ClubNectionZ (已結業)

正宗比利時窩夫 🍴 $38呢間cafe主打比利時窩夫香港唔係容易食到架好食在佢夠新鮮 即叫即整👍🏻估唔到佢做到外脆內軟嘅效果加入咗比利時珍珠糖更有口感雖然唔算大件 但係值得一試！

想揾個地方hea下，黎到一個不起眼嘅門口上嘅樓上cafe。主打燈膽主題，室內有多個燈泡嘅吊燈，仲有電制可以叉電，啱哂打躉吹水玩電話一族。店員先送上餐牌同水，慢慢揀下野食先。點了原味比利時窩夫，簡簡單單一塊窩夫，原來用上比利時紅菜頭提煉出黎嘅有機糖，由於糖粒不易溶化，咬落窩夫有粒粒口感，又幾正喎。香蕉窩夫配affogato濃縮咖啡雲呢拿味雪糕，雪糕有咖啡味同淨雲呢拿味揀，揀了前者的咖啡味，有咖啡香之餘仲有焦糖味喎，配埋香蕉窩夫真係perfect match。仲點左朱古力榛子可麗餅，軟身煙韌嘅可麗餅塗上大量榛子醬，又甜又香口，賣飛佛呀～latte，無試到，上枱時聞到咖啡香。比利時朱古力奶，又係朋友點嘅，朱奶上面有cream同綿花糖，賣相滿分，朋友話朱味濃喎。mint green tea，自己點了熱茶，傳來陣陣薄荷，飲落重綠茶味，薄荷同綠茶兩者味道好balance，啱哂愛茶一族嘅我啦～順帶一題，用的是mighty leaf茶包呢！！同朋友過完個優閒下午茶後，又出發繼續shopping。

之前一個function中試過這裡的咖啡，那時候覺得這裡的燈光好美。今天和朋友見面，一於相約這間小店，在尖咀要找一間寧靜，有品味，而又要坐得舒服的小咖啡店，真的不。容。易！！！這裡有叉電～不但人可以抖抖，電話都是時候抖抖～簡簡單單，來一份窩夫和一杯咖啡，和朋友共聚，已經好開心。我這份是原味窩夫。一切下第一刀，已經覺得這裡的窩夫有點不一樣，感覺是十分之脆。入口，並不是蛋味，而是一陣陣甜味，其實這是外國常吃到的窩夫，不難吃到砂糖的口感。老闆有過來介紹一下他們clubnectionz的窩夫，是已天然 rhubarb(紅西芹)糖來做，為做出香脆的口感。雖甜，但不是白糖，所以來得健康。朋友點的香蕉窩夫配雪糕。雪糕可以選擇雲呢拿或affogato，醬可以選士多啤利，朱古力或焦糖。我沒試，不過朋友是甜魔，所以他覺得剛剛好。飲品分別是凍朱古力和mocha。另外點了一杯有機花茶解膩。全部都不錯，坐著喝著，時光就這裡流逝去。

waffle 成日食架啦， 落雨個人好blue 又無mood，放工想個人開心d,返屋企前一個人獨自去偷食。比利是皇室waffle大堆頭，集合了6種水果及一球自選口味雪糕， 云云雪糕當中雲尼拿唔怕蓋過水果風味。waffle 掌心左右大不算大份，賣成98元有點點， 想甜品當飯食架我稍為覺得唔夠，我會用外脆內鬆來形容佢，面度仲有層脆糖漿，鬆軟架口感同食出麵粉原香，糖係用紅菜頭提煉架, 個粉漿都發了2日先用來做好WAFFLE。仲可以係朱古力，焦糖同士多啤梨醬中選一款，我就要左朱古力啦，情緒低落當然要補充糖份，刺激大腦活動。生果原來有士多啤梨，藍莓，提子，菠蘿，奇異果，  切成粒放埋一齊顏色好睇。菠蘿唔係罐頭野， 藍莓超大粒。想坐耐d 同消除一下甜膩，點左杯有機花茶。暖暖地有陣陣茶香花香，配甜食一流。玩下電話食下waffle就過左一個自在架一小時了。我覺得呢間cafe 幾好，有時行街同班姊妹飲野食甜品吹水。

It is one of the best cafes I have ever been to in Hong Kong. I went there with a group of 5 and all of us were more than satisfied.We tried many kinds of food and shared with each other. The most delicious one for us was 照燒雞可麗餅! The taste and texture of the chicken were just wonderful, tasty but not heavy at all.For waffle, we ordered the one with various kinds of fruits (sorry for forgetting the name), one with nutella, and one with belgium chocolate. We appreciated the one with fruits the mos

尖沙咀諾士佛臺一帶特色酒吧林立，遊走其中有種身處歐洲小鎮的錯覺。這天跟好友來到 CLUBNECTIONZ 享受一頓悠閒輕鬆的下午茶，店裡提供的窩夫和可麗餅套餐奉送一杯飲品也是四十多元，食物份量足而且水準高。草莓窩夫配雪榚：整道甜品首先觸動我的是直撲而來的蛋香和極吸引的賣相，令人唾唌欲滴。先用刀叉一分為二，一點一點的窩夫碎頓時慢慢散開，立時充份感受到其表皮的薄脆質感。小吃一口，窩夫溫度夠熱，稍帶軟身，與濃郁幼滑的朱古力醬和自選的 AFFOGATO 濃縮咖啡味雪榚十分配合；窩夫內裡沒有太多粉漿，不會予人過份糊口的感覺，而嘴裡則是滿滿麥香和蛋香的味道，水準極高。其後與餐廳經理交談，方知道店家為保持地道比利時的味道，但又想為迎合香港人對健康的要求，而刻意減少至只用 15G 的糖份製作窩夫！巧克力榛子醬可麗餅：可麗餅端上來時也是熱騰騰的，新鮮製作。薄餅皮夾雜陣陣濃郁的牛油香，吃起來比較軟身，而味道亦不馬虎，蛋香滿溢，但整體甜而不膩，口感豐富多層次，非常美味！與 NUTELLA 醬配合更是令人再三回味。比利時朱古力奶：滿滿的朱古力奶頂部鋪上忌廉和棉花糖層，甚為吸睛。細口品嚐，朱古力奶質感幼滑、味道

前幾晚同朋友一嘗Belgium waffle, 聽講呢度waffle喺出面食唔到，於是一齊黎潮聖一番！相信係朋友係趁我toilet既時候同餐廳staff講我生日，所以佢地喺碟邊寫左我個名'ki', 好貼心既服務😊😊至於waffle既味道，的確好與別不同，咬落去好'煙un'，問番staff, 佢話因為經過發酵再加上Belgium sugar一d化學作用，令到口感更加rich!!👍我地呢個口味係Belgium chocolate, 下次可以再試試原味，相信口感同味道會更加突出！其實一入黎已經聞到好香，係咖啡既香氣呀！所以都忍唔住叫左杯Latte, 真係好香😊上面既拉花雖然唔係話好靚，但我感覺到佢地既誠意。一杯咖啡加拉花係會令人賞心悅目💛希望下一次既拉花會更靚😋最後講番，原來佢地都有提供生日waffle($150)，係佢地親自設計既，但我地得兩個人，應該會食唔哂，所以無嗌到⋯如果人多既朋友可以一試！呢度既waffle值得一試👍👍👍👍

之前起sugar app換到的Belgium Waffle事前已經望過食評先決定換唔換, 望過好多人都讚waffle好味~放假日同男友黎尖沙咀行街, 食野都係拍拖既指定動作大約3pm黎到cafe, 當時未有其他客人, 2位職員服務都好好3pm都仲有lunch set, 唔錯, 雖然一早知道選擇不多, 得4款lunch set係唔包飲品, 不過佢地都比左2杯水我地, 是主動的, 呢d服務態度唔係間間餐廳都有架我點左雞柳意粉, 男友就點左之前有人話唔好的照燒雞扒可麗餅 事前都有點擔心, 不過佢又唔想點意粉, 因為其餘3款都係意粉每份set包沙律一份個沙律睇得出好新鮮, 亦都很清, 沒有沙律醬, 但食到底會有像檸檬/西柚汁的其實好o岩女仔, 又想食, 又怕肥沙律細細, 但都有幾款蔬菜, 而且睇得出係有排過的, 呢d小心思都會令我加份我們的主菜黎啦~白汁雞柳意粉, 夠汁夠味我同男友都好怕汁少既人, 呢個汁係可以撈均全個意粉, 每條意粉,唔會話食到一半就無味意粉都煮到o岩o岩好, 唔會太淋又唔太硬, 合我心意超鐘意食白汁既男友都話好味, 雞柳雖然切得細粒, 但唔會話得一兩舊$49好抵食男友的可麗

今日在尖沙咀行街，看到了宣傳單章，介妱這家樓上 cafe 有正宗比利時窩夫食，於是就去試下。店內環境好舒適，感覺很悠閒。看餐牌後發現除了甜食，原來還有少量鹹食。但由於我剛剛食完午飯，所以我只點了一個這裹出名的比利時窩夫。根據店經埋介紹，ClubNectionZ 所有窩夫都是跟正宗的比利時做法，指的是，窩夫是用麵糰所做，而且需要兩天前預先發酵，跟一般方間用蛋漿的有所不同。草莓＋醬＋鮮忌廉＋雪糕 ($61) － 賣相非常漂亮，窩夫入口時感覺到外脆內軟，表面用了比利時的珍珠糖，增加了脆脆既口感，非常美味，再配上有香濃奶味的軟滑雪糕同食，好夾，讚如大家想享受一個悠閒既下午或同三五知己傾下計，這裹是一個好選擇。

係尖沙咀收到張傳單, 見到dinner都係$75, 就去試下。原來係間樓上café, 環境唔錯, 幾舒服，叫左個 ”黑松露帶子意粉”餐$108，首先有個沙律做頭盤，好開胃。主菜黑松露帶子意粉好好味, 好香, 好足料，好多黑松露，帶子又好鮮甜，好大粒!跟餐半價叫左個招牌甜品 ”比利時珍珠糖waffle”。 個waffle真係好有驚喜! 外脆內軟! 店主話呢個waffle 係用比利時珍珠糖做，有別於出面的waffle，真係特別好食!!! 必食waffle !!!呢間café仲有好多唔同的設備, 有board game, WII, PS4同跳舞機玩， 開party10幾20人有個地方，有得食, 有得玩, 又有私人空間。呢度會係唔錯的選擇!  

食物質素高，六個人分別叫咗主食同甜點，食得出有落心機煮，價錢又唔係貴，比一般樓上cafe質素高。個人最中意黑松露帶子意粉，調味好之餘，帶子煎得剛剛好，唔會好似擦子膠咁，值得一讚。試過唔少樓上cafe嘅炒意粉都炒到痴埋哂好難食，但呢間真心炒得唔錯（而且食材都應該好啲）另外甜品窩夫同可麗餅都好好味而且賣相唔錯，仲有杯比利時朱古力好香好濃，推介！！除咗食物質素，最令我地覺得會keep住嚟食嘅原因係地方真係好整齊同舒服，啲board games好新淨又多選擇，如果背意一大班朋友玩board games呢間係唔錯嘅選擇。

似乎呢間餐廳是好吃在WAFFLE?!?!我和同事收到街招而來, $49 LUNCH SET (有個頭盤) 看似好抵, 所以第二日就黎食同事叫左個龍利柳焗意粉, 我叫左燒雞可麗餅, 個頭盤係一般既栗米, 生菜, 車厘茄, 等左成20分鐘, 同事個意粉來到了, 無乜特別, 但係D意粉唔夠熱, 再多成7,8 分鐘我個燒雞可麗餅至來到, 可能我唔係太認識咩係可麗餅(CREPE)... 我覺得我係食緊5件燒雞而已, 可麗餅好似係片皮鴨個D包皮, 似乎唔多夾WOR~~~~ 4:00已經開始肚餓了~As a conclusion, 我地覺得真係無下次....

難得在尖沙咀樓上鋪找到家專賣比利時窩夫嘅專門店！店內嘅窩夫使用比利時嘅珍珠糖製造，為咗迎合港人口味，減咗一半嘅糖分，所以食落唔會好甜！內軟外脆！來尖沙咀一定一試試！

係街見到呢間新開嘅Cafe，見到有serve黑松露意粉，就同左朋友上去試下。Dinner叫咗黑松露香蒜意粉和肉醬意粉，整體上唔錯，賣相幾靚。個肉醬意粉好足料，汁好夠。另外個黑松露香蒜意粉，份量比較細碟，不過黑松露嘅味道好香，同埋如果鍾意蒜嘅話呢個係必食! 最重要嘅係，個黑松露意粉晚餐只係$98，非常抵食。餐廳環境都幾靜，for傾計relax一流。😊

香蕉鮮忌廉雪糕窩夫是必食之選！ 新鮮出爐的窩夫外脆內軟，但有別於一般窩夫，珍珠糖製成的窩夫帶點嚼勁，口感亦較結實，所以吃完會有一點飽足感。熱騰騰的窩夫配以軟綿的雲泥拿雪糕，同時添上香甜的香蕉和少甜的比利時朱古力醬，叫人一試難忘！ 夏天的絕佳消暑甜品！正宗的比利時珍珠糖窩夫是以紅菜頭提煉而成的珍珠糖製成的，難得老闆願意為了窩夫有最佳品質而到處尋找，甚至特意從比利時進口珍珠糖。光是這份對食物品質的堅持和執著，就足以證明窩夫絕對是誠意製作！ 另外，泰式奶茶和比利時牛奶朱古力亦是推介的飲品。泰式奶茶中奶味和茶味平衡得很好，不會過苦或過甜，質感亦非常香滑，必試！牛奶朱古力十分香濃，同樣令人停不了口！ 朱古力迷不容錯過！不得不提的還有這兒舒適的環境。 這兒提供多款紙牌類遊戲，卡拉ok，Just Dance等，最適合一班三五知己來聚首，大家可以邊玩邊享受美食，共渡歡樂時光。 最後，員工和老闆娘的服務態度很好。老闆娘十分健談，不只推薦了我們幾款飲品，還很隨和地與我們聊天，分享兒子（老闆）創業時的構思等等，更歡迎我們提議一些菜式。