Dark Leaf Cafe & Lounge

营业中

休息中

放工之後同朋友去咗旺角呢間Cafe食飯呢幢大廈有好多餐廳，今次揀咗呢間，一出𨋢口已經係reception，不過冇人招呼，入到入面發現得一個員工，我哋訂咗七點，佢就帶我哋去咗張二人枱坐低。同場只有另外一台人，我哋點菜都等咗好耐，因為見到得一個人做緊嘢，佢負責埋水吧同廚房（？）我哋叫咗三重炸物拼盤，黑松露意粉同埋明太子意粉，仲有兩杯嘢飲全部菜式都整得好好味，味道適中，唔會太濃唔會太淡，份量亦都足夠，加埋兩杯嘢飲，同朋友一面傾偈一面食嘢好享受。後尾餐廳越嚟越多人，隔籬枱仲有一台八個人嘅，佢哋講嘢越嚟越大聲，太嘈，我同朋友兩個都開始聽唔到對方講嘢，最後頂唔順走咗，不過呢個唔係餐廳問題，我地對呢間餐廳嘅評價都係良好嘅，只係希望可以多番少少人手。