Cookingnana (好順景大廈)

营业中

休息中

「 Cooking nana 」 元朗主要做外賣既 漢堡有好多款式口味可以選擇約45分鐘送到😍🌸 2人套餐包括有2個漢堡 一份大薯條 一個意粉 2杯飲品🍔芝士手打漢堡餡料有芝士、蕃茄、生菜、手打牛肉等漢堡外層脆脆 ; 雖然牛肉比較瘦；芝士太少；但汁醬味道ok 可以接受🍟熔岩芝士蜜糖芥末薯條薯條份量好足；係粗薯條！！！送到黎仲係熱辣辣脆卜卜🤤🍜卡邦尼意粉食完個burger其實已經飽左～～不過個意粉份量十足；壓到實一實；食材豐富又多汁；（有煙肉、洋蔥、芝士同蘑菇等）香濃忌廉味好吸引；點都要試試啦🙌🏻

琴晚外賣叫咗佢嘅漢堡包試試，見到佢話手打牛肉，就試下佢咩料啦。首先講咗漢堡包先，芝士手打牛肉漢堡，主打梗係手打牛肉啦，但係食落完全冇特別，漢堡扒比較多筋，冇乜肉汁又煎唔香，咬落鞋身，唔好食再嚟佢個黑松露芝士薯條，可能外賣原因，黎到已冧晒，所有薯條黐埋一舊，一舊嘢咁唔知點食，中間有少少黑松露咁，唔推薦。最後嗰餐仲有塊雞扒，炸得幾好食嘅，尚算OK。建議大家想食手打牛肉漢堡，都係搵過第二間啦利申：我係外賣，堂食情況就唔知啦

收銀肥女人超級趕客，黑口黑面，見有客係門口都係繼續坐係度唔郁，叫佢仲要叫幾次，然後黑口黑面咁出嚟。遲早執笠都因為個女人，見門口有客想叫嘢食，叫佢又唔理人，痴線。其實唔係第一次，買過幾次，個女人態度都係一樣，態度極差👎🏻👎🏻👎🏻衛生環境差食物味道一般 每次味道都唔一樣 保持唔到上次叫個辣味香蒜雞肉炒意粉 覺得OK今次再叫 完全冇味 得個辣字 個底又勁多油真心差 要自己係屋企加調味 幾無謂不過重點真係個女人 好心老闆請過個啦

夜晚9:42落單咖喱雞飯，店員話等20分鐘，仲特登同廚房confirm咗次，20分鐘ok過咗28分鐘，10:10店員話唔夠雞，唔加我錢轉一半叉燒俾我（心諗即係仲未整？）到10:15再問店員仲要幾耐，佢話5分鐘，因為唔夠雞（which is 超過晒佢講嘅20分鐘之後先發現唔夠雞）等到10:25有客人嚟order咖喱雞飯，我已經等到好嬲，俾咗張飛佢叫佢食我個飯第一次等外賣可以等成9個字都未有，到我再買完另一間嘢食，離遠見到等我個飯嘅客人仲等緊，真係好癲！叫個咖喱雞飯要等成個鐘😡店員對答態度好好，不過好似無覺得我等超過咗20分鐘，勸大家大把時間又完全唔肚餓又想食飯先好幫襯

我以後除左真係好出名的小食漢堡店我都唔會幫襯呢啲小規模生意的漢堡店基本上呢啲規模的小店你都可以想像到餐廳的換食物炸油的速度肯定快唔過麥當勞kfc，係幫襯呢類型炸物小店的經驗當中很大部份炸出來的食物都有油溢味，呢間當然唔例外。見到呢間路邊漢堡望落價錢ok就叫左手打牛肉漢堡同薯條，食完之後無奈就開始喉嚨痛，飲左兩碗涼茶都搞唔掂，第日都係要生痱滋，呢啲小店又再次教訓到我唔好幫襯啲街邊無名氣的鋪頭。講翻食物，肉餅尚可但都唔太多汁，好似黑椒煎肉餅咁，薯條食落你唔覺，食食下就會好鬼熱氣。附近因為街道垃圾棄置問題個區都多污蠅，外賣店係無服務的，價錢普通。

呢間係元朗嘅小店，主要做外賣生意。漢堡包選擇多，因為客人可以自由配搭，豐儉由人。佢哋嘅手打牛肉漢堡有驚喜，即叫即做，非常有誠意。牛肉唔乾，咬落勁多肉汁，配上半溶嘅芝士，食落够晒滋味。另外配合新鮮爽脆生菜，令到漢堡嘅味道更加吸引。另一推介，香草蜜糖雞翼，好好食。皮脆，內裡嫩滑juicy，洋蔥圈夠脆，滋味小吃停不了。餐廳其他菜式亦做得不錯，如白酒蜆肉意粉亦是招牌菜之一，意粉爽口好食，滲出淡淡酒香。白酒配海鮮味道好夾，蜆肉份量適中。

嗌咗個外賣 明太子蟹肉意粉 好鹹，完全食唔到有蟹肉，淨係食到個咸字，唔建議嗌喺呢個意粉，另外嗰餐有個薯餅，薯餅OK嘅。嗌咗個外賣 明太子蟹肉意粉 好鹹，完全食唔到有蟹肉，淨係食到個咸字，唔建議嗌喺呢個意粉，另外嗰餐有個薯餅，薯餅OK嘅

味道：差過麥當勞，漢堡扒乾身無肉汁價錢：貴過麥當勞環境：外賣店但係擺哂檯凳出面坐，霸哂條街當係自己舖頭服務：門口女收銀態度極差，毫無反應甚至係晦氣態度總結：依個價錢，換嚟嘅係依個食物水準同服務態度，絕對唔會再幫襯依間嘢啲嘢食一向喺網上都係差評居多，疫情後成個品牌都執剩兩間，諗住元朗店一定有某啲方面做得好好，點知食物水準一樣係差，服務態度更差，唔明點解可以喺元朗有生存空間另外想講多一點，如果唔想serve人，就唔好擺哂啲檯櫈出去，做返好外賣嘅本份，下次經過再見到我就直接打去食環投訴

行入去落單 ，全程愛理不理，佢假設我幫襯過十次？落單全程一句說話都冇講過。找錢仲好笑，找回$16，佢有個$5跌咗落地，我話得$11，佢話可能跌左？！佢好唔情願俾番$5我。食物可以，service 9流。

平時黎呢度叫外賣或堂食，通常都係食佢地既burger，貪佢夠平味道又唔差。今日忽然想轉下口味，試佢地既意粉，叫左個卡邦尼意粉，估唔到，係好食的。意粉有咬感，唔會過軟，個汁都好味，有驚喜。下次再黎食野，除左食burger 外，可以有其他選擇。另外，今次仲叫左個地瓜丸，新鮮炸起，熱辣辣好食。😆

位於唔起眼的一條小巷🌟🌟🌟首次介紹下必食之選：1. 店舖秘製香烤原隻春雞🐔仲配左蘑菇醬- 醬針唔錯，而隻燒色雞仲係用蜜糖/麥芽糖製作，甜甜地好特別，亦好開胃- 不過略嫌少少過火，呢樣睇大家當晚彩數第二樣：2. 煙三文魚忌廉意粉🐟三文魚好香口，又有咬口，呢味唔錯，平平無奇～但都係唔及燒春雞特別😋極體黎講，算幾值得去既選擇👍🏻

今晚家人又再想食西餐，記得第一次幫襯Cooking Nana的西餐 (漢堡包就食過唔止一次)，我同家人都感到滿意，今日再試下水準是否保持。相隔2個月，估唔到我地竟然都係叫番同樣的食物家人的龍蝦汁蟹肉意粉夠入味，蟹肉都算新鮮，而且份量都算多，滿意。我的卡邦尼意粉夠香，意粉亦煮得夠乾身，火腿的份量亦唔少，好味！2款跟餐的雞翼，我同家人都較為鐘意檸檬黑椒，檸檬小小酸味，夏天夠晒開胃。而另一款奇津雞翼就較為普通。

今晚同家人想食burger, 就於外賣平台揀咗Cooking Nana。上次幫襯係6月。我地各自叫咗個一人餐，再加咗2個小食。雙層芝士手打牛肉蛋漢堡，牛肉都算juicy，而且咬落幾有牛的味道，唔會淡而無味，配菜豐富，家人的意見係好味！跟餐要咗迷你肉醬意粉及德國腸，兩樣都OK自家制蜜糖芥末醬炸雞堡 (雙層)，炸雞堡肉質唔會乾身，同蜜糖芥末十分配合，令我對炸雞堡漢堡的睇法有所改變，好味。配菜吉列魚柳及炸薯條，可能因為要等外賣員送來的關係，已經淋咗及唔係太熱，只係一般，同埋薯條的份量可以加多啲。香草蜜糖雞中翼，有5隻，味道OK鹽燒杏鮑菇，我同家人都認為好味，鹽燒唔會遮蓋杏鮑菇的香味。Cookingnana 整體食物美味, 我地會再幫襯。

今晚同家人繼續想食下西餐，所以於外賣平台揾到Pasteria, 後來寫食評先發覺原來Pasteria就係Cookingnana。同家人各叫咗一份“1人意粉 雞翼套餐“家人的龍蝦汁蟹肉意粉，龍蝦汁帶起咗道菜的味道，而蟹肉亦似乎係in-house人手準備，而且味道及份量亦滿意，美中不足係有啲蟹殼。而我叫的卡邦尼意粉，其實我呢幾日試過2間餐廳的卡邦尼，論食材，烹調的技巧，Pasteria明顯較為出色，其中一個重點係卡邦尼意粉應該係要較為乾身，而且夠香味。我地分別叫咗檸檬黑椒雞翼及奇津雞翼，跟餐每份係6隻，雖然有啲雞翼會較為細隻少少 (但又補番多一隻)，不過真係好好味。整體來講，雖然家人及我並唔係專業食家，不過如果以今日呢一餐，我地都認為食物美味，而且有驚喜！

雖然知道連登好多呢間嘢嘅負評，話漢堡包個包皮硬到死，但就近得呢間有炸雞而我真係好想食炸雞，所以就決定一試。叫左炸雞咖喱飯，炸雞有上臂同下臂，自己鍾意食冇汁嘅炸雞，以為炸雞同飯會分開兩個盒，但係原來係所有嘢裝係一個膠盒入面，炸雞皮全部都沾到汁、淋曬。咁唔緊要嘅，我第一次買唔知道唔可以怪佢。但係味道先係最大問題！首先，咖喱汁好結，唔係流質個種，隻色又好似米田共咁嘅顏色，仲要入面有玉米粒，大家知視覺衝擊幾大啦。。仲有個汁又鹹又辣，我平時食中辣米線都接受唔到佢呢種味道，鹹到我食好多淡飯都唔夠，最後真係頂唔順成個飯丟左。炸雞也十分普通，我覺得佢炸雞醃得唔夠好，入面啲肉其實冇乜味。總之一句，唔好去買個度嘅飯，我自己整都好食過佢，真係唔知道呢間餐廳點解仲可以生存落去😅