Dazzling Cafe (The ONE) (已結業)

今日朋友帶食好西🥰原來是DAZZLING CAFE …之前行尖沙咀The One 已經被佢門口的打卡位吸引了😂😂佛羅倫斯花枝乾貝麵，上枱時味道已經很香濃，醬汁再加蒜粒，菌菇，西蘭花等一齊炒夠香夠入惹味…花枝和帶子夠爽口！意粉軟硬適中！辣味雞肉意大利麵，醬汁和配菜跟佛羅倫斯花枝乾貝麵差唔多但帶少許辣….而雞肉肉質鮮嫩多汁…迷你鬆餅加麻薯朱古力味，餅底外脆鬆軟但因為加左麻薯，囗感更煙韌….再加埋朱古力雪糕一齊食..絕配🤤跟餐$46 抵🙊仲夏熱帶水果茶，有鮮橙片，蘋果粒，提子片，士多啤梨片等不同的水果泡茶，值得一讚是甜度，因為我平時好怕飲水果茶，怕太甜…但DAZZLING CAFE 就剛剛好，不會太甜亦不會淡👍🏻

講起蜜糖吐司同花型麻糬鬆餅點可以唔提Dazzling Cafe，呢間台灣過江龍已喺香港屹立多年，今日同朋友再訪，中學嘅回憶返晒黎。幾年無黎，餐廳已經重新裝修，依舊以粉紅色作主調，但就多左啲燈牌畀人影相。 (w/ 10% service charge)🍽明太子義大利麵 ($98)呢度嘅名物之一，每次黎都係叫呢款，明太子份量多又唔腥，雖然醬汁加左奶油但唔算好膩，仲有啲紫菜絲豐富口感。🍽綿綿珍珠奶茶鬆餅 ($90+升級麻糬 $15)鬆餅脆身有蛋香，配伯爵茶雪糕冰火交融好正。我地加左麻糬，麻糬係厚身有咬口嗰款，鬆餅上有忌廉、珍珠同棉花糖賣相好靚。☕️冰薄荷巧克力 ($50)朋友見到成座山咁高嘅忌廉非常興奮，佢話入口幾軟滑。底層藍色嘅係薄荷糖漿，甜度低啲會更好。☕️愛文芒果烏龍冰茶 ($48)餐廳呢期做緊愛文芒果祭，本身想試甜品，可惜晚市已經賣晒，飲品都照殺。請店員少甜後甜度適中，飲到烏龍茶味，仲有粒粒芒果肉，夏天飲透心涼。餐牌：

店內有一幅打卡牆，完全令少女心大發！粉紅色嘅佈置，加上純白色獨角馬，真係點影到靚！室內設計依然係以粉色為主，同時加上霓虹燈元素，增添時代感！而座位都非常舒適～美式咖啡～咖啡味濃郁，加一點點糖就已經足夠，襯埋塊餅便是完美！大馬士玫瑰香芬茶～除咗茶之外，仲會有甜嘅配料，如糖、棉花糖⋯等，要幾甜自己可以話事，而整套餐具都非常美麗！茶很香玫瑰花味，令人非常舒適～地中海炒菇菌～香料將菇嘅草青味完全去除，加上惹味嘅洋蔥同汁料，好味道！明蝦肉醬意大利粉～顏值超高嘅一個主菜，兩隻大蝦已經搶盡風頭，而且非常新鮮大隻夠晒入味！另外，意粉非常香辣惹味，配上青瓜絲，帶有爽脆口感，別具一番風味！滷肉飯～但係有前菜及湯，係完整嘅一個set，滷肉飯用既肉，肥瘦均勻，非常合適佐飯！加上溏心蛋，真的十分豐富！巧克力窩夫～朋友生日，誰說一定要切蛋糕？切窩夫一樣十分高興！而且窩夫質感外脆內軟，配上甜美的朱古力口味及透心涼的雪糕，完美！非常欣賞此家的飲品menu，大款飲品都會顯示圖片作為參考，大多女生天生便是外貌協會，圖片這資訊絕對仲要！

見到個門口咁靚，再睇埋Menu，就知道非常之啱兩個女仔去食！剛好今日就係呢個組合，所以諗都唔諗就衝左入去！$368有前菜、主食、飲品同甜品，非常豐富，就決定咗要呢個二人餐喇～Ocean ~蘋果、白桃同檸檬呢三個口味嘅組合，加埋飲品底部有口感特別嘅粒粒，真係非常之Fresh!Iced latte~奶同咖啡嘅比例剛剛好，大家都冇搶大家嘅風頭！軟殼蟹凱撒沙律～軟殼蟹外酥脆內軟，加上新鮮嘅羅馬生菜同埋芝士粉，非常之吸引！辣味雞肉意粉～雞要份量算係好多，而且意粉係軟硬適中，口味屬於微辣，非常易入口！黑松露意粉～黑松露媒味濃烈，配上菇菌類，絕對係絕配！香草冰淇淋鬆餅～最期待嘅甜品出場，唔單止賣相非常靚，口味都非常合我心意，而窩夫嘅質地係較為脆身實淨，加埋雲呢拿味雪糕一齊入口，簡直係人生一大樂事！

放假無所事事，於是約埋鍾意影相又鍾意食嘢嘅好姊妹去打下卡，招牌下的花花已經很吸睛，再遠看一幅大大的粉紅色花花牆和粉紅色的絲絨座椅可愛的獨角獸公仔，真係冇揀錯地方正值午市時間，有午餐可選，不過我哋就散叫，好友點了熱的四季生果茶，茶味香濃，帶着淡淡的生果香，加入花奶，糖，綿花糖成為一杯香滑奶茶焦糖瑪奇朵咖啡，咖啡面層放上爆谷和焦糖，咖啡香滑得來充滿奶香和風肉醬明蝦意粉，只是尖沙咀店限定，所以叫黎試試橙色的肉醬和意粉，醬汁帶點微辣，但很惹味，意粉煮得乾身彈牙，整體合格綿綿珍珠奶茶鬆餅， 賣相吸引，一格格的鬆餅上放上少甜煙韌的珍珠，再加上又香又滑的奶茶雪糕，全個配搭得宜

好耐都冇食Dazzling Cafe嘅甜品，突然間就好想食行過尖沙咀The One見到又唔使點等位，就決定入去食個晚餐❤️因為我哋都好想食個麻薯QQ waffle，所以淨係叫咗個雞翼同埋意粉share食🐱咁就唔會太飽叫唔到個甜品😙介紹個甜品🍮京都宇治抹茶紅豆Waffle 加QQ麻薯 $100記得如果食Waffle要加個QQ麻薯❤️加左之前個口感真係好Q彈又煙韌😋非常豐富加上個Waffle整到好脆，加起來食真係好正。我哋叫抹茶加紅豆，就有紅豆蓉加抹茶雪糕🍦凍熱嘅感覺都好滿足到我哋對甜品嘅craving 😙水牛城雞翼 $75個雞翼黎到都好香，單骨雞翼好方便，唔會食唔乾淨🐱佢嘅水牛城雞翼醬汁都會比較辣🙆🏻‍♀️如果點跟埋個芝士就冇咁辣👍🏻佛羅倫斯花枝干貝麵 $98就係帶子魷魚🦑意大利粉，佢嘅意粉係冇好多汁不過意粉都好入味，佢哋嘅帶子都幾大粒，燒到岩岩好，唔會過熟👍🏻❤️我食完個QQ麻薯甜品之後都仲想食❤️個Waffle真係好好食，大家鐘意食都記得加麻薯🙆🏻‍♀️🙆🏻‍♀️

📍尖沙咀少女心爆棚cafe‼️ • 必試麻薯窩夫 -- Dazzling Cafe☕️🥰•Follow @pigfoodiexhk for more food!🐷💛#pigfoodiexhk_尖沙咀#pigfoodiexhk_cafe============================⭐️明太子意大利麵 $98 (7.9/10)Dazzling嘅招牌菜之一🤩明太子醬汁濃稠，加埋蟹子、紫菜好有鹹香！💓意大利粉軟硬適中，好有咬口，掛汁力強，啖啖都好滿足吖！🤤------------------------------⭐️夏威夷熔岩漢堡扒飯$128 (7.7/10)呢碟飯好足料，最好兩個人share食😍燒汁酸酸甜甜好開胃，加埋蛋汁用嚟送飯一流～漢堡扒煎得好香，好厚身，肉味濃郁！🤤另外伴碟仲有好多磨菇粒，口感十足👍------------------------------⭐️香草焙茶歐蕾 $55飲落順滑，焙茶味幾濃，頗有回甘味，後勁仲有陣陣奶香😍------------------------------⭐️百香果鮮柚茶 $45飲落頗清爽，甜度亦唔會太高👍----------------------

小編由生日優惠時留意到佢見到蜜糖吐司超吸引🤪可惜小編當時好忙去唔到🥲再加上cafe超靚仲有唔同嘅打卡位😆個重點係有驚喜超推介喔～❤️推介指數: 8.5/10 😎會回訪嗎: ✔️等候時間：~10 mins (週末3:00PM)—————————————————————😍香草抹茶歐蕾冰 $55 (7.5/10)對呢杯野有少少失望的因為抹茶味就係未算好濃🥺也沒有好深刻嘅回甘味道而且唔係好似係冰😂似普通凍飲多啲不過有紅豆提供～甜甜淋淋地😝抹茶紅豆控可以加埋落去喔😍愛文芒果烏龍冰茶 $48 (8.5/10)唔飲得甜嘅小編媽媽都很喜歡😆杯野唔甜之餘仲會飲到烏龍茶味芒果味也混合係入面嘅口感🥳飲落去好爽口🤤😍莓好時光蜜糖吐司 $108 (9.5/10)黎到呢度基本上係必叫🥰小編對佢留下最深刻嘅對象🤪首先見到佢已經好大塊份量超級多表示下午茶只吃這個也夠上面幾舊草莓唔會太酸個重點係舊雪糕❤️雪糕味道超濃配上少少果肉🤩唔洗驚要自己切其實入面已經切好曬比你仲要切好一粒粒😘有口感之餘添上糖漿真係又甜又脆卜卜呀🥳😍佛羅倫斯花枝干貝麵 $98 (9/10)意粉雖少但超惹味😚意粉淋淋地煮得剛剛好配上個醬係超正嘅配搭👍🏻而粒

尖沙咀哩間cafe做緊🤩愛文芒果祭，所以專登嚟試下🤤無嚟一排，原來cafe靚咗咁多😍 粉色主題仲有幅💐花海打卡牆😻·🍝明太子義大利麵 HKD$98招牌菜式之一，水準依然一樣咁好味😋口感creamy，奶油味道濃郁🥛 好食到汁都舐埋😄🤤·🍞仲夏光芒蜜糖吐司 HKD$118賣相好靚好吸睛😍 金黃色既吐司🍞酥香且充滿牛油香氣，完熟既愛文芒果肉😻加上香甜芒果醬，再加球芒果雪糕🍦甜蜜滋味超級幸福💕 愛文芒果味道清新唔會好甜膩，而且咬落無渣，果然係台灣名物！仲有可愛既太陽蛋造型錦上添花🤩 芒果雪芭搭配忌廉，配上香脆吐司，切開仲有驚喜👉草莓粒粒🍓成個配搭好豐富，滿分💯·🍹愛文芒果烏龍冰茶 HKD$48冰茶裡面埋藏咗好多愛文芒果肉🤤 烏龍茶清新芳香，好解渴好啱夏天飲👍·🌹大馬士革玫瑰茶 HKD$45散發陣陣玫瑰芳香😍 熱花茶潤喉暖胃，養生之選。

The One嘅🌟Dazzling Cafe🌟用少女風裝修，四處都係打卡位置，食物賣相吸引😍，而且價錢相宜，好受歡迎！💕🥭愛文芒果烏龍冰茶 $48☀️夏日限定特飲，用上台灣嘅新鮮🥭愛文芒果製作，果香果甜突出，充滿夏日氣息！🤩🍹Dazzling紅茶 $35Dazzling嘅經典冰紅茶，清爽涼透心！❄️🥗香料雞腿凱薩沙拉 $68雞腿肉煎至外皮香脆，而雞肉仍保持軟嫩多汁，高質！👍🏻沙律菜亦夠爽脆！😘💗暖心。滷肉飯 $78香而不膩嘅滷肉飯🍱，會跟埋溏心蛋、涼伴木耳同埋蛋花湯，份量足，相當經濟實惠！😇🍨香草冰淇淋鬆餅 🧇$85🌸花花形狀嘅鬆餅香脆可口，每一格都唧咗輕食嘅Cream，食落唔覺Heavy，加埋🍨雪糕仲份外甜美，正！必點推介！🥰

cafe於銅鑼灣有分店，裝修少女風，仲有打卡牆，早係多年前因蜜糖吐司盒出名，一窩蜂排隊去食。依加食完晚餐都有唔少人出面排隊，用餐時間90分鐘，質素keep得到，仲出左啲新款食物。✨味道74分，環境78分，服務70分。🔸香草焙茶歐蕾($55)⭐️新推出，主要成份係牛奶，冇任咖啡，襯焙茶好香，有啲似焙茶奶茶。.🔸極品可可沙冰($55)新推出，可揀 牛奶巧克力口味/特濃巧克力口味。揀咗特濃，就算沙冰溶咗少少都唔會好淡，上面好多cream，仲有Oreo，朱古力脆卷。.🔸青醬奶油雞腿義大利麵($98)有啲酸，少少似冬蔭公香料味，雞腿肉質好嫩滑，雞皮脆，幾juicy。.🔸綿綿珍珠奶茶鬆餅($90)升級麻糬(+$15)⭐️鬆餅整得夠熱夠脆，配埋上面cream，珍珠，棉花糖粒。升級麻糬內餡煙韌，令口感再昇華！雪糕係伯爵茶味，好香，味道出色！

好友話曾經喺度食tea感覺唔錯, 環境靚靚啱哂打卡, 決定約我嚟食晚餐girls' talk！ 優惠雙人晚市套餐 Dinner for two其實都幾抵食！我哋埋單total HK$475就已經有一個沙律、兩個意大利粉、一個甜品、兩杯嘢飲啦！超飽！📌軟殼蟹凱薩沙拉邪惡軟殼蟹配上健康沙律, balance番🤣📌和風肉醬明蝦義大利麵📌黑松露義大利麵 兩款spaghetti各有各風格, 都係比較日式和風味道, 份量都唔細添～📌Vanailla Ice Cream Waffle愛吃甜品嘅朋友就話呢個好好食～窩夫暖笠笠, 配上凍冰冰嘅雲呢拿雪糕～一冷一熱絕配！📌野莓荔枝冰沙📌現榨柳橙草莓汁沙冰就冇得少甜嘅但絕對靚靚吸睛！草莓橙汁就新鮮打出嚟, 冇額外添加糖, 一層層嘅顏色好靚😍

好耐之前同朋友食過呢間Cafe 印象深刻係佢既黑松露薯條非常唔錯🥰今日突然想食，就決定再黎食晚飯，但塊到餐廳發現今晚無黑松露薯條🥺唯有試其他啦😋😋😋餐廳走粉紅少女風，非常IG-able❤️進餐途中都見到幾多人黎呢個粉色花花牆影相😆餐廳🍴內部設計都幾有格調，而且坐位舒適，唔會密密麻麻同隔籬枱好近👍🏻可以慢慢享受食物慢慢傾計😆👍🏻餐牌選擇都唔少，主打pasta，仲有小食、沙律、甜品等等🥰花多眼亂😆首先我地叫左香料雞腿海撒沙律雞排煎得外脆內嫩，而且叫香料雞腿確實係冇錯，香料醃得啖啖雞髀肉都有香料味沙律dressing唔算好多，但芝士粉好夠再加埋煙肉碎，麵包粒，同熟雞蛋碎，只係用新鮮生菜既海撒沙律都變得又豐富又開胃☺️☺️☺️主菜係明太子意大利麵🍝明太子既量好多，睇都睇到醬汁有一粒粒明太子。醬汁收汁岩岩好，意粉係al dente再d d，係我鐘意既口感🤤🤤🤤明太子既量一夠，其實唔需要太多其他材料。就好似佢地咁，醬汁既量岩岩好，然後喺意粉上面配上一大駐紫菜絲。明太子醬加埋紫菜絲，兩樣簡單既配料都食到有海鮮既味道。我地叫左一人一杯特飲一杯係野莓荔枝沙冰，酸酸甜甜，好冰爽飲到佢地係用新鮮士多啤梨，完全冇糖漿

今次食過江龍 台式CAFE 主打係甜品雪糕蜜糖吐司另有多款意粉,漢堡包等等柚子雞翼單骨炸香,食起來方便,夠脆口,柚子蜜汁甜香食起來味道清新易入口蜜糖吐司 頂層放一球大雪糕 士多啤梨醬 吉士醬 蜜糖就加咗係吐司入面既多士條吐司即係成個方包界開將中間麵包拎去焗成多士再放返入去 最後係上面加忌廉 吉士醬果醬雪糕所以其實係極邪惡甜蜜既又夠飽 下午茶食一份加小食已經KO我地2個人....蜜糖多士沾上忌廉同吉士非常唔錯 無甜不歡既你一定愛上甜品仲會跟住唔同季節而出限定口味,有興趣就要留意了飲品係奶咖啡 奶同咖啡比例係一半一半 所以奶味好重 咖啡味無咁濃 但幾好飲尖沙咀彌敦道100號The ONE 3樓22號舖評分8/10消費$350

如題環境係OK的食物都唔算差的但職員服務態度真心同茶記有得FIGHT, 你仲好意思收人加一服務費????首先排隊等都無所謂，朋友想食陪佢排。排到我地，門口個帶位女店員，毫無笑容，黑口黑面，語氣敷衍，我嘅感覺係，我入錯左佢屋企咁。如果佢係生理期所以身體不適，我會體諒，不過佢點睇都唔係果隻。唔好比佢影響我地心情，唔緊要，繼續點餐食野，開開心心食生日飯。我地每人點左一杯飲品。呢杯西柚茶極甜，我溝左兩次水先入到口，可能我唔受得甜啦，其實少女可能好OK，味道係唔差嘅非常之網紅級的爆谷奶昔? 唔記得左咩名了，甜到嘔，不過我朋友覺得好好飲，OK啦，又唔係我飲，係幾靚嘅，女仔最岩之後點左個帶子魷魚圈意粉，個意粉少到一個地步係，我3淡就可以成碟食哂。唔知以為我食緊法國菜，But anyway，網紅CAFE係咁架啦，女仔食用架嘛，所以係貴夾唔飽架啦。味道係甜豉油炒意粉味，還OK啦，唔覺得好食，只屬合格。好啦，跟住點左佢地個招牌豬扒三文治，但由於店員話無左薯條，問可唔可以換沙律，其實就唔想架啦，不過佢想食豬扒包就換啦。黎到，個所謂沙律，少到一個點!!!!!!好似人地墊底嘅菜咁，數埋我諗得一片菜切碎左就算，嘩