影片
以上资料只供参考，请与餐厅确认详情
「 Cooking nana 」 元朗主要做外卖既 汉堡有好多款式口味可以选择约45分钟送到😍🌸 2人套餐包括有2个汉堡 一份大薯条 一个意粉 2杯饮品🍔芝士手打汉堡馅料有芝士、蕃茄、生菜、手打牛肉等汉堡外层脆脆 ; 虽然牛肉比较瘦；芝士太少；但汁酱味道ok 可以接受🍟熔岩芝士蜜糖芥末薯条薯条份量好足；系粗薯条！！！送到黎仲系热辣辣脆卜卜🤤🍜卡邦尼意粉食完个burger其实已经饱左～～不过个意粉份量十足；压到实一实；食材丰富又多汁；（有烟肉、洋葱、芝士同蘑菇等）香浓忌廉味好吸引；点都要试试啦🙌🏻
继续阅读
琴晚外卖叫咗佢嘅汉堡包试试，见到佢话手打牛肉，就试下佢咩料啦。首先讲咗汉堡包先，芝士手打牛肉汉堡，主打梗系手打牛肉啦，但系食落完全冇特别，汉堡扒比较多筋，冇乜肉汁又煎唔香，咬落鞋身，唔好食再嚟佢个黑松露芝士薯条，可能外卖原因，黎到已冧晒，所有薯条黐埋一旧，一旧嘢咁唔知点食，中间有少少黑松露咁，唔推荐。最后𠮶餐仲有块鸡扒，炸得几好食嘅，尚算OK。建议大家想食手打牛肉汉堡，都系揾过第二间啦利申：我系外卖，堂食情况就唔知啦
继续阅读
收银肥女人超级赶客，黑口黑面，见有客系门口都系继续坐系度唔郁，叫佢仲要叫几次，然后黑口黑面咁出嚟。迟早执笠都因为个女人，见门口有客想叫嘢食，叫佢又唔理人，痴线。其实唔系第一次，买过几次，个女人态度都系一样，态度极差👎🏻👎🏻👎🏻卫生环境差食物味道一般 每次味道都唔一样 保持唔到上次叫个辣味香蒜鸡肉炒意粉 觉得OK今次再叫 完全冇味 得个辣字 个底又劲多油真心差 要自己系屋企加调味 几无谓不过重点真系个女人 好心老板请过个啦
继续阅读
夜晚9:42落单咖喱鸡饭，店员话等20分钟，仲特登同厨房confirm咗次，20分钟ok过咗28分钟，10:10店员话唔够鸡，唔加我钱转一半叉烧俾我（心谂即系仲未整？）到10:15再问店员仲要几耐，佢话5分钟，因为唔够鸡（which is 超过晒佢讲嘅20分钟之后先发现唔够鸡）等到10:25有客人嚟order咖喱鸡饭，我已经等到好嬲，俾咗张飞佢叫佢食我个饭第一次等外卖可以等成9个字都未有，到我再买完另一间嘢食，离远见到等我个饭嘅客人仲等紧，真系好癫！叫个咖喱鸡饭要等成个钟😡店员对答态度好好，不过好似无觉得我等超过咗20分钟，劝大家大把时间又完全唔肚饿又想食饭先好帮衬
继续阅读
我以后除左真系好出名的小食汉堡店我都唔会帮衬呢啲小规模生意的汉堡店基本上呢啲规模的小店你都可以想像到餐厅的换食物炸油的速度肯定快唔过麦当劳kfc，系帮衬呢类型炸物小店的经验当中很大部份炸出来的食物都有油溢味，呢间当然唔例外。见到呢间路边汉堡望落价钱ok就叫左手打牛肉汉堡同薯条，食完之后无奈就开始喉咙痛，饮左两碗凉茶都搞唔掂，第日都系要生痱滋，呢啲小店又再次教训到我唔好帮衬啲街边无名气的铺头。讲翻食物，肉饼尚可但都唔太多汁，好似黑椒煎肉饼咁，薯条食落你唔觉，食食下就会好鬼热气。附近因为街道垃圾弃置问题个区都多污蝇，外卖店系无服务的，价钱普通。
继续阅读
您可能会有兴趣的...