Cobber Noodle and Waffle

营业中

休息中

今日去咗位於觀塘嘅一間高質Cafe。先講個鮑魚海鮮龍蝦汁燉飯真係好有驚喜，龍蝦汁好濃郁，將飯浸到好入味，配搭埋其他海鮮，每啖飯都充滿海鮮嘅鮮甜同龍蝦汁嘅精華，值得一讚嘅就係佢仲會將鮑魚切片，真係好貼心。另外個馬蘇里拉芝士焗薯蓉帶子，佢嘅芝士拉絲配搭埋薯蓉軟綿，帶子鮮甜又彈牙，啖啖滿足。仲有炸魷魚配芥末籽蛋黃醬，魷魚炸得金黃酥脆，咬落去好爽口，芥末籽蛋黃醬好惹味。而佢個新鮮蜜瓜配焙茶糯米窩夫就更讚，蜜瓜嘅清甜同焙茶嘅甘香交織，糯米窩夫煙煙韌韌，好特別，唔會太甜而且又好味。飲品方面，薄荷朱古力咖啡碎冰，薄荷葉同朱古力咖啡融合得好好，冰涼消暑；另外蜂巢拿鐵有淡淡嘅蜂蜜香，奶味同咖啡味平衡得啱啱好。整體嚟講，呢間餐廳環境唔錯，食物款式新穎又好食，性價比都算唔錯，下次經過觀塘一定會再嚟試吓其他美食。

🌸自家製千島醬慢煮雞肉香草Pizza，熱辣辣上枱，Pizza脆邊好香脆可口，厚厚嘅雞肉份量都唔少，啖啖雞肉，肉質嫩滑，再加埋千島醬一齊食，幾開胃🌸蒜香蟹肉意粉 ，勁多拆左肉嘅蟹肉，啖啖都有蟹肉嘅清甜味，好新鮮！淡淡嘅蒜香味，意粉軟硬度都適中呢！🌸芒果斑蘭糯米窩夫，暖笠笠嘅窩夫外脆內軟！入面仲加入左糯米，食落口感煙煙韌韌，充滿斑蘭嘅香味，配埋冰凍嘅椰子雪糕一齊食！甜度啱啱好，唔會太膩！🌸松露薯條大大碟，份量好多！薯條好脆口新鮮炸起，上面鋪滿松露醬汁，好香好濃郁🌸泡沫咖啡☕️香濃嘅咖啡，口感柔軟綿密🌸Hojicha Latte好香伯爵茶嘅香味餐廳舒適，餐廳店員服務態度好友善，抵讚！餐廳食物整體質素都幾高！

之前已經食過佢姐妹店Mochi，成日分唔到佢地有兩間有咩分别，見星期日下午三點仲book 到四點位，一於試下。 入座/等位：早左十幾分鐘到，都有位俾到我地（三個人）。 佢係有限時嘅，三點九入座五點要離開。 環境：有少少工業木系風格感覺。 對比佢姐妹Mochi店顔色偏暗，空間無特别大。 除左張檯我坐落感覺有少少矮，其他都舒服嘅。 落單：Menu 有提到仲有其他waffle款式可以scan QR code睇，又真係喎。 食物：例如呢果新鮮蜜瓜配焙茶糯米窩夫，$98。窩夫做得好脆，但入面糯米又令到佢好煙韌，所以唔會好似某啲窩夫咁乾同麵粉感重。 雪糕唔會好快融化，有機會係個窩夫唔太熱，又或者係果雪糕嘅脂肪含量高。 但整體咁食，就真係可以食到雪糕又食到窩夫兩者嘅厚實感。蒜香牛油雞翼，$68。對上一次食到咁有汁又脆又香嘅雞翼係茶記，無諗過樓上cafe都做到咁好食！ 係無左份茶記鑊氣，但多左一份精緻感 。 Mozzarella Cheese 焗薯蓉帶子，$73。見係菜單推薦，叫嚟試下。但感覺冇前面兩款食物咁驚喜，但係唔錯嘅。帶子焗完仲係嫩口、薯蓉係好creamy（即係好多牛油，但好食）、芝士味道反而

觀塘嘅工廠大廈，有好不為人知嘅小店，呢一間窩夫店就係其中之一。之前同事中午飯嚟食過一次，返嚟大贊，但平日中午飯時間通常都要等位，所以都冇機會嚟。今日趁住母親節假期，同埋阿媽一齊去依間小店度慶祝。餐廳主要係賣三樣嘢食：意粉、pizza同埋窩夫。之前同事話嚟到一定要試吓佢啲窩夫，就算幾飽都值得叫一個。因為人數唔多，所以我只係叫咗兩個意粉同一個窩夫。意粉都兩款喺Menu上面有推介嘅，一個係海膽意粉，另一個係帶子海鮮喇沙意粉。首先要讚吓呢度嘅意粉真係煮到好適中，軟硬度剛剛好，而海膽意粉都用料十足，聞到海膽嗰種海鮮味，海膽嘅份量好足夠，每一條意粉都掛到啲海膽汁。另外一個帶子喇沙意粉，除咗意粉個汁用咗好多帶子煮之外，仲有幾隻大嘅帶子帶子係煎香再放喺意粉上面，俾你一次過食到兩種唔同嘅口感。雖然食完意粉已經好滿足，但都一定要試埋個窩夫，我叫咗個蜜瓜焙茶糯米窩夫，窩夫入邊有少少mochi，做到外面脆裏面軟嘅感覺，再配上雲呢拿雪糕同埋新鮮蜜瓜，令你食完成個都唔會太滯。呢間小店都算有啲難搵，但我當日去都坐滿客人，可想而之佢嘅食物質素係幾吸引。

📍Cobber Noodle and Waffle每次嚟觀塘都想搵啲新野試，今次終於嚟咗Cobber Noodle and Waffle！佢哋其他嘅分店我之前都食過！呢間第一次食～但真係有驚喜，唔止有招牌窩夫，鹹食都好出色，啲款式仲要夠創新最推介一定係蒜香蟹肉意粉，可以揀辣度，蟹肉份量唔手軟，意粉掛汁又彈牙，食到停唔到口！非常誇張，我係食完啲意粉仲有勁多蟹肉係到斑斕糯米窩夫都超特別，外層香脆，入面糯米煙煙韌韌，加埋椰香味，甜品控一定要試蒜香牛油雞翼都好香口，外脆內嫩，啖啖肉好滿足。Pizza都係驚喜位，千島醬加慢煮雞肉同香草，餅底夠薄，口感豐富。鹹蛋黃薯條就最啱打卡，鹹香味濃，薯條炸得夠脆，食完好邪惡但又忍唔住再食飲品方面，冷萃咖啡同鮮奶咖啡都好夠香濃，啱晒食完鹹食後chill一chill。呢間真係每樣都想encore，無論鹹甜都做到水準，難怪成日都見人排隊！下次一定要再試其他新款～🥳

食物味道、質素是不錯的，種類不是太多選擇，但價錢有點貴，再加上有限時用餐時間，就算不是繁忙時間，沒有顧客等候，也要依時交還座位，因此不會經常光顧。店員會提醒用餐點甜品時間。

天氣放晴，呼吸長鳴。(1) 芒果斑蘭糯米窩夫配椰子雪糕鬆脆、軟糯、香氣四溢，是窩夫層層疊加的口感。配搭上椰子雪糕，蘇浮一口，既像酵母在時間裡漸漸柔軟，又像遇到晨光慢慢融化。(2) 蒜香蟹肉意粉沒有奶香；沒有濃郁醬汁，全靠蒜香、黃油、雞湯，非常惹味，一口接一口。(3) 明太子忌廉大蝦燉飯第一次見「粉紅」明太子，但味道完全在軌道上。顆顆飽滿的明太子在口中跳躍，奶油包裹着每顆米飯。幸好有少許沙律菜，令口感不會單調。最好開心share，否則會有點膩人。飲品方面，Americano (Fruity)或沙冰都不錯～

我本人係黑松露fans，覺得呢個飯完全唔合格，唔夠濃嘅黑松露味肉丸意粉佢寫用獨特嘅忌廉蕃茄醬浸肉丸，嗰醬食得出係特別，但係個肉丸我同朋友都覺得唔特別呢一間主要係食窩夫，上面裝飾有藍莓同埋提子再加抹茶雪糕一啲合桃碎，我覺得呢個係全餐最好食嘅嘢焙茶鮮奶拉花可愛幾好飲-。黑松露蘑菇忌廉燉飯 | $148。Cobber忌廉茄粒肉醬意粉 | $98。蒜香牛油雞翼| $68。藍莓提子伯爵茶糯米窩夫 | $92。焙茶鮮奶 | $49-📌#sorriso_觀塘 #sorriso_觀塘區-👅【Cobber Noodle and Waffle】📍觀塘興業街16-18號美興工業大廈A座1樓A4室🕑Mon-Sun 11:30-22:00

工廈cafe質數參差，終於遇到依間真心高質！！星期日夜晚walk-in去點知都full booking，好彩咁啱有最後一張枱多咗出黎🥹估唔到佢位置唔算方便，但超多人特登去捧場，今次食完都真係會回訪！—— 蒜香牛油雞翼 $68好出色！！！即炸熱辣辣，炸漿一咬勁脆卜卜！上枱真係唔好影咁耐相快啲食🤣唔好miss咗最脆入面一食仲有汁嗰個moment！重點加落去嘅蒜蓉比一般嘅濃味好多！！真係好好食🤩—— 馬蘇里拉芝士焗薯蓉帶子 $78薯蓉好食到帶子都要行埋一邊先😂薯蓉好滑但唔係落咗好多奶忌廉嗰種，係真係食到薯仔變成嘅蓉，超香薯仔味，撈埋頂層焗到微焦嘅芝士，食到停唔到口！！—— 海膽意粉 $168暫時喺香港食過最好食+最高性價比嘅海膽意粉！海膽醬激量，食到好重海膽原味，意粉炒到軟硬度啱啱好，掛汁又唔膩，唔使$200就食到，必食！—— 百香果冰茶 $46第一次見成半個百香果上😂成杯都會飲到啲種子🌟推薦指數：10/10‼️▫️▫️▫️▫️▫️▫️▫️▫️▫️▫️▫️▫️▫️ 📍 Cobber Noodle and Waffle (觀塘)興業街16-18號美興工業大廈A座1樓A4室

觀塘工廈出名多靚Cafe，今日專登黎到老遠既cubber Waffle，因為之前食過一次覺得幾正的。黑松露雞肉意粉，好香既黑松露醬加上大量cream，又香又滑，正呀。雞肉都幾滑，整體好高分！雞胸肉pizza，好有特色既雞胸肉pizza 加千島醬。雞胸肉係厚切，仲有大量肉汁。pizza 略嫌有少少淋左d,，整體都好好味的。班蘭糯米Waffle加椰子雪糕Waffle真係好有水準，外皮係脆既而入面係軟糯，真係食到好香既班蘭味，一流。加埋椰子雪糕就岩岩好。整體非常滿意，食物質素非常好，雖然店面細細但絕對值得黎。一定再黎。

食過另一間cobber noodle，果間真係令我好surprise，想回味，所以book咗呢間。不過睇到menu果下先發現原來兩間嘅菜式唔同。🍝日式明太子大蝦意粉（轉蒟蒻意粉）$156蒟蒻意粉令我驚喜！之前試過坊間嘅蒟蒻意粉，好脆，反而冇意粉嘅感覺。呢間嘅蒟蒻意粉比普通義大利意粉好食，明太子醬汁佈滿每一條麵條，醬汁唔會太膩，啱啱好。大蝦都爽口，整體味道不錯！🍕日式大阪燒配八爪魚pizza $118海鮮好多，八爪魚好大隻，不過好爽口，所以我嘅小夥伴擔心會唔會未煮熟🤔，但我就覺得八爪魚幾好味，不過沙律醬太多了。我地三個人分成個pizza，我食咗第一塊就膩到麻麻地想食第二塊，如果沙律醬可以清爽啲，或者有啲菜定青瓜絲中和下可能會好啲（？）🤔🧇藍莓提子伯爵茶糯米窩夫 $96糯米窩夫好食！唔記得倒醬，淨係同椰子雪糕一起食都覺得好味。伯爵茶味道好出，同椰子味配合得好好。🍧士多啤梨乳酪碎冰 $24一般😂 冇咩士多啤梨味，就係普通沙冰。除此之外，地點比想像中難搵，冇諗過係喺電梯banner後面要轉入後巷先係。不過裏面環境就好開陽，坐得幾舒服，但有時間限制。都係第一間cobber noodle好食🤣

話說我今日book咗枱11:30提前到達10分鐘，首先我入座嘅侍應完全沒有笑容！我係今日第一個客人，如果你工作咗一整天，我覺得還可以接受！落咗單後張單好清楚寫明12:40要離開，我12:21就叫埋單，侍應話要出去收銀度埋單，Okay冇問題，我起身扶住拐杖趷吓趷吓，企喺收銀度嘅女仔企定定喺度，好明顯都預咗客人係用電子支付，其實都係攞部卡機行多兩步啫⋯⋯食物嘅質素還可以，服務質素就等大家去體驗吓啦！一個人叫咗叫嘅嘢食唔多，但係份量都足夠：吉列廣島蠔配黑醋汁雜菌黑松露意大利粉焦糖馬其啊朵始終係工廠大廈樓層嘅走廊，係一般嘅攻下質素，餐廳內裝修已簡約為主！

今日同男朋友同埋佢朋友book左食呢間 見到啲食評好似幾好味咁呢個鹹蛋黃薯條（$78）真係有啲多 我諗四五個朋友可以share一個 鹹蛋黃配咩都就係咁好食雞肉黑松露意大利粉（$125） 呢個意粉鍾意食黑松露嘅可以叫有洋蔥甜甜地同埋好香黑松露味馬蘇里拉芝士焗薯蓉帶子（$78） 呢個個份量呢就偏細，我覺得就冇乜特別 就覺得未至於收呢個價錢嘅呢個Pizza呢其實就同意粉呢個味係一樣嘅，只不過變咗做Pizza 所以我建議都係嗌意粉會好食啲 pizza唔係特別出色 意大利黑松露忌廉雜菌pizza （$118）吉列廣島蠔配黑醋汁 （$84） 配埋黑醋汁就冇咁油膩 鍾意食蠔嘅可以叫海膽燉飯 （$188） 呢個飯真係好重海膽味 鍾意食海膽嘅可以叫全晚我最欣賞嘅就係呢個甜品 雪糕呢佢有好多種味道嘅有雲呢拿士多啤梨朱古力椰子等等焦糖香蕉朱古力竹炭糯米窩夫 （$108） 個窩夫好脆口 雪糕同窩夫同香蕉一齊食真係好夾 竹炭又唔甜 收據在此 證明有消費

*此為全自費食評*蒜香蟹肉意粉意粉係幼身天使麵類，口感煙韌，有淡淡蒜香味，就咁睇蟹肉好似好少咁，但其實最後都會撈勻食，所以呢個份量都算接受到日式明太子紫菜大蝦意粉意粉未算煮到好熱，可以趁明太子汁未鯨乾前即時擺入口，而本身呢隻汁偏洁，煮意粉掛汁一流但唔知係咪心理作用，硬係覺得另一間食疏乎厘嘅分店煮嘅意粉好食d🤣松露薯條佢係少有嘅幼薯條，黑松露沙律汁比較多，適宜一大班閑談之如又有野咬下蒜香牛油雞翼一碟有六隻，一嚟到先聞到嘅係強烈蒜香味，真係忍唔住即刻就要食，咀嚼多幾下就食到牛油偏甜嘅味道，雞翼都煎到脆卜卜，好出色提子伯爵茶糯米窩夫配綠茶雪糕佢其實有四款雪糕選擇，分別係椰子，朱古力，綠茶同埋雲呢拿，雪糕係自由配搭，個窩夫真係不得了，外脆內軟，懷疑佢係蛋漿形態嗰陣已經撈左糯米粉落去，真係每一啖都係煙煙韌韌，不得了宇治抹茶蕨餅糯米窩夫配綠茶雪糕作為一個抹茶控，雪糕根本係唔使諗揀邊款，食埋個抹茶窩夫，有比較之下就發現佢真係出色過過伯爵茶味好多，抹茶味超級濃郁，跟埋嘅都係抹茶漿而唔係糖漿，好食到一路食都要一路講好好食！絕對係窩夫界天花板香蕉朱古力竹炭糯米窩夫配朱古力雪糕唔使問，梗係又係即時轉左抹茶雪

講到觀塘最正既cafe, 相信非cobber莫屬😍我自己好鐘意呢間cafe, 因為食物種類多而且好好食！再度二訪，今次叫左冬陰功墨魚意粉，有啲泰國fusion菜既感覺，醬汁整得幾好食😋辣辣地好惹味。不過意粉偏硬，唔鐘意食硬意粉既人可能會唔鐘意。當日同男朋友被安排坐一張二人枱，本身放左工想靜靜地食飯傾下計，點知環境非常之嘈😵‍💫係呢度扣咗啲分。用餐時間都好足，有成100分鐘。不過想食既朋友仔記得book位，因為佢好full~佢另外一間食pancake既姊妹店同樣出色，不過佢最近停業，希望佢可以快啲重開啦。