Das Gute (已結業)

裸麥提子合桃包已食厭了, 前兩天買了一整個....已被老公獨吞了! 昨天繞了一圈....選了個小法包, $12, 雖說小法包, 但切了三大份, 今早只烘了一件已很飽, 如果不是現食, 家裡也必須有個焗爐, 否則只會跟自己的牙齒過不去, 韌都飛起, 今朝烘了....很脆, 但這不是我愛的口感, 唉....還要吃三天! 故事教訓我.....不要買太大既麵包!

努力嘗試些麵包及蛋糕!一. 德包, $9, 唔知係咪咁叫....只知德國人用黎送啤酒, 鹹鹹地, 皮又唔係脆 (唔知原本係咁定放耐咗?), 質感似麵包, 但又太實, 一點也不喜歡!二. 裸麥提子合桃包, $15/半, 現場得呢個係切咗, 比平時既細...店員話其他既仲熱...唔可以切, 有點失望, 第二朝焗完先食, 沒有再意下, 一啖一啖的咬下去, 突然發現好像在吃蓮蓬, 大家看看提子同合桃多到啖啖都有, 原來細個咗, 但餡料份量是不變的!三. 雪芳蛋糕, $15, 絲帶繞著包裝紙, 靚靚的, 但有點浪費, 今朝跟同事分享, 證明我之前既結論係無錯, 佢既麵包比蛋糕好食, 呢個蛋糕唔夠細綿, 亦唔太香!

原本想等多幾款先寫....但記性唔好, 都係寫咗先啦!前兩日買咗個新出既裸麥無花果包, $18! 分了兩餐食, 同樣都是烘完....外皮脆脆, 帶點麥味, 如果鍾意食乾果, 呢個一定啱哂, 啖啖都係無花果乾, $18, 係貴啲, 但真係一分錢一分貨, 唔會偷工減料!

原本諗住買個包做聽日既早餐純粹貪過癮心態點知同男友一行入去好似掃超市咁款見到呢個好靚又買見到果個有芝士又買結果淨係買麵包同西餅都買左百三蚊因為我地夜晚7點幾去好多包都做特價平均10蚊個左右然後見到有個竹炭卷蛋賣成舊水貪得意又買埋...當係補祝母親節啦不過真係全部都好好食呀麵包夠鬆軟, 蛋糕又唔甜(岩哂男友媽咪^_^)西餅就普普通通啦總之全家人都食得好開心

宣傳單張與實物有極大出入睇單張'有成7個花型波羅''當我訂蛋糕時佢同我講冇熱情果,要轉芒果,ok,冇問題.但佢冇講過,個蛋糕會變成咁囉,一個不負責任既職員到左去拎個蛋糕時,個職員已經包好晒,完全唔打開黎比客人睇就咁話齊晒就攪點,好啦,,到打開黎食時.,得一個花型波羅真係食得不愉快囉$160~~>15cm'''抵到嘔呀

今日既早餐係德國黑麥提子合桃包, 半個/ $15! 買完之後覺得幾貴, 不過就好重, 好足料! 今朝烘咗一半黎食, 嘩, 好多提子, 好多合桃, 帶麥味, 包身唔油, 食完好飽肚, 好健康! 明天再完成埋餘下的!

無咩頭緒食咩野...就會黎呢度買聽日既早餐! 行了一個圈, 夾了個大大既意式軟包, $7.5, 原以為食完輕飄飄, 點知今日當午餐食時, 飲埋自家既湯之後, 真係好飽! 不過, 論鬆軟, 始終不及港式既麵包! 我建議搽些喜愛既醬(nutella)會無咁淡!

繼續scone 既早餐...近排早餐食多(為了增肥), 買了合桃小法包, $4 及raisin scone, $6.5! 前者必須有焗爐, 因為我即時搣了些食...腍哂, 烘熱了就唔錯, 而且合桃分量算合理! scone 係方形, 比A1 大少少, 烘了後, 味道跟A1 的沒有兩樣, 提子也算多!

荃新天地之旅，除了在和樂食到好飽，之前在等人時因受到栗子塔吸引，買了兩件餅：　栗子塔($25)-它不夠上鏡，實物真的很豐盛很誘人的!這是我見過最飽滿、最大件的栗子塔，旋即決定買回家與栗子怪媽咪分享。第二早享用，栗子層鮮味稍減，不過下層有預期之外的泡芙，泡芙還有香甜的custard夾心，都算滿足又美味~　朱古力榛子蛋糕($25)-一看而知是朱古力迷的杯中茶。試食結果，朱古力味的確非常濃郁，蛋糕雪了一夜仍保留理想濕度，風味不減，媽咪說論好味程度，這件蛋糕更勝栗子塔~　另外想讚此店服務，由於甜點需要雪藏，購買後店員願意幫我代為保管兩件餅，到我食完飯再來取貨。同場還有多款低脂gelato，賣相不俗，下次有quota時再試!

朋友生日，買咗個蛋糕去慶祝，曾經試過呢間嘅雪糕，幾好味，但頗甜。今次買咗個蛋糕，餅身幾鬆軟，但多cream同埋勁甜，唔知係佢配方係咁甜定係個cake本身偏甜，但香港口味就應該唔太接受。

在荃灣閒逛, 見到das gute 的包包林羅滿目,很是吸引, 就試試看。左挑右選, 見最愛的芝士包都有幾款,心大心細下, 就選了脆皮芝士,好香, 如果芝士味再濃一點就完美。

DAS GUTE同沙田的NOBU賣的雪糕原來是一樣的嘿嘿開心果+藍莓2隻都好好味唔係太甜不過口感差一點唔夠滑一塊塊另外買了朱古力麻糬波波佢話JUST BAKED但係硬到掟死狗搵笨第一次來荃新天地位置隔涉內容亦欠奉只是在這裡吃過GELATO和零食店掃貨後便走人連FRANCFRANC都懶得去了

1. 什錦蛋糕, $22, 包括四件朱古力麵包, 味唔濃, 麵包質地偏硬, 一件提子鬆餅, 烘完好鬆脆, 唔錯, 一件提子muffin, 太多提子, 多到剩番提子, muffin 質地似蛋糕多過muffin (帶濕)!2. 藍莓bagel (附圖既提子鬆餅已評), $6.5?, 味道清清地, 食完都幾飽!3. 原味鬆餅, $6.5? + 紅豆包, $ 7.5?, 價錢不太肯定, 前者跟提子味一樣, 烘完好鬆脆, 無提子反而會寡, 紅豆包餡側埋一邊, 我用烘既形式錯了, 相信用叮叮爐會更好食!試食仍會繼續!

(26/2/08)心思思,今日都係要試埋楓糖提子包。用楓糖漿浸過才焗,果然好香甜,我諗整番熱會更好味!報紙講到幾種味係荃灣先至有,試食了番石榴,好清香、cookie & cream,好奶味,cookies好少、買了雙球:開心果&綠茶,只屬ok。其實佢既雪糕,材料味與奶味是50:50,食野真材實料好d,所以i-scream的雪糕是No.1

(24/2/08)最愛特色食物o既我,見報紙說這乾果鄉村包有紅酒味,size只有A5咁大,$38真係好貴好貴。切下真係有好多好多提子,小紅莓,藍莓乾,紅酒味卻唔覺。麵包密度高,煙韌及好香小麥粉味。還有楓糖提子包$10,燴蕃薯提子牛油蛋糕$10都是想吃之選。