Coffee Art

营业中

休息中

住左係觀塘都成4年了都未黎過呢間食太失敗了！呢到店仔細細但我非常喜歡呢到既裝修先係收銀落左單先之後就會送上食物啦！先講個沙律，係我最喜歡的芝麻醬超快就清哂了！再講個溫泉蛋肉醬意粉，賣相一流！整穿隻蛋將啲蛋汁撈埋啲意粉到食，超級好食！！仲嗌左柚子雞翼同黑松露薯條，兩樣都好好食，一邊食一邊傾計一流呢到人流唔算好多，可能過左lunch time啦，可以係到慢慢坐唔會趕你走，食物質素又好，絕對會再黎嘆過！

已經唔記得由幾時開始開拓左工廈風。觀塘呢個商場由以前得寫字樓同吉野家。變到而家全層都係餐廳。雖然裝修始終唔及港島的舒服，但價錢係現今的餐廳真的算抵食。今次食左呢間餐廳，其實已經第二次食。環境雖少，但寬敞，唔會太多枱太迫。呢個意粉68，其實係set dinner ，前菜有沙律或綠茶多士揀，仲有一杯餐飲。多士有驚喜，甜甜的，不太苦。意粉份量一個女生會有120分飽肚。雲吞，想像中咸，或許因該有牛肝菌的存在。朋友說好吃。或許我不太喜好。黑松露薯條，每間餐廳有都點。很滿意的是這裡會給你添醬。我們吃第一次時感覺很沙律醬，心想黑松露也頗慳。但當我們添加時，第二次，醬出奇的好吃，這次沙律醬跟黑松露比例很夾。

Coffee art係觀塘嘅口袋名單之一，今日終於有機會試到，CP值高，可以encore 。All day breakfast 在場八成人都叫，好大份，味道不俗。溫泉蛋肉醬長通粉，賣相已經相當吸引。當一刺穿雞蛋嘅一刻，蛋黃好似溫泉水咁流出，好正。撈落長通粉食，好jucy。肉醬好多茄蓉，好fresh,加左蛋，所以成碟好夠source, 至啱撈汁食飯嘅人士。至於個綠茶多士就無咩特別。跟餐包餐飲，亦可加錢轉coffee。估唔到小小嘅一間店舖，價錢唔貴，意粉做得出色。

今日放假 就同哥哥食個午餐佢一直想試下all day breakfast 就揀左依間係工業大廈既coffee shop 於是點左兩個all day breakfast 一個要左抹茶味既多士一個要左蜜糖味既個多士係烘過既面包再塗上一層醬對我黎講，72蚊食到呢個已經算唔錯食個氣氛嘛講下每樣野既味道先個包其實蜜糖會比抹茶好食d濃味d條腸就一般般d蛋冇乜味但係就幾滑🍄🍄都好重味同好多汁佢既salad 都唔錯至於三文魚我就覺得一般可能我本身唔好但我哥話好好食個飲品我揀左Rosa latte 幾甜下 都好香 拉花好靚但杯凍檸tea就唔明點解係熱飲杯裝分量少左d整體164蚊食到兩個都唔差既

其實比較少黎到觀塘呢邊，今日為左買啲野就揸車過黎啦，一場黎到，search定有咩好食推介，揾到呢間餐廳。一去到自己喺cashier落單，自己揾位，成件事都幾... causal... 唔緊要，冇收加一服務費嘅，都OK啦！有位男職員好大聲爆晒粗講電話，原來鬧緊收數佬揾個離職左嘅同事，雖然我明佢係真心嬲，但始終有不少客人，可以細聲啲會好啲。我地叫左黑松露忌廉汁雜菌意粉，意粉質地幾好，料又多，但味道重手少少，愈食愈鹹。忌廉汁芝士菠菜意大利雲吞，得七舊，少左啲喎，食完無乜飽嘅感覺，同埋呢個真係好好好鹹，無晒菠菜味，可惜！加錢轉左兩杯飲品，green tea latte（左） & sea salt chocolate（右），前者奶味太重，後者鹽味太重，但唔係話難飲嘅，普普通通。嗯，其實呢間餐廳俾我地感覺係，味道唔差，個樣樣野都有點重手，搞到啲味道好唔balance，點知個鐵板brownie（$60）又搶返分喎！好味呀！啲朱古力淋落去，滋滋聲，好療癒！哈哈！食埋呢個就有滿足感覺啦！

看見食評推薦一款意大利雲吞及綠茶多士，便特地一試。午餐連餐飲盛惠$58，算是中價定位，可惜水準低劣得令人咋舌綠茶多士：懶得烘烤的麵包根本不算多士賣相不討好也罷，問題是白麵包塗上綠茶醬外還塗上牛油，但沒烘烤的結果就是一咬下去滿口油膩，綠茶醬偏甜欠清香，令這道前菜令人未吃主菜已感滯膩意大利牛肝菌芝士雲吞：先舀起一粒雲吞，外表飽滿，賣相合格。另外，幸好水汪汪的醬汁味淡，因為主角雲吞實在是非常鹹，牛肝菌是濃味食材，配上芝士就是十分重口味的菜式，調味無法平衡就會像這道菜一樣鹹得令人不停喝水口感方面，雲吞皮薄，芝士餡具嚼勁，頗佳雖然這個定價不能抱有太大期望和要求，但食物不算出眾，筆者不會有再去的意欲了。

今晚又去左觀塘東廣場覓食東廣場有好多小店 環境雖然沒大商場咁grand 但店家都好有heart今日試既係coffee art 有賣pasta risotto all day breakfast dessert snack...今次兩個人就叫左一份risotto, 一份all day breakfast 同黑松露薯條快看圖片介紹吧

一開始叫咗個set 加兩樣小食 包括炸薯條啲set同嘢飲等咗好耐都算 始終係心機之作但個薯條可以過份到我哋食完等咗好耐嘅set同嘢飲都未嚟唔通佢哋啲薯條係要種嘅？ 我好懷疑

I ordered the lunch set for $60. The main course was a Parma ham and smoked salmon in white cream sauce and penne. It came with a drink (I ordered camomile tea), and a salad. The penne was really good, it wasn't overcooked and the portion of smoked salmon was really generous.The seats were comfortable but everyone else seemed very rushed. Also, there were flies flying around and a small cockroach on the wall...

話說小妹喺觀塘做嘢，務求試儘觀塘嘅特色美食。呢期就集中喺東廣場入面，試完日式，台式再試漢堡包，今次就試下上次試過早餐嘅coffee art.見上次早餐不錯，今次叫埋幾個同事一齊嚟試下拒嘅午餐，果然無令我失望，每樣嘢都係水準之作。午餐有幾個選擇，一人叫左一份午餐，前菜可以選沙津或者綠茶多士半件。我就想試下個多士，好特別，諗起綠茶通常只係會覺得苦苦地，如何將苦味加入多士到呢？食出嚟又會如何？答案係，多士係甜甜地的，淡淡嘅甜味入面有綠茶嘅香味，但又無左拒嘅苦味，非常夾，值得一試。沙津就係配胡麻醬的，好難唔好食，哈哈。細細杯裝喺玻璃杯入面。到主菜我選左，牛肝菌意大利雲吞--必食之選。拒用左忌廉汁做底，還有小小芝士味，濃度岩岩好，仲加左小小洋蔥粒吊下個味，好正。雲吞函應該係肉加埋d牛肝菌一齊，嗅落無咩味，食落就好香，口感頗軟身的。但係味道真係好特別，好正！唯一一樣我就係覺得個皮偏厚左小小，如果可以薄番小小，直頭係完美！另外同事都點了幾款不同的意大利粉，有兩款值得推介一下。温泉蛋肉醬長通粉--温泉蛋全流心，篤穿嚟食撈埋個長通粉食好正，長通粉係煙煙韌韌類型。肉醬更食到有蕃茄粒粒，除了有蕃茄味外還好有

餐廳位於觀塘東廣場，係返工買早餐必經之路諗住Blue Monday 返工前食番個豐富早餐！$32-$38一份早餐，如果飲咖啡就要以半價購買。食物一般，炒蛋不夠滑多士微脆，用蜜糖作為醬，幾特別～咖啡可以，拉花很美，但太細杯了。如果以$4X至$50，我相信會有更好的選擇。

今日係附近整完野, 因為想飲咖啡, 所以即上OPENRICE SEARCH 下有咩好推介先, 眼見哩間係排係觀塘區既 TOP 1, 就楝佢啦!原來佢係個個商場都有好多野食, 我見到對面有間食BURGER, 下次有機會要去TRY TRY! 去到差唔到兩點, 係人地收工食飯既時間, 所以到要等左一陣先有位!我見餐牌有"意大利雜菌雲吞" 點知落ORDER 時話已經賣晒, 咁我地唯有叫左"蒜香蜆肉意粉"+"all day breakfast"+雞亦+蝦餅, 飲品叫左: Mocha+Sea Salt Caramel Latte, 係自己出去落 ORDER, 俾左錢, 然後坐底, 佢會送過黎俾你!首先黎既係 all day breakfast, 麵包可以楝芝麻醬/蜜糖, 因為另一個餐有芝麻醬麵包, 所以哩個楝左蜜糖, 個麵包烤得可以, 蜜糖冇特別, 好求其"PAT" 落塊麵包度冇幫你塗, 所以啲蜜糖流晒落啲蛋度, 到食蛋時, 好似食緊甜蛋咁 , 沙律配芝麻醬, 啲菜都算新鮮爽口, 兩條腸係普通香草腸, 雞蛋都算炒得滑, 係加左牛奶落去炒, 雜菇又係一般野...總括黎講, 碟野係好普通!再黎係老公碟

鐵板甜品似乎已經並非新鮮事物，但是聽聞是元祖級的Coffee Art你又試過了嗎？位於觀塘東廣場的Coffee Art，於觀塘地鐵站B2出口步行不出五分鐘便會到達。在比較簡陋的東廣場中，Coffee Art的裝潢開放簡約，雖然比不上其他坐擁美景的咖啡店，卻沒有帶給人半點局促的感覺，反而更加輕鬆自在 除了有一系列甜品外，當然少不了各式各樣的咖啡飲品。鐵板甜品動輒七八十元，然而這裡的價錢就相宜得多，大概與位置租金也有多少關係吧。  鐵板焦糖香蕉雪糕班尼 ($60)Brownie上面放上一大球雲尼拿雪糕，旁邊還有原條焦糖香蕉，再灑上少許開心果仁碎。自行將朱古力醬淋上甜品，熱辣辣的鐵板即刻發出滋滋咋咋的聲音，就像享用扒餐時一樣！ Brownie雪得頗為硬實，起初有如石頭一樣難以切開，要加上鐵板的熱力和朱古力醬的水分，再加以耐性等候一會兒，慢慢才會變得濕潤美味，大概是店方擔心預先焗熱Brownie會令面層雪糕融得太快吧。而焦糖香蕉亦被鐵板的熱力使得質感更加軟腍香甜，雖然不太感受到焦糖香蕉面層焦糖應有的焦脆，但是甜美軟綿的香蕉與濃郁香醇的朱古力難道不是天生一對，令人難以抗拒嗎？ 整體的朱古力

在觀塘午膳，真的是一位難求，幸好我食飯的時間時較為彈性，可以早早來到餐廳，霸定位，舒舒服服的享受一下午餐的休閒時光。先來的是煙三文魚意大利粉。煙三文魚味道不是十分的咸，已經炒至半熟，魚油更是突出，而且份量也算多。意大利粉煮至較為淋身，醬汁是忌廉汁，帶著忌廉的香，與煙三文魚更是配合。旁邊配上了芝麻醬多士也十分香脆，醬汁夠多的令每一口都有芝麻味而不怕會變成只是單單的吃白方包。叫上一杯熱咖啡，拉花很有心思，很像是一個美女。味道上，咖啡十分香濃而不苦，奶味低，品味咖啡。

拿！講真除左麥當勞既cheap cheap all day breakfast之外，我係無食過其他的，成日覺得會唔夠飽今日比面老婆大人，去試下。因為買左飛APM睇戲，所以去左觀塘食飯，行過見到間門面幾靚的，又多人，羊群心理就入去坐下！我同太太一齊叫左個All day breakfast，有腸，三文魚，菇，蛋，多士，沙律菜等。腸仔好似法蘭克福腸，幾好味但油左啲，炒蛋超嫩滑，好似絲的感覺，賣相亦非常靚。沙律菜翠綠，好鮮甜，但可惜唔夠凍，只係室溫的沙律菜始終差啲，唔夠爽口。要讚讚個菇，啲炒菇好美味，首先清洗乾淨，食起上黎無泥味，啲煙煙韌得黎又帶點爽口，好想再Encore個菇！原來食All day breakfast都可以好飽捧住個肚去睇"非常盜2"