Das Gute (已結業)

家姐生日，所以一早訂定個栗子蛋糕俾佢。第一次試Das Gute，賣相已經好靚，估唔到咁好味喎~ 內層栗子十分之多，中意食栗子蛋糕o既人一定要試!!!HKD $150-

承接上回...不斷嚐試, 今回看到有"新產品"!綠茶紅豆牛油蛋糕, 期望是綠茶香濃, 剛巧相反, 清淡得很, 紅豆量多, 可惜沒有一點味道, 蛋糕質感有點不論不類, 看到蛋糕袋有點油, 以為蛋糕必是濕潤帶牛油香, 咬下一口的感覺是實淨, 略乾!草莓朱古力牛油蛋糕, 質感跟綠茶味一樣, 草莓味不濃, 幸好還有朱古力味!特價期內, $16/2個, 有興趣試新產品可一買無妨, 但同類型的....我想嘉頓也做得比它好!

在冷清的Da Dolce吃到很不滿意的假gelato，到樓下卻發現這間附設雪糕部的麵包店，有著不少人排隊幫襯雪糕! 　原來店內正做著第二杯gelato半價的優惠，而且店內雪糕陣豐盛又繽紛，頗有意國雪糕店之風範。我那裡受得起雪糕的引誘?馬上同老公又加入人龍陣。人多關係，店員妹妹的態度可不似樓上店的熱情有禮了；在所試的香濃但頗漏的意式咖啡，及濃郁香甜又清新的綠茶紅豆味中，我決定選擇後者，雖然口感還是不及意國/深圳Cold Stone的幼滑，至少清新綠茶與甜美紅豆的組合動人，甜度較高也正中甜魔心意!　老公揀的是番石榴，像真度果味濃郁，雖然個人興趣很一般，但深信喜歡此水果的人也會欣賞。　最後講講價錢，杯裝的gelato正價收費$22，筒裝$26，優惠後即$33/$39就有兩杯/筒份量不少的雪糕，是幾抵食的。喜歡gelato的朋友，有食趁早!

自從多吃要 keep fit, 自從 panash 營業, 已有好一段時間沒有幫襯, 但心中有兩款麵包想試, 於是今天就將中午 quota 用來吃包吧!首先夾了個裸麥合桃包, $22, 作為老公明天的儲備, 這款鎮店之寶也是他的至愛, 吃得太多, 不評了!然後夾了一個楓糖提子包, $10 及果仁歌欣, $9! 拿了回家後, 稍稍烘熱, 前者楓蜜味甚濃, 只可惜一咬而下, 大大失望, 內裡有一些提子乾, 包心粗糙, 再沒有半點楓糖味! 後者烘過後, 香味不及前者, 一咬...合桃及一些粒粒果仁便脫落, 但脆脆的, 包心似是酥餅跟麵包之間的質感, 中上, 兩者也不及合桃包吸引!題外話:女人對食物總愛不斷嚐試!男人對食物總是食極唔厭!

今日又去左das gute買包for breakfast+lunch,好happy ar裸麥無花果包 好多無花果ar,包身都係好鬆軟,有麥香,好食紅豆包 普通,但紅豆餡不會過甜,ok火腿煙雞賓士 好乾,唔好食，另外一隻同形狀，有兩塊番茄果隻好食好多Cream Cheese Brioche lee個個texture同味道都好好ar芝士高寶 只係得面頭有cheese,但都好香cheese味香濃芝士撻 真係幾濃芝士味,個撻都幾鬆化

日期：2009-06-09 在"Das Gute"(荃新天地分店)買了"栗子塔(Mont Blanc)"($25)。Mont Blanc是以歐洲第一高峰"Mont Blanc(白朗峰)"之形狀為靈感 的著名法式甜品，由法國"Angélina"茶室所創。 栗子塔(Mont Blanc)---下層是牛油曲奇撻底和朱古力海綿蛋糕，上層是栗子、吉士泡芙(Custard Puff)、甜忌廉、栗子蓉和瑞士黑栗子。撻底鬆化，蛋糕軟綿，牛油味及朱古力味濃。栗子口感微脆，栗味略淡。泡芙微脆，吉士醬蛋奶味十足。栗子蓉幼滑，栗味濃郁。頂部的黑栗子柔軟，味道香甜。整體略甜了點。

又心思思返黎買Muffin~~ 今次仲影底左個朱古力牛角包同埋rye loaf~上次已經講左乜野好味，今次就買多個合桃味既muffin試試~ 一樣係偏油，不過好濃牛油味，反而唔覺合桃味……我諗我都係揀返特濃朱古力好D~~但係一定要提一提，呢間餅店既烏蠅真係多得讚譜>.< 仲要係個麵包櫃入面飛黎飛去，整呢D趟門櫃都冇用既，有用就唔會咁多烏繩啦~~~ 好多時行過都想買野食，但係見到烏繩就唔買，要等到冇烏繩日先……要改善呀！

係呢間餅店買過好多款麵包，其中有幾款特別好味~朱古力牛角包Chocoloate Croissant - 賣相唔多討好既，一塊朱古力醬鋪左係一個牛角包上面，拎到返屋食都已經有少少溶喇…反而幾好味，牛角包好鬆，不過就略嫌太脆，感覺上覺得個包擺得太耐~不過牛油香係夠既~朱古力酥 Pain au Chocolat - 特別欣賞呢個酥既朱古力醬好脹爆，亦都唔太甜，稍稍翻熱已經好滋味~特濃朱古力蛋糕 Chocolate Muffin - 濃濃既朱古力香帶極微既甘香，雖然係叫muffin，不過蛋糕本身偏乾，唔似一般既muffin濕潤，同埋都幾油~黑麥提子合桃包 - 呢個麵包好大個，可以麻煩職員切件，好濃既麥味，粒粒合桃亦有咬口~都唔係全部都讚既，做得唔好既麵包都有：Scones - 呢樣失敗之處係做得太乾，唔夠牛油香，一口咬落去就成個散哂…唔好味~黑芝麻瑞士卷 - 索價過百既瑞士卷，我自然都有一定期望啦，不過有少少失望…黑拗拗既蛋糕令立立，不過我唔太鍾意黑芝麻同紅豆既配合，不過純粹個人喜好，我媽咪覺得幾新鮮~朱古力類做得比較出色，因為唔太甜，但係蛋糕就偏乾…出奇地，取德國店名既麵包鋪，竟然只有極少量

我試過呢到既益力多好好味!但系我就吾中意個cone 冇味的...個雪糕就好good 啦!=]我上次就食熱情果!都好味咖"酸中bring甜^^26蚊一個球...

(14/2/09)有日o係《頭條》食乜好,推介Das Gute的夾心朱古力蛋糕,講道兩層香濃朱古力蛋糕夾住朱古力醬。嘩!聽見都想食!於是早兩星期前已訂了今日食。整個都係極喜歡既材料,只係面頭不多的奶油要飛out。好緊張,一切…..心知不妙,點解蛋糕咁實,咁乾架!!!?食落,100%......no…..75%肯定係隔夜!因為深信預訂,應該係之前一日整ga ma!尋日整,今晚食,點會咁唔新鮮咁既先!!!?乾爭爭的蛋糕,連中間層朱古力夾心都變成磚!!最好食既,可以話係係面頭數塊唔太甜,又滑的朱古力,有醬有杏仁一齊食,好似特別好食。唯有咁安慰自己啦........

每次經過呢度，都俾呢陣新鮮麵飽牛油香味吸引。今日唔舒服，只可以食簡單清飽，結果揀左英式方飽。一食就停唔到，好好好軟綿綿!!! 好香牛油味!!! 一d都唔覺得自己食緊方飽，同美X , 聖X娜冇得比!!以後病左就一於叫阿媽買俾我食!

Das Gute 舖面大大的什果蛋糕小小的乾果味道香甜的蛋糕蛋香豐富的配合起來，竟然苦中帶甘的但味道又是出奇地好的小麥方包是鬆軟的咬下去還滿口麥香的吃得太公肥肥的還想再買....傳說中的這個太公是非常貪吃的...

耐性地試哂架上的麵包, 今次試了喬麥包, $1x, 粗糙得很, 麥味重, 分唔到喬麥有咩分吃, 注重健康既就可以試試, 否則唔啱!黑麥皮包, $1x, 切下時有一個大大既洞, 但麵包質感煙韌, 包面好多麥皮, 有微酸, 英文譯係 Bavaria dark dye bread, 是否正宗德包呢?提子麥棒包, $10, 有三個長棒形狀, 提子唔多, 質感鬆, 普通, 唔推介, 唔值!其他酥皮餡包唔太啱我, 可以停試...買其他鋪既麵包啦!

儲了幾款包....一. 牛油軟法包, $16, 買既時候仲熱辣辣, 返屋企吃了一少件, 好香但好油, 我頂唔住, 第二朝早拎咗返去益同事!二. 麥方包, $1x, 麥味唔多, 幾粗糙, 健康!三. 多穀方包, $8/4片, 咬落都幾多穀, 夠軟身!四. 合桃方包, $8/4片, 合桃唔夠 A1 多...why? 不是同一間集團嫁咩?繼續努力試埋架上既麵包!

幾星期前行荃新天地, 見到有間好靚既麵包店, 就過去睇下除左見到有好多好香, 好吸引既麵包之外, 仲見到個gelato 專櫃~雖然味道款式不算很多, 但見到有我最愛的綠茶紅豆味, 立即忍不住買來試!$29 有2種味道, (杯裝)試左綠茶紅豆 & 開心果綠茶味濃, 只是略嫌紅豆太少><但開心果很好吃!真的很像開心果! XDDDD味道很好, 不過質感略嫌不夠幼滑, 這方面比da dolce 遜色~ 不過仍然推介大家去試!P.S. 另有$26 一隻味 (筒裝), 超級大杯的!