Daily 13 (已結業)

呢間荃灣樓上Cafe價錢親民店內有花花牆打卡之餘，Bar檯仲望到海景添呀！-🐚蒜蓉牛油煮蜆（$88）大大鍋份量都唔少😍蜆肉唔算好大粒，但充滿蒜蓉牛油香味值得一讚嘅係上檯時伴有空碟方便食完將蜆殼放落去呀👍🏻🍔軟殼蟹安格斯芝士漢堡 ($148)超級足料抵食❣️漢堡夾有原隻軟殼蟹、安格斯牛堡、芝士、蕃茄、生菜...配料同層次都非常豐富呀🤩咬落去牛堡牛味濃郁軟殼蟹唔會太細隻，有肉食到😋漢堡包搽咗牛油，香脆惹味呢！仲有薯條、粟米沙律做伴菜認真大份！🍟🥄墨汁意大利飯配煎北海道刺身帶子 ($158)意大利飯粒粒分明，沾滿墨魚汁🦑北海道刺身帶子兩邊煎得金黃內裡肉質鮮嫩加埋蟹籽襯托，又靚又好味呀💕🧇雪糕格仔餅（$38）凍冰冰嘅雪糕配上暖笠笠嘅格仔餅絕對係舌尖大刺激呢！2球雪糕口味可自選，唔錯喔👍🏻🍴忌廉泡芙配雪糕（$32)推介呢個必食❤️泡芙入面充滿忌廉，口感飽滿加埋一球自選雪糕，好抵食呀🥰🥤雜莓乳酪（$38）質感偏濃稠而且入口食到有莓粒正正常常，無太左驚喜👌🏻🫖粉紅玫瑰花茶（$42）養顏花茶，健康有益女生不能錯過呀🌹

朋友聚會或者知已一二食飯既好地方～ 食物大份又抵食，share都好啱🤩叫左2個小食，HKT三式薯條 ($48) 分別係honey mustard, ketchup and truffle😍 蜜糖芥末正到不得了!! 另一樣香草蜜糖無激素雞翼 ($58) 炸雞翼係外脆內軟，蜜糖味再重啲都得～其中一個加 $68轉左做套餐，入面有秘製香辣雞塊同櫻花蝦濃湯，加$7 是日甜品仲可以轉日本卷蛋😋主菜我地揀左紅酒黑椒慢煮去骨德國鹹豬手 ($168)同蟹肉蟹子明太子扁意粉 ($128)，以食物質素同份量黎計，絕對係性價比高！鹹豬手用左慢煮方式所以食落好滑，感覺好重骨膠原😂 然後意粉都好有口感，蟹肉蟹子明太子都好夠份量🤩叫主菜飲品可以半價~ 菠蘿柚子梳打 (+$16)荔枝蜜桃茶 (+$16) 都不錯👍🏻

公眾假期經過荃灣，特意到此午膳，人不多，因為堂食有限制，所以坐得非常鬆動。來到門口已經十分肚餓，幸好不用等就有位。先上沙律及餐飲，沙律也不錯。抹茶拿鐵，細細杯，可能沖不出我的口味，不太喜歡。蟹肉蟹子明太子扁意粉，醬汁實在太多，好像在食醬汁多過食意粉。份量亦不少，會食到覺得有點滯。蕃茄腸肉芝士長通粉，簡單菜色，落芝士也很大方，味道剛剛好。三色薯條，新鮮熱辣再配上茄汁，蜜糖芥末，黑松露醬，好好味。青口，味道也不錯。最重要靠窗的高枱望向海景，陽光照射下，令到整個人充滿朝氣，你可以坐在這，望著海充電，吸收正能量，絕對值得來。

過去既星期日 又一個family day妹妹搵左間Cafe 食lunch 由千色店行去可能有少少遠 大概20 分鐘左右帽事既 係中午時間曬少少又熱少少 都可以丫(ˊᵕˋ;)餐廳位於近接近南豐紗廠一帶既工廈喺荃灣西附近 遠眺藍巴勒海峽既部分汀九橋段藍天下 令人心情相當愉快«٩(*´ ꒳ `*)۶⚑⚐゛︎︎︎ 西西里大蝦辣蕃茄汁意粉🦐 $128有驚喜既意粉 食落口滿滿既蝦味相信係用蝦熬既湯去煮既意粉🍝眼見到既蝦肉都不吝嗇 都有5-6 隻辣味唔會太過 少少辣味越食越滋味‪(ᐡɞ̴̶̷ ̫ ɞ̴̶̷ᐡ)整體一點都不馬虎 連媽媽都讚⚑⚐゛︎︎︎軟殼蟹安格斯芝士漢堡 $148食burger 最怕食到乾爭爭蟹既部分炸得不過火唔會太乾身連塊牛肉火候都剛好 ⚑⚐゛︎︎︎煙三文魚凱撒沙律🥗 $78減低罪惡感而叫 味道正常發揮⚑⚐゛櫻花濃蝦湯(跟餐)不得不提既係 佢呢個細細碗既湯相當有誠意入口超濃蝦味 真心出色 ♡ ⚑⚐゛𝐌𝐨𝐜𝐡𝐚 𝐋𝐚𝐭𝐭𝐞 (跟餐)叫了熱來了凍😜正正常常喇⚑⚐゛𝐏𝐚𝐬𝐬𝐢𝐨𝐧 𝐟𝐫𝐮𝐢𝐭 𝐚𝐩𝐩𝐥𝐞 𝐭𝐞𝐚(跟餐）不太甜又味道唔假既百香果有真蘋果肉喺杯中 視覺味覺上既真材實料( ⁎ᵕᴗᵕ⁎ )⚑⚐゛𝐏𝐢𝐧𝐞𝐚𝐩𝐩𝐥𝐞

環境乾淨 坐位舒服 夠晒光猛😝 仲有幾個位可以望海景 幾靚幾正❤️*蟹肉蟹子明太子扁意粉 $128難食。好難食。好鬼難食。 蟹肉得啲啲 蟹子得啲啲 明太子醬汁好似好多 但係好腥 好冇明太子味🙄 好冇味 意粉本身都冇底嘅鹽味💁🏻‍♀️ 十分滿分 我俾負十分🤮Oreo朱古力 $38好好飲！真係好好飲！朱古力味濃 又有oreo味🍫好大杯 有啲似milkshake 溝埋上面嘅忌廉好正 飲完第一啖完全停唔到 會繼續不停飲😈 fat fat 朱古力是日餐湯 蘑菇湯 $35普通 蘑菇味唔夠重 勉強合格*HKT三式薯條 $48好香脆 調味夠多 有少少似shake shake薯條 size啱啱好 唔係太幼唔係太粗 仲有三種醬點黎食 我覺得單食薯條已經好正 一句到尾 好抵食🤤仲有叫其他小食 但冇影到相挪威煙三文魚凱撒沙律 $78調味差啲🤧唔夠”凱撒” 煙三文魚量都唔多 cp值一般🌚蒜蓉牛油酒煮蜆 $88蒜蓉+牛油+酒 全部都係重口味調味🌞 好多蜆 食極都食唔晒🤟🏻

招牌名古屋蒲燒鰻魚蛋包意大利飯（$158） 碟上有一大條鰻魚鋪面很吸睛，淋上鰻魚燒汁配上抄蛋和大量木魚碎。餐牌上寫著招牌菜，但水準和質素卻是最令人失望的。先是上菜的溫度只是微暖，令人懷疑食物已放置很久才上菜。食物方面，鰻魚軟淋而不腥，但炒蛋過熟、且過多木魚碎影響整體口感，再者，意大利飯煮得過淋/多水，有點爛兼味淡。實在不推薦點這個招牌菜。餐廳內可以看到海景和日落景色，但店員說海景座暫不開放，只有普通座位，有點可惜。

見這餐廳有咁多笑臉，慕名去試下啦。位置偏僻，在舊區工廠大廈內，都不算容易找到，交通十分不方便。上到去只佔工廈一層內的一個小單位，比一般茶記還小，座位距還算寬敞，但冷氣唔夠，有啲悶焗。看餐牌價錢不算便宜，淨意粉不連套餐都要百多元，改套餐要加多75元（68元加10%），這個升級價錢似乎高了一點。未試過這店的食物，都係唔好博住。先叫了一個墨汁帶子risotto和軟殼蟹安格斯漢堡，一食失望。墨汁risotto好細碟，男人食一碟一定會餓住咁走（除非叫多個餐）。墨汁risotto完全沒有墨汁那種獨特香味，最起碼連一點牛油味也沒有，米太熟根本不似risotto。漢堡包一看比正常size細了一個圈，有點小家感覺。漢堡的軟殼蟹不脆，漢堡牛扒沒兩面煎香，牛肉卻乾似柴皮，連麥記的安格斯漢堡都高佢幾班。本來都想叫甜品，不過應該唔使試啦。兩樣嘢埋單314，好唔抵。呢個價錢在市區地舖或大商場的餐廳一定可以食得更好，坐得更舒服，做乜要山卡啦走去舊工廠區食啲咁嘢？

呢間係荃灣工廈入面鋪頭面積唔大，得十張八張枱好幾次想帶埋屋企人一齊walk-in 食都無位，人多既話一定一定要book枱!!!•軟殼蟹安格斯芝士漢堡 🍔$148個burger勁大份😍 軟殼蟹唔會炸到好油同好厚粉，配埋塊甘厚既安格斯，yummy 😚薯條係即炸，熱辣辣食就岩哂最正係碟撈左沙律醬既粟米，食完甘多油膩野食返啲粟米，可以中和下👍🏻•海鮮忌廉汁扁麵配挪威煙三文魚 $118睇相都知份量足。最鍾意個忌廉汁，比平時食杰身啲，但一啲都唔膩。就好似食沾麵甘，每條麵都可以掛湯😂另外加左$68轉set包一個迷你櫻花濃蝦湯同一個小食同甜品雖然個湯比較稀，但就超重蝦味，而且有少少辣，飲完一直都好回味🥺當日推介小食係秘制香辣雞塊，因為無得揀辣度，店員好窩心甘問我係咪唔食得辣，話可以轉香草蜜糖雞翼😊個蜜糖雞翼真係超超超好食😋😋😋😋😋 勁多蜜糖，個皮烤到脆口但唔乾，咬落去勁juicy🤤四月甘岩做緊$1仼食cheesecake🍰 差唔多試哂甘多款😍 雖然$1仼食，但絕對無揸流攤👍🏻 呢間真係好岩三五知己或者情侶去食，環境夠chill又relax，野食又好味😎

工廈嘅餐廳 預咗門面唔會話好靚但出lift 就望到都ok嘅啱啱入到去 同好多工廈一樣都有一個大嘅area先到檯邊經過咁多次嘅經驗 我諗係同拎食牌有關( ´▽｀)？咁我地特意黎就係為左個$1蛋糕放題行到入去 得一個侍應忙緊聽電話咁我地就等一等一陣之後 有個女仔喺廚房出黎就帶我地入座Menu我就分開upload 食評唔比我放咁多相呢度係食日式西餐嘅main黎講 有一款burger 其他全部飯意 冇雞冇牛扒冇豬扒如果要食$1蛋糕就要每人叫一個set先咁呢度係點樣嗌野食呢一個main 由$98到$158 不等 再加$68成為餐餐就包小食 湯 同甜品 跟餐嘅話野飲半價野飲除咗六款野飲 正價係$32/$38Wow 工廈黎講全部risotto pasta 都真係好貴咁我地目標都明確嘅 咁都真係嗌左兩個set店員話跟嘅前菜係跟辣雞塊我問可唔可以改其他野 佢話唔可以 已經set左朋友再幫我講句我唔食得辣咁店員就話可以幫我轉蜜糖雞翼2隻 我當然ok啦( ´▽｀)等野食就周圍影下 餐廳影出去嘅夜景因為室內比室外光 玻璃就會反光要影清晰海景記得要將電話拍哂落玻璃天氣好 影出黎都好靚呢個係跟餐嘅小食會有半份柚子

餐廳唔係係荃灣市中心 要係荃灣廣場轉去祈德尊再過天橋行去有線嗰邊， 荃灣廣場行過去都要十分鐘雖然位置偏遠 但係值得行多兩步嘅！💕💕💕餐廳係工廈入面1. 招牌名古屋蒲燒鰻魚蛋包意大利飯（$158) (9/10)必點 好大份 蛋包飯好滑 鰻魚燒得好香 2. 溫泉多卡邦尼意粉（$98）(6.5/10)麻麻地 醬汁太結3. 墨汁意大利飯配煎刺身帶子及煙三文魚($158) (8/10)有三粒大粒帶子好好食 墨汁好濃 意大利飯texture ok主食加$68有set (小食+濃蝦湯+random芝士蛋糕），小食炸雞好好食 好脆雞好軟 仲要有起碼4舊 （炸雞：8.5/10）我地三個人加左2個set, 2件cake係柚子芝士蛋糕同粟子，淡淡柚子味好香 （蛋糕：8/10）chessecake好滑 平日夜晚仲有$1芝士多糕放題 好想食放題 最少會食3件本來好想飲佢個金莎朱古力 但嗰日冇😭好傷心餐廳細細但枱距離都好夠 唔會覺得嘈 傾偈唔錯 星期六日去記得訂位喔！味道：服務：環境：性價比：回頭率：

朋友發現呢度有得任食芝士蛋糕，所以今日主菜係芝士蛋糕！🤣想食任食芝士蛋糕，要先點選餐牌上既漢堡、意大利飯或意粉，然後加$68升級成套餐（有小食同迷你櫻花濃蝦湯），再加多$1就可以任食享用芝士放題～（❗️不過唔知優惠幾時完，記得問左先去～）🤓我同朋友食左幾round！飽到呢～🤤當晚有8款芝士蛋糕選擇，試晒咁多款後，個人最愛原味芝士蛋糕，然後係抹茶芝士蛋糕，蕉糖杏仁蛋糕就排第三！🤩其他味道都唔錯，我唯獨唔鍾意抹茶大豆。1️⃣軟殼蟹安格斯芝士漢堡 ($148)軟殼蟹同薯條都油左啲...牛肉又太乾...2️⃣蒜香辣椒蜆肉意大利粉配軟殼蟹 ($138)意粉煮得剛好，有嚼口！但味道就唔夠出...3️⃣蟹肉蟹子明太子意粉 ($128)軟身啲既意粉配上好濃濃既醬汁，但同期望既味道有啲落差...4️⃣黑松露野菌意大利飯 ($108)意大利飯食落唔似意大利飯...😲同埋愈食愈漏...5️⃣招牌名古屋蒲燒鰻魚蛋包意大利飯($158)朋友好滿意！👏🏻👏🏻👏🏻總括黎講，蛋糕特別係芝士蛋糕係約正，但漢堡、意大利飯同意粉就有進步既空間～

呢間CAFE 係荃灣工廈入面,由地鐵站行過去都要15分鐘,最近就係由愉景新城天橋行過黎點解咁隱秘都咁爆場?當然有原因佢不定期推出唔同既組合或推廣優惠超強人氣1蚊蛋糕放題而家一共有10款柚子,抹茶,忌廉,朱古力,富士蘋果,原味,焦糖果仁,等等,從飲食新聞見到係用日本出品難怪一食覺得蛋糕水準咁高咁出色的確全場9成人都係為左蛋糕而黎,真心好食環境舒適有格調,仲有海景比你睇平均一位$200左右,食得爽又坐得舒服菜式方面,有多款意粉,意大利飯選擇另有長通粉或沙律或芝士漢堡叫左個意粉同意飯,加錢升套餐,包湯小食先上櫻花蝦濃湯,就咁睇有少少似龍蝦湯飲落更鮮味濃郁,湯中見到微碎蝦肉湯有獨特既質感與香氣,係令人想追加既湯品上次黎飲仲以為係龍蝦湯,原來係蝦湯黑松露野菌意大利飯考功夫,煮得軟硬合適,外綿內仍帶點口感伴碟灑上雪一樣的鹽花,每粒飯都吸滿醬汁帶點微辣層次豐富,食到尾都唔會膩小吃係香脆炸辣雞,炸得酥脆,加埋蛋黃沙律醬稱職既香口小吃,仲配埋沙律中和一下最後就係我點既長通粉香草番茄腸肉芝士長通粉　＄９８大量既芝士加上香味濃厚既番茄香草醬長通粉掛滿醬汁,簡單而美味的一道菜無限追加的蛋糕是日本直送有原味既芝

Cafe位於工廈 位置偏僻但上到去都險些冇位 大家去記得要book位呢個milk shake加上綠茶雪糕 打卡able得黎飲落口感都豐富呢份軟殼蟹burger既重點真係在於薯條係小編近期食過最好食嘅薯條炸粉薄得黎又夠味加上幼薯條 炸得勁脆極香口而且burger餡料好豐富竟然一次過有曬beef patty 同soft crab呢味意少份量好陣D蟹籽亦多到唔洗錢咁令令一啖口感都好新奇不過略嫌太多膩食一半已經有d滯

聽聞近住有線果邊D工廈有好多隱世cafe, 今日放工就去try try。因為太耐無見過班朋友仔，所以特登搵呢度，貪佢唔限時可以慢慢坐😌上到黎又估唔到入面環境同工廈出面反差咁大，個sea view都好正（只有high table果邊先有景睇）我哋每人要咗個餐，加$68有埋指定炸雞小食同櫻花蝦龍蝦湯個湯細細碗但係都幾好飲，好濃嘅龍蝦湯味。個小食份量都唔小，食落外脆厚肉辣辣地，好有驚喜！黑松露什菌意大利飯（收汁收得幾多，好香松露味，米既軟硬程度都啱啱好）三文魚帶子蘆筍墨魚汁飯（呢個飯比起黑松露意大利飯硬少少🤏🏻，但係佢帶子煮得啱啱好，唔會overcook,蘆筍都好嫩口。）我反而比較鍾意呢一個軟殼蟹香辣蒜頭🧄意粉🍝（一睇就見到幾足料，意粉彈牙，蒜香撲鼻有少少辣，啱晒重口味嘅朋友）滑蛋鰻魚飯（成條大大條上碟，蛋又夠滑，連個飯底都好好味）之後嘅重頭戲就係每人加一蚊任食佢嘅蛋糕🍰。佢啲蛋糕唔算好大件，所以都食得晒。個人最喜歡係、奶茶蛋糕同柚子芝士蛋糕。（其實抹茶芝士蛋糕都唔錯）

餐廳裝修雅致寧靜 座位之間充帶有空間感 高枱位置更看到海景 相信日落時分格外浪漫🌅這道招牌鰻魚飯份量十足 除了鰻魚原條上外 蛋包飯內的飯粒是蘑菇意大利飯 不但帶有啖啖奶香味 和鰻魚及滑蛋亦配搭相宜 比起一般的鰻魚蛋包飯有驚喜🤩