Coffee Talks (已結業)

物超所值豪華早餐， 星期四放假想搵間無伏既餐廳食個豐富早餐！ 諗起旺角附近呢間cafe 成日爆晒場 ！ 應該伏極有限！ 一於去試下 ！ 152 蚊一個早餐唔算得係平 ！ 但係難得放假又想糊塗一下！ 決心要試一試呢個 新 歐陸風情豪華早餐 ！ 等候時間合理！ 出餐都好快同埋見到店員服務唔錯 ！ 個早餐出到來我當場有嘩一聲既感覺！ 傻的嗎 ？ 甘鬼大碟！ 睇落相當豐富！ 有牛角包， 煙三文魚，焗豆， 什菇，香腸，煙肉， 薯角， 北海道牛乳煮既滑蛋碗黑松露同埋時令水果！ 鍾意佢將哈密瓜串上Parma ham! 賣相絕對係 100 分 ！ 試落去更加明白佢點解賣到呢個價錢！ 每一款食物都係熱烘烘的 ！ 唔似得有啲餐廳既早餐出到來凍晒 ！ 食得出每一款食物都係中上質素！ 絕對唔伏！ 難怪呢間cafe 成日都爆！ 原來係有原因既 ！ 睇睇佢既餐牌應有盡有！ 意粉意大利飯pizza burger ! 下次要再來試下其他野 ！ 專業推介比鍾無食英式早餐既朋友！ 無伏無伏無伏

#旺角美食 #小蓮星呑食旺角🔻 Coffee Talks旺角洗衣街167-175A號嘉德大廈地下2號舖/🧃白葡萄酒慢煮蒜香大蜆意粉 $148果然係慢煮，都等咗一陣，不過都值得，因為啲蜆好多好大隻，可能有30隻，酒香更加提鮮，同蒜香意粉好夾。/🧃香煎雞扒鮮果沙律 $88鮮果種類好多，車厘子、蜜桃、士多啤梨，蔬菜新鮮，仲有橄欖，唔會齋食菜咁寡。/🧃香辣雞翼 +$34呢個係跟餐優惠，原先得三隻，但係因為今日雞翼比較細隻，所以俾咗四隻我哋，好均真。熱辣辣，夠辣夠脆口，入面肉嫩多汁，正。/🧃茉莉花綠茶 $48想飲啲清啲嘅嘢，所以就叫咗茉莉花綠茶，的確解膩，仲有得Free refill，抵！/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography #hkig

放假出左旺角行街，行足全日勁攰，好友貼心BOOK左呢間Coffee Talks食晚餐，環境寬敞舒適，比人感覺好悠閒。黑松露雜菌意粉菇菌香氣濃郁好鮮甜，意粉炒得乾身夠哂彈牙，珍貴黑松露香氣撲鼻，簡單健康又惹味，正。特級牛肉漢堡配炸薯條厚切漢堡肉味濃郁，咬落肉汁滿瀉，配料豐富，有齊蕃茄、煙肉、生菜、芝士等，漢堡包微微烘過口感香脆又鬆軟。薯條炸至金黃色，外酥內脆，口感一流。惠顧主菜可享加配小食優惠，價錢相宜都幾抵。柚子雞翼一碟三隻份量剛好，柚子味酸酸甜甜好開胃，雞翼鮮嫩又多汁。特色蛋糕是日精選為焦糖芝士蛋糕，口感細滑Creamy，芝士味道相當香濃，甜而不膩，唔錯。

是日同朋友食飯見到哩間咖啡說，決定去食哩間入到去，職員也貼心地介紹食物我同朋友點左個小食拼盤，鯷魚蒜片蟹肉意粉飲品點左個凍的水果茶，熬的維也納咖啡甜品點左黑糖水果伯爵窩夫水果茶朋友的水果茶都好足料，透心涼的感覺熱維也納咖啡，好特別的咖啡，上層系cream下面系咖啡，小食拼盤薯條熱好脆口，雞翼好夠味，炸魚條真的啖啖肉，三文魚沙律，好多野食鯷魚蒜片蟹肉意粉哩個意粉真的好惹味，意粉爽口，蟹肉好味黑糖水果伯爵窩哩個甜品真系好好食，伯爵窩夫真系好少有得食，加埋球雪榚真的好正哩間咖啡店食物真的好好食！

🍝 香炸蒜片鯷魚蟹肉意粉 $148🍕生油果煙三文魚薄餅 $158nice place to chill in holiday with your honey, friends,  or family

旺角東coffee shop 推介唔細心啲留意都留意唔到依間小店呀😇一入到黎好似去左世外桃源甘🌿好岩女仔黎傾蜜計😍.🍝 香炸蒜片鯷魚蟹肉意粉 $148依個意粉啲蟹肉都唔少，最起碼係食到同睇到😌我今日係第一次食鯷魚😂係罐頭魚🤪不過未試過既你都可以試下，會偏鹹少少🤏意粉都夾既😌.🍕生油果煙三文魚薄餅 $158見到人氣推介‼️所以就叫左佢黎試下🤪原先以為牛油果🥑係醬黎🤣完成估唔到係一片片既形式😏夾住煙三文魚一齊食，牛油果都唔會話好難入口，都係cover 左牛油果原來先味😌個薄餅餅底有啲似餅乾🍪皮既應覺😍每一份pizza都一定會有一片牛油果🥑煙三文魚仲同埋可以拉絲既芝士🤗

鬧市中想找個寧靜咖啡店不容易，這裡正正有依間，新世紀廣場一落橋就見，交通便利。而且餐廳精緻環境舒適寧靜，約佳人共膳絕不失禮。美食好味價錢合理，慢慢食聊聊天都唔錯。牛油果雙層炸魚柳漢堡配炸薯條 $148漢堡包面層淋淋地，有牛油果醬、煙肉、芝士、兩塊炸魚柳、蕃茄和生菜配料甚多，叠到好高身，以竹籤穩固，暴力點一啖咬得晒的，口感味道豐富。碟旁有堆香脆粗薯條和新鮮沙律菜，食完肚子好滿足。帕爾馬火腿黑松露忌廉汁意大利飯 $158賣相看來簡單但非常美味，意大利飯好creamy好入味，菇菌味道芳香，加埋帕爾馬火腿鹹香，寫文都要回味一番好味好味，飯中有菇粒洋蔥粒增加口感不少，水準唔錯。木糠布甸 $68賣相唔錯，餅乾末細緻份量有點多，慕斯般的軟滑口感。

星期五約咗個好姊妹一齊放假，相約一齊去食下野，想搵個靜靜地嘅地方傾吓計太子旺角一帶有好多小型嘅餐廳，我哋今次經過見到這間在旺角洗衣街嘅Coffee Talk，門面都幾光猛，望入舖頭都好舒服所以就揀咗呢間啦坐低嘅時候啱啱好2:10pm啱啱好仲可點lunch set, 又或者2:30就已經有Tea set! 一開始我哋就點左個人氣推介嘅香炸蒜片鯷魚蟹肉意粉蟹肉同提魚份量都OK，加上檸檬汁配搭都清新同埋唔腥，意粉嘅質感較挺身好有質感 ! 午餐仲送咗個沙律，沙律菜新鮮又爽口，醒神開胃另外加少少錢叫了杯咖啡控必試的冰凍維也納咖啡！入口先感受到面層打著細滑帶甜的泡，然後是香濃的咖啡味，餘韻在口腔久久不散跟手又再點一個下午茶必食嘅脆炸魚柳配薯條+ 冰凍意大利泡沫咖啡！雖然不是薯角，但薯條炸得外脆內軟，炸魚柳細細條，咬落酥脆Juice冷櫃內還放滿很多甜品，賣相很吸引店員都好細心，我哋兩個傾偈傾咗三個鐘，都有為我哋加水！係一個慢活嘅節奏，一個休閒嘅環境，再加上一杯靚嘅咖啡，好好享受生活真係太正啦

**Coffee Talks-旺角店**同老公行完街搵個地方歇下食個 casual dinner漫無目的咁入左黎,人流唔多雖然無咩打卡位,但SOFA櫈坐得好舒服..MENU選擇亦算多.我地就要左一個PASTA,同一個BURGER SHARE風乾火腿黑松露忌廉汁闊條麵HKD158有幾片HAM,忌廉汁充滿住TRUFFLE味,可惜差D鹽好多廚師都好似有個通病唔敢落鹽? 因為試過好幾間餐廳都有同樣情況如果多幾粒鹽效果已經差好遠闊條麵質地剛好! 忌廉汁都好足夠牛油果雙層炸魚柳漢堡配炸薯條 HKD148呢個MIX & MATCH幾好,少左食肉漢堡既油膩感就算唔鐘意牛油果既我,都忍唔住食左半份酥皮海鮮湯 HKD38不過不失

在洗衣街Coffee talk坐得舒服，位與位之間都隔得有空間！聽著流行曲飲杯凍飲，在這大熱天時！非常chill.樓底高空間感夠大，特別正！凍薄荷朱古力，朱古力棒， 棉花糖，white cream, 陣陣既薄荷朱古力香滲出，唔會太甜，幾好飲！賣相夠靚仔，味道都幾出色。芝士四重奏，分別有cheddar,fetta, morzarala, parmesan cheese, 薄既質地 pizza夠香脆，即叫即整，咁多款既芝士帶出唔同口感。味道更香濃！餅底香脆，整得好食！白葡萄酒慢煮蒜香大蜆意粉，蒜香味十足！原殼蜆肉幾足料，幾帶鮮味，意粉質地好廷身有質感，味道好入味。這間本地小店值得支持。

旺角坐得舒服，野食好味嘅cafe👍🏻香炸蒜片鯷魚蟹肉意粉🍝（$148）✅意粉炒得乾身，質地有咬口✅加左好多香蒜炒，配埋鯷魚勁香✅蟹肉蟹子新鮮，個人中意加埋檸檬汁黑松露雜菌意粉🍝（$98）✅份量算大，有好多蘑菇✅好香黑松露味，食落唔太油茉莉花蜜桃🍑茶（$26）✅夏天飲好岩，蜜桃+jasmine又幾夾✅中意佢唔太甜香濃朱古力咖啡☕️（$38）巧多cream，但飲落偏甜，怕甜人士建議叫少甜.📍 Coffee Talks (旺角)#旺角 洗衣街167-175A號嘉德大廈地下2號舖#小丸子搵食記 #小丸子旺角-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoodstagram #hkfoodporn

話說之前朋友話旺角有間coffee shop 環境幾好，幾舒服，那麼今天就去試吓！原來是coffee talks,之前有經過已經想試👻 Coffee talks裝修簡潔帶點文清feel ， 店面近門口有一排bar 檯位置，感覺真係好舒服！香蒜炸片鯷魚蟹肉意粉，香蒜味很香濃，鯷魚鹹香味重，蟹肉份量不少，還有蟹籽，㰖菜一齊炒很惹味！意粉幼身但爽彈！沙沙蕃茄醬辣肉腸磨菇濶條麵，濶條麵不似一般的闊，比較幼身，但口感煙韌！醬汁份量足蕃茄味香濃，甜酸適中夠開胃👻餡料辣肉腸磨菇份量不少！維也納咖啡，比一般咖啡甜，面層鋪滿一層厚厚的忌廉，跟忌廉一起喝，口感順滑香濃👍🏻

呢間Cafe令我回想起我自己一個係首爾旅行時候嘅一間Cafe！個感覺好熟悉！🤍香炸蒜片提魚蟹肉意粉佢啲蒜片好多，成個意粉都充滿住蒜味，撈埋啲魚同蟹肉一齊食好夾！評分：4.223/5🤍經典意式肉醬千層麵好多地方都冇千層麵食，所以一見到千層麵好期待！佢個千層麵處理得幾好，層次幾分明，肉醬同意粉嘅比例都好均勻，但係我覺得甜咗少少！評分：4.124/5🤍維也納咖啡第一次飲維也納咖啡，甜同苦交織著，佢個咖啡本身係偏苦，但係佢打個層泡係好creamy甜甜地，個口感好豐富！評分：4.381/5

好耐冇去過旺角花墟，不過大熱天時吾行得耐，男朋友提意不如去吃 early dinner, 免得同人迫。花墟轉過彎，近近地我地揀左間 Cafe Coffee Talks cafe 巳開業一段頗長時間，我也曾經是常客，但近兩年Cafe以倍數增長，我亦慢慢將它遺忘了。今日再度光顧，都唔覺得裏邊有什麼大改變，非KOL 打咭點，但仍然可令客人感覺舒適、自在的地方。忌廉汁煙肉烤大啡菇沙律$82大量的沙律襯托烤香大啡菇，菇上蓋滿芝士、煙肉等，令味道十分豐富，啡菇 juicy可口， 是一道輕盈可口的前菜。特級牛肉漢堡配薯條$158份量十足，burger 肯定令食肉獸，層層疊疊，有青瓜、炸煙肉、蕃茄、牛肉漢堡扒、生菜芝士，男朋友話一口都咬唔落，所以要切開嚟食。一啖咬落去牛肉充滿肉汁，加埋爽口嘅生菜、甜美蕃茄、合格。但薯條就燶咗小小。見到枱上有promotion ，凡惠顧主菜可用特價享用小食精選。「柚子雞翼」只須加$34 一碟三隻，鷄翼吾算十分大隻但肥嘟嘟，柚子甜酸度突出，又醒胃又減膩。一壼「水果茶」 $54夠兩人輕嚐，喝前要先攪，令甜度更均勻，熱情果、橙等香味突出，小小甜但不會太酸。每人消費百零蚊，坐得

今日嚟到旺角一間 cafe 食晚飯 , 因為網上見到食物賣相吸引 , 而且地方舒服 , 好啱苦悶嘅星期一黎呢度食個輕鬆嘅晚飯 ! 食店裝修以木系為主 , 感覺好舒服 😌餐牌 :龍蝦湯海鮮意大利飯 ($168)餐牌寫住係人氣之選 , 橙橙的 , 好吸睛 🤩 海鮮好足料 , 有帶子 , 蝦, 蟹肉 , 蜆肉 , 魷魚 , 蟹子 , 每款海鮮都冇煮過龍 , 意大利飯口感同樣好 🤤 , 龍蝦汁唔會過份濃味 , 但又有鮮味 , 成個飯都好好食 ! 推介 !! 👍牛油果雙層炸魚柳漢堡配薯條 ($148)第 1 層係牛油果蓉 ~~ 漢堡仲有煙肉 , 芝士 , 同埋主角雙層炸魚柳 (多舊魚🤣) , 蕃茄 , 生菜 , 好厚身好味 ! 美中不足係麵包皮唔脆 ~~ 配菜 1 d 都唔頹 , 有沙律同薯條 ! 沙律菜新鮮 , 薯條炸得好 ! 😋榛子朱古力 (跟餐 +$38)拉花好精緻好靚呀 , 係咪一隻天鵝 🦢 ?! 🤪 榛子味道明顯 , 又唔會太甜 , 呢杯唔錯 !整體嚟講 , 食物絕對令人留下印象 , 想再過嚟食嘢 , 而且飲品選擇豐富 , 除咗朱古力 / 咖啡 , 仲有花茶 , 沙冰 , 梳打特飲 !