Coffee Art

营业中

休息中

All day breakfast 不錯，女侍應態度很好，很親切，價錢中等，環境小小熱 ，野食味道ok,會再泥，見到龍蝦包好似幾好食。謝謝。。。。。。。。。。。。。。。。！

上瑜伽課前的半小時空檔，筆者喜歡到東廣場的COFFEE ART喝杯咖啡，店舖位置不大但放了一大張長桌，一人去到和他人併桌也不尷尬。FLAT WHITE (9/10): 觀塘區好喝的咖啡有兩間，COFFEE ART是其一，奶泡不會過厚，咖啡香濃，拉花也中規中矩，配上長木桌、水泥色的地板及周遭的乾花擺設，整體感覺不錯。

🎐自從可愛的big mac 面世，熊妹見親莎莉就連埋mac mac三為一體👩‍👩‍👧，歡迎新成員。👏🏻👏🏻📌少數服從多數，每次見面當然熊妹過去觀塘方便莎莉同mac mac喇。📌觀塘美食多就街知巷聞喇，東廣場就係其中一個美食熱門地喇。📌三為一體都未食晏奏，就揀左一間咖啡小店《Coffee Art》坐下chill下。📌嘩，收銀處💰擺放左好多魔人布歐看門口坐陣咁，好得意喎，睇黎店主應該係忠實粉絲喇。📌小店地方唔算太大，但都幾寬敞，有幾張梳化椅，同多人長枱，應該都容納到十幾廿人的。📌大路咖啡店應有的小食🥡、意粉🍝、沙律🥗、all day breakfast🍱、三明治🥪等等。Deluxe All Day Breakfast，$78📌其實熊妹一心黎食all day breakfast，好似幾出名。有齊牛奶炒滑蛋，煙三文魚，英式香草肉腸，香草雜菌，芝麻醬雜菜沙律同埋多士。多士可選蜜糖🍯或者綠茶🍵兩款口味，綠茶控熊妹當然二話不說選擇綠茶多士喇。牛奶🥛炒蛋都幾滑，不過蛋味或者牛奶味唔算出。煙三文魚有一大片，份量唔算多，味道正常，質感無渣。香草腸有兩條，有黑椒成份，辣辣地幾惹味。雜菌份量都多，有炒香味。沙

新黎新報到，想試下觀塘食鋪。食之前仲有影下張單，黎到個賣相影唔落手。米型意粉完全係個伏....🤢口感食落口唔似飯，完全唔係個一回事。個汁又唔係好味到蓋過口感差，諗住叫個最貴既有保證，食唔落去就走左。專心做意粉算吧喇，個綠茶吐司，又唔偏台式 又唔係日式，都唔知道自己食緊乜入肚。有心進步就做好啲，做到正常以上已經很好。好少食到寫食評俾人，都好少食剩一半。雖然浪費左食物，但真係迫唔到自己食完sorry.

好難得會去觀塘，Lunch就約左係個邊做野既朋友一齊食飯。最後揀左coffee art 呢間cafe。呢到既做法係有d似半自助形式，要先比錢再上食物serve。今次試左佢既lunch set, 有一個前菜，可以要沙律或者綠茶醬多士。一個main dishes 加一杯野飲。我同個frd都揀左溫泉蛋煙肉意粉，賣相都唔錯既。味道方面都ok，同出面一般既cafe差唔多。但綠茶多士有少少失望，烘得唔夠脆。可能位於商場，lunch都好多人等位，呢到位置唔算多，不過比其他周圍餐廳環境好少少，唔洗坐鋪頭外邊，但價錢唔平，性價比一般啦。

餐廳環境比較昏暗 因為佢係開放式嘅餐廳 所以都有少少嘈雜 😆點食物要自己出去落單先鍾意咖啡嘅我 當然要點番杯latte☕️❤️咖啡都算OK嘅 唔算好好亦都唔太差 拉花都算靚😄不過主食既味道就比較普通 有啲似屋企煮出嚟嘅味道😂好普通嘅蕃茄意粉 個蜆肉意粉比番茄意粉好啲 意粉亦都唔會太淋（個人鍾意意粉比較小小硬身）蜆肉亦都足夠 佢個多士醬係之前韓國好出名嘅抹茶醬 不過唔覺好特別雖然食物都係一般般 但整體覺得都算滿意嘅！

Sunday, 山長水遠去觀塘,  因為係Sunday, 想chill d 就搵jor cafe 坐下, 最後落定呢間, 原來呢間比較近MTR， 而佢係商場地下,因為地下果層 基本都係餐廳, 格局比較開陽, 有小小嘈.呢個係揀好之後去前台畀錢.之後揀jor 兩個all day breakfast, 同一個一份煙三文魚義粉.速度都比較快,  而且個賣相都比較豐富, all day breakfast, 有沙律 煙三文魚 香菇 同炒蛋, 塊麵包都可以揀 抹茶醬或者蜂蜜醬. 個蜂蜜醬 個人覺得ok, 小甜.之後就係個白汁煙三文魚pasta配巴拿馬火腿, 味道分數都有70, 而且都配埋個麵包, 呢個就揀jor 韓國之前好hit 個抹茶醬. 飲品方面, 覺得咖啡都唔差, 嗌jor 杯latte , 咖啡個奶打得唔錯, 仲拉埋花！成個心情靚曬！

All day breakfast - 有炒蛋腸仔菇沙律多士三文魚。 炒蛋有點老；腸子比起平時的all day breakfast 細好多；但好彩沙律菜好新鮮。好多菇；仲有三文魚。另外最鍾意佢個多士，有蜜糖味同綠茶味，揀左綠茶味，但唔夠脆。

今次係同男朋友逛下逛下見到呢間，男朋友之前試過一次話印象中可以，咁我地又肚餓，所以就入去撐枱腳啦～坐低左之後我地一人叫左一個主菜，份量夠一個女仔食，男仔可能唔夠飽，所以我地都叫左兩個小食，芝士焗西蘭花、黑松露醫配薯條。其實咁樣都食到飽飽地，但我都仲想食多個甜品，所以最後都有叫，仲要叫左個聽落都飽飽地既鐵板焦糖香蕉布朗尼呢個甜品一上枱就要即刻動手，否則鐵板熱力一定好快既溶雪糕又變焦brownie.係好緊張之際，擺左一啖落口，發現真係冇叫錯！！！幾飽都不食，因為入口甜而不膩，雪糕同香蕉同brownie融合左之後個感覺好full同好rich，最後我地兩個仲爭住食lol 所以全晚最推介係呢個甜品！

一行十人到店，員工非常有禮貌的叫我們稍等。意粉美味，尤其喜歡米形意粉，因很多店鋪煮的時候都未能拿捏得到它的軟硬，這次覺得軟硬適中，非常贊泰式蝦球，蝦咬落淋淋的，不爽口甜品中，我喜歡柚子芝士蛋糕，味道夠清新Latte 太甜，不夠濃。柚子雞翼，外脆，內多肉汁，炸得很好。

Coffee Art店舖不大，裝潢帶點工業風。價錢由$48~$108不等，價錢經濟實惠。Deluxe  All  Day  Breakfast ($78)以$78便有個滿滿的全日早餐；裡頭有兩塊蜜糖多士、炒蛋、英式脆肉腸，煙三文魚、車厘茄，炒雜菌及雜菜沙律，真的很划算！份量足之餘，而且頗美味！蒜香蜆肉(微辣)意大利粉 ($65)意粉軟硬度適中，蜆肉的份量也很多，微微的辣度很醒胃，味道相當不錯！柚子雞翼 (3隻) 跟餐可以以優惠價$20有3隻柚子雞翼。雞翼外層香脆，味道酸酸甜甜， 十分開胃。海鹽焦糖拿鐵跟餐包一杯熱飲，也可以半價選擇其他飲品! 一場來到，當然要品嚐這裡的咖啡。綿厚的奶泡，入口幼滑，但焦糖味略嫌不夠濃郁。

都有段時間無黎觀塘了，而東廣場內有好多不同既食店, 從前黎過一次覺得又平又抵食，所以星期日又再黎一次...點知食左白果，今次咁岩又行開黎呢度，點知，佢地終於有開門啦 （收銀前放滿大大小小的布歐，想起從前的小小回憶～龍珠呀）講番Coffee Art 既野食，價錢仲係咁大眾化，坐既位置都舒適而且唔駛排隊，緊係入去食番個晚餐啦餐牌上都有不少既選擇（由A-M, P,S)無理由選唔到岩食既野掛，而且套餐有頭盤，主菜，飲品都只係約$80，都選幾抵啦Set M - Deluxe All Day Breakfast - $78當中有炒滑蛋，煙三文魚，肉腸，雜菌，車厘茄，多士以$78價錢真係合格有突，肉腸不會太咸，蛋都算滑，推薦佢個蜜糖多士....加入左蜜糖真係好食好多（另外叫佢再加多左次蜜糖）柚子雞翼 - $30另外佢仲有個柚子雞翼都好正，雞翼皮脆肉滑，而且柚子味十足

東廣場的Coffee Art永遠都是我至愛之一!! 每逢經過觀塘都會很常到這間點份例牌的A餐跟綠茶多士。其實這一份簡單普通的温泉蛋煙肉白菌忌廉汁長通粉，味道一點也不普通。温泉確是未見過有失準，流心的温泉蛋是這個長通粉的重點。煙肉和白菌份量很足，啖啖都有配料的感覺非常良好，而且忌廉汁不會過漏，很讚!! 今日破例選擇了芝麻醬雜菜沙律，芝麻醬配沙律很讚，生菜很新鮮，作為頭盤很開胃! 最後一杯熱檸茶暖胃，滿足!!

員工態度極度惡劣，唔知係咪未訓醒，講野極寸而且冇禮貌（戴圓形眼鏡長毛男）本身坐底左，比佢激到一肚氣要即刻轉場食，抵佢開咁耐仍然拍烏蠅就算野食比人話有幾好食都好，態度差既員工一樣係極度趕客永遠不會再光顧

今朝10點一去到，我見網站寫9點開鋪 我一黎到見到好似未開哂咁就善意問店員 想問幾點開鋪架？佢態度勁差 答 開左。之後我坐企無人招呼 餐牌都無拎比我 無理過啲客 要自己出去拎餐牌 叫佢寫野 佢話要自己出黎落野。當場即走 態度0分