Dilliwale

营业中

休息中

平時好少食印度菜，朋友介紹話呢間係正宗既印度咖喱，好多印度人黎食😳🍘乳酪脆米球 $82脆薄既皮，表層有辣醬，底層係凍既乳酪。一開始嚐到辣味後期則酸甜交雜，味道十分豐富🍔咖喱免治羊肉配漢堡包 $118羊肉份量多，可以自己選擇份量去配漢堡包。漢堡包烘烤過，保持香軟同暖笠笠，配搭上洋蔥和咖喱免治羊肉好惹味🥘牛油雞 $148辣度揀左小辣，雞肉幾滑，香氣撲鼻。佢哋既咖喱香料味都好重但唔會鹹，係正宗印度咖喱🫓Tawa Roti $24食咖啡點可以少左薄餅🫢香軟既薄餅沾上咖喱汁又係另一番風味，薄餅鬆軟，而且吸汁餐廳令人感覺去左印度咁，員工同食客都有不少印度人光顧，氣氛歡樂，座位舒適

原來銅鑼灣都有間咁正宗既印度餐廳,even平日黎到都好多人,加上音樂好有氣氛😆睇到menu都好多選擇 所以都諗左好耐先簡到食咩我地簡左半份印度燒雞,燒得好香口,佢另外仲配有醬汁,係比較似青醬,配燒雞感覺幾青新🤩佢仲有D洋蔥都燒得好好食😛另外就叫左酥脆咖哩角, 每一舊都好大舊, 個皮炸得好酥脆, 而入面係咖哩薯仔同豆,雖然係素但相當好食😙我地仲叫左butter chicken配芝士薄餅, 芝士薄餅原來入面都有芝士,食落勁chessy, 鐘意食芝士既人真係要試下😙butter chicken既雞肉好滑,仲要估唔到份量幾多幾大塊 咖哩唔算辣, 相信唔食得辣既人都會食到!

👧🏻😋👅🍽✨簡單好食印度菜-🇮🇳 京都廣場一出lift全層就係Dilliwale, 但座位唔會放太密好闊落, 一入座送上tap water🇮🇳 唔同牌子啤酒都做緊優惠, 好適合多人聚餐, 另有sunday buffet 咖喱, 包, chaat都任食!-▪️Heavenly Gol Gappe 印度脆米球 $78橙色個醬係辣既薯仔洋蔥, 綠色果樽係薄荷同羅望子水, 上菜時店員介紹先𢳂薯仔醬後倒入薄荷水, 前者甜辣後者酸辣係有辣上加辣效果; 空心脆米球似核桃形狀但都幾大粒, 塞滿晒都幾辣🤣 第2粒開始就因返食辣程度放左一半▫️ Chicken Chowmien 雞肉炒麵 $115比較似中式炒麵但用左印度香料, 炒得好有鑊氣; 加左三色椒爽甜多汁令炒麵食落唔油膩; 雞肉呈肉絲形狀好嫩滑▪️Hyderabadi Lamb Biryani 羊肉咖喱炒飯 $168咖喱偏辣所以要用yogurt調和辣度, 香米軟身好入味, 羊肉大大件好腍好滑

琴晚同朋友喺銅鑼灣行街時，忽然想試吓印度菜，於是上網睇吓邊度有得食。好多網友推介京都廣場9樓嘅Dilliwale，見到咁多人推介，即刻衝去試吓。呢間餐廳由印度人主理，好多客人都係外籍人士，落單要用英文，好似去了印度一樣。😆🧀 Masala Cheese ($118)茅屋芝士加上馬莎拉咖喱，味道中性但又好夾咖喱。芝士口感有啲似豆腐，唔辣但有少少灼熱感，特別推介！💥🐔 Butter Chicken ($148)採用德里著名嘅骰子狀坦都里燒雞，配合奶油蕃茄醬，雞肉嫩滑，味道香濃。醬汁同薄烤餅絕配，真係好好味！😋🫓 Plain Naan ($24)軟身鬆脆，沾咖喱一流，非常適合想體驗咖喱味道嘅朋友。🫓 Garlic Naan ($37)蒜蓉烤餅，熱辣辣上菜，有塊布包住，蒜蓉味好香，質感鬆脆易咬，不失為一個好選擇。👍⭕️ Dahi Puri ($82)一個個脆米球內裝住yogurt、薯粒、鷹嘴豆，再配上少少辣醬汁。味道層次豐富，先係冰凍嘅yogurt爆開，食到不同stuffing，最後吊出少少辣味，令人驚喜連連！🧡🥭 Mango Lassi ($58)清爽嘅印度芒果乳酪，甜度適中，好好飲，夏天飲仲

不嬲鍾意食印度嘢，食咗好多間，呢間真係top of the list。之前已經試過佢個抵食lunch set、同sunday lunch buffet, 今日趁喺銅鑼灣約朋友食飯，試埋佢嘅a la carte。 #cheesenaan坦白講，係我暫時食過最好食嘅cheese naan。Naan鬆軟帶點煙韌，而且 極 厚 極 濃 極 香 芝士味。食兩塊已經好飽，都仲想再食。 #烤羊架好多時食印度菜，肉都會比較輆口。呢個烤羊肉質嫩滑，配搭yogurt、lemon juice同spice嘅秘製醬汁，少辣香口，仲可以配堆鮮洋葱解肉膩。 #炒香辣薯仔辣味濃郁，滲晒入薯仔入面。大大兜，好足料。 好好食嘅印度菜，加埋環境舒適、待應有禮，滿分。

朋友仔好鍾意食啲特色野今次就陪下佢食印度嘢🤗有佢最愛嘅currylunch時間有呢款set選擇ღ4 course meal House Fish Curry $109洋蔥蕃茄咖喱印度魚魚肉有好多嚿，入口仲好嫩呀🤤加$20可以揀飯/印度薄餅印度薄餅有4塊🤩，外脆內嫩加上惹味咖喱，一啖接一啖好快清晒🤭ღWhole Meal +Soft DrinkPav Bhaji $85馬鈴薯和蔬菜濃咖喱配用黃油淺煎Pav麵包Pav麵包夾上香濃嘅咖喱😋好惹味呀！upgate Soft DrinkMango Lassi$30Lime Soda $30ღHeavenly Gol Gappe $78印度脆米球 脆脆波波，將啲配料加晒入去再將醬汁倒入去香辣又美味😋

今日我喺銅鑼灣發現咗一間超正宗嘅印度菜餐廳，真係好正！餐廳入面所有廚師同店員都係印度人，感覺好地道。尤其我食咗一款甜品真係超正。*Chilli Chick*，這道菜辣味十足，雞肉嫩滑，配上香料炒製嘅辣椒，口感非常過癮！*Fried Rice*呢個炒飯非常香，米飯粒粒分明，搭配咗各種新鮮嘅配料，味道清新又唔油膩，真係好好食。*Mango Lassi*呢杯飲品甜而不膩，芒果味濃郁，帶有一絲酸味，十分解渴。*Rasmalai*係我今日嘅甜品，綿密嘅奶酪球浸喺香濃嘅牛奶汁入面，口感滑順，甜度適中，真係好好味😍*Chicken Tikka*和 *Dahi Puri* Chicken Tikka 鮮嫩多汁，香料味濃厚；而 Dahi Puri 則係用脆皮餅包住酸奶和各種配料，口感非常豐富，淨係睇個賣相已經好特別，店員交帶我千祈唔好搵刀切因為裏面會爆漿😍

想起已有一段時間無食印度咖哩，很懷念薑黃混著小茴香的獨特味道，於是在銅鑼灣找了一間口啤幾好，全由印度籍廚師主理的餐廳，午市還有套餐供應。點了幾款印度街頭美食和傳統咖哩，全方位品嚐了傳統印度風味，滿足了。.🏅乳酪脆米球（Dahi Puri）$82Dahi是乳酪，Puri是油炸脆餅它是一道清新開胃的街頭小食。酥脆的空心脆餅內塞入一些洋蔥、薯仔、豆子，濃郁的乳酪和微辣的香料醬汁，最後撒上脆麵條和石榴籽。由於乳酪和醬汁是水狀，而脆餅又薄又脆，我建議用匙羹舀起一個直接送入口，亦不適合切開，最好是一啖一粒！脆脆的外殼在口中爆開，流出甜甜酸酸的汁液，咬下去又嚐到薯仔與麵條，口感層次豐富且充滿驚喜，超好吃！.🏅扁豆湯（Dal Soup）$48這是一道傳統家常料理，以溫火慢煮，融合超級食物小扁豆、蔬菜，還有薑黃、大蒜等食材，濃郁而順口，充滿香料的溫暖氣息。這餐廳的扁豆湯是我在香港喝過最好飲的，令人感到治癒。.🏅素菜咖喱汁配小餐包（Pav Bhaji）$85 送汽水Pav是麵包，Bhaji是蔬菜咖哩糊。它是源自印度最大城市孟賣平民美食。麵包開邊後兩邊用油煎香，香氣撲鼻，配以濃厚綿密的蔬菜咖哩和炒過的紫洋蔥

近排想食啲特別啲嘅嘢，喺OpenRice見到呢度有好正嘅印度菜，好想試吓🤤睇Menu花多眼亂，好多野想試😆我哋叫咗一份芝士香草串燒雞柳，印度燴羊肉，蒜蓉印度烤餅芝士香草串燒雞柳，雞肉烤得唔錯，唔會太乾，香草味幾突出，芝士味唔太濃唔會好膩👍🏻印度燴羊肉，咖哩係番茄base，可以揀辣度，我地揀咗少少辣🤏🏻，番茄味易入口，味道比較溫和，點埋印度烤餅真係一流👍🏻羊肉份量唔少，好稔，冇羶味👍🏻我超鍾意用烤餅點咖哩🤤蒜蓉烤餅真係好正👍🏻蒜蓉味幾香，可惜已經太飽，否則我會叫多份餅繼續點咖哩😋😋

天多尼混合肉燒烤拼盤睇佢menu張相好大份，估唔到上檯都係咁大份🤣 個拼盤一啲都唔少嘢，有免治羊肉卷、羊架、咖哩烤魚腩同兩款烤雞肉。每款味道都適中，而且好香，燒得啱啱好，多汁得嚟帶啲焦香。超中意佢個免治羊肉卷，唔會難咬之餘入面有唔少香料，配埋檸檬汁酸酸辣辣咁好好食！瑪莎拉咖哩烤雞 瑪莎拉咖哩可以話食印度菜必選，佢唔會辣，但係混合咗十幾款香料，所以每一啖嘅味道都好濃郁。唔好睇佢好似細細碗，但係入面啲料一啲都唔少，啲雞肉好似食極都食唔完咁🤣 配naan或者撈飯嚟食都係一絕～芝士烤餅芝士控絕對絕對要食！！入面超多芝士，基本上芝士嘅佔比仲多過麵粉🤤可以睇最後嗰張相，塊皮勁薄，入面係滿滿嘅芝士，真係食得好滿足～ 就算唔使點煮咖哩嚟食都好好味除咗晚餐之外，餐廳平日嘅lunch set都幾抵食，平均$100內就有主菜，飯/烤餅連嘢飲。另外星期日仲有buffet，200蚊都唔使！咁正宗嘅印度菜嚟講真係好抵～ 如果想有個特別嘅聖誕體驗仲可以叫到會tim!

餐廳由印度人主理，需要用全英文落單，光顧的客人七成以上是外籍人士，加上濃濃的咖喱味，恍似去咗真係印度國家😝Tawa Roti Plain/ Naan/ Bhatura $24/34/30今次仲試左佢地三款嘅烤餅，包括一款薄烤餅、厚烤餅同油酥餅。薄烤餅非常軟身，好適合想沾多D咖哩，體驗咖哩味道嘅朋友。厚烤餅就好有口感，亦都易飽肚並更有麥味，如果唔想食飯咁dry就好適合你。另外油酥餅就係一種另一個層次嘅享受，餅嘅油份同咖哩香氣放大左成個味覺體驗，唔怕肥就一定要揀油酥餅啦！Butter Chicken $148牛油雞份量唔多，但醬汁足以食晒全部薄餅，雞肉唔會邂逅，入口舒服，但略嫌無乜配菜，如果有洋蔥薯仔做配料就更加好啦😇Tandoori Fish Tikka $158初初仲以為係一D炸魚塊，原來其實係一種印度串燒方式嘅烤魚，廚師將D魚肉壓成方形磚塊大小、然後再係表面加上印度香料感覺與印度烤雞做法相近，唔會太辣，而且魚肉非常結實有口感，仲要冇骨。如果有興趣仲可以點個羅勒汁、酸辣之餘帶少少香氣、非常清新～

原來銅鑼灣都有得食正宗印度菜，朋友介紹係京都廣場有一間好地道嘅印度餐廳，餐廳環境乾淨企理，裝修富印度色彩，而且好多在港印度人幫襯，係實力嘅保證牛油雞 $148牛油雞濃郁香滑，醬汁帶有濃厚嘅奶油香同微微嘅香料辛辣，雞肉嫩滑入味，醬汁同烤餅一齊點嚟食，啱啱好平衡咗濃味嘅醬汁牛油烤餅 $34烤餅外層微焦香脆，內裡鬆軟帶嚼勁，牛油香氣濃郁，撕開嚟蘸牛油雞醬汁食，格外惹味雜菜咖喱炒飯（配印度乳酪 Raita）$138炒飯粒粒分明，咖喱同香料嘅氣味非常吸引，雜菜包括紅蘿蔔、薯仔、洋蔥等，增添蔬菜嘅甜味第一次試用清爽嘅 Raita 乳酪撈埋啲炒飯一齊食，好有驚喜，馬上解辣解膩，令人好開胃Stella 啤酒 $80Stella 清爽順口，搭配印度菜中嘅辛辣濃郁味道啱啱好，飲落非常解膩📌Dilliwale (銅鑼灣)地址：銅鑼灣駱克道491-499號京都廣場9樓🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港

近日與友人到訪銅鑼灣一間印度餐廳，品嚐到令人驚艷的地道印度美饌。最令人印象深刻的是侍應推介的前菜Dahi Puri。這道特色小食外形精緻，是一個個精巧的脆皮球，內餡是由薯仔茸、乳酪、薄荷醬等多種材料精心調製而成。每一口都是驚喜，酥脆的外皮與綿密的內餡形成強烈對比，清爽的乳酪與香辣的調味完美平衡，為味蕾帶來層次豐富的享受。主菜方面，我們點了Tandoori Fish Tikka，是以印度傳統泥窯烤製的魚柳。新鮮的魚肉先醃製入味，再放進攝氏400度高溫的泥窯中烘烤，令魚肉外層微焦內裡鮮嫩，滲透著獨特的香料味道。每一塊魚肉都散發著陣陣煙燻香氣，配上特製的青檸醬汁，令人回味無窮。另一道主菜Butter Chicken可說是印度菜的經典之作。這道菜的雞肉先以香料醃製，再以特製的牛油咖喱汁慢煮，令雞肉吸收湯汁的精華。濃郁的咖喱香氣撲鼻而來，醬汁香滑可口，雞肉更是嫩滑多汁，與Cheese Naan搭配堪稱完美。說到Cheese Naan，這款印度薄餅外皮金黃酥脆，內層夾著香濃起司，每一口都充滿奶香，蘸上咖喱醬更是絕配。值得一提的是餐廳的服務態度親切專業，侍應對每道菜都瞭如指掌，能細心講解菜式的特色和

工作關係，我好多同事都係印度人。好多時問佢哋香港邊度食印度嘢好，佢哋都會推介Dilliwale。呢間喺銅鑼灣嘅印度餐廳，除咗好多香港人幫襯，亦有好多印度人，足見呢度嘅正宗。好多時去印度餐廳，我都會好公式化咁叫Pani Puri、咖喱、薄餅、燒烤同Mango Lassi，叫做試晒佢嘅出品。Dahi Puri $82 今次冇叫Pani Puri，而係叫咗佢嘅變奏版Dahi Puri。同Pani Puri最大嘅分別係Dahi Puri會用上乳酪。咬落去會更加豐盈飽滿，但同樣不失鬆脆感，至於用料則同樣地多。Tandoori Chicken (半隻) $128印度燒雞，香料味道豐富，可以配佢跟埋嘅mint醬，進一步減少油膩感。Garlic Naan $37蒜蓉烤餅。呢度嘅蒜蓉烤餅上菜嗰陣相當熱辣辣，佢會有塊布包住，令佢冇咁快凍。聞落去嘅蒜蓉味比食落去嘅多，烤餅嘅質感鬆脆易咬，一啲都唔粉。House Paneer Butter Masala $118馬莎拉咖喱芝士。其實通常Masala係配雞，不過我哋本身另外有雞，咁就要一個芝士版本。茅屋芝士嘅質感有啲似豆腐，味道比較中性，所以同咖喱都好夾。咖喱唔

“Chicken Tikka Masala”($148)“Garlic Naan”($37)“Broccoli Soup”($48)“Bhel Puri”($78)“Coconut Lassi”($58)身為印度菜愛好者最近發現咗呢間喺銅鑼灣嘅印度菜餐廳見網上都幾多好評一於去試吓😋打開menu見到食物選擇超級多真係諗咗好耐先決定到食咩🤣前菜小食點咗Bhel Puri係一種印度街頭小食入面有泡米,洋蔥,蕃茄,薯仔粒加埋醬汁味道酸酸甜甜真係好開胃🤤另外仲叫咗碗西蘭花湯🥦飲落好濃郁又順喉好高質😍主食就點咗Chicken Tikka Masala🐔即係瑪莎拉咖喱烤雞入面啲雞肉十分腍滑又入味🤤叫埋份香脆嘅蒜蓉烤餅點咖喱就岩哂😛飲品又點少得叫返杯Lassi今次就試吓椰子味🥥夠哂清甜解膩一流😙