DINELAND

营业中

休息中

打電話留位，兩人一狗，戶外位。之前餐廳仲打番電話嚟確認冇問題，去到門口，職員竟然說沒有記錄😡非常無奈，畢竟臨時臨急要搵一間附近有戶外位又啱心水的餐廳唔容易。職員亦沒有提供任何協助，實在太過份😤

嚟開屯門，想搵間有質素嘅西餐。喺Openrice 搵嚟搵去都冇乜好選擇，見到呢一間嘅評語唔錯，就嚟試吓。即日夜晚打嚟預約，餐廳本身話冇位，後尾話如果九點前可以離座就OK。嚟到嘅時候差不多滿座。食物方面， 10分喜歡牛扒鵝肝，鵝肝味道濃郁，唯一牛扒略嫌過熟 （已經叫咗五成熟）。心太軟亦都唔錯，就如港人最喜愛講的”不太甜”。餐廳侍應服務態度良好，餐廳更加不收+10%。整體嚟講係一間值得推介嘅餐廳。燒美國安格斯特級肉眼扒配紅酒燒汁朱古力心太軟

今次為咗慶祝紀念日去佐屯門嘅 DINELAND 西餐廳，去到見到裝修菲常有格調，柔和嘅燈光及雲石枱配合少少自然嘅盆栽裝飾令人有一種可以放鬆嘅感覺套餐：西班牙黑豚豬鞍扒配蜜糖芥末籽汁 （$208)龍蝦汁意大利飯配燒原隻日本魷魚 （$238）首先係是日頭盤係八爪魚沙律，八爪魚口感爽口彈牙配上酸甜嘅沙律生菜令人十分開胃黑糖包&蘑菇忌廉湯黑糖包一上枱就已經聞到濃郁嘅麵包烘焙香，咬落去表皮酥脆，黑糖味濃郁蘑菇忌廉湯非常濃郁，菲常足料超多嘅蘑菇碎造出蘑菇湯，啖啖都係蘑菇碎，超令人滿足香龍蝦汁意大利飯配燒原隻日本魷魚原隻日本魷魚超大隻，啖啖肉鮮味十足，性價比極高，而且經過炭火烤過令魷魚更加香氣撲鼻．濃郁嘅龍蝦芡汁配搭上意大利飯香氣四溢西班牙黑豚豬鞍扒配蜜糖芥末籽汁超厚身嘅西班牙黑豚豬鞍扒咬落去口感十足而且肉質鮮嫩，而且經過烹調令到黑豚豬嘅油脂香更加突出真係令人陶醉肉配菜方面仲要有超大舊嘅炸薯真係啖啖滿足飲品方面，今次叫吃青檸梳打&凍朱古力,青檸梳打感覺清新,朱古力非常出色非常濃郁嘅朱古力味焦糖燉蛋燉蛋即燒即食嘅香甜焦脆糖衣配搭香濃軟滑嘅燉蛋作為餐後甜品簡直絕配

喺屯門一間性價比唔錯嘅西餐呢，佢哋無論係Lunch定Dinner都有set叫，個餐已有前菜餐湯，同埋小店通常少有嘅黑糖餐包😋，麵包上枱嘅時候熱辣辣，外脆內軟，佢哋嘅黑糖味都唔弱㗎，我自己就幾鍾意食😝。今次叫咗一個dinner set再加單點一份德國鹹豬手。是日餐湯係味道香濃嘅蘑菇湯👍🏻同埋八爪魚沙律做前菜。意大利粒蕃茄雞肉通粉，鍾意大通粉有一定嘅口感，配上微辣蕃茄汁，帶點酸甜好開胃👍🏻原隻脆皮咸豬手，已經將豬手切件，份量頗多，夠三四個人share ，外皮香脆，肉質軟腍，佢哋嘅黑椒汁幾好👍🏻唔會鹹反而帶點甜味。另外仲有茄子，粟米南瓜，薯角做伴碟，佢哋嘅薯角好大條😍，口感非常滿足。另外叫套餐可以另加$30有甜品，所以叫咗個焦糖燉蛋試吓，也不錯呢👍🏻

呢間餐廳位於屯門山景附近 平時都多人排隊今次好彩book 左鐘意食生蠔既JJ 一定要加$128試佢地既半打生蠔👍冰凍既生蠔每隻都半隻手咁大🦪🦪肉質好嫩滑 裙邊帶少少爽口微咸 味道輕巧 好易入口呢個價錢真係好抵食！starter 係八瓜魚沙律都好少見有4,5粒八爪魚仔 🐙酸酸甜甜幾開胃之前已經食過餐廳既超大份既豬手所以套餐今次試下原隻魷魚配龍蝦汁risotto🦞成隻魷魚筒上 好吸晴🦑魷魚Q 彈有咬口 唔鞋身一食......唔睇menu 都食得出係好濃郁既龍蝦鮮味好似有成個蝦頭係口到咁 😂Rissoto唔會太淋 但又吸哂龍蝦汁既精華份量岩岩好 兩個人食都唔會好膩另外套餐仲包麵包同餐湯🍄湯係蘑菇湯 蘑菇味好突出仲有一粒粒既蘑菇容 有咬口湯杰身得黎好綿滑 超好飲！麵包係黑糖味 上枱仲暖暖地 咬落外少脆 入面好軟熟整體感覺 以前試過呢間餐廳既lunch同埋到會 已經覺得好抵食今次夜晚再去 覺得餐廳性價比依然咁高😌夜晚仲有浪漫既感覺 ❤️(連d 蠟燭都係用真火唔係電既就知呢間餐廳好有誠意）想係屯門搵d 靜靜地既地方撐枱腳 食下高質西餐同生蠔會推介黎呢到👍

屯門的小情調西餐🥰之前食過一次午餐 味道很好所以特意在晚餐時段過來再食一次· 燒美國安格斯特級肉眼扒配紅酒燒汁揀了五成熟 還以為會沒那麼韌口 結果咬得我你死我活一樣 用全身拼命去咀嚼這片肉扒(老人家牙齒唔好 真的很抱歉 雖然咀嚼得很痛苦 但我是絕對有把整塊食完的)食岀肉眼扒用上鹽燒的 燒的時候 氣味特別香但吃下去後 味道就不太有 那個燒汁！真的真的有夠普通 塗了一次後 就直接放棄了 哈哈· 三文魚籽帶子忌廉蟹肉意粉 這個意粉其實真的不錯👍🏻真好吃的🥰忌廉汁特別軟滑！·這兩個都是跟餐的 附送餐包+沙律🥗+餐湯(這個餐湯真的好飲 磨菇打成溶 每一啖都可以食到磨菇碎粒 特別香濃)➡️跟餐+$24 兩隻生蠔🦪 （好似食咗兩啖海水入口一樣 哈哈😆食完等於無食一樣）➡️跟餐 +$22 芝士奶蓋飲品（一杯菠蘿味 一杯水蜜桃口味 個人喜歡蜜桃 甜度適中👍🏻）➡️跟餐+$25 提拉米蘇 （好食的😗）

屯門建生原來開左一間西餐，外型幾靚幾有feel，今晚平日都幾多人食幾受歡迎。佢夜晚有dinner set menu,有餐包+餐湯+頭盤+main course+餐飲，仲包飲品，人均大約二，三百蚊，價錢都算合理。佢呢排仲做緊promotion 叫做“蠔門盛宴”，就係12隻生蠔再加紅／白酒一支係$298，超級抵，我見到在座好多人食。我地今晚就叫左兩個dinner sets： 🔸️是日餐湯：磨菇湯 （8.6／10）菇味好濃，好有層次，唔會太漏，唔錯。 🔸️是日頭盤配黑糖餐包 （8.8/10）個沙律前菜好特別好吸引，唔係一般沙律菜咁簡單，佢有三色椒仲有八爪魚仔，個dressing又幾好味，明顯幾有heart。仲有特別讚下個黑糖餐包，焗熱左又超軟熟，好香黑糖味，好好味。 🔸️香草忌廉煮紐西蘭藍青口 （+$88， 8.5／10）另外加左一個course,  藍青口意外地幾juicy幾嫰口既感覺，口感幾好。 🔸️ Set: 即刨黑松露帶子寬帶麵（$198, 8.8/10)外型吸引，同埋幾好味，寬帶麵好入味，好有蒜味加黑松露味，好中意佢既口感。另外即刨黑松露同煎帶子都有種名貴既感覺，味道同口感都好配合，推薦。

呢間位於屯門盈豐附近既餐廳，室內格調舒適，使人很悠閒放鬆🤓感受音樂🎶品嚐美食，談天說地，不亦樂乎。黑糖麵包🍞屬於店舖特色的麵包🍞，黑糖的味道微甜不膩，係一款開胃既餐前甜點。🦞海鮮龍蝦汁意大利飯 海鮮既份量比想像中多，有蝦🦐有帶子有青口…每粒米飯🍚都融入咗海鮮汁，好純好鮮甜😋😋黑松露忌廉寬帶麵配香煎日本帶子鐘意黑松露的朋友一定要試下呢款，好濃厚的黑松露味道👍，雜菇片與芝士汁的調和 讓麵條更加入味，仲有香煎既日本帶子都好好味呀。🥰水牛城辣醬雞中翼 6隻 除咗正餐都有試下小食，鐘意食肉既朋友仔一定會揀雞翼✌酸甜醬配上微辣🌶形成味蕾衝擊，啖啖肉🍖真是不要太爽！！🧀芝士奶蓋四季春 配 草莓🍓🧀芝士奶蓋四季春 配 芒果🥭 淡雅的水果香味，濃郁的芝士口感，芒果🥭的酸甜適中，草莓🍓的淡香，可以飲得出係真係果汁調配，並非糖漿💯呢個真係要推介✨️✨️想體驗下二人世界或者與朋友聚會聊天，呢間鋪頭會係一個不錯之選。如果人數多，記得提前book位呀🤗

已經第二次來食，店舖環境舒適及衛生非常好，裝修有格調，食物質素高，由餐包，龍蝦湯至主菜都好好味，價錢合理，最值得讚嘅係店內靚仔靚女服務非常好，有禮貌同又細心❤️，一定會再來，無論情侶，家人或朋友都適合。

生日月,朋友仔帶左我黎食宜間,佢話生日同我食餐豪d,我叫佢揀,我負責食啦,2個女仔叫1個set ,佢話佢家姐介紹一定要試豬手叫埋啦,跟餐個黑糖包真係不得了,如果有得添食就好,俾outback個個仲好食,跟餐仲有個湯同沙律龍蝦汁意大利飯配燒原隻日本魷魚好鐘意佢咁擺隻魷魚,好有外星人feel,佢勁濃龍蝦汁味,但唔會太咸,正脆皮德國咸豬手配酸椰菜、蜜糖黑椒汁豬手勁脆,又唔痴牙,又唔會韌,係食到停唔到口,d配菜都好好食,個薯角凍左都係脆,點解可以咁,好好食呀.....野飲叫左芝士奶蓋四季春草莓 同 水蜜桃梳打 佢唔係死甜糖漿開,加分朱古力心太軟 生日飯點可以冇甜品呢,心太軟係可以跟餐加$30叫,本身我仲想叫多個焦糖燉蛋,但豬手同個外星人都係我肚撐緊,真係食唔到,2個只能活一個,好少心太軟係唔甜到漏,佢ok bor,甜到啱啱好,最緊要係一切落去流出黎個下治癒到,生日之星表示好滿意,100分

📍 Dineland（屯門）位於屯門平民區嘅cp 值高西餐廳，餐廳有室內/外既座位，可以同朋友chill 下，享受番一個寧願的午餐時間～Lunch set ～包飲品～牛肝菌忌廉湯，好濃郁嘅湯底，非常好飲👍🔸夏威夷薄餅餅底質素嘅夏威夷薄餅🍕加入菠蘿，煙肉，洋蔥，蕃茄，中間又鋪滿一層厚厚的芝士國，薄餅係手拉薄餅，唔會過厚，芝味無窮，令人愛上😍🔸脆皮德國鹹豬手配蜜糖黑椒汁係超級巨型嘅豬手🐷 一上枱己經切好，外皮非常酥脆😍 内裏肉質呈現淡淡嘅粉紅色，嫩滑多汁而且完全唔乾。 味道啱啱好，唔會太鹹，一啖豬手配蜜糖黑椒汁，成個感覺好清新，唔會太膩～🔸追加生蠔兩隻超有誠意的大顆肥美又新鮮｛🦪生蠔｝🔸濃縮咖啡香濃細滑既即沖咖啡，濃縮到飲到好重咖啡豆味，鍾意飲咖啡嘅，你一定要飲~

真心推Dineland做屯門建生no.1 西餐！今日8號風球又唔想煮嘢食,就用左openrice app order 左脆皮德國咸豬手配蜜糖黑椒汁lunch set 😍 用埋恒生+openrice優惠只係用咗$45，豬手好大隻夠兩個人食㗎 😍多謝佢地係8號風球之下都保持熱誠、做有溫度的食物😍豬手外賣都做到外脆、裏面多肉汁，非常高質*tips: 1. 記得要寫「請幫幫我切片」佢地就會幫你切靚靚 😍豬骨會另上、大家可以用來煲湯2. 逢星期日至二用恒生+FUN Dollars埋單可以$30 Cash Dollars即時當HK$60使用

屯門新開咗間環境幾幽美嘅西餐廳，氣氛唔錯✨Starter 🥗八爪魚沙律-多隻爽口八爪魚 微辣清爽 沙律菜以酸味為主 ✨Soup🥫蕃茄湯-特濃嘅蕃茄湯 甜甜酸酸非常開胃 中間夾雜少許蕃茄肉✨Main🐠香煎澳洲盲鰽魚柳 $258-大條盲鰽外皮經煎香呈金黃色 口感脆 而魚肉帶魚油香且嫩滑 無骨啖啖肉 伴碟有薯菜 美味🐓意大利辣蕃茄醬雞肉大通粉 $168-以辣茄醬加入雞肉碎煮長通粉 再加入碎芝士增加香味 辣度幾勁 酸辣互補 大通粉有一定硬度 掛汁總括嚟講，味道唔錯，可以一試

年多前曾到訪過「Dineland」午膳，今晚下班後相約了朋友再次過來用餐。上一次惠顧是中午時分，和今晚所看到的環境截然不同，感覺晚上多添了一份浪漫氣氛。Dinner set包括了是日頭盤、餐湯、主菜和茶啡。當日頭盤是一道八爪魚沙律，沙律菜都頗為新鮮，拌上黑醋，酸甜味道夠開胃。麵包上枱還是暖烘烘的，質感鬆軟。當日餐湯是蕃茄濃湯。蕃茄打成蓉，入口酸香味道濃郁。寬帶麵入口有蛋香味，口感煙韌，還有即刨黑松露片作點綴裝飾。沒有黑松露醬的濃味，取而代之的是一份松露獨有的甜香感。而配餸的2粒香煎帶子更是十分出色，香口彈牙。另外碟內還伴隨了一些菇菌。事前看了關於餐廳的介紹，得知他們採用銅模意粉而非機啤意粉，會更有麥香味。意粉上有大片新鮮海膽，充滿鮮香。醬汁creamy帶有海膽甘甜氣味，意粉十分掛汁，每一口都可以吃到蟹肉絲。隨餐附送的茶啡，加錢則可另配特飲。

早前係屯門搵嘢食，見到呢間都幾多人食，就係到等左一陣位，我地有2個人食，想講呢間既味道真係好唔錯😎好啱我地口味，又有outdoor位 啱曬d有養寵物既人芝士奶蓋四季春 $42 跟set $22凍檸茶黑糖包黑糖包外皮微微香脆軟熟，拎上手仲熱辣辣，黑糖味道啱啱好，就算唔搽牛油都好好食！是日餐湯-南瓜湯南瓜味幾突出，口感幼滑是日頭盤-八爪魚伴沙律幾特別嘅頭盤，有八爪魚真係誠意十足！八爪魚爽口彈牙，份量都算多，加埋柚子醋幾清爽開胃。脆皮德國咸豬手配酸椰莱配蜜糖黑椒汁$178以呢個價錢份量真係性價比十足，仲要非常好食。脆薯皇熱辣辣岩岩炸好！又大份又多！主角豬手外皮薄得黎好香脆，肉質嫩滑，加埋少少脂肪一黎食幾有口感。而酸菜都有處理過，唔會太酸，食落爽口！配埋一齊食就一流！！豆腐奶凍$30味道係超香濃嘅豆腐味，係布甸一樣嘅texture 面頭有少量嘅黑糖漿，黑糖嘅甜味同豆腐味都幾夾、大推龍蝦汁意大利飯配燒原隻日本魷魚 $ 238呢個小編非常推薦，要試！首先魷魚份量都幾大個，燒得非常香而且幾甜，而個龍蝦汁基本上同龍蝦濃湯冇分別，醬汁非常濃稠龍蝦味極重，意大利飯口感適中帶少少硬身，唔會太腍有口感！