Coffever (已結業)

呢間野我由上環到搬舖…到搬左舖一段時間…一路都話想試…一路都未有機會…機會終於黎啦。 咁啱路過銅鑼灣…突然醒起coffever就直接上去睇下有冇位…好彩行快一步…可以直入舖頭唔係好大…不過裝修幾骨子同幾舒服。 坐低左…店員就奉上餐牌同水…。 選擇困難症發作…見之前好多人都點牛同豬…死跟…頭盤點左雞胸肉同蜆…雞肉好嫩一D都唔鞋…蜆好鮮甜…我就要左個西蘭花湯…好足料😍😍主菜黎黎…封門柳…打邊爐就食得多…咁樣煮法就第一次…店長哥哥好詳細講解釋選擇封門柳因為佢有肉味之餘又好腍身…又唔肥…加埋佢地既阿根庭醬汁好refreshing又唔會搶走左d牛肉味…而黑毛豬鞍就配左呢個芥末忌廉…呢個汁又幾好味…同埋side dish係蕃薯蓉…好健康…店長哥哥都有講解豬肉因為用左慢煮方法所以會帶d粉紅色…唔使驚唔熟😅😅。 最後甜品就有伯爵茶奶凍配雪糕同加錢要左Cheese cake. 兩樣都幾好味呢個價錢有呢個食物水準同咁有heart既服務…絕對非常抵食

銅鑼灣咖啡店-咖啡熱Coffever呢間餐廳嘅招牌係慢煮菜式，有慢煮雞胸/牛柳/手撕煙燻豬肩肉..推介菜式48小時慢煮手撕煙燻豬肩肉意粉⭐️⭐️⭐️⭐️慢煮安格斯牛腹肉牛扒三文治⭐️⭐️⭐️⭐️⭐️推薦指數：👍🏻👍🏻👍🏻👍🏻👍🏻-慢煮手法用低溫烹調，所以肉質比平時更加軟腍-豬肩肉意粉食落有驚喜，濃郁嘅煙燻味配上半流心蛋黃，味道豐富多層次-牛扒三文治好特別，包烘得好脆，牛腹肉部位彈牙爽滑而有嚼勁，配以芥末醬，十分開胃，啱曬夏天-店員服務質素好，有禮貌，入座前提示要洗手(有洗手間提供)-西蘭花餐廳飲落清清地，沒經太多調味，食出食物原味感覺-店內牆壁貼有文宣poster人均:$120地址: 銅鑼灣富明街2-6號寶明大廈3樓C室黃店原因(from 香港人米豬連指南) ：1. 9/6、12/6、5/8、2/9、11-13/11 罷市2. 多次表態支持抗爭運動3. 16/6、 18/8、 15/9 參與遊行4. 多次遊行支援手足休息 5. admin一手fact checked為真黃，支援手足香港人米豬連指南link：https://www.google.com/maps/d/u/0/viewer?mid=1y44

*溫馨小提示：去過兩次Coffever都有book位，一次平日夜晚，一次星期六下晝，都幾多人架，唔想排隊最好訂左先！小店位置唔係太易搵，不過都係Times隔離所以都方便既。一心黎呢到試招牌慢煮牛三文治，見到份量係6oz（即係平時晚餐既一半），諗住做午餐剛好，點知一黎成個三文治大過塊面！食極都食唔哂🤣份量大之外牛肉本身都煮得好好，冧得黎又有牛味，加埋三文治底有炒過既洋葱，成個包就唔會話太乾，好食推薦～門口亦有一大幅連儂牆，店員態度超好，極有禮貌，晚市仲會同你介紹主菜既煮法。好味既小黃店要多多支持💛

終於試到book mark左好耐嘅銅鑼灣樓上黃店Cafe。第一次walk in滿晒埸試唔到，今次決定book定枱！.今日叫咗個set lunch。餐湯係西蘭花忌廉湯，有一粒粒西蘭碎水係入邊，好足料，唔錯的，係略嫌唔夠杰。但係主角就一定係今次個意粉！.慢煮安格斯腹肉牛排意粉伴溫泉蛋🍝 (8.5/10)一上到枱擺盆已經好靚，啲牛肉仲紅卜卜咁。雖然油脂唔多，但係一啲都唔韌，而且好有牛味👅溫泉蛋亦都好流心，用叉整開，啲蛋黃汁流晒出嚟，令到成個意粉更creamy🤤而意粉雖然唔至於al dente，但係都唔會過淋，軟硬適中~.午市唔洗加一，係到坐咗兩個幾鐘都無人會催，而店員亦都好好人

五一黃金週長假期去銅鑼灣coffever吃個飯令我念念不忘的慢煮牛...慢煮安格斯腹肉牛扒三文治 6oz $118睇圖片已經覺得興奮一上菜更加震撼成份三文治比我的面要大6oz的hanger steak切起來起碼有10塊以上滿到差不多瀉出來想像不到晚市12oz會有多誇張牛肉夠淋沒有筋又juicy又有肉味法式Flat bread烘得香脆整體吃起來無論主角或配菜甚至醬汁都很出色我一定會再encore.48小時慢煮煙燻手撕豬溫泉蛋扁意粉$78好似也是店裡的招牌菜手撕豬醃得很入味份量足夠每一啖意粉都有餸意粉好吃但相對之下我較喜歡牛扒三文治

隨心想飲杯咖啡休息下，竟然有驚喜☺️·係menu上面見到2杯比較特別既飲品一杯係Earl Grey Yuenyeung，另一杯係Pink Salt Toffee Latte，所以揾左店員介紹下·最後叫左Pink Salt Toffee Latte 同 FlatWhite，Toffee Latte真係好驚喜！本身都驚會好甜，但係完全唔會，飲既時候甜甜地，又會飲到d鹽鹹鹹地，2個味又真係好夾🤤推介👍🏼FlatWhite 正常發揮😆·支持黃店👍🏼

我本來坐出菜位置隔離張枱，一開始已經問咗我介唔介意比較窄，有其他客人走左，侍應主動問我使唔使轉返入面坐得舒服啲，服務好貼心👍🏻 而且衛生意識好高，每枱客人走咗都即刻消毒枱凳。Dinner set有5個course，前菜湯主菜飲品同甜品。$300左右有五道菜唔算貴，間餐廳靜靜地，好適合舒舒服服享受下美食傾下計🌸鮮蜆鰹魚啫喱豆腐 - 2隻蜆好鮮甜飽滿！呢個配搭幾特別，味道都算和諧，最突出係鰹魚啫喱唔太鹹粟米濃湯 - 用新鮮粟米打，好濃郁粟米嘅甜味，調味適中，但成口粟米衣令口感麻麻哋慢煮安格斯封門柳伴薯蓉(⭐️⭐️⭐️⭐️⭐️絕對會為咗佢再黎) - 一嚟到見到係我最愛嘅medium rare就知塊肉好靚！侍應上碟時特別介紹呢道招牌菜嘅特色，出面好少見封門柳呢個部位，果然係超冧又香肉味，外層燒香左，加上慢煮保留晒啲肉汁，配阿根廷青醬好惹味，超級高質數嘅牛扒❤️❤️❤️ 食肉獸對有12oz表示滿意😆配菜都好認真，沙律菜新鮮，車厘茄爽脆爆汁，用左黑醋調味，仲加埋葵花子。薯蓉用新鮮薯仔整，特別鍾意保留左少少顆粒嘅口感，醬汁一食落去覺得有豆豉味，問咗侍應哥哥話係普通燒汁再加左香草，唔係我杯茶🤣加咗$10 要Latte

bookmark咗 @coffeverhk 大概有...超～級～耐～今次終於有機會同埋 @hungrypiggiess 嚟試吓喇！呢度嘅食物主打用慢煮嘅方式烹調，可以保留着肉汁嘅原味，但同時肉質又唔會變鞋！而呢度喺係一個比較舊少少嘅大廈入邊，我哋都用咗少少時間先搵到。但入邊環境裝修簡單，都算坐得幾舒服，又有窗口吧枱位，可以望到街境，幾chill😆.bookmarked @coffeverhk for a very very long time 😆 finally got the chance to try it! the most attractive part about this cafe is their slow cooked meats! super flavourful but also making sure its super super tender 😋 this place is a bit hard to find, the decor is pretty simple as well 👍 definitely a decent place to catch up

呢間樓上Cafe主打以慢煮既方式烹調，一來可鎖住肉汁保住原味，二來肉質會更柔嫩。慢煮安格斯封門柳扁意粉伴溫泉蛋 $118牛柳份量好多，牛味好濃郁，嫩滑無渣，果然用慢煮出黎既係唔同啲，好好食！意粉有好香濃蒜味，撈埋日本產既温泉蛋一齊食更香滑，味道調配得岩岩好。餐湯係西蘭花香草濃湯，入口creamy好飲。明太子忌廉蝦肉意粉 $78蝦好大隻彈牙，意粉有好香濃既明太子同忌廉味，味道偏甜，比平時食開既明太子意粉更好食。點餐同上菜時店員都十分客氣有禮貌。

今日係第二次食 食物質素都係咁正 都係令人有開心嘅感覺weekend brunch menu有慢煮牛三文治 係我嘅最愛之選跟餐個粟米湯好rich 如果可以加幾粒冇打爛嘅粟米粒再增加口感 加上可以大杯啲就perfect第一次食見到牛個樣有少少raw咁 但其實slow cook係咁嘅 所以唔洗驚訝 同埋我係食唔到血腥味 唔似煎牛啲血水滴滴因為煮法唔同 所以本身怕好raw嘅人可以試吓打破心理關口 give it a try牛肉彈牙 又因為冇筋所以有少少入口即溶嘅感覺 好好食 味道又調得好 仲要數量足夠啖啖肉 我食到最後係菜包肉lol個包好脆 但唔係脆或乾到會親口個款 又容易切 唔韌自己制mustard(?)好夾洋蔥 caramelized得好好！！

💛 уєℓℓσω ѕнσρ 私心推介朋友介紹位於銅鑼灣既黃店cafe ᴇɴᴠɪʀᴏɴᴍᴇɴᴛ: 👍👍👍👍環境寧靜，有一張長bar 枱可以望到街境，岩哂情侶或者朋友上去傾計或者一個人靜下都你個唔錯既選擇sᴇʀᴠɪᴄᴇs：👍👍👍👍👍第一次去到食晚餐，店員每上一到菜都會細心介紹食法和材料，態度良好ғᴏᴏᴅ：👍👍👍👍👍食物質素好好 ，好欣賞個慢煮安格斯腹肉牛排伴薯蓉，牛排肉質夠嫩，好juicy 令人想一啖接一淡咁食。最後set dinner 加錢升級左杯焦糖岩鹽咖啡作為終結，杯咖啡令我一試難忘😍，又咸又甜既感動好特別，係perfect match

出開銅鑼灣，隨便的找了呢間咖啡店試！初初以為是隔離貓咖啡店，但不是。點了個漢堡包配沙律和兩杯咖啡，一杯Flat white,一杯salt latte(唔記得全名，哈哈)幾特別的一杯咖啡，上面糖醬甜甜地咸咸地，好有趣，不過飲到尾就好咸！另外個漢堡包口感不錯，加左啲醬係包底，甜甜地！

因為呢個牛排真心太好食🥺🥺所以要打係標題！我係香港食過印象比較深刻既牛排除左la vache 就係呢間！！🥺仲要係黃店cafe😍冇藉口唔幫襯-慢煮安格斯腹肉牛排🥩伴薯蓉 $268/set (另外包餐湯+慢煮雞胸沙律+一杯咖啡或茶+一個甜品）晚市呢講呢個價錢包咁多野其實都幾抵🤔🤔出邊一間cafe飲一杯咖啡都講緊40幾蚊啦！牛排食得出應該冇點加工醃過味 淨係靠撒啲鹽粒同青醬吊味😚但已經好香牛味同肉質好淋🤤🤤雖然我麻麻地薯蓉個汁 酸酸地😚但食到個牛扒已經夠哂數！-48小時慢煮煙燻手撕豬溫泉蛋扁意粉 $102流心蛋撈意粉🤪手撕豬好淋都幾好食☺️碎果仁青醬扁意粉伴烤雜菜 $92青醬好香香草味😚😚仲有我鐘意既果仁 幾有口感❤️

午餐 特意從九龍過來試吓，冇失望慢煮牛和雞：牛肉6-7成又冇血水雞肉好爽，唔會又乾又渣咖啡又女咖啡師拉：天使及心心，比有Hand drip。之前打電話去，店員有禮貌接聽，有好印象，進入前有提示先洗手，都有洗手液提供，店員亦禮貌招待。

疫症期間唔敢周街行 但仍然想見朋友撐黃店💛一整個下晝想係銅鑼灣坐下chill下 蒲cafe的確係唔錯既選擇☕️舖頭唔算大 枱與枱之間唔算好大空間 但可以接受的星期六嘅下晝 座上客唔少👏🏻應該最好係打定個電話留個位先嘻嘻大家都要繼續用力支持喔💛Weekend Brunch 餐牌 價錢合宜👌🏻先上飲品 一杯係Latte Oat Milk 一杯係Iced Americano☝🏻叫左個All day breakfast 好味道最出色一定係牛角包🥐 夠晒脆另外個炒蛋都好出色 好多蛋汁 落鹽份量剛剛好👏🏻仲有雞肉係慢煮雞胸 雞上醃料好食 而且唔會太鞋太乾😋明太子蝦肉意粉我偷食左朋友一啖朋友話份量好夠 蝦亦新鮮 明太子撈左落意粉好味道👍🏻補返上次黎食下午茶試過既伯爵茶奶凍🍮Earl grey味好夠 再加雪糕涼浸浸 很不錯喔😋-今次仲未試到佢地最出名既慢煮安格斯腹肉牛扒I WILL BE BACK 😭😍-仲有！所有客人離枱後店員即刻用消毒液清潔枱櫈良心店舖超抵讚👍🏻👍🏻👍🏻