Délifrance (希爾頓中心)

营业中

休息中

tea time唔知食咩好,記起有間係附近,又好耐冇食~好掛住佢既白汁三文魚包!就去食下...我地兩個人...叫左一個tea set揀左肉醬薯蓉&白汁三文魚包餐...餐飲諗住加錢就可以叫朱古力雪香!!點知個waiter話咁叫既話,杯野飲要計正價...廿幾蚊!!嘩...咁搞笑!!梗係唔制...於是我地叫左2杯凍朱古力每杯加8蚊~total俾左八十幾蚊!個包中間d三文魚醬少得可憐!!相比起以前新城市下面果間...d三文魚醬多到bid哂出黎,間中仲會咬到一舊舊既三文魚肉...好有煙燻既香味!!而家咩味都食唔到...好似咬緊白面包咁個薯蓉細到可笑!!個碗直徑好似一隻飯碗...深一吋!!!中間d肉醬少到好似唔覺意滴左落去咁!!薯蓉個面焗到乾哂...同埋一食就知係開粉既!!發生咩事...薯蓉粉好貴咩...開粉都開得pro d丫,唔該!!凍朱古力仲衰過茶餐廳,應該係三fa牌朱古力粉仲要粉少水多!!又唔攪暈先俾客人,d粉一舊舊浮係面...再加兩粒差唔多溶哂既冰~無論賣相同味道一樣咁差!!咁都要加8蚊...我total加左16蚊,夠買成盒三fa朱古力粉喇!!我地食緊野途,見到個waiter整緊個tea

星期六晚來左呢度食飯，照倒叫個二人餐﹗$108蚊，要左白湯再加火腿蛋卷及磨菇意粉﹗先試白湯，奶又不奶，cream又不cream，佢應該湯中加入左0的薯蓉定唔知係芝士蓉既野，搞到個湯鞋口得緊要，我同工友就相當不鍾意了﹗最後飲左兩啖放棄左添﹗再試火腿蛋卷，味道比較清淡無咩味﹔反而佢伴碟的沙律味道相當出眾，脆麵包粒夠多，芝士亦香口，真係估佢唔到﹗及後的是磨菇忌廉意粉，有菇香卻嫌佢0的意粉過腍，一夾即斷，可以更好的﹗全晚最開心的竟然係個甜品，小牛角包雪糕，牛角包微暖下灑滿朱古力醬，再配上冰凍的雪糕球，口腔在冷與熱之間交融著出色的層次感，正﹗星期六的夜晚人客相當多，但待應就只係得兩個姐姐，見佢地踢哂腳又要整包又要收野又要收銀收錢，真的忙得不可開交，人手不足服務自然麻麻無上次咁好﹗我想如多一個人會好多吧﹗講真係個湯真係拖垮哂，其他食物也算是不錯的﹗

呢一晚行左來呢一間Delifrance食飯，都有好多年無幫趁過佢地既晚餐喇﹗同工友兩個人，點左個二人餐，$122餐湯羅宋湯很酸很嗆喉，感覺是醋下多了一點﹗一個主菜要芝士火雞 Panini，而另一個則是蟹肉意粉火雞 Panini 很不錯，芝士完全溶化好鬼惹味又香，麵包焗得脆身可口，美味﹗蟹肉意粉就味道一般啦﹗意粉只係普普通通易碎口感一般都係食個汁﹗甜品係雜果雪糕，好耐無食過0的咁過癮既甜品喇，好味道﹗最緊要係呢度無咩人，環境夠哂清靜，食得不焗不束，感覺舒服﹗加埋凍飲百三蚊左右埋單，還不錯﹗

2人餐SET A:餐湯2客白汁碎蛋火腿芝士卷配凱撒沙律火腿蘑菇扁意粉雪糕牛角酥2客餐飲2杯(咖啡/茶)個2人餐$108有咁多樣野食都幾抵，而且味道又好，係個餐湯差啲不過好奇怪，轉飲凍檸檬茶竟然要加$4

七月九日(星期三)到我買早餐喇又!!!今次買左呢度既牛角包做我早餐!好味!牛油味濃!!!!..........正呀!!!而老公仔食左白汁三文魚包,佢話一般啦!冇mud特別!!

行過門口,見到個招牌,招牌套餐:蘑菇吞拿魚扁意粉+餐湯/咖啡,用八達通日日賞$5+hk$29,就走入去.要了個湯,火腿薯蓉忌廉湯,唔錯.個意粉汁夠熱,吞拿魚也很鮮味,整體味道很好,不會很乾,幾好食,$29很扺食.

不記得9月還是10月份吃過了我吃了常吃的三文魚白汁碎蛋牛角包+羅宋湯/雜菜湯?友人吃了奇怪的包(很多青瓜蔬菜的包)+白湯三文魚白汁碎蛋牛角包自從在新城市廣場吃過了第一次後，便愛上了~這裡的三文魚比較新城市廣場舊舖更新鮮友人的奇怪包的蔬菜也頗新鮮羅宋湯/雜菜湯是普普通通，四平八穏的感覺我們去的那一天，人甚少我和友人坐在二人卡位有點窄不太多人其實可以選四人桌吧~haha但是sofa倒是滿舒服友人說有可能為新開張所以比較新鮮有可能哩~~~因為吃的都是我喜歡的食物~又滿新鮮~所以滿意滿意

好久沒試過和男友食早餐了，難得easter有幾天假，就和男友食食早餐!來了新開的delifrance，要了一個多士餐+長通粉羅宋湯，飲品加錢轉了橙汁。多士都算厚，但只有薄薄的一片火腿，比較寡。長通粉羅宋湯:長通粉較硬，羅宋湯都夠酸，很開胃!橙汁:特別點的，因為很想喝鮮橙汁。可惜不像是鮮橙汁，有點失望。環境比以前裝修得更好了，椅子也更舒服了，期待食品也有進步吧。有說「一天之計在於晨」，沒有早餐又哪有精神做事呢？因此，一頓美味的早餐特別重要!