Day and Nite by Master Kama (已結業)

與男朋友放工後相約在旺角地鐵站，他說要帶我食龍蝦，便到了一間以龍蝦為主要食材的餐廳晚餐。以前一直在openrice 看到此店都已有興趣，難得男朋友記得並訂了座位，一於體驗龍蝦之夜吧！田進餐廳後，我們也再三確認是否找對地方，因為少有西餐廳以黑、白與天藍色作主色調，顏色配搭較似咖啡店。內裡面積不算大，大約可容納30多人，而鋪位呈長方形，所以檯與檯之間不會覺得擠迫，地方亦乾淨企理，檯面及地面沒有食物殘渣亦沒有黏感每次外出用膳我必會留意不同餐廳的餐牌設計，亦會拍照留念，因為不論餐牌色調、設計、字體和鋪排等都會影響到客人對餐廳印象與感覺、點選食物甚至食慾。餐牌選用木板底、深藍與白色有海洋感覺之餘有外國風情，而每頁過膠亦非常乾淨衛生，但餐牌似乎與餐廳裝潢有少許不符番開餐牌一看到龍蝦匯便雙眼發亮，可以一次過品嚐到3種龍蝦的製作方法，套餐包括龍蝦包、烤蒜蓉牛油龍蝦及龍蝦雜錦海鮮石鍋烏冬/飯看到石鍋呈上時龍蝦湯滾燙卟起感到既期待同時又好奇，因為套餐內沒包含湯類，其後詢問服務員才知道寶物要尋歸底！撈起後發現飯及配料埋藏在湯下，配料豐富包含粟米、蜆肉、青口、魷魚、蝦及蟹柳等吃前撈勻後糯米飯吸收龍蝦湯後變成燉

和朋友慶祝生日，朋友想試龍蝦，看到Day and Nite這間日式餐廳好評如潮，因此決定試一試。龍蝦芝士Mac N Cheese $208可選通粉或Risotto，我們選的是Risotto。Risotto賣相吸引，是用鐵板上菜，能確保食物的温度以及芝士呈半溶的狀態，飯粒飽滿，有濃濃芝士味，粒粒龍蝦肉亦鮮味十足。 Risotto上的龍蝦不單單是裝飾品，是真的能吃，而且啖啖肉，這道菜果然是這間餐廳的必試菜式。👍巴馬火腿水牛芝士薄餅 $148巴馬火腿比平常吃到的薄，而且味道不突出， 水牛芝士味道也不濃，薄餅焗得有點過乾，芝士呈硬身狀而非半溶狀。吉列牛排配忌廉蘋果咖哩烏冬 $148光看名字無法想像味道，似是又甜又咸的。牛排最外面吉列脆皮的炸金黃色，但吃下去不怎麼脆，裏面是半生熟的牛肉，但也不特別嫩口，而且有點難咬，好準一般; 烏冬則似是口感creamy的白咖哩，不怎麼吃得出有蘋果味，不過味道不錯。關西大阪燒 $65大阪燒外脆內軟綿綿，裏面有椰菜絲和肉粒，配上木魚絲、紫菜絲、沙律醬和甜醬等配料，口感豐富!整體來說，有龍蝦的菜式，非常值得一試，其他食物也不錯，勝在價格不太貴。

早前，從網上媒體看到有招牌龍蝦包買一送一優惠，今天已是最後一日，剛好朋友又想過來旺角食飯，便把握機會一嚐龍蝦包滋味整個餐賣相不俗，除龍蝦包外，旁邊配以炸薯條及沙律菜，龍蝦包塗上牛油烤焗，吃落外脆內軟，熱辣辣，散發陣陣牛油香味，主角龍蝦肉雖然塞滿整個包，但蝦肉餡不似宣傳相中大嚿大嚿的 ，觀感上確有少許不似預期，幸而龍蝦肉肉質新鮮結實，有啖啖龍蝦味，所以還是口感、味道最重要。落單時侍應表明需時製作, 可能要等耐一點；而當甜品上檯時鐵煎盤仍暖暖的，面層鋪滿金黃色的脆脆，底層有一塊塊沾滿淡淡肉桂香，軟棉棉的蘋果片，頂層配以雲呢拿雪糕球，很好味。目測分量不是很大，但好似食極入面都仲有，很喜歡用焗的方法，原汁原味室內環境舒適，且只花不到一百元，便可吃到餐廳的招牌龍蝦包，真係十分抵食

呢間餐廳已經係我第二次黎食✌🏻，第一次黎食嘅時候就已經覺得佢好好食😋，個陣仲要排好耐隊，但今次可能係星期三嘅關係，冇乜人等位☺️。坦白說，我覺得呢一到嘅價位係有少少高嘅🙈，但見佢d野食幾好食，😋加上依加做緊龍蝦🦞promotion，所以就對自己好d，食好d 啦！🤗我地一心黎到係想食龍蝦🦞嘅，所以好快就已經決定食個龍蝦set!❤️⭐️Premium signature Lobster Set⭐️半隻龍蝦🦞🦞啖啖肉，再加上佢落左蒜蓉牛油去烤，烤得又香又好食！🦞⭐️龍蝦包（薯條🍟+沙拉🥗）個包有心思地將兩邊烤過，再塗上蒜蓉牛油，👍🏼好香，中間有龍蝦肉，醬汁同菜，好好味。薯條都好香脆，🍟除左常見嘅普通薯條，佢仲有蕃薯薯條！⭐️龍蝦什錦海鮮石鍋烏冬🐙呢個優點係夠熱，海鮮都幾多，烏冬都好高質。但龍蝦肉就冇，只係有龍蝦汁嘅味道。可能揀湯飯會更入味！🤔

同班姊妹慶生，見有買一送一既龍蝦包好吸引，於是一致通過黎食龍蝦餐。Book左7:30，店員話最遲7:40要到，要齊人先可以入。我地去到7:30，未齊人時就係咁問我地入唔入，又話入左就要即刻計時90分鐘。咁我地都想等多10分鐘齊人先，期間個店員問左5-8次，覺得感覺唔太友善，同埋會好煩。入到去環境好凍，問另一位店員因為係地下濕既問題，所以要開到冷氣咁大。我地6個女仔，叫左2 set龍蝦包🦞，1份分享盤再加1個玉子燒。👇🏻龍蝦包入面舊龍蝦好滿意👍🏻！就算1個龍蝦包切開左🔪2份，入依然食到好大舊龍蝦肉😋而且佢仲配埋薯條，都幾飽肚。因為樣樣野都想試，所以一個👇🏻分享盤就岩哂我地6個女仔，我地仲要每樣野切開一半😂咁個個都有得食嘛😌👇🏻玉子燒好正✨，個個食完都心心眼😍唔知點形容，個味道甜甜地又好滑咁。總括黎講，食物好滿意❤️同埋食到個個都勁飽。而環境就soso啦😗。

我個FD之前話食過一間有龍蝦食既西餐廳CP值幾高，咁我就跟佢去試下，佢話龍蝦滙係一定要叫同埋值得食!龍蝦滙 (HKD 468): 龍蝦包,蒜蓉龍蝦半隻同埋龍蝦什錦海鮮石鍋湯烏冬/飯。首先龍蝦包係最有深刻印像，食得出龍蝦真係好新鮮，個包上面仲有蒜蓉，好香蒜香味! 睇圖都知個包面外脆內軟，配上適量既牛油，加上啖啖龍蝦肉，好豐富既口感，而且店員推介可以點埋個lemon cream sauce ! 果真個包冇比個SAUCE覆蓋陣龍蝦味，反而多左屠口感同選擇。 如果嫌佢唔夠多肉 隔離仲有半隻龍蝦熱辣辣等你拆佢黎食，一大啖咬落D龍蝦肉到好爽。另外，佢陣配埋著條同蕃薯條，炸到熱熱的，外脆內軟因為兩款薯都有唔怕食到悶，而且就算隔左一陣，個外皮仲係咁脆!最細心既係佢配埋沙律，沙律都唔錯，我幾鐘意佢個汁夠酸夠曬開胃。唔夠飽唔駛驚，因為個龍蝦滙仲有個什錦海鮮石鍋烏冬。一開始要搞一搞佢因為烏冬可能會痴底 ，份量都夠大，兩人食剛剛好， 烏冬好QQ，好手打既感覺，龍蝦點知出到黎都幾大隻，仲食得出佢張龍蝦既蝦頭膏溶於湯入面，令到佢充滿著龍蝦膏既香味，好好味呀!好滿足既龍蝦宴，會再黎光顧。

第一次食呢間，試咗三樣野。第一個燒乳豬，本身對佢既期望好高，但真心麻麻地，可以唔洗叫，因為乳豬食落去臭臭地唔係乳豬應該有既味道。第二叫咗茄汁蝦意粉，味道ok，蝦都彈牙。算係最好既一個第三個係肉醬薯條，味道還可以，冇咩特別之處。仲有叫咗三杯唔同既飲品，味道可以接受。

朋友生日又想食下啲特別野 見到呢間餐廳有咁多人like就帶佢黎食呢間餐廳既選擇都算多 唔同類型食物都有 除左龍蝦外 我地仲食左呢忌廉烏冬 因為之前係其他韓國餐廳食過覺得唔錯 見到呢到平啲所以再食不過呢間忌廉唔算好濃 味道都好似唔係好夠 不過見佢都唔貴就算係咁啦

係旺角諗唔到食咩就上OPEN RICE睇下有咩好推介五百幾ＬＩＫＥ？就膽粗粗同朋友去試下咩料子～見到有白咖哩烏東當然唔會錯過，因為係日本曾經一試難忘，今次就睇下重唔重拾得返。。答案係完全不行，白咖哩唔夠CREAMY，味道唔夠濃郁，我唔應該有期待比較，我錯！龍蝦包餡料太小，麵包太多，而且龍蝦唔多新鮮。雞泡魚乾太硬，完全唔係平時居酒屋個啲。。。呢個食物外觀都整得好靚，價格唔係好貴，但味道真係有待改善。加油啊！

呢間野上排係網上見好多人推介，於是過黎試試。望望餐牌，好多龍蝦嘅選擇。揀咗一陣之後決定試試佢嘅龍蝦Mac and Cheese 同埋龍蝦玉子燒。龍蝦Mac and Cheese 個人覺得唔值 $208，龍蝦唔係特別多亦唔係特別新鮮。細細碟咁味道都只係普通。龍蝦玉子燒（$88)係ok 嘅，幾有蛋香。Buffalo Wings ($85)係幾好食，但同樣定價有點太高了，也只是普普通通的Buffalo Wings，卻平均要成 $20一隻。最後叫埋飲品，叫做作個完結。

今日去旺角行街順便試咗呢間餐廳見到好多好評仲有買一送一龍蝦包優惠於是中午就想去試一試入到去唔算好多人有好多位兩個人坐四人枱職員服務幾好兩個人只係嗌咗一set龍蝦包買一送一價值$188連加一上菜速度OK龍蝦包幾好食反而佢個烘底包比我有驚喜都係即叫即整幾鬆化幾好食佢除咗兩個龍蝦包之外仲有一啲薯條但係啲薯條我就覺得唔係好有特色超級似麥當勞嗰啲同埋薯條份量較少唔係好夠兩個人食雖然你可以每位加$15任食薯條但係我諗冇乜人會專登加龍蝦包對於細食嘅女仔來講都算係足夠但係店內嘅飲品就唔算太吸引Overall good try

今日同三位朋友一齊嚟呢間度食龍蝦，聽聞呢度嘅Lobster and Burger 好岀名，所以就叫咗個四百幾蚊嘅set入邊，有一個龍蝦包、半隻龍蝦，仲包一個薯條同埋烏冬或者飯。其實呢個set唔算多，我覺得只係夠兩個人食。另外我哋仲叫咗個薯條，佢俾咗三隻sauce，分別係黑松露、蘑菇醬、同埋芝士醬。我覺得黑松露醬好好食，因為佢嘅黑松露味好濃，而且有啲黑松露粒粒係入邊。薯條有分兩種，普通薯條同埋蕃薯條，兩種都炸得好脆，點埋黑松露醬食好好味。我哋仲嗌咗個龍蝦玉子燒，其實佢入面嘅蝦肉唔算多，我覺得唔值80幾蚊嘅價錢。之後仲叫咗個蕃茄大蝦意粉，雖然佢係話用虎蝦嘅，但係上到嚟完全唔覺得係虎蝦囉，因為啲蝦好細隻，但係整體來講個意粉都唔錯嘅。值得一提嘅係呢間鋪頭嘅飲品全部都好靚，顏色會調校得好靚，啱晒影相呃like。爭啲唔記得講下主角龍蝦tim，龍蝦食得出好新鮮好有味，好有咬口唔會太熟。整體來講其實呢間餐廳味道都OK，只不過價錢真係太貴，因為四個人都食咗千一蚊，而且有人仲唔夠飽添，可以一試但係唔可以成日食囉。

首先，我經openrice一天前預訂七點半三位。但我去到餐廳時，店方並沒有記錄我的訂位。然後由於店員告知我用餐時間只有九十分鐘，因為有位朋友未趕到，所以我詢問店員能否改八點鐘，當時店員回覆我說沒問題。可是，當我八點前抵達餐廳時，發現上一位店員依然沒有記錄我的訂位。而且等了十多分鐘，店員仍未能確認樓上有沒有座位，只說樓上店員很忙，沒有回覆或是應該有位，但要時間執拾，可是並沒有告知需要等多久。店員愛理不理，沒有主動告知我情況，要我乾等追問下才問一句答一句。我對這間食店失望極了。食物質素我不得而知，但服務態度很差，不會再試更不會推薦朋友。

喺IG同FB都睇到呢間嘅廣告，龍蝦乜乜乜好吸引，本身都幾期待。服務態度唔錯，可惜食物質素有點強差人意⋯⋯.個日龍蝦包買一送一再加錢就有無限嘅松露薯條，估唔到薯條比龍蝦包更加好味，即叫即炸熱辣辣🔥雖然龍蝦包幾足料，可惜同個包唔太夾，亦唔吸引，會令人食兩啖就唔想食。.龍蝦汁雞翼更不值一提，炸粉過厚又重油味，龍蝦汁味精好重手。不論Cocktail定沙冰都唔太推介，Cocktail 幾靚影下相都唔錯但好啖，沙冰一上枱已經水冰分離🤭。.平心而論，呢間餐廳可以一試但唔好太大期望，打下卡就算啦。

話説我有個friend 成日叫我帶佢食好野 我都唔知帶佢食咩好 不過之前食過一間係旺角嘅餐廳我覺得幾高質 所以就帶左佢黎試下 上次就食左佢個日式火鍋 今次我個friend 話想食佢個龍蝦包喎 咁我地就叫左個龍蝦滙 試完都覺得係高質！ 不錯哦首先講下佢個龍蝦包佢個龍蝦包雖然唔算大份 但勝在好味 首先佢個包幾新鮮 而且有蒜蓉查在係面包上面 好香蒜香味 上面龍蝦肉粒都幾多 加上佢個到嘅lemon cream sauce 味道唔單止冇比個sauce 覆蓋 而且多左層口感 如果嫌佢唔夠多肉 隔離仲有半隻龍蝦熱辣辣等你拆佢黎食 個鉗咁大當然要食埋啦 正^^ 而沙律都唔錯 鐘意佢個汁夠酸夠開胃 開完胃就可以食埋佢岩岩炸起嘅薯條 佢有平時嘅薯條同埋番薯條兩種 兩種都好味道😋仲驚唔夠飽？ 唔駛驚 仲有個什錦海鮮石鍋烏冬 一開始要搞一搞佢因為烏冬可能會痴底 佢個份量其實都幾大 本身以為佢烏冬唔會有咁大隻龍蝦點知出到黎都ok大隻 果然係用心製作既餐廳👍🏻👍🏻Had a nice dinner here^^ 好彩我個friend都話我冇介紹錯