Chop Chop 食神叉燒 (宏安道) (已結業)

聽說黯然銷魂叉燒飯要價八十大元就價格來說是叉燒飯貴族中的貴族貴不是問題只要對得起品質就無問題紅綠燈招牌相當有唐人街風格傍晚時份招牌更加顯眼雖說是燒味舖但店內乾淨涼爽餐牌是掛牆木板造工精細店內另有玫瑰叉燒飯和其他燒味不過黯然銷魂飯才是當店主打聽聞這裡的燒腩肉水準不差就叫一碟除了常見的水吧飲品外還有幾款咸檸而店內確是展示著幾罐咸檸檬吊燈光線柔和背景音樂音量也恰好黯然銷魂飯連湯一同盛在木托盤奉上和風木托盤一下子提升叉燒飯的格調黯然銷魂醬由主廚調制微甜香口煎蛋火喉恰到好處蛋白嫩滑蛋黃流心米據說是吸水性良好粒粒分明的五常米吃一口作為主角的叉燒腩肉果然名不虛傳外層燒焦將甜味濃縮肥瘦各半兼具入口即化的油潤口感和軟嫩嚼勁燒腩肉出色外皮香脆肉嫩多汁肥肉充足本身味道已經夠好所以沒有開那芥末醬。凍飲有另一樣出人意表之處就是不銹鋼飲管本以為用不銹鋼飲管只為支持還保原來金屬性質進一步增強冰凍冷感令咸檸七飲起來份外醒神我將湯放到最後調味較淡這碗湯正好清清口腔及味蕾

睇過食神嘅人都知道有黯然銷魂飯，聽就聽得多啦，食就未食過，今次朋友特登帶我去北角食下傳說之中嘅叉燒飯　我同朋友每人叫咗一個黯然銷魂飯，同埋叫咗個燒腩仔。原來除咗叉燒飯之外，仲有其他可以選擇嘅。個飯終於到啦，其實黯然銷魂飯就係叉燒飯加煎蛋，賣相好吸引，佢呢個叉燒係半肥瘦嘅，一咬落去就好鬆軟，仲好香玫瑰露嘅味道，而啲飯撈埋啲蛋汁，好香蛋味。而個餐仲包埋餐湯嘅，係菜乾湯，味道比較清淡，好明顯係冇落味精嘅，因為始終叉燒飯嘅味道都比較濃，配返碗清清地嘅湯咁就啱啱好啦。呢個就係例牌嘅燒腩仔，燒得好香脆，腩仔肉都係半肥瘦嘅，好香，啖啖肉。

因為小說及電影，武術及食物有完美的結合，更是給人無盡的暇想。而無邊的想像時，總會更想將之實現。黯然銷魂飯就是一個很好的例子。叉燒肥瘦有層次，豐富的肉汁配上甜美的醬汁就是美味。黯然銷魂的就是那個深色的醬，加了洋蔥令味道多了一份刺激，多了一份銷魂。煎蛋就是自己的喜愛，特別要先吃蛋白，微焦的蛋邊特別香口。而蛋黃就一定是一口過吃下，味道濃，叫口腔不斷充滿美好的蛋味。而這個餐最重要的是那個湯，無味精，夠清甜，絕對是點精之作。

來到食神叉燒，裝修是有點復古但幾有型ge 設計，坐得幾舒服我地算早去到，所以都幾多位坐來到這裡，無理由唔食佢地招牌叉燒飯另外我地仲叫左個燒腩仔飯有隻靚靚太陽蛋，配上例湯同埋秘制醬汁叉燒係半肥瘦，燒得香脆食落油脂感不錯，加上燒得燶燶地，大愛佢個秘制醬係重點因為有香濃ge 洋蔥味...所以先叫黯然吧但一d 都唔辣口geee, 配上叉燒會令味道多一個層次整體覺得唔錯👍另外order 了燒腩仔皮脆肉嫩～幾有驚喜～例牌份量都幾多！整體都唔錯我地食完已經full 晒人～可能要早d 去

「食神叉燒」個名改得好好，但就真係只係得個名....俾佢呃曬.....叉燒唔出色，又唔特別好食....連個飯都煮得唔好.....又浪費左一餐.....感覺好對唔住個胃.

一到星期六日放假，好似成日都訓到黃朝白晝先起身，一出街就已經天黑，早幾日既星期日終於的起心肝早少少起身約朋友食午飯，我地無特別去揀食咩餐廳，不約而同大家都想食燒味飯，所以去左附近依間燒味餐廳食，餐廳裝修都以懷舊特色為主，一黎到都要等一等位，因為午飯時間都已坐滿客人而餐廳既招牌食神黯然銷魂飯係熱推皇牌，我地當然唔執輸叫左一人一個銷魂飯，除左銷魂飯，都有貴妃雞、燒腩仔等其他不同燒味，所以我地再叫多個脆皮燒腩例牌作小食食神黯然銷魂飯其實就係叉燒蛋飯，連秘製醬汁同菜乾豬骨湯放係木盤上，靚靚煎蛋放係飯面，叉燒齊整切件放係飯旁，搭兩條菜芯叉燒肥瘦適中，形狀同平時食既叉燒有少少唔同，有少許似日本豚角煮既五花肉咁，食落啖啖肉，帶點咬勁而秘製醬汁就係撈落個飯度食，食落甜甜鹹鹹帶薑蓉既味道，味道好夾，一口肉一口飯最適合不過而菜乾豬骨湯飲落都唔錯，完全無味精，飲完都唔會覺得口渴，似足屋企自家煲既味道，所以味道唔會太鹹同濃脆皮燒腩例牌本身我都好中意食肥肉，燒腩仔又會走出我魔掌，例牌份量比想像中多，切件小件點芥末醬食，一口食最好不過肥瘦適中，一層皮、一層肥、一層肉、一層肥再一層肉完全五層比例，入口讚嘆不已，燒腩

黯然銷魂飯又來了。吃了兩次六國酒店的出品，第一次索價百多元，第二次推出套餐，配前菜和湯，加價至二百多元，吃碗叉燒蛋飯變得奢侈。又有新的黯然銷魂飯，連例湯和熱飲售$80, 亦比叉蛋飯貴，但可以接受。作為食神的超級粉絲，當然要去捧場。一入門口，先到招牌前拍照。燒腩仔肉見到半肥瘦，入口半肥瘦偏瘦，有脂肪的滑而不油膩。皮薄脆，如果脆皮厚一點硬一點，皮和肉的比例更佳。味道偏鹹，要沾芥末，才較平衡。咸檸七大大粒咸檸檬，正適合秋意濃的乾燥日子。食神 黯然銷魂飯終於都見到真身了。木盤子好看，還有三個圓形坑位放湯、湯和醬，亦即是為了這個飯，餐廳不計成本訂造了一堆體積不少的盤子，有點驚訝。竟然fixed cost都不計，相信花在食物上的心思都不少。叉燒不用脢頭，改用五花腩。一層肥一層瘦相隔，肉不是誇張的腍，不用擔心過量醃料，肉不嚡不乾不韌，但有嚼勁，以脂肪的軟和滑，使口感更有層次，咬起來又不會太硬。表面淺紅帶少少啡，沒有過多的色素，蜜味如蜻蜓點水，點到亦止，燒得有少少燶邊，只有脆而沒有燶味。不算wow地好吃，但很真。煎蛋用上初生蛋，偏細，把蛋刺穿，蛋黃徐徐流出，只夠伴少量的飯。有蛋味，蛋白的周邊煎出脆邊，

如果大家有睇過周星馳嘅電影《食神》，相信一定會記得套戲入面嗰碗「黯然銷魂飯」。據說呢碗被捧為美食之最的叉燒煎蛋飯，不但選料講究，而且神級美味，吃罷會令人感動落淚。其實近年坊間都有不少食肆，推出自家版本嘅「黯然銷魂飯」，而且各擅勝場。早前從媒體報導得知，炮台山新開咗間「CHOP CHOP 食神叉燒」，餐廳搵咗當年創作出「黯然銷魂飯」的戴龍師傅做顧問，將呢碗經典嘅叉燒煎蛋飯重現眼前。據悉戴師傅有四十多年入廚經驗，被稱為香港四大名廚之一，所以對店裡嘅食物充滿期待！餐廳位於炮台山宏安道，門面非常搶眼，門口裝咗舊式鐵閘，中間掛有一個巨型的「食神叉燒」霓虹燈招牌，極其奪目。踏進內，裝潢帶點茶檔格局，座位以長檯及摺櫈為主，配以舊式唐樓燒味舖常見的水磨石地磚，彷彿把客人帶回舊日的香港。餐牌一版過，全部已經掛曬喺牆身上面，食物一目了然。時間啱啱好，叉燒剛出爐，既然一心嚟食叉燒煎蛋飯，就先每人點一客食神 黯然銷魂飯+湯 ($80x2)  試試。銷魂飯用雞公碗盛載，再以木托盤呈上，飯面鋪咗叉燒、雞蛋同菜心，旁邊配有一碗老火湯和醬汁。是日老火湯係金銀菜湯，入口暖笠笠，味道清潤，應該無加味精，飲後不覺口渴。叉燒

某天午飯時間看到店外長長的人龍，又看到雜誌的介紹，所以一直對黯然銷魂飯十分期待。終於這天沒有人排隊，不過還是等了約十分鐘才能入座，排隊期間店員已率先我們寫單，入座後等了接近二十分鐘才上菜，以燒味飯來說實在等太久了。叉燒夠腍但沒有肉味，焦燶部分十分硬，完全咬不到，失敗！煎蛋欠蛋香又煎得不夠香，失敗！飯只是微溫，份量不多，失敗！醬汁極鹹，拌了飯仍是很鹹，失敗！例湯是青紅蘿蔔湯，夠熱但很鹹，失敗！味道丶價錢丶等候時間都令人失望，實在想不到再光顧的理由。

今日來到大名鼎鼎的黯然銷魂叉燒蛋飯餐廳吃飯。看到餐廳的叉燒飯有兩種價錢，一種是玫瑰叉燒一種是黯然銷魂叉燒，問問店員原來黯然銷魂叉燒使用豬腩肉來燒，而玫瑰叉燒汁用普通的豬肉。除了叉燒的不同之外，他的蛋不是普通的但仍是初生蛋，蛋味比較香濃，而且滑身。另外配有一種特製的醬汁，醬汁是一些是由一些特製香料再加上洋蔥鼓油，比平常的甜豉油鹹一點。 但也是不是普通的米，而是由黑龍江白米再加上美國的大米煮成的，口感有點不同。由於我和朋友不是吃太多，所以另外加了一個燒腩仔便足夠了，燒腩仔賣98元，大概有20多件，燒腩仔外皮鬆脆，肉層則有點太肥， 但大部分也是肥瘦適中，不錯。

黯然銷魂飯真係無人不曉，但真係以呢個銷魂飯作招徠既相信都係呢間新開既食神叉燒最出名，最有話題性。全因為餐廳請左戴龍師傅擔任顧問，難怪經常路過都好多人，食飯時間更加排長龍。《黯然銷魂飯 $80》第一次黎食當然要點招牌既黯然銷魂飯，賣相非常吸引。與一般食到既叉燒唔同，黯然銷魂飯用左腩叉燒，所以比較扎實同細件，亦有機會食到細骨，味道方面食到玫瑰露既香味，亦有蜜汁既甜味。飯上面有一隻初生旦，SIZE比較細但較重旦香，旁邊亦有用醬油同洋蔥混合而成既銷魂醬，可以用黎撈旦或者飯～！《燒腩例牌 $98》燒腩方面，例牌既份量都幾多，畢竟都要差不多一百蚊。燒腩皮都夠香脆，只係放得耐左嘅話會變軟，所以唔好掛住傾計唔食野喇～！口感方面肉質夠嫩而彈牙，肥瘦分明，口感不錯。

睇過食神電影嘅人一定知道黯然銷魂叉燒飯嘅來歷，電影講到咁好食，終於呢碗萬人敬仰嘅叉燒飯黎到現實，位於北角嘅食神叉燒，將電影嘅味道呈獻於你眼前！其實食神電影取材於食神叉燒嘅負責人，所以食神叉燒以黯然銷魂飯自居完全符合，無人比佢更合適！黯然銷魂叉燒 $80同普通叉燒唔同，佢係用咗豬腩肉特製而成，半肥瘦黃金比例，倖存者完全未食過咁正嘅叉燒！可能會覺得肥，但如果唔食就試唔到佢幾咁黯然幾咁銷魂，入口即溶唔緊要，仲要叉燒香果留係嗰口到，揮之不去！

星期日都要返工，經開炮台山，一於去try下食神叉燒慰勞自己！講起「食神」2個字，好自然就會聯想到黯然銷魂飯！説穿了不過就係叉燒、荷包蛋和白飯。雖然材料簡單，但一碗叉蛋飯加上電影的情懷，變成了我們香港人的情意結。店舖裝修簡約，坐得舒服，吊扇、霓虹燈、吊燈，帶來了一點工業風，打破平時燒味店舊有形象。黯然銷魂飯賣相就滿分啦！至於味道呢？米飯粒粒分明，荷包蛋就一般沒特別，至於主角叉燒，烤至焦香，食落肉質鬆軟，不過肥肉部份比較多，食完充滿罪疚感。＄80來説，的確有點貴，如果價錢可以再親民點就好喇。

比佢既裝潢同大大霓虹燈“食神叉燒”吸引入去。$80一份叉蛋飯+湯的確會令我想“到底有幾犀利？賣到咁叉貴！？”。就點一份就開始左中伏既一餐。可讚既係店裏裝潢設計得幾好，光線充足，餐具碗碟等乾淨讓食客食得放心。員工方面服務中規中矩，都算快手。點完碟黯然銷魂飯等左大約6，7分鐘仲未有野到。心想宜家晚上6點客人6，7個都食緊，唔同隻蛋要特別煮法？正常叉蛋飯點都唔洗咁耐。超過10分鐘終於黎啦。喂隻蛋接近全熟既！蛋仲係普通貨，我可以話連大家樂早餐啲太陽蛋都有蛋味過佢。。。叉燒，食神叉燒同普通叉燒既分別就係用腩肉。食落肉汁欠奉，肉質乾柴，連啲肥都係un既。失望。飯唔夠熱，硬。湯一樣唔夠熱，菜乾湯，少少湯渣。普通到無得再普通既燒臘鋪例湯。連伴碟嗰啲菜都可以過熟。同區比佢好食抵食既燒臘多的是。單靠裝潢不如用多啲心搞好啲食物。

「食神」——周星馳出品的電影，稱之為港人集體回憶絕不過份 上映時我連幼稚園都未入學，但因為重播再重播，當中的情節橋段自然記憶猶新 最近一家以食神為名的燒味店落戶港島，香港四大名廚之一的戴龍師傅竟現身店內 原來戴師傅獲邀擔任餐廳顧問，而教家燕媽媽大叫救命的黯然銷魂飯就是店家主打 CHOP CHOP 食神叉燒開門見山，以店名點題，由此得知叉燒必嚐無疑 其實另有燒鵝、油雞和燒腩仔等基本款燒味，要雙拼、三拼還是四寶都不成問題 之前見報導提及可以紅酒配燒味，但最近較少喝酒，來一支玻璃樽裝麥精也很有風味 裝潢為近年大熱的工業風，水泥加金屬，環境算企理，與坊間其他燒味店截然不同 食神黯然銷魂飯連湯 $80甫上桌，已忍不住戳破蛋黃，蛋汁頓添淡香，稠潤不腥 叉燒用上本地豬，邊位夠焦香，可惜質感紥實，顯得略為乾身，未及入味 而友人選的玫瑰叉燒以玫瑰露醃透，腍綿鬆化夠甜美；再者，「隔離飯」，更加香 飯底軟硬適中，加入野米，添上纖維煙韌嚼感，剛好是我喜歡的類型 旁附醬汁聽聞是發酵兩年的豉油，鹹香味濃，拌飯一流，不要誤當是叉燒沾醬啊 伴菜意外地不會油淋淋，爽口無筋兼清甜，正好可作解膩之用 飯餐跟一碗是