Coti the Bistro (企業廣場)

营业中

休息中

🐝Coti the Bistro (企業廣場)🐝…今日同朋友想去ikea行街，所以去左九龍灣近mega box嘅餐廳食飯，食得好滿足，甜品好正~😍…牛油果蟹肉他他伴窩夫、雜錦沙律菜 $93啲蟹肉溶入左啲牛油果入面，沙律菜好多，加埋2舊好特別嘅窩夫，好正！窩夫同平時嗰啲唔同，係似牛角包壓出嚟嘅，食落有一層層酥皮，好特別。🥰🥰🥰🥰…法式燉煮羊膝意粉 $138個羊肉好淋，一啲都唔羶，份量都好夠，食得好滿足！😍…焦糖香蕉窩夫 $78焦糖香蕉一定無伏，甜甜地，中意甜嘅一定要試下，窩夫同上面講嘅一樣，但落多左糖漿。👍👍…提拉米蘇窩夫 $88tiramisu嘅咖啡味好濃，上層係可可粉同cream，下層就係咖啡，苦苦地，中意咖啡嘅朋友仔就要試下。窩夫同上~😋…抹茶鮮奶 $42抹茶同鮮奶嘅比例好perfect！飲落好滑，抹茶味都好濃，一啲都唔粉！🤩🤩…棉花糖朱古力 $42朱古力味好濃，棉花糖大大舊，加埋啲朱古力飲好甜~😍😍😍…整體評分食物：🤍🤍🤍🤍服務：🤍🤍🤍🤍🤍環境：🤍🤍🤍🤍🤍價錢：🤍🤍🤍🤍…📍九龍灣常悅道9號企業廣場1期1樓4號舖

去左九龍灣企業廣場食，餐廳燈光較暗，有情調，枱同枱空間較多，不會迫的感覺，坐得好舒服。叫左烤慢煮BBQ豬肋排$128,豬肋排好入味，而且肉質軟嫩，有豬肋排汁點，點肉和薯條好正。西冷扒配薯條沙律$188,牛扒沒有筋，易入口，肉也不會乾硬，油脂剛好，不肥膩。棉花糖泡泡咖啡$48,賣相好靚，好好味。冷壓蘋果汁$28,略甜，如果加冰會更好。是日蛋糕$48：上層的咖啡mousse,下層係朱古力脆脆整個賣相好吸引，而且好好味，咖啡味濃而不苦。香蕉窩夫$78：香蕉面有焦糖，輕輕燒過，窩夫厚身，外脆內軟。同平時食的窩夫不同，入面有少少層層的質感，暖粒粒，好好味。

九龍灣ᴍᴇɢᴀ ʙᴏx附近是出名的美食沙漠，但早排發現附近有間食物不錯環境又舒服的餐廳～原條鰻魚漢堡配番薯條$98全條鰻魚好足料，一上碟，非常澎湃！鰻魚肉質很結實，是我喜歡的質地～無骨加分！與香濃的醬汁、嫩滑炒雞蛋，再配上香脆鬆軟的麵包，整體配搭得好好～番薯條脆卜卜，炸得香口不油膩，每一啖都好香好濃番薯味！

今日收工就同朋友黎左佢推薦的西餐廳環境幾好，座得舒服煎慢煮西冷扒配薯條及沙律（五成熟）份量唔少，用上慢煮肉質特別嫩，更能鎖緊肉汁，牛肉味濃再配上燒汁同炸薯條，特別滿足另外朋友個燉煮牛肋骨飯牛肋骨好入味，煮得軟淋，配白飯食剛剛好提拉米蘇咖啡外型跟甜品一樣，面層係綿滑Tiramisu，下層就係咖啡，唔好太甜膩，特別得黎又好飲奶醬啡只得熱飲，充斥住花生醬香味，幾特別手工巴斯克芝士蛋糕質感厚實，口感細滑芝士味都幾濃，作為飯後甜品實在幸福

假日去開九龍灣shopping , 搵間Cafe食個靚Brunch 🍳發現了在企業廣場有一間休閒Cafe，可以避過平日上班族，悠閑地享受早午餐。豪華週末早餐🍳有酵母麵包🥯、煙三文魚、牛油果🥑、雞扒🍗、松露炒蛋🍳同蜜瓜🍈，份量十足，有水果配搭，感覺不會太滯，清新又健康。慢煮安格斯西冷配薯菜🥩用慢煮方法鎖緊肉汁, 肉質鮮嫩， 沒有太多根，薯條也即炸香脆。焦糖香蕉窩夫🧇🍌香蕉燒得焦糖， 窩夫食落鬆脆，這裏的窩夫是牛角包（Croissant) + waffle整成 , 充滿層次感, 牛油味濃。另一款窩夫是提拉米蘇窩夫 Tiramisu Waffle 窩夫咬落卜卜脆，新鮮焗起，將軟綿綿的Tiramisu 一齊食, 味道濃蜜幼滑，窩夫與朱古力咖啡酒混合而成，十分滋味。提拉米蘇咖啡 Tiramisu Coffee這裏主打Tiramisu, 所以點了這裏 signature coffee, 外型不只是一個甜品🍮， 面層是綿蜜的Tiramisu，味道不是死甜，咖啡與洒也Balance 得剛剛好，飲落不太苦，鋪滿厚厚的朱古力粉，插上lady finger，大滿足呀。

今晚重回舊地, 相約朋友到左九龍灣商業區晚餐. 我哋選左環境唔錯既一間西餐廳 – COTI 先黎煎慢煮西冷 (7成熟) 配薯條及沙律, 西冷扒有香濃牛肉味, 有少少黑椒汁, 但又唔會辣. 肉質方面, 雖然叫到7成熟但肉質都唔會過韌. 薯條就香噴噴, 炸到金黃色, 食到唔停口, 滿足晒我既口癮 再黎就係慢煮64度C溫泉蛋卡邦尼意粉, 好重蛋黃味, 仲有唔少既煙肉拼意粉, 意粉口感又爽又彈牙, 韌度十足,芝士味更令人又愛又恨 甜品方面, 我哋叫咗件芝士蛋糕, 口感與別的不同, 較鬆化, 唔會太實, 芝味濃, 讚 至於飲品, 朋友叫咗杯抹茶鮮奶, 賣相都靚. 而我點左棉花朱古力, 職員好好拉左個靚心心, 飲落口有香濃朱古力味, 又唔會太甜, 岩岩好整體來講, 我哋都好滿意今晚嘅晚餐, 環境寧靜, 傾計相聚好地方

今日過去九龍灣同舊同事拎野，順便食個飯傾下計，同事話帶我去一間好食又可以傾好耐既餐廳，超初我仲以為去MegaBox，點知就嚟咗企業廣場法式燉煮羊膝意粉一上枱見到咁大隻羊膝真係嚇親，因為冇諗過佢會原隻上，仲諗住係一舊舊既肉，而且羊膝好淋，有小小羊味，味道非常好，成隻食完好飽，性價比高豪華週末早餐好豐富既all day breakfast，有黑松露炒滑蛋、好juice 既煎雞扒、煙三文魚、好開胃既牛油果醬配麵包、煙肉、超甜既哈蜜瓜，食材夠新鮮，攞盤又夠靚，而且份量都夠飽焦糖布甸咖啡面層有一層燒過既焦糖，飲既時候唔洗落糖剛剛好，而且仲好滑，好飲Tiramisu咖啡我覺得似一份甜品，上面有Tiramisu，下面係咖啡，又食得又飲得，好抵呀芝士蛋糕硬身既芝士蛋糕好重芝士味，而且蛋糕又唔會好甜，鍾意食芝士蛋糕既可以試吓咖啡蛋糕蛋糕造型係一粒咖啡豆，咖啡慕絲入面仲有一層薄薄既咖啡醬，底層仲係用脆脆，一件蛋糕又滑又脆，有兩種口感

唔知系唔好彩定真系唔好食，建議大家三思下午6點捻住book好位再去，點知網上訂座得反8點，都吾係貪平話有6折，打算直接去正價食晚餐，牛扒鞋到以爲全熟，叫5成，意粉鹹到以爲自己食鹽感，賣相係可以，但 ...不了，多謝最令人驚奇係，6點半到7點半 係得3台客， 有台都不讓人預定，真係以爲好巴閉，原來，死場一個，收服務費，服務員呼喝d客人，一點禮貌都沒有，激氣餐廳，其實九龍灣大把選擇，行遠d算吧

今日去MEGA BOX行街，梗係要食飽飽先有氣力行啦!於是就去對面企業廣場搵食~之前朋友介紹過呢間餐廳無論環境定食物都一流，於是就一齊去食個LUNCH~豪華週末早餐呢個ALL DAY BREAKFAST非常豐富~有沙律菜、黑松露炒蛋、煙三文魚、煙肉、雞扒、哈蜜瓜、仲有牛油果紫洋蔥多士~煙肉同煙三文魚仲要唔係一塊，而係幾塊疊埋一齊!又好味性價比又高!仲有不得不讚既係牛油果紫洋蔥多士同哈蜜瓜!前者健康得黎口感豐富調味適中，唔會食到人好飽滯~哈蜜瓜超甜~呢個ALL DAY BREAKFAST真係豐富同滿足到KEEP到成日!香煎雞漢堡伴椰菜絲沙律及薯條朋友食香煎雞漢堡伴椰菜絲沙律，香煎雞漢堡份量好夠，配上半溶芝士，就咁睇個賣相已經流哂口水!入面有厚切蕃茄同生菜增加纖維，健康D又JUICY D!伴碟既薯條係粗薯條，外脆內軟又熱辣辣~正!天然蜂巢咖啡、玫瑰普洱冷泡茶兩杯飲品同樣出色，天然蜂巢咖啡非常特別，以奶、EXPREESO同天然蜂巢三部分分開上，初初見奶既份旺咁多都怕搶左咖啡既味，點知將3部分撈勻，得出一杯濃濃咖啡味再加上香甜蜂蜜既飲品!牛奶令咖啡既TESTURE好幼滑，天然蜂巢獨特既味道令杯

Coti the Bistro週末同老公去MegaBox宜家傢俬睇組合櫃，之後諗住去餐廳食肉丸意粉，但排晒長龍！ 突然醒起：企業廣場裏面有間隱蔽西餐廳，嘢食唔錯，唔使等位，可以慢慢食。行咗成日街，有啲口渴。紅豆鮮奶咖啡 ($48)，甜甜地得來又可以提神。老公淨飲杯咖啡果皮茶($52)，唔加蜜糖。佢話果皮嘅甘香味仲出！慢煮安格斯西冷牛扒($188)幾大件，七成熟配黑椒汁，我哋食得津津有味！慢煮烤雞有半隻($118)，份量足不過雞肉有啲乾身，好在霹靂葡汁辣辣地，食落惹味得多。甜品一於打孖上！焦糖香蕉窩夫 ($78)係酥皮底，點焦糖醬食，酥香又夠甜。烤棉花糖朱古力 ($78)嘅賣相唔錯，外層微焦，入口甜到漏，撈埋下面嘅餅碎花生碎粒一齊食，口感豐富。地址：九龍灣常悅道9號企業廣場1期1樓4號舖

Coti the BistroTiramisu咖啡 $48全餐飯最驚喜嘅一定係依杯咖啡上層直情係tiramisu 下層就係black coffee個人覺得幾特別 直得一試煎慢煮西冷牛扒配薯條沙律 $148牛扒叫左五成熟 肉質較軟腍 油脂唔多 比較有咬口 而且肉味唔算濃Overall牛扒都幾大塊 配菜仲有薯條沙律 份量以Lunch黎講絕對收貨😋慢煮溫泉蛋卡邦尼意粉 $68意粉好足料 撈埋生雞蛋個口感更creamy手工巴斯克芝士蛋糕 $28餐廳職員一擺上台已經吸引晒大家眼球仲懷疑緊係唔係一個青蘋果🍏嘅時候 切開發現原來係芝士蛋糕 雖然芝士味唔算突出 但入邊啲蘋果粒整得好好食

話說係openrice到見到呢到好評都幾多就揀左黎呢到食點知坐到入去 舉手冇乜人show重要一堆staff企曬係出菜枱到傾計終於有人理我之後 黎左個帶鄉音既啊姐我同佢落單 佢就一路望住出菜位啲人問佢今日個湯係咩 佢就大大聲叫翻去出菜個到問後尾點完 個沙律同杯茶就好快到左杯蜜桃茶連埋茶包上 杯底茶勁濃 表面就普通 但亦都冇搞棍或者糖上叫左個意粉 以為要等下冇留意張單原來冇落到等左成半個鐘發現隔離啱啱坐低就已經到齊先發現問題而係我追佢單之前 因為自己真係太肚餓忍唔住令左個包出黎食於是落單個阿姐就企左係面前望住我食完個包我承認我唔應該係人地間鋪食其他野但成間鋪先得個3,4枱客點解偏偏要睥住 用啲睇唔起既眼神企係我面前望住我？途中重覆因為我食完個沙律就已經收曬我啲餐具 間鋪又冇乜人 擺明想趕我走啦見隔離2枱啲啱啱到但已經上曬野食之後我就舉手追單 有個後生仔黎左幫我但之後上菜既又係幫我落單個姐sorry都冇聲 擺低就走左後尾就叫翻佢轉頭 俾翻啲餐具我到12點幾之後間餐廳就好多人太嘈又唔太開心 食完之後就拿拿聲走左埋單74 +1服務費碟卡邦尼普普通通 服務又差真心冇下次

幾乎每個星期日都會去九龍灣，食厭左淘大今次過黎企業廣場試新野。叫左一個蜂巢咖啡，咖啡分三杯上，分別是齊啡、牛奶及一小塊蜂巢，加埋其實係一杯Latte，夾有天然甜味。煎慢煮安格斯西冷配薯菜牛扒好大塊，大過一個男人的手掌而且都幾厚，牛味濃郁，肉質亦不錯，不過覺得個表面可以再輕輕煎燶少少同埋個汁可以另上，成件事就會靚仔d，而加味道幾好，但睇上去就爭少少烤慢煮BBQ豬肋排外表乾爽，呢個反而有汁另上，唔點汁食到肉味，不過我都係鐘意點醬食多ｄ提拉米蘇窩夫我覺得令今餐加左一百分ge甜品本身都有d小飽，見到成杯tiramisu咁上當堂驚一驚，原來tiramisu不是真正的tiramisu，整體是液體，是一個醬汁，而窩夫係酥皮質地，一齊同吃，成件事真係新奇有趣又好味！烤棉花糖朱古力呢個對我而言有d甜，我就拎左去點上面個tiramisu汁食，又oｋ ｗｏ！

成日經過企業廣場(拍地鐵2蚊機🤣）都唔知原來有扒食，而且都幾高質同勁抵食☺️經openrice book套餐有6折😆煎慢煮安格斯西冷配薯菜西冷真係好唔錯呀，我哋要咗7成熟，啱啱好。印象中牛扒要大火煎，但佢用慢煮，竟然都可以保存牛扒嘅香嫩，肉汁冇流失之餘，牛味亦好重，真係好有驚喜嘅一塊西冷，連好腌尖嘅朋友都話得👍🏻另外要贊吓佢嘅薯條，好好味呀，係我最鍾意嘅薯條味😍烤慢煮bbq豬肋排豬肋排都烤得好唔錯，用嘅bbq醬都幾入味，切開可以分到5大塊，肉煮得好淋好入味，另外仲會俾啲bbq醬，不過唔點都夠味呀。提拉米蘇窩夫勁鍾意食窩夫，呢個仲要係牛角包窩夫，一份甜品仲要有兩隻，唔驚唔夠食🤣不過我哋唔知一份甜品咁大份，搞到叫咗兩份🤭肥死。窩夫好香好脆，如果想甜啲，就將杯tiramisu 倒上去一齊食，當然亦可以分開當兩個甜品食，其實呢一份甜品應該係三個人嘅份量。焦糖香蕉窩夫同樣係用牛角包整嘅窩夫，不過今次配嘅係焦糖香蕉，都好味嘅，不過當然係上面成杯tiramisu 正啦，下次記得叫一份就夠啦🤣Tiramisu coffee 我好鍾意嘅咖啡，不過今次我推薦朋友飲，我就試飲其他。朋友話好正，好似食緊甜品，又

本身純粹想揾間遠離鬧市少少，靜少少嘅cafe傾下計，但今次竟然揾到寶🎖慢煮64C溫泉蛋卡邦尼意粉$88🍝完美嘅溫泉蛋，撈埋意粉，啖啖都食到滑一滑嘅蛋白🙊*套餐包蒜蓉包🧄及紅湯🥄蒜蓉包望落好脆紅湯好高質，酸度剛好，而且超多蔬菜，冬天飲到一定會好滿足🥰炸薯條$48🍟呢個薯條都好高質，外面幾脆，而且仲有少少蜜糖痴住，令人食唔停口🤤焦糖香蕉窩夫$78🧇原來個waffle係牛角包底🤭啖啖充滿牛油嘅香味。waffle嘅口感但牛角包咁嘅味，超級推介🤤連啲焦糖香蕉都好好食🍌果皮冰糖檸檬冷泡茶$36🍋不過不失，無乜甜味嘅檸檬茶😂焦糖布甸咖啡$42🍮呢個係餐廳其中一樣人氣飲品，朋友話都幾甜，唔太受得咖啡苦嘅人可以試下😂