Dark Leaf Cafe & Lounge

营业中

休息中

在旺角鬧市高空，發現了一家隱藏的餐廳，入嚟要先按鐘推門，增加神秘感。室內燈光昏暗，慢慢研究餐牌。外面很熱先來一支Hoegaarden$88，另加服務費。此時發現調酒的純熟手法，非常吸引，趕快叫了2杯：Peach Camomile$78Lavender Lemon Grass$78一杯桃子洋甘菊味道甜中帶酸，一杯薰衣草檸檬草味道偏酸中帶甜，各有風味。拼盤三重奏 $128有酒自然要配最佳fish and chips一個拼盤包含了炸蝦、炸魚和薯條，飲啤酒不能沒有它們，這是一個常識吧。松露意粉 $198想飽肚就來一碟意粉吧，雖然份量不是很多，亦沒有什麼華麗的伴碟，煎香的魚柳誠意搭夠。意粉爽口再搭配的松露醬，令味道層次提升。

上次黎開726已經想試呢間西餐 😊 門口感覺係VIP嘅地方, 要開門先見到餐廳 :0 有塊好靚嘅打卡MIRROR + , OPEN KTCHEN顯得入到去空氣感好足, BUT難免Dinner period時會有油煙味黎到當然要叫返杯酒 今日簡簡單單試杯最basic嘅whisker sour酒味好濃, whiskey 滲住淡淡木味, after taste酸中有甘, 做得非常有層次.朋友仔就黎返杯超解渴嘅lavender lemon grass ~ 開胃又消暑mode ~大家都唔係太餓叫個前菜+1main share 食Nachos – 送酒小食真係無得輸, 上面有cheese with 2個sauce 一路點住食, 熱辣辣仲要份量超大 食極都仲有 好啦重頭戲黑毛豬黎啦！好juicy 好厚切, 高分之作！今晚整體食物drink都好滿意, 唯一不足就係人手問題 好似爭小小~ 希望餐廳會改善下 😊

呢間位於旺角站附近嘅隱世酒吧，真係有啲挑戰性！😆 入口超隱蔽，上到8樓成幅鏡牆，搵左一陣以為去咗秘密空間，原來要係右手邊按鐘推門入去。酒吧環境舒服，燈光柔和啱啱好，無壓迫感，超適合同朋友飲下嘢傾下計🍻。我哋試咗晚市二人套餐，真係好飽好滿足！頭盤係龍蝦湯，龍蝦肉唔少，味道真係超香濃！✨主食係意大利火腿蘑菇薄餅，邊邊燒得香脆，完全唔會死鹹。另外加錢upgrade 5成熟嘅澳洲西冷牛扒，肉味勁香，值得一試！🥩 唔可以唔提嘅係荔枝味果梳打，飲落清新又解暑，夏天飲啱啱好！🍹

收工對自己好啲，同好友揀咗旺角樓上西餐廳，位置10分寬敞，氣氛有情調，啱晒談心。1. **醬爆魷魚** 主要用新鮮魷魚搭配香濃的醬汁（通常是甜麵醬或豆瓣醬＋醬油、蒜末、蔥花等調味），快速翻炒而成。口感鮮嫩，味道香濃。2. **海蝦香草意粉** 這道義式料理結合了鮮美的海蝦與香草（如羅勒、香菜等），搭配意大利麵。通常用橄欖油、蒜末、白酒或奶油製作醬汁，讓海蝦的鮮味與香草的清新完美融合，適合喜歡海鮮和清淡風味的人。3. **澳洲西冷牛扒** 澳洲西冷牛扒（Sirloin Steak）是來自牛的後腰部位，肉質鮮嫩多汁，脂肪分布均勻。通常用簡單的鹽、胡椒調味，搭配烤或煎的方式，展現牛肉的原汁原味。📍Dark leaf cafe and lounge📕旺角彌敦道726號8樓

餐廳訂座所選擇的餐諸多限制，我們坐下時已表明要點有85折的餐，但侍應們卻沒有誠實地把多人餐的選項告知我們（在OpenRice 裡此餐廳的介紹是有多人餐的），完全沒有意識去造有85折的菜式。他們堅持我們只能點較貴的餐，所以我們決定另覓其他餐廳食飯，以免影響心情。

放工之後同朋友去咗旺角呢間Cafe食飯呢幢大廈有好多餐廳，今次揀咗呢間，一出𨋢口已經係reception，不過冇人招呼，入到入面發現得一個員工，我哋訂咗七點，佢就帶我哋去咗張二人枱坐低。同場只有另外一台人，我哋點菜都等咗好耐，因為見到得一個人做緊嘢，佢負責埋水吧同廚房（？）我哋叫咗三重炸物拼盤，黑松露意粉同埋明太子意粉，仲有兩杯嘢飲全部菜式都整得好好味，味道適中，唔會太濃唔會太淡，份量亦都足夠，加埋兩杯嘢飲，同朋友一面傾偈一面食嘢好享受。後尾餐廳越嚟越多人，隔籬枱仲有一台八個人嘅，佢哋講嘢越嚟越大聲，太嘈，我同朋友兩個都開始聽唔到對方講嘢，最後頂唔順走咗，不過呢個唔係餐廳問題，我地對呢間餐廳嘅評價都係良好嘅，只係希望可以多番少少人手。

完全唔明點解呢間餐廳會有好評！星期六夜晚10點幾上嚟飲嘢，見到一枱客都冇，淨係見到啲員工同老闆坐喺度飲嘢。我哋叫完嘢飲之後，大部份時間都係見到員工、老闆同另一枱嘅女客人吹水，最誇張係我哋大叫咗幾次「唔該」，都冇人理我哋，因為員工掛住同女客人傾偈。後來另一位客人幫手叫員工，佢先見到我哋，我哋想加小食，佢哋個樣係勁愕然，好似我哋唔應該嗌嘢食，阻住佢哋傾偈咁！上小食時，仲要冇俾餐具，係我哋問佢先至俾。後來見到一個客人想轉去第張枱坐，個員工幫佢搬嘢食過去嘅時候，老闆即刻走過嚟同佢講：「其實我哋收㗎啦，我哋開到兩點㗎咋，下面都已經寫住啦！係呀，所以你唔好搬嚟搬去呀！」 個客人就好無奈，無啦啦被人趕，仲要啲嘢食都未食完。加上當時已經2:30左右，點解到1:45時，你唔同人講仲有15分鐘就要閂門？好似逼人走咁！呢間餐廳俾人嘅感覺就係唔想做你生意，趕客，態度惡劣，仲兇啲客人，同埋根本就冇收工時間，因為啲員工同老闆只係圍埋一齊坐喺度飲酒吹水，仲要撩埋啲女客人一齊傾偈食Shisha，都唔係做嘢！永遠唔會再嚟，亦都唔推薦其他人嚟！

燈光偏暗好有氣氛，裝修仲好有格調～ 無論係情侶約會定慶祝生日都啱晒 📸💐 成個vibe浪漫到爆，講緊係即刻想tag另一半嗰種 😍 #約會聖地 #生日飯首選 △ ▽ △ ▽ △ ▽ △ ▽ △ ▽ △ ▽△ ▽ △ ▽ △ ▽ 🔹◉French Fries脆到冇朋友！薯仔味超濃～ 點埋茄汁真係無得輸 😍✌️ 邪惡但快樂 🔹◉Sirloin 50%五成熟啱啱好！肉質juicy到爆 💦 切開仲係粉嫩粉嫩～ 配埋個醬汁簡直完美到喊 😋👌 牛魔王必試 🔹◉包點 🍤Shrimp W Herb Pasta大蝦爽口彈牙！香草意粉creamy得嚟唔膩～ 蒜香爆得好夠 🌿🧄 每啖都係幸福感 💯 食到舔舔脷 🔹◉ Fruit Soda (Dinner Set)清爽解膩！果味好fresh～ 飲完成個人都refresh晒 🍓🍍 夏日必飲 428 for 2pplCP值高到嚇親！環境chill服務又nice～ 同閨蜜/男友嚟都啱晒 👫💕

朋友介紹呢間餐廳氛圍感拉滿，鍾意飲酒嘅可以飲下酒傾下偈添！Sea Urchin Pasta~鋪上幾件大十件嘅海膽，一口一件真係非常滿足！意粉嘅質感剛剛好，唔會過冧，海膽汁均勻地沾上每條意粉，夠曬rich！Pan Fried Squid~魷魚非常新鮮夠曬彈牙，而且一啲都唔韌，用嘅汁料非常惹味Buffalo Wings~酥炸嘅雞中翼竟然做到外脆內嫰滑，肉汁可以多到滴出嚟，足足有五件咁多，啱曬我呢個雞翼控！Yuzu Oolong & Lavender Lemon Grass~兩個飲品都非常清爽，第二杯口味較特別，用咗兩款草本去調製。

不建議去～高層員工態度頗差，一直都係趕客feel。沒有在用餐前說明最低消費及用餐時間。晚市時段成間餐廳得4枱客（佔餐廳一半都冇），食左一個鐘已經問有冇last order。再坐多10分鐘已經衝埋嚟問用咩payment趕住收錢，再坐多5分鐘已經埋嚟收晒啲嘢用不友善語氣講：「夠鐘交枱」。但係隔離明明仲早過我哋嚟都冇催促佢哋。沒有水提供，要$58一支水。薯條油冧冧，黑松露醬黑松露味較少，個醬扁白色較少黑松露。

唔記得經openrice訂位有折😬今日晚餐和朋友約在旺角的Dark Leaf Cafe and Lounge，是一間cafe兼酒吧，環境舒適，燈光柔和有氛圍，音樂選擇得當，不會過於嘈雜，都適合放鬆。二人晚餐海蝦香草意粉有蒜香和橄欖油味，五隻新鮮海蝦，香草醬汁我覺得啱啱好，唔會太濃醬爆魷魚醬汁開胃，適合送🍷🥃拼盤三重奏（炸蝦，炸魚，薯條） 經典英式炸物拼盤，炸得酥脆、搭配番茄醬和塔塔醬，份量唔細，適合多人分享。果味梳打甜度適中，適合好似我咁唔識飲🥃🍷的人。 Cafe開到凌晨兩點，越夜越精彩，喜歡夜生活的可以來坐坐

今日喺旺角行完街就過咗嚟呢幢大樓睇吓有咩食😆呢幢嘢就最多好嘢食👍🏻-誤打誤撞上咗嚟呢間酒吧，環境氣氛唔錯～-叫咗個dinner setMain澳洲黑安格斯西冷牛扒🥩肉質嫩滑油脂分佈均勻煎烤後可見網格有炭香味入口多汁味道濃郁重點係把刀好夠利非常好切🥹-香草意粉好中意呢種簡簡單單既意粉食落層次都好豐富非常香亦多既蒜蓉亦有淡淡既橄欖油香配上香草點綴冇咁膩既意粉～-薯條夠粗亦很香脆配埋百搭既蕃茄汁岩哂坐下傾下計-紅莓梳打都好好飲好fresh酸酸甜甜咁好解渴😍

真係唔好只睇間餐廳啲好評，一定要睇埋佢啲差評。就係因為冇做足功課，咁就中咗伏啦！1）完全唔明白我哋四位，但唔可以叫三人餐加小食/叫兩個二人餐。原因：我哋訂位嘅時候係訂四位，而佢哋冇四人餐供應。即係迫人一定要散叫！2）餐廳連基本嘅tape water都冇得供應，變相迫人一定要叫嘢飲。3）食牛扒想叫佢俾啲黑椒，但餐廳竟然話冇…. 一間西餐廳竟然連黑椒都冇。4）上菜速度極慢，我哋等咗差唔多45分鐘先有嘢食。

黑松露醬薯條黑松露醬薯條是一道令人驚艷的開胃小吃，將經典的薯條提升至全新的境界。金黃酥脆的薯條外皮，輕輕一咬，便能感受到內裡的鬆軟與香甜。黑松露醬的獨特香氣如同一縷迷人的煙霧，緩緩包裹著每一根薯條，帶來深邃而奢華的風味。這種香氣與薯條的鹹香相互交融，### 澳洲安格斯牛扒接下來的澳洲安格斯牛扒則是一道肉食愛好者的夢幻之選。這塊牛扒經過精心的調味與烹調，外表焦香，內裡卻保持著完美的嫩度。當刀切下去時，肉汁瞬間流出，讓人感受到肉質的鮮美與多汁。每一口都能品味到肉的原汁原味，搭配上簡單的海鹽與黑胡椒，讓肉的風味更加突出，### 香草意粉最後，香草意粉則是一道清新而優雅的主菜，意粉的滑順與香草的清香相得益彰。每一根意粉都被醬汁輕輕包裹，散發著淡淡的香氣，讓人感受到一種自然的愉悅。這道菜品不僅是對味蕾的挑逗，

比呢間嘅燒雞驚艷到，佢隻燒雞又滑又嫩，仲要好多汁，一撕出嚟，皮脆嫩滑，啲煙會噴出嚟，唔係講笑，好好食🤣，另外明太子三文魚籽意粉，啲汁好絲滑，三文魚籽爆唔感強，唔會腥，最可惜係份量有啲少，唔夠飽🤣🤣我諗2個女仔可以食到3個主食🤣🐔招牌脆皮燒雞配蘋果汁（半隻）（25分鐘） $208🐟明太子三文魚籽意粉 $138🍸Ribena $128🍸Reposado Chamomile $138