DIGREEN

营业中

休息中

這間人氣雪糕店其中一間分店位於尖沙咀K11 Musea，是來自澳洲的原創品牌，主打創意雪糕及茶飲，堅持採用北海道函館3.7牛乳及新鮮時令水果，成份天然絕無添加，低脂又健康。店內採用鮮艷的藍色為主調，有特色的霓虹燈，開放式廚房能看到製作過程，看得見的乾淨衛生。學生可享85折優惠；消費滿$100即送自家牌清涼風扇仔。維他檸檬茶雪糕 + 維他鴨屎香檸檬茶 - 優惠價$50期間限定口味，與香港著名本地品牌合作，嚴選斯里蘭卡的錫蘭紅茶及進口新奇士檸檬製作而成，質地幼滑細膩，酸酸甜甜又冰凍入心脾。維他鴨屎香檸檬茶採用優質的鴨屎香單叢茶葉，結合紅茶與香水檸檬，每口也有香水檸檬的清新果香、紅茶的醇厚及鴨屎香的獨特韻味，相較於原味維他檸檬茶糖分更低，三重味道感覺更加清爽。維他檸檬茶迷你積木完成指定任務即可免費獲得一份。扭蛋共有六款限量VLT迷你積木，有原味、低糖、錫蘭、青檸、蜜糖同SUPERICY味，造型可愛又逼真 ! 

今日專程去K11 Musea朝聖，不過搵左好耐先搵到傳說中的維他檸檬茶雪糕！😍 (搵到Donut playhouse 就會見到)點左一個雪糕套餐，套餐仲有一支超香的鴨屎香檸檬茶，簡直係雙倍幸福！🥤講番個雪糕先佢口感似足沙冰，入口清爽，仲有粒粒酸甜檸檬肉，咬落去真係同飲維他檸檬茶一模一樣！🍋 味道100%還原，超滿足！😋現場即刻打卡，仲拎到一個超可愛的積木盲盒！🎁 食得開心，玩得開心，影相都靚！📸 尖沙咀出trip必去試，絕對唔會失望！✨

呢日收工去左k11musea周圍兜，見到呢間勁sharp ge雪糕店，吸引左埋去睇下😻見到佢地有好多唔同口味ge雪糕，店員姐姐話呢期佢地出左新產品，強烈推介我一定要try😏睇真d原來係我最愛的維他檸檬茶VTL雪糕😍口感好似食緊雪葩咁，完完全全係維他檸檬茶VTL味，而且入面仲要有檸檬果肉果皮，一d都唔苦澀，酸酸甜甜勁出色😍😍✨順便試埋鴨屎香檸檬茶，就係呢隻我想要ge味道，好解暑好感動🤣而且仲有個維他奶產品lego玩下，好過癮😌bb仲以為係真ge飲品～真係呃到下人🤣🤣

之前喺澳門食過DIGREEN嘅雪糕覺得好好味好有特色，琴日同彤彤👧🏻去開K11 MUSEA玩，玩完經過DIGREEN，彤彤👧🏻認得呢間d雪糕好食即刻叫我買嚟食😂🍦維他檸檬茶雪糕 $50利用斯里蘭卡嘅錫蘭紅茶同埋新奇士檸檬制成，食落好香檸檬茶酸甜味，仲食到粒粒檸檬果肉，炎炎夏日食返杯雪糕感覺非常清爽👍🏻套餐仲包埋維他鴨屎香檸檬茶1枝✌🏻另外即場打卡仲會送維他檸檬茶迷你積木，迷你積木total有4款別注版，我呢款係麥精豆奶，砌完出嚟好可愛☺️

呢度位於K11 musea地下鋪，見佢甘多款有甜筒，杯裝，芭菲等等，天氣甘炎熱當然係要買反杯黎食下啦～見到有維他檸檬茶味甘有玩味既雪糕當然要買反個黎食下維他檸檬茶雪糕聯乘digreen合作期間限定既雪糕,雪糕好特別既外觀望落真係好似檸檬茶甘既顏色，加埋會放多片檸檬響隔離像真度好高下。口感方面，呢度既雪糕真材實料，檸檬茶味雪糕估唔到入面會食到檸檬果皮既香味咬落粒粒口感幾得意，檸檬茶味酸甜好清新，好似食緊雪芭甘。

前幾日去K11 MUSEA行街街，見到 DIGREEN檸檬茶 新推出期間限定檸檬茶雪糕，口都痕埋，即刻買番杯解暑！😍😍😍維他檸檬茶雪糕，食第一啖已經有濃濃嘅檸茶味，味道還原了維他檸檬茶嘅酸甜澀味，加上沙冰口感，清爽可口。仲有沙冰裏面一粒粒嘅果皮碎，好有口感！另外雪糕杯邊插住塊真檸檬片，即刻增添左打卡感！😌😌依家買維他檸檬茶雪糕即送維他鴨屎香檸檬茶（1枝）及維他檸檬茶迷你積木（1份），我抽到「麥精」款！望住做個說明書砌左大約十分鐘就砌好了，非常治癒同好玩！

嚟自澳門嘅DIGREEN喺香港有四間分店，好多創新口味雪糕，之前有芫荽、葡撻等估唔到嘅味道今次第一次食，因為俾佢新口味吸引，係維他檸檬茶雪糕😍細細個就好鐘意飲檸檬茶，今次試試檸檬茶雪糕係點先～～🍋維他檸檬茶雪糕 $45第一啖覺得好冰凍🥶之後就有淡淡維他檸檬茶味道，再食多幾啖檸檬茶味道逐漸強烈，酸酸甜甜好醒神好好味，雪糕有沙冰口感，食晒都唔覺甜膩🚩DIGREEN📍尖沙咀梳士巴利道18號維港文化匯K11 Musea B2樓B225A號舖

放假去左K11 Musea 行街，竟然見到新出左DIGREEN x VLT 檸檬茶雪糕。作為我係一個VLT檸檬茶既fans，一定要食，睇下係咪真係同維他檸檬一樣味🍋。同埋呢排天氣真係好熱，有呢杯雪糕即刻消暑。🍋🍹維他檸檬茶雪糕，個口感好似冰沙咁，但非常之綿，仲要有一粒粒檸檬果皮，係用新鮮檸檬去整，個味道同維他檸檬茶係一模一樣！一定係真材實料。依家買一杯仲送一枝鴨屎香檸檬茶同埋維他系列既迷你積木，係盲蛋黎架，中左麥精，好想要檸檬茶積木丫，返到去即刻砌左，好得意，鴨屎香檸檬茶自己都好鍾意飲，非常清爽，唔澀。睇黎要去食多次先得😂

✨見到 社交媒體 出咗新嘅優惠活動❤️‍🔥有得食有得飲，仲有得玩！加上七一假期，梗係即刻去啦🤣🤣🤣超掋！「維他檸檬茶雪糕＋鴨屎香檸檬茶」套裝✅只需$50！VLT檸檬茶雪糕食落真係啖啖都係冰爽涼快❤️爽呀～入面仲有粒粒檸檬增強口感，好似飲緊有真檸檬肉嘅冰凍VLT檸檬茶，感覺超級得意🤭🍋VLT鴨屎香檸檬茶茶底選用有「茶中香水」之稱嘅鴨屎香茶葉，再配埋香水檸檬，我真係覺得好好飲🥹💖⚠️現場打卡出Story ，仲送VLT迷你積木！留意番！積木只限於K11 Musea分店先有～如果你都係鍾意檸檬茶嘅朋友，即刻衝啦！！

K11 Musea 有間特色雪糕茶飲店，原來係來自澳門人氣雪糕茶飲店「DIGREEN」，主打創意特色雪糕及茶飲早前更與香港維他奶聯乘推出維他檸檬茶口味雪糕，見到有維他檸檬茶口味雪糕，咁梗係試吓佢啦！$45勁大杯，仲有一塊檸檬襯托 🍋。佢唔算係雪糕，口感似係沙冰，而且入面仲有啲檸檬皮，宜家只要加$5送多枝鴨屎香檸檬茶，即場打卡再送你VLT迷你積木盲盒！*提醒大家，部份貨品只限於指定店舖提供。貨品數量有限，售/換/送完即止。

今日去咗尖沙咀K11 Musea的「DIGREEN」，一試其新推出的維他檸檬茶雪糕🍦🤩🙌！只需$50，仲有埋維他鴨屎香檸檬🍋茶一支及維他檸檬茶迷你積木一份！😎👍雪糕質地非常綿密順滑，裝在杯子裏，旁邊還有一片新鮮的檸檬🍋，非常清新！最驚喜的是，雪糕內有細細粒的檸檬皮，十分有口感！😍🥰入口輕盈，融化得較快，在夏日炎炎中格外消暑解渴。確實是透心凉的選擇！喜歡檸檬茶嘅朋友一定要試吓！😎🙌

DIGREEN係澳門人氣雪糕店，舊年年殺到香港，尖沙咀分店進駐海港城同K11 Musea，主打天然無添加嘅創意雪糕，標榜唔落增味劑同化學穩定劑，食得放心又過癮！佢哋嘅「鬼馬口味」好出名，例如芫荽、黑松露牛乳，但最爆紅一定係同「維他檸檬茶🍋」Crossover嘅限定雪糕，香港人一試就愛上。一啖入口，真係驚艷！雪糕💯神還原檸檬茶嘅經典酸甜茶香，仲加咗檸檬皮碎增添清新感，甜度同原裝飲品幾乎一樣，完全無「假甜」感。質地似雪葩多過傳統雪糕，冰爽輕盈，三十幾度熱辣辣行街食都唔會膩。份量亦夠大方，$45一杯抵食過連鎖店。雪糕溶得快（因為無添加劑），建議拎到手即刻開動！

昨日去咗K11 MUSEA行街，見到DIGREEN🍧聯成「維他檸檬茶」推出期間限定檸檬茶雪糕！ $45試伏定試好？即睇短評👇 🍦 維他檸檬茶雪糕 ($45)▪️ 爆檸香！一啖食到經典檸茶味 ▪️ 冰沙質地夠清爽🍧 插住塊真檸檬片打卡一流 ▪️ 甜度適中，夏天食超解渴💦 🎁 買雪糕即送✅ 維他鴨屎香檸檬茶 (1枝) ▪️ 茶底濃得嚟唔澀，鴨屎香味濃 ✅ 維他檸檬茶迷你積木 (1份) ▪️ 抽中「麥精」款！跟說明書10分鐘砌完 ▪️ 手掌size超得意，放辦公桌治癒用💛

竹炭黑芝麻雪糕Digreen 最近推出嘅竹炭黑芝麻雪糕，真係好吸引！首先，佢嘅顏色非常特別，食落去雪糕質地滑順，食得出有粒粒黑芝麻，真材實料，濃郁嘅黑芝麻香味，唔會太甜，每一口都可以感受到黑芝麻嘅香脆，實在係消暑嘅好選擇！Oreo 函館3.7雪糕Oreo 牛奶雪糕真係好好味！首先，佢嘅外觀好吸引，牛奶雪糕上面好多Oreo 餅碎，3.7牛乳雪糕香滑綿密，每一口都可以感受到 Oreo 餅乾嘅脆脆口感，真係好好食！

之前買一送一去到又話活動未開始，已經好無語。今日專登走去諗住食一次，夜晚8點就落晒閘，個staff係入面差唔多走人。唔知咩店嚟，唔會再嘗試幫襯呢間嘢，真係浪費我時間。