Cosmos Restaurant & Bar (已結業)

最近工作實在太忙，忙到冇晒時間打食評。 一陣子冇打，好似有點生疏同男朋友好少食西餐，是晚到尖沙咀逛街，行過見到新開既西餐廳，決定一試正值新春期間，嗌左個"橫財就手"同"年年有餘"餐，有沙律 餐湯 主菜 甜品和餐飲沙律係鮮蝦凱撒沙律，沙律菜好新鮮，面包粒勁脆，好食餐湯係白湯，有些薏米係入面，感覺有點fusion 我第一次見西餐湯內有薏米，哈。值得一讚係豬手，烤得外脆內軟，豬皮好香口，咬落索索聲，肉質也上佳，帶咸香我一個人ko左一大半男朋友點既係鱸魚配椰皇忌廉飯，飯係微甜，味道幾特別，好濃椰子肉的味道。甜品朱古力心太軟勁邪惡~~流心到不得了。可惜食完主菜已經頗飽，我挖空晒個心太軟黎食，剩了一點食不完。人均消費一概$300左右，整體算不錯

雞年將至，與3位好友一起到尖沙咀添置新衣物,大家滿載而歸。我們一邊逛一邊談,不經不覺又到了晚飯時間,由於大家抽了很多紙袋，二話不說就到最近的餐廳,選了這間-Cosmos! 由於大家都都非常之肚餓，大家一致通過點這個份量驚人的烤美國斧頭扒（40安士）$888餐到的時候,大家覺得差不多有羽球拍般大， 非常震撼。肉質好嫩,一點靭也沒有。很多肉汁，咬下去的時候滿口都是肉汁。另外脂肪比例分佈亦很平均 。三位好友當中，有一位是正在迎接小生命的，胃口比較所，所以40安士也不是問題剛剛好好夠 食極都唔會膩！除了斧頭扒外，配菜選料也非常新鮮,薯角薯味很濃，炸得脆之餘亦很香口。 另配芥辣，燒汁。完美組合!西班牙黑毛豬火腿田園沙律伴黑醋汁$102黑醋汁很開胃只需要嗅一嗅黑醋汁，立刻非常開胃。味道真是非常不俗，不錯！香煎海鱸魚伴帆立貝配香檳忌廉汁$198薯蓉口感很好,爽口之餘亦把薯粒放在內，很特别！另主菜魚不像一般的雪魚味很重。鱸魚魚味好濃 ,挺特别！甜品點了燉蛋，蛋味濃，不是像外面只有甜味，很滑。總結:除了份量十足的烤美國斧頭扒味道水準高之外，另外二款菜式及甜品水準都非常高。我們4位好友在農曆新年前還可以品

炮竹一聲除舊歲，又係時間同朋友一齊食餐飯。朋友可能聽到我上次遇見斧頭幫的新聞，就一直話都想見識見識。大家一齊search，搵到尖咀寶勒巷一間餐廳都有斧頭扒食，地點又就腳，一於一齊去開個年。是日我們點了個四人晚餐，份量的配搭也不錯，最重要係“斧頭扒”！！煙三文魚凱撒沙律，用上新鮮的沙律菜，配脆爆面包粒、煙三文魚，是今個晚上的清新健康好開始，為之後的罪惡感先行善。黑松露野菌忌廉湯，上枱時，濃濃的黑松露味就飄入鼻內。一啖入口，湯中的黑松露和野菌味好濃，仲有好多野菌蓉，。之後個餐包，嘩！！嘩！！嘩！！原以為是軟的，點之係焗到脆脆的，仲好香，。辣味炸雞鎚配薯條，上枱時，雞鎚香薯條點炸好，熱氣都可以感到。一大啖入口，皮脆肉嫩，肉汁仲要慢慢的漏出來，再帶點微辣，既香又惹味。最重要係雞鎚比雞翼易走，可以保持一個美美的食相。意式海鮮扁意粉，意粉上枱，一眼看著，就知道餐廳不惜功本，意粉面密密的放滿了不同的海鮮，由於太多，不難一一盡錄。但今日要讚的，卻係意大利粉，首先意粉煮得不會太腍，令口感彈牙“My LOVE”，而且還非常的入味。烤美國斧頭扒（40安士），在牛扒的肉眼部位中的最佳選擇，就是連骨牛扒──To

每次去寶勒巷，通常都係去酒吧，難得今次朋友推介去左里間西餐廳，環境幾高級舒服，望一望餐牌，都屬於中高檔次，不過環境好好，好岩情侶或者三五知己黎傾計，食完直落飲野。 西班牙黑毛豬火腿配哈蜜瓜拼香草蒜蓉包前菜係西班牙黑毛豬火腿配哈蜜瓜拼香草蒜蓉包，賣相好精美，ham加上哈蜜瓜的味道亦相當配合，火腿肥瘦均稱，但真係幾咸，一定要配哈蜜瓜食。烤澳洲特級羊架配薯菜之後就係主菜一、烤澳洲特級羊架配薯菜，羊既肉味好濃郁，有肉汁不太乾身，肉質值得一讚，少系醬汁配搭，唔想搶左羊既鮮味。香煎海鱸魚伴帆立貝配香檳忌廉汁第二道主菜係香煎海鱸魚伴帆立貝配香檳忌廉汁，香港食既海鱸魚全部都係冰鮮，所以一係好濃香料味，一係就用炸既方式除雪味，但係今次師父處理得好好，輕輕煎過，皮脆肉嫩，唔會鬆散，甚至仲保持到魚鮮味。青蘋果梳打士多啤梨smoothie我地兩個人，一人一杯飲品，青蘋果梳打同士多啤梨smoothie，兩個都係酸酸甜甜，不過不失啦。香芒拿破崙之後叫左兩個甜品，先黎一個香茫拿破崙，餅底好鬆化，芒果加上吉士醬就一般啦，整體黎講略大份，始終甜品都係小巧精緻為佳。意大利芝士餅之後係 意大利芝士餅，又係好巨型，中意咖啡既

很久同這個多年好友食飯，襯我放假有時間就約下佢出來吹吹水，飲下野，食番餐，見佢要提早開爐返工，所以就係佢尖沙咀office 附近食飯，而我這個好友就帶我去這間好適合傾計餐廳這間餐廳雖然係寶勒巷，但是餐廳氣氛相當舒適，而且其他食客相對比較斯文，我們去到餐廳門口，門口既侍應就很有禮貌地開門俾我地問我地幾位，感覺相當親切出得來吹水，梗係要出來啤啤佢啦，而佢地既啤啤佢都相當特別，而我地就叫左Corona Rita-首先會飲到甜甜地既果汁酒味道隨即飲到少少酸既青檸味最後飲到加倍酒味既Corona 啤酒，感覺十分夢幻，飲左幾啖，就即刻進入狀態食物方面先來個健康的藜麥田園沙津個沙津既青瓜，沙津菜同藜麥都十分新鮮爽脆，加上佢地酸酸甜甜的沙津醋，十分開胃再來忌廉南瓜湯加香草麵包：個湯忌廉味相當濃，而南瓜也磨得相幼滑，加上一陣陣香草香氣的麵包，用來送湯一流來多個香煎三文魚配軟殻蟹個三文魚煎得剛剛香，食落d三文魚油入口即溶軟殻蟹也炸得脆卜卜我的最愛既牛來了-T骨扒佢地既處理牛扒既手法好有高級餐廳既水準，牛扒外層焦糖化做得幾好味道十分甘香，內層仍保持鮮嫩既肉質食到飽飽，食個甜品至滿足，最後來一個心太軟一打開薄

平時諗唔到食乜就會出尖沙咀，貪夠多選擇。今次行過見到有間新開西餐廳，睇落環境唔錯於是就膽粗粗入去試下新野　3個人叫左1個前菜、餐湯、3個主菜同3個甜品，先上嘅係黑松露忌廉湯出街食飯飲湯最驚遇著啲餐廳呃錢用罐頭湯呢度嘅湯真材實料，飲落有細細粒嘅蘑菇粒，黑松露都落左好多，令到本身濃味嘅湯更加香，推薦我本身好鍾意食牛，叫芝士一口牛係因為主菜冇叫牛，又想過下鋪牛癮，點知有驚喜 ...一口牛係原塊鐵板上，仲有港女最愛嘅拉絲芝士 XD 驚喜位在於... 牛肉係和牛粒黎，咬落好多汁，芝士份量又多，每粒牛都可以捲滿芝士，$72食到呢種質素嘅牛加埋芝士真係好抵最先黎嘅主菜係燒雞，隻雞都幾大隻，味道不過不失，我覺得可以咸少少呢間餐廳嘅廚師除左西餐外，都有整Ｄ fusion菜，其中一樣係近年大熱嘅韓式炸雞年糕，配卡邦尼汁炸雞皮薄多汁$128大大碟呢間餐廳嘅年糕係特別大同特別粗，咬落煙煙韌韌撈埋D卡邦尼汁好好味終於黎到戲肉 - 龍蝦炒飯!! 呢道都係其中一道fusion菜，因為個炒飯係落埋泡菜落去炒，令到個飯食落更加惹味。我好鍾意食龍蝦，不過個人好懶唔鍾意剝殼，離遠見到碟飯以為又要動手，但原來餐廳已經好貼心地

寶勒巷酒吧臨立, 女方想食浪漫西餐, 男方又想睇足球？這裏絕對滿足晒雙方的要求早前跟友人經過見門外的餐牌已經想試, 今晚終於有機會, 餐廳店內環境陰暗有情調, 有散點, 有set dinner, set dinner 原來包晒沙律/湯/主菜/甜品及餐飲. 咁抵就食呢個晚餐, 選擇有意粉/飯/扒類及肉類, 百多元到三百多元不等先黎頭盤, 沙律細細份加上有機藜麥, 細細粒嘅口感, 配上油醋汁, 感覺清新開胃是日餐湯是薯仔忌廉湯, 餐湯入面會有d薯仔蓉, 跟一塊香草麵包, 麵包本身混入香草碎, 唔需要塗上牛油都夠香夠味,真想多來一塊 主菜同友人share, 先來一份在家中不會煮的墨汁意大利粉加入洋蔥碎後意粉增加口感, 每一條意大利粉均勻地沾上新鮮墨魚汁,黑炆炆, 味道不濃亦不腥, 意粉上擺放兩粒煎得香噴噴的帆立貝, 大大粒再來就是法國春雞, 春雞賣相吸引, 入面讓了泡菜年糕, 外表平平無奇, 先從中間開一刀陣陣的泡菜年糕香味立即湧出, 先講入面既泡菜會有少少辣, 年糕的表層全面被泡菜汁沾上, 非常入味有驚喜, 春雞肉質幼嫩, 唔會乾身, 雞肉內層有一層泡菜香味, 不用加調味料都夠晒味安格斯T

接完男朋友放工係尖沙咀食餐飯啱啱出咗糧所以食餐好嘅見到呢間餐廳格調幾好個環境好清幽雅致而且好多我鍾意食嘅菜式所以就入嚟食首先就點左個沙律清清腸胃呢個係藜麥大蝦沙律其實藜麥係有減肥作用腸胃易消化而且好有益個沙律菜仲配上咗麻醬啲菜新鮮而且味道又帶點和式風味之後就點左個小食係芝士一口牛上到枱嘅時候熱辣辣用啲牛肉粒捲着啲芝士食多汁嘅牛肉配上香濃嘅芝士入口有煙銀嘅感覺主菜就點左我最鍾意食嘅烤豬仔骨通常呢啲都會一係太多醬汁一係就太乾不過呢間餐廳調控得剛剛好燒完啲豬仔骨仲好多肉汁加上香口嘅燒烤醬令人齒頰留香薯條亦都係剛剛炸起非常香脆最後點可以唔點甜品呢男朋友就點左個清新啲嘅芒果拿破崙芒果嘅軟身質地再加上拿破崙嘅香脆鬆化混合埋忌廉一齊食多層嘅口感完全有衝擊味蕾嘅感覺我男朋友唔鍾意食甜嘅甜品都啱食我就揀咗心太軟熱辣辣嘅心太軟配上雪糕熱加凍嘅感覺太奇妙啦鍾意佢嘅心太軟有流心麵粉唔會太多整個晚餐都非常好食情侶來呢度慶祝就啱晒

幾個friend諗住喺尖沙咀行下街,食下飯,吹下水。行行下發現有間新開嘅餐廳裝修幾靚，餐牌幾正叫Cosmos嘅西餐廳! 我地係俾餐牌内呢個有40oz嘅烤美國斧頭扒吸引住，即嗌!斧頭扒—上台感覺有成塊羽球拍咁大，極有效果，D肉好嫩 好多肉汁 一d都唔靭，咬落去肉汁留到成口都係，唔肥唔瘦，正正的！今次幾位好友都算上上係食得之人,所以40安士都只係岩岩好夠，配埋芥辣，正 。仲有要提提嗰外面嗰層，一d都唔乾，好味！香煎海鱸魚伴帆立貝配香檳忌廉汁薯蓉好有口感 ,唔似出面嗰啲成pat野溝出黎咁,魚味好濃 !西班牙黑毛豬火腿田園沙律伴黑醋汁黑醋汁好開胃,再配黑毛豬火腿, 聞到都想食。Vodka grapefruit juice濃濃既西柚汁入面有淡淡既Vodka味好開胃.芒果奶凍，有粒粒的芒果肉，好香好滑，有香濃既奶味 總結:掙係件800g美國斧頭扒經已夠睇,無得輸。再加埋其他幾款有水準嘅菜式,值得try try. 讚

本來打算去試K11的道頓堀御好燒專門店，但實在太多人排隊，所以轉戰這間餐廳！ 第一次試，所以打算小試牛刀，選了A,B 餐。點餐後，店員送上是日沙律： 有機藜麥田園沙律 沙律份量比想像中多，而且沙律菜的款式豐富，有車厘茄，椰菜，生菜，蘿蔔，青瓜等。 每款菜都頗新鮮，配上自製醬汁，酸中帶少少辣，很開胃。 吃完沙律後，餐湯也隨之送上。餐湯是薯仔湯，看似普通，但味道卻出人意料地好！ 餐湯質感濃厚，有些薯仔粉粉的口感，而且入口有淡淡的蒜味，攪均忌廉一起喝更加順滑！ 伴湯的香草包烘得香脆，塗上牛油吃，味道尚可。 主菜：大啡菇黑松露忌廉飯 $128原隻大啡菇烤好後切片鋪在飯上，擺碟做得不錯。 味道上，大啡菇烤得外面有少少乾身，但內裏依然多汁，不錯。意大利飯口感偏軟身，但也不至於腍，依然有少少咬口。黑松露味不太突出，但因為與什菌一同煮熟，飯粒吸收了什菌的鮮味，加上忌廉的香滑，整體上還不錯。 另一主菜： 北海道帆立貝墨汁意粉 $148帆立貝用料普通而且煎得太熟，失去帆立貝的嫩滑口感。 意粉只有少許香味，而且質感偏腍不彈牙，整體只屬一般。最後還有甜品和餐飲，甜品是朱古力慕絲蛋糕，餐飲熱咖啡。 甜品整得

今日去尖沙咀返工，諗住食埋飯先返屋企。行過呢間餐廳見到一個好特別嘅招牌係地下，就俾佢吸引咗入去食晚飯啦一坐低朋友仲未到，親切又有禮貌嘅waitress 介紹咗我飲一杯perfect match mocktail. 係用grapefruit, cranberry juice，lemon juice 同埋汽水加埋一齊。第一啖飲落去好refreshing唔會太酸又唔會太甜剛剛好！鵝肝沙律配黑醋汁鵝肝煎到香噴噴，入口即溶，陪埋微酸嘅黑醋汁同埋麵包，成件事好匹配。烤西班牙黑毛豬可能因為係黑毛豬嘅關係，肉味十分濃郁，油分充足其實唔需要點醬汁已經好夠味。三文魚扒配大蝦忌廉汁由呢個角度影落去就覺得好似幅油畫咁，好有藝術氣質大蝦名副其實真係大大隻，燒得好香，仲有啲海水味。三文魚份量都好夠，兩個人食已經好足夠。薯蓉好香牛油味。最後因為覺得太飽所以淨係叫咗一份甜品。法式焦糖燉蛋一向都係我至愛蛋味十足，焦糖面範圍夠大。

今晚約了兩位朋友出來見個面食個飯但還未諗好在哪裡用餐, 唯一邊行邊決定走到寶勒巷看到一間新餐廳, 往內看見到燈光較暗, 氣氛不錯, 價錢亦可接受一坐下來, 店員先遞上水, 一飲之下原來是暖水, 很貼心機藜麥田園沙律沙律菜份量適中，每人一碟沙律菜新鮮爽口, 有青瓜亦混入了藜麥及小量黑醋, 感覺到很健康是日餐湯大蒜薯蓉湯薯蓉味慢慢啖出, 聞下去像糊仔大蒜味非常濃郁, 口感豐厚, 偶爾會吃有薯仔粒跟湯的麵包口感偏軟, 帶有香草味烤美國安格斯T骨牛扒 (14安士)濃郁牛味然後滲出黑椒味, 易咬開, 肉質鬆軟, 近筋位有嚼口配上燒汁令牛扒味道更出色配菜是已經混入忌廉的薯蓉, 好香滑法國春雞釀泡菜年糕燒春雞外皮脆, 雞脾肉很滑, 亦有雞味肉質爽實雞內釀有韓式辣醬年糕, 年糕煙靭, 甜甜辣辣的, 這道菜很特別北海道帆立貝墨汁扁意粉帆立貝鮮甜, 意粉內隱藏着爽口的洋蔥及雜菌扁意粉幼身, 軟硬適中餐飲 熱檸茶最後上的是跟餐甜品士多啤梨奶凍奶味濃郁, 口感軟滑配有士多啤梨果肉及果醬, 為奶凍增加甜味結帳去完洗手間後, 發現店員開了螢幕播放足球比賽原來這裡除了輕鬆食個晚餐, 還可以邊喝酒邊看球賽

經朋友推介搵到呢間新開既西餐廳, 地理位置好方便, 住咩區既朋友都遷就到店面唔算好大, 但唔太嘈, 三五知己黎傾下計都唔錯龍蝦湯通常都俾人煮到腥腥地, 或者係罐頭味, 不過佢煮得唔腥仲好creamy, 唔錯!超巨型大啡菇! 一切開就知佢超級juicy! 裏面有滿滿既蟹肉, 上面係拉絲芝士, 滿足到相機之餘, 個胃都好滿足! 最初覺得個combination怪怪地, 但因為太鍾意冬蔭公, 所以儘管試一試!覺得意外係兩樣野好夾, 感覺係食梗好creamy既冬蔭公, 口感特別, 酸辣味亦調得好惹味軟殼蟹亦炸得香脆, 加左椒鹽調味, 好邪惡一上枱見到咁厚切, 都有少少擔心佢會鞋或者被人用鬆肉粉乸過, 食落先信佢係真材實料! 切開望到仲keep到少少粉紅色, 煮得恰到好處同平時既tiramisu既造型唔同, 但相對上分量大勁多, 餅同cream既比較仍然keep到平均cream cheese好軟滑

係尖沙咀做完野諗住食埋晚餐，經過寶勒巷，見到有間新野就入去試下！餐廳有set dinner供應，但友人話散叫可試多d.食物選擇非常多，乜都想試，兩個人實在好難揀鵝肝沙律，鵝肝有兩塊，好足料配上醋可減輕油膩感煎三文魚扒伴大蝦配忌廉汁大蝦超正，好爽口烤西班牙黑毛豬肉質厚而嫩，個人認為不用點汁更原汁原味好彩主菜配上蔬菜，可減低我地狂食肉的罪惡感甜品係法式焦糖燉蛋又係份量十足，兩個人食都好飽了，表面焦糖好脆，但又不會太甜總括食物份量十足，用料不錯，店員又會主動更換餐具，值得一試

同好姊妹相聚，當然想揾個可以坐得又食得既地方！我地最中意周圍去試好餐廳，今次我地決定開發尖沙咀說實在，尖沙咀食物選擇確係好多，但要有特式同坐得舒服就唔係易揾，呢間新開既bar就滿足到我地喇呢到雖然叫做bar,但其實唔係得飲酒，因為食物選擇都好多！小食主菜甜品選擇算多，西餐食得厭，佢既西餐好多都混合左韓國菜甚至泰國菜既元素一口芝士牛$72朋友喜歡食牛，而我們仨又係芝士愛好者，所以叫左呢個前菜試試佢平時既芝士乜乜乜都係芝士鋪面拎去焗之類，但今次就竟然係芝士墊底，幾具新意，芝士唔係薄薄一層咁簡單，都幾厚身！！芝士頗香，而主角一口牛原來係和牛粒呢個價錢有十幾粒，份量慷慨牛肉粒口感較韌口，肉汁好多。和牛粒都有得拉絲黑松露野菌忌廉餐湯配餐包黑松露醬好似墨汁第一次見湯既黑松露都可以咁多朋友都讚呢個湯，野菌磨成幼粒混合於忌廉湯中，無論黑松露野菌同忌廉味道都不相伯仲，口感夠豐富有誠意既餐湯龍蝦海鮮湯同樣香濃雞肉卡邦尼地糕 $128我地平時好中意食韓國炸雞年糕果啲，估唔到今次揀間西餐廳，都會可以食到呢種韓國菜一次過就滿足到可以食炸雞同年糕粒呢個慾望炸雞粒十幾粒，都幾夠分，炸雞炸漿算好薄身，無脆身但雞肉有嚼