Coffee Art

营业中

休息中

難得喺觀塘開完會而剛啱到午飯時間, 梗係試試觀塘既小店午餐啦! 商場內好多間小店, 呢間坐得比較舒適而唔駛排隊! 午餐多為輕食, 包及意粉等! 我點算溫泉蛋煙肉白菌意粉 $58 包括沙律 或 獨有的綠茶多士及飲品 ~ 性價比高, 食得出用上靚芝士及忌廉, 醬汁濃厚, 意粉軟硬度剛剛好! 蕃茄羅勒海鮮長通粉 $72 凍飲加 $3 ~ 老實講只睇餐牌覺得有點少貴, 不過同事話海鮮唔係一般劣質雪藏貨, 而係優質的, 只不過整體份量略細, 男仕唔夠飽! 

做運動前打算跟朋友吃點東西，但又不想吃太飽阻礙做運動，看到這家餐廳有輕食套餐，便進去試試。我點了蟹肉包配啡菇黑醋沙律，啡菇爽口，咬下去有汁流出來，滿滿菇味，非常喜歡。蟹肉包外皮焗到脆身，因是意大利包需要點咬勁。蟹肉非常多，足料，吃得到蟹肉的鮮甜味，加上青瓜味道更清新。朋友點了all day breakfast，份量很多，配綠茶多士，綠茶醬很濃郁，像是韓國的綠茶醬。白香腸煎得外脆內軟，香口好吃。炒蛋我最喜歡，很滑，蛋味濃。

唔使多講性價比極高的西餐 必去！✅份量足✅要試佢個黑松露薯條 好抵食✅全日早餐大大份✅坐都舒服既 📍 Coffee Art (觀塘)觀塘成業街7號東廣場地下G46-G48舖人均消費：$50-100 好味指數： 1️⃣2️⃣3️⃣4️⃣5️⃣6️⃣ 7️⃣8️⃣8/10分回頭指數：90%

All day breakfast 大愛獨有既綠茶多士除左個蛋無咩味其餘都好食好正 以前返工食過一次 再黎都無失望份量多鍾意all day breakfast 朋友唔好錯過幾點食都有

自從東廣場開多左餐廳，好耐無同fiancé 食coffee art，今日突然想食意粉就同fiancé重臨舊地。叫左至愛既蒜香蜆意粉，微辣一啲都唔微，都幾辣。以前重用淨蜆肉無殼，宜家啲蜆有殼present得靚啲高級左，但相對少啲，意粉唔會油淋淋，但份量明顯少左，食完幾啖得返兩啖留俾fiancé ，食完好似攝牙罅咁⋯另外重叫左大啡菇配迷你蟹肉意大利包，個包迷你成點？就係比正常size細一半，因為佢cut開左個包一半，個包係幾好味，蟹味幾濃，包焗得外面好脆，大啡菇太乾，都係個句～食完好似攝牙罅，食左陣風咁。已經加左個黑椒牛肉米紙卷配黑醋汁，味道普通無乜驚喜，我地食完真係唔飽⋯早排同過朋友食佢個鐵板brownie 已經好失望，brownie 唔熱，又勁甜，甜到朋友食左啖就唔食🤢

身為觀塘的上班族👩🏻‍💼很自然會找好吃的觀塘午餐！如果你想跟同事或約了朋友聊聊天的話，這裏絕對是一個好地方！午餐分了輕食和正常分量2種！好像我的朋友那天沒有很餓！就叫了這個烤香草大啡菇迷你蟹肉意大利包（hkd48)～而我就叫了這個蕃茄羅勒海鮮長通粉(hkd72)！味道很不錯👍🏻吃得出新鮮蕃茄味🍅青口味道不過不失！而那塊附送的抹茶吐司我就超愛🍞～甜度與分量都剛好！至於飲品的選擇雖然不多！但是也挺合我心意的!可以選洋甘菊茶！香氣怡人之餘又不會致肥！

估唔到喺觀塘 有一個咁有格調嘅cafe嘆到一個 整得好好味嘅意粉 三文魚同忌廉汁 比例恰到好處塊多士加埋綠茶醬 好香好滋味 如果要杯 手調咖啡 都係多加咖啡嘅價格一半 今日 一個人食快餐 有機會下次先慢慢嘆杯啡 扮吓文青

同同事去食飯，諗起東廣場有好多間唔錯既選擇，就提出去果到食下。去到行左個圈，間間都好多人，咁岩見到「Coffee Art」有位，諗都唔諗就決定食佢啦！🤪—以價錢同選擇黎講，呢間真係唔錯，價錢唔算平，選擇多，而且有前菜，主菜同野飲。—溫泉蛋煙肉白菌忌廉汁長通粉前菜揀左綠茶多士。綠茶野最怕係有苦澀味，呢塊多士唔會呢！綠菜味濃，而且甜甜的，好易入口。（藍妹覺得應該唔係真既「抹茶」）如果多士可以烘得乾身啲脆啲就更加好啦。😏篤穿溫泉蛋之後，撈暈左，變成半熟既蛋漿，夾埋忌廉汁長通粉黎食，真係冇得彈！煙肉既份量還可以，係白菌少左啲，但係味道都相當夠。藍妹食到一半直情覺得好咸！😨因為太咸，所以最後扣左啲分。😭（但藍妹問同事，佢地又話佢地果碟唔咸，唔通係藍妹個口既問題？😢）—呢間既食物藍妹相當滿意，間中都應該會黎試下其他餐。😉

係觀塘區想食西餐又唔想太貴，多數都會去呢間係東廣場小小間嘅 Coffee Art，價錢合理嘢食唔太差。每個Set Lunch 都可以揀返要沙律定係多士架～溫泉蛋煙肉白菌忌廉汁意粉  $58 |佢地嘅溫泉蛋每次都整得好好，篤穿之後蛋黃汁留落成個意粉再搞勻食，就會更加香同黏口，每一啖意粉都會掛住汁（好似講到食沾麵咁添 haha）但覺得呢個意粉有時會比較淡味。旁邊嘅抹茶多士，每次都會叫，因為抹茶味都幾濃，又脆口～黑松露原隻磨菇雜菌忌廉汁意大利飯 $78 | 呢個飯以呢個價錢黎講就真係好神級。食平價嘅意大利飯好怕佢好水同埋味好淡，但呢個黏嘅程度同汁嘅份量係剛剛好～而且原隻大磨菇好Juicy好香，菇嘅種類都多過上面嘅溫泉蛋意粉，黑松露味都好出，完全感受到係Dum本嘅菜式。基本上如果我唔係叫 All Day Breakfast就係叫呢個飯 haha～

呢間野細細間，食西餐，飲咖啡。性價比好高。當日晚飯時間去到已經好多人，要坐門口d枱，好迫，又會有好多人係你身邊行過。 雖然坐得唔舒服，但勝在食物好味搭夠。叫左個香蒜蜆肉意粉，加杯mocha 。意粉好夠味，都好多蜆，咖啡好正。有機會再想黎食架! 朋友叫左個煙三文魚他他，賣相都好靚架。呢度可以話係好味既平民西餐廳

早排接女人放學，之後去左對面的東廣場食野。個到有好多餐廳，我們今次就去左比較多人的Coffee Art。烤香草大啡菇配迷你蟹肉意大利麵包，Light Meal的不錯選擇。香醋汁令沙律好開胃，將香草蟹肉搽上香草包上也不錯。前菜可以揀芝麻醬雜菜沙律或綠茶多士。好欣賞多士上密鋪平面的綠茶醬唔會太甜。肚餓的我就要食飯！黑松露原隻大磨菇雜菌忌廉汁意大利飯有少少失望，因為佢的飯煮得淋左D，少個個口感。黑松露味唔係特別香，只係平平。比大家參考埋Menu

今次試既係係觀塘東廣場入面都幾多人食既一間cafe 裝修都幾特別 坐位幾舒服😌呢到既食物價錢好平 頭盤+主菜+飲品都只係$58-80 今次頭盤就無揀沙律 揀左比較特別既綠茶多士 估唔到好好味 香脆既多士上有一層抹茶醬 唔會好甜有微微茶香幾好食😋 主茶方面試左温泉蛋煙肉白菌忌廉汁意大利粉 意粉口感彈牙 唔會好膩 不過就略嫌唔夠多忌廉汁 不過味道係唔錯既👍🏻 另外我地加左$30試左個炸粗薯條配黑松露醬 份量係非常多‼️個醬雖然唔算好濃黑松露味 不過都幾好食 最後我地無飲餐配既飲品 改為比半價飲左杯Sea salt caramel Latte 咖啡面微微燒過令到焦糖味更特出👅

Coffee Art點解會去食：2018-12-16 喺附近行完工廈，買唔到心水貨品，搵個地方食飯。記得呢個商場地下有個 foodcourt 就揀一間未食過嘅試下。行過呢間門口，被佢個 Tiramisu 吸引左。食物新鮮程度：⭐⭐⭐⭐綠茶多士：似係即刻焗，熱得黎脆。個綠茶醬幾有趣喎，甜甜地，幾香綠茶味。澳洲牛柳粒露筍松子仁羅勒汁意大利飯：好香嘅羅勒味，好清新。有啲芝士喺個飯度，味道豐富左之餘又唔會膩。有啲蔬菜中和一下，感覺好健康。泰式蝦餅：炸粉厚左少少，都幾彈牙。Tiramisu：個外觀好吸引架，味道都唔錯，唔太甜，係略嫌咖啡味唔夠出，可以重手啲。食物合適溫度：⭐⭐⭐⭐樣樣野都熱辣辣架，所以食落特別香，個飯仲可以拉絲添。蝦餅ok，夠熱得黎唔會辣嘴。食物驚喜程度：⭐⭐⭐通常出街食Tiramisu 唔係太淋就係太硬，但呢個軟硬適中。我喜歡佢個甜度，唔會太甜太膩。cake 埋喺 cream 中間，比例好！價錢唔貴，食物質素ok，整體性價比高！—————————————————服務員態度：⭐⭐⭐⭐有禮貌，有效率—————————————————最重要系。。。我會唔會再去？重遊指數：⭐⭐⭐⭐

Couldn’t find the entrance to a coffee shop which is located inside an industrial building, as the main gate was closed on Sunday, so I picked another random coffee shop before heading to a yoga class.This Irish Cream Latte is not a real Irish coffee. There is no cream or alcohol, only Irish cream syrup, which is quite sweet indeed. Well, at least it’s smooth. It actually made me crave for an authentic Irish coffee! I wonder where can I get one other than the one I had in Peng Chau…

今日黎開觀塘做野，一早搵定附近有咩好食，搵下新地方。見到食評都ok，就搵埋男友黎試下。選擇唔多，地方亦較細，好快就諗好食乜。呢度要出去比錢買野食先，同只收現金。我揀左牛柳粒羅勒汁意大利飯，男友揀左溫泉蛋煙肉意粉。份量相當較細，牛柳粒過熟同細粒，但味道ok ge。男友個個意粉就相當淡味好多。一般質素，可以試食第二款。我地仲叫左柚子雞翼，好味既跟餐送熱飲，性價比黎講，中上。不過，最後我地都食唔飽，再去左食野。