Coffee Art

营业中

休息中

已經來過Coffee Art幾遍，午餐、晚餐、Brunch都不曾令人失望。同事們對於食物的味道都很滿意，所以這天又來吃午餐了。Lunch menu 好像換得不太頻密，跟上個月來的時候一樣，希望餐廳可以留意這點以免欠缺新意。這天點了一份大蝦翠肉瓜番茄意粉意粉軟硬度剛好，番茄汁味道很足夠，酸酸的挺開胃，蝦也有4隻，絕不吝嗇。跟餐有沙律/多士和餐飲，沙律有一點麻醬但不太多，不怕太膩！洋甘菊茶也很香，$65真的超值！

東廣場的餐廳都試得七七八八，而Coffee Art 係其中值得再去食的餐廳。夜晚去食都比較多人，好彩今晚唔洗等位。餐牌選擇唔多，價錢亦唔貴，仲要唔洗加一，相當抵食，所以都叫多個小食開心下。黑椒燻牛肉米紙卷配黑醋醬 - 個車厘茄好新鮮(錯重點)，而一般燻牛肉會比較咸，但D個牛肉比較重黑椒味，加上蔬菜同黑醋醬，味道都幾夾，只係黑醋醬多左少少，未必個個人都鐘意。巴馬火腿白汁煙三文魚意粉 / 沙律 - 意粉水準維持高質，白汁加少少芝士真係冇得輸，而且巴馬火腿同煙三文魚的分量都合理，仲要質素都唔錯。澳洲牛柳粒露荀松子仁羅勒汁意大利飯 / 綠茶多士 - 綠茶多士味道唔錯，羅勒汁意大利飯睇落好多汁，但食落唔會覺得好水，飯粒粒粒分明，口感都唔錯，羅勒汁有清新的感覺。露荀同松子都提升左飯的口感，反而牛柳粒失色少少，雖然都有牛肉味，但個位置都比較多根位難咬，而成個飯其實都係好味的。另外飲品叫左檸檬水同洋甘菊，味道都係正正常常。整體而言，雖然D度唔係預可以坐得好耐，兩個人來食都要預撘檯多，但環境都叫舒服，最重要係食物質素真係唔錯，性價比相當高，值得推薦。

Deluxe All Day Breakfast $75 🔺可以揀綠茶多士 或者蜂蜜多士我揀咗蜂蜜多士 烘完好脆加上蜜糖😍💕 仲有沙律菜加芝麻醬haha 有啲蜜糖漏咗個碟度 沙律菜加埋都好好食👍🏻仲有磨菇炒得好香 唔會油同埋腸仔 呢個豬肉腸都唔錯🙈 好食haha唔乾唔油有車厘茄 唔酸而且煙三文魚好新鮮 唔會有好大陣雪藏味 最後係個炒蛋😍 好滑仲有蛋汁 但有少少炒過咗😿評分:8.5/10🌟黑松露多士 $52個蛋加埋黑松露好香好滑👍🏻🙈💕非常好食比炒蛋更出色 加埋沙律都好大份 個多士烘咗配埋蛋食非常湊 而且食完多士仲有蛋剩 可以就咁食 都好夠味🙈 勁飽都食得到😍 想食多幾份仲配飲品 非常抵食!❤️而且套餐配埋伯爵紅茶/柚字蜜/洋甘菊/檸檬水可以半價轉餐牌其他飲品🙈評分:9.5/10🌟Sea salt Chocolate $40 套餐+$20加埋拉花個賣相已經贏咗🙈 飲落就一般般 朱古力味較淡 飲到咸味only😂 可以唔洗試評分:6/10🌟總括呢講呢間cafe環境唔錯 食物賣相都👍🏻 cp價高 推介❤️😍

原本想食鹽水雞嘅我，發覺佢好似未開定收緊鋪。。唯有揾第二樣食。望望下決定試下呢間。叫左個原隻蘑菇野菌忌廉汁意大利飯，可半價加latte。個餐係跟沙律或綠茶多士。我揀左多士。個飯見到好一粒粒已覺得有啲不妙。覺得唔係生米煮嘅意大利飯。食左一半諗起，乜唔係有原隻蘑菇咖咩？原來成隻菇係個底度。點解唔擺係面呢？不過個飯真係好一般，雖然叫得意大利飯預左55波會中伏。原因係我食唔到有芝士或者忌廉嘅感覺。成件事好清爽，味道係夠，不過就同忌廉拉唔上關係。Latte係ok嘅。温度，拉花，奶都打得好。不過我較喜歡無咩苦味嘅豆。豆嘅味道我唔係專業，唔識用個啲字形容。總之就有其他cafe嘅豆味我較欣賞，例如Cafe Corrxxxx, Bxxxs, Bonxx ... 咁寫得唔得咖呢？😂如果對食物唔太高要求，今次嘅經驗係一般港式樓上cafe standrad嘅話係合格嘅。你懂的。

係東廣場打個白鴿轉唔知食咩好，聽人講呢間好食就試下囉橫掂諗唔到。有 set lunch 揀，前菜芝麻醬沙律菜或綠茶吐司，一人揀左一樣。沙律菜尚算新鮮干淨，綠茶吐司就搽左綠茶醬唔算好甜。黑松露菇長通粉，烚左既通粉加左啲芝士同稀稀地既白汁，所以冇咩奶油香，黑松露醬係有一匙既分量要自己撈均，冇咩黑松露味，不過撈埋算係咁，咸味適中。另一主菜， 羅勒葉牛肉粒意大利飯，牛肉粒有啲細到似免治牛，羅勒味唔出，所以呢個飯有啲不倫不類咁。不過兩個餐6,70蚊個，觀塘黎講算正常價。

見咁多好評，星期六途經觀塘，就趁機試下本身order 輕食迷你蟹肉漢堡，個包係比想像的迷你更迷你，同义放一齊就見比例。如果好味就算，但一口食落去就咬到一大塊蟹殼，嘩，同收銀反映，佢話係鮮蟹肉，所以會咁，我話：吓？咬爆牙咁點？係師傅拆肉拆唔好先至咁，食材準備時有問題，要個客食埋佢？我要求轉溫泉蛋白汁意，收銀好勉強咁接受。意粉一上，分量比隔離少三分一，都知點解，好乾，無乜白汁，但都食得落，多士無綠茶味。唉，真係比錢買難食。

因為個人唔舒服病左，係屋企食野好清淡，老公想我食返啲有營養既野，就去東廣場望下，佢覺得All day breakfast 比較多餸營養多啲就叫個All day加個意大利飯一齊食。另外我口痕想試埋柚子雞翼，同埋類似芝士年榚既小食。柚子雞翼整得幾好味，個皮脆脆地，再加柚子醬，估計係沖野飲個啲汁，都幾開胃。芝士嗰個幾棉，不過個人覺得好味道只係一般。All day breakfast幾大份，70蚊黎講幾抵食，佢有個綠茶多士，我幾鍾意，雖然唔係好夠脆，蛋基本上無咩味，我又唔見枱有黑胡椒或鹽可以自己加，不過當時我地亦無問店員攞，可能有的。其他餸都唔錯，最欣當呢個價錢有煙三文魚。可以翻兜意大利飯比較港式，米粒比較lum，基本上無咬口，應該唔會再叫。

A good day starts with a good breakfast and holiday is the day for breakfast outside. Coffee Art is quite a satisfying location in E Plaza, Kwun Tong, especially if industrial buildings are not your choice. No service charge. Like and dislike on service and ambience:Like:It was a one-man band. Contacting with the man from making order to paying bills as well as hearing his cooking sound made me feel warm.Dislikene thing which could be improved was the seating arrangement- most areas were ‘public

Holiday mood and it's just another day to dive into a cafe. I have been craving for a cup of latte lately 😋😋😋Coffee art is always full with customer. I guess they mostly go for their all day breakfast but I am not a big fan of it. I took the lunch set which includes a salad or match toast, spaghetti as main and a beverage. I picked a salad, prawn zucchini tomato sauce penne and added $18 for a cup of latte. Topped up with a side: pepper smoked beef rice roll, because it sounded interesting 😝The

今晚同老婆去觀塘行街，唔知食咩好，行下行下走左去東廣場，見有好多野食，最後老婆話食呢間，叫左4樣野食。黑椒燻牛肉米紙卷配黑醋醬睇到個名諗住有牛肉食，但來到一食，完全食唔出有牛肉，一張米紙包左d沙拉菜加d陳醋咁。不過佢d菜好新鮮同d陳醋好味，如果多返d牛肉就good 喇老婆揀左翠玉瓜大蝦長通粉，我食左d。蝦係雪蝦，無咩味。長通粉得d茄汁味，我唔多中意露荀蟹肉黑蒜汁意大利飯&多士都見到d蟹肉嘅，但就食唔到黑蒜味囉，真係麻麻地，返而塊多士好飯仲有個青口係今晚最好食的，酒味夠濃，忌廉味，但唔記得影相。總括來講，小食好味過主菜。

原意吃個普普通通的lunch，去到東廣場大把選擇，但見到佢有舒服嘅坐椅，比要坐圓櫈的其他食肆好得多，便立即坐下來。午餐價錢由五十幾元到百元不等，我點了溫泉蛋白汁忌廉意粉及松露炒蛋配多士沙律，坦白講食物質素不算突出，但驚喜嘅係可以餐飲半價享用手調咖啡。來到Coffee Art, 無理由唔試吓嘅。外表攞滿分😍，味道合格，如果下次係 tea break 咁樣歎就一流啦！

我平時都幾鍾意飲咖啡嘅，不過是指那些賣相靚靚的咖啡，今日特登來呢度就係為咗飲杯靚咖啡😋。進入＂東廣場＂商場地下向右轉，即可見到呢間 Café ，長長的敞開式店鋪，一目了然。點咗一杯 Café Latte , 再配一個甜品 Tiramisu 。嗰杯咖啡如我之預期咁靚，味道也香醇順口，沒有失望😍。讓我意外的是甜品 Tiramisu ，本身唔太甜，上面再加有冧酒提子，增添了濃郁的冧酒香味，真係估佢唔到會咁好食。😍我諗我會帶朋友和家人再來的😊。

今天公司走火警，11:45am 走到這裡覓食。E Plaza 真係開左好多细細食肆，選擇頗多。尼間見過唔少好評，就試下parma ham 白汁smoke salmon pasta, 再加個綠茶toast。可惜生緊飛痱，不能再喝咖啡，否則一定試下！尼個時間，真係唔多食客，坐得幾舒服。意粉味道唔錯，哈哈，點解無parma ham 同salmon?原來放曬在底！份量一般吧，女士可以，男士多數不夠。綠茶多士唔錯呀，香香地。下次會試咖啡，不過，四週如此多競爭對手，尼度都要努力了。

🍴正宗冧酒提子tiramisu🍴$45真係好難係市面上既餐廳 會搵到重酒味既正宗提拉米蘇👍🏼👍🏼真正既做法係用咖啡酒浸淋手指餅蛋糕 再井井有條咁鋪係Mascarpone芝士之間 口感會超鬆化der😍💗呢個咖啡味唔算好重 但creamy同列酒mix埋 已經無得輸👍🏼.地址：Coffee Art 觀塘東廣場地下G46-G48舖幸福指數：9/10

很疲倦的一個星期終於都忙完一個活動要偷一點時間休息一下去了整指甲換了一套灰藍色的指甲配合一下這個季節廢話說完想在觀塘找一間咖啡室喝一杯咖啡充充電看到這一間coffee art 便找了過來原來很方便的就在觀塘廣場下一條街的東廣場在這個東廣場門口已經有星巴克了不過我喝夠了連鎖店的咖啡了找到這間coffee art 點了一杯flat white 的確沒有失望咖啡豆味很香牛奶咖啡比例也不錯雖然地方不是很高級也沒有一般咖啡室的感覺但我就是想貪舒適的感覺又有別不同的坐在這裹看下書也不錯