家，好用來招待明早來我家玩的表弟妹。嘩啦啦買了六個麵包，任君選擇。因為好肚餓，在回家途中巳經偷吃了個「栗子麵包」（$6），那栗子餡係超好味！至於那「杏仁忌廉麵包條」（$10）、「芝士粒麵包麵包」（$10）、「紅豆綠茶核桃忌廉麵包」（$10）、「豆沙曲奇麵包」（$6）、「咖哩麵包」（$6），都係好評如潮。四十八蚊六個麵包，話貴又得，話合理都係，在乎每個人的價值觀。今天生活富足，便覺得合理。難保他朝經濟不景，便覺得這些麵包好貴。所以，有得享受請放開懷抱，盡情享樂！

今次去到依舊係樣樣都想試,但諗起上次個法包好食~所以今次買左個小紅莓法包$9另外咁岩俾我見到有麵包皮買wor~嘩!!$4有6塊..仲要係厚切,其實即係整條方包的頭尾o個兩塊,我就至最鍾意呢d喇..用左4塊去整麵包布甸, 另外o個兩塊拎黎整厚多士~正…

11點去到~其實已經食左早餐架喇~見到咁多包~梗係忍唔到手啦...好多款都好似唔錯咁wor~望左差唔多5mins~都決定唔到~之後見到有人捧住蘿合桃法包出黎..好就咁決定啦~再買多個咖啡蛋糕~一出sogo門口,立即食下新鮮出爐既法包~嘩~一搣就搣開左~唔似平時食法包咁韌.入面又軟熟~熱辣辣~好味道呀~至於咖啡蛋糕係第二朝早餐~都唔差~好香咖啡味~我諗係咖啡香油既功勞吧~但texture都ok的!

鬆得o黎又真係好脆, 有埋合核o既感覺好正!

10.19 (fri) lunchcall身在cwb既媽子幫我買"lunch"。我千揀萬揀之下叫媽子買左檸檬丹麥酥&朱古力吉士包，去DONQ當然唔會食平日都食到既包啦。睇個樣好似朱古力吉士包靚仔ｄ（所以我都選擇close up個吉士包，但原來檸檬丹麥酥（$8）係正ｄ架！外面係麵包裡面係lemon cake，成個都好香口好特別。朱古力吉士包都唔差，外內都好軟。入面chocolate custard多但唔會好full同埋太甜！對我黎講，食包當正餐係件好幸福既事唔該哂媽子（佢問我點解呢度個個包都咁"lone"，答唔到佢…）

BBQ之前先買個包頂住個肚...已過出爐時間，冇咁好食係無可厚非嘅...法包硬過石頭，但仍頗脆口；包身仍頗軟熟，可以想像得出如啱啱出爐，味道應該不俗...冇計....

昨天行銅鑼灣，　感到有點肚餓，　特意落去donq買包，但去行了一圈，　竟然沒有什麼吸引，　沒有新鮮出爐的包．行多一圈，　唯有買了個南瓜包．　細細個都要８元，　而且又唔熱，　所以唔係好值．同樣係南瓜包，　overall 來說，　我會prefer Tit*f 的高鈣緑茶南瓜包，　面包是軟熟一點，　又無添加，　裡面的南瓜餡又多又唔甜，　而且如此高質素的面包也只是４元．　好抵呀！

昨晚１０點買了一袋＄１２　的朱古力牛角包（６　個）．　雖然叫牛角包，　但其實只是外型像牛角包的朱古力swirl 面包．　好好味，　靚的面粉做出好香的面包，　朱古力味好真但又唔苦澀．（反觀，　山崎和東海堂的同類面包，　朱古力味不是好淡好假便是好陣苦澀味．　我覺得＄１２　有６個這樣質素的真的好抵吃．另外，　又要讚多一讚純味旦糕，　依然那麼好吃．

今次買了藍莓松子高纖麥包($10)同抹茶丹麥酥($8)藍莓松子麥包上次評過,味道一如以往的好味=]抹茶丹麥酥：味道都唔錯,抹茶餡唔太甜,gdp.s. 又係揀o左好耐XD

又來到donQ,咖啡蛋糕好香, 外形像個星星,雖然偏甜, 但我配了不下糖的flat white 咖啡,一個略甜, 一個略苦, 併合成一頓心滿意足的下午茶!