CHOO CHOO (已結業)

係我衰，我冇影到嗰間餐廳嘅裝修有幾靚。間餐廳啲裝修靚到不得了。佢成間餐廳係扮緊火車入面嘅一列車廂，好似外面有風景咁。啲風景係會喐嘅，真係好勁，好有創意。食嘢方面，佢最勁應該係啲甜品。你望個圖片都知道，啲甜品又係好靚。味道都係無可挑剔。其實我會諗，呢間嘢其實係值得入米芝蓮。我冇誇張。就算攞唔倒米芝蓮星級，至少都應該有米芝蓮suggestions嗰種。其實成件事好矛盾，因為飲食界入面有一樣嘢叫米芝蓮效應。一入都米芝蓮就會畀業主瘋狂加租以致倒閉。商人重利輕別離，香港人真心慘。地產商幾時死。

慕名已久，不過因為距離公司較遠，所以一直沒有機會去。今日恰巧同事請食飯選了這家餐廳，終於可以好好地試試這裡的出品。門面唔大，週圍都係汽車維修中心，好容易走過頭。座位較為擁擠，座椅也較一般的座椅小些。午市都是套餐，也有特別推薦，日日不同，要掃二維碼先知道當日推薦是什麼。自己點了意粉和檸水。意粉味道很特別，相信是醤料的功勞。不過煮得有一點點過了，令意粉較為軟身，正宗的意粉並不會煮得太軟，所以要扣一點分。總過來說味道和份量都不錯。

公司聚餐，而我找到這間餐廳。佢可以話係呢區食到性價比最高，最有誠意的西餐，沒有之一（暫時）。用料比較有誠意，品質、水準甚佳。但留意返，超過8人要俾DEPOSIT。能夠早1小時以上pre-order的話有9折。(請向店家確認)在同店員預先溝通的過程中，得知佢地網上有晒MENU，亦都有每週特別的餐RICE OF THE WEEK提供，預早已可睇定價錢同選擇。响餐廳黎講，算幾用心。揀咗本周特設的醬燒厚切腩肉丼-是日餐湯．甜品（$82)同事戲稱之為叉燒飯上枱都算幾精緻，餐湯是南瓜湯，面頭有CREAM，質感濃厚，南瓜的香甜味亦足。腩肉肥瘦勻稱，醃製入味，嫩滑多汁，作為一個為食之人，我對它評價都頗高，加上配了疑似係紅菜頭絲，增添了微酸的風味，另外又有烤過的翠玉瓜，香而肉軟。而且佢個飯是淋了燒肉汁，飯粒圓潤，沾上醬汁之後配肉食，一流！甜品是抹茶蕨飲兩塊，茶味不苦，亦不算甜，適中。另外加$12配CAPPUCINO一杯，疑似店主的靚仔拉花拉得好靚，睇到我都心花怒放（嘰～）

睇完戲就openrice下附近有啲咩餐廳好食，呢間個樣好似幾好咁就去試下啦。餐廳裝修好特別，好似喺架火車入面食野咁，幾有心思。叫咗兩個lunch set， 一個蒜香大蝦意大利麵配 風乾蕃茄龍蝦汁，一個 牛油檸檬牛油烤雞 菠菜葉 糙米飯。意粉有好濃嘅龍蝦汁味，好似飲緊龍蝦湯咁， 係比較傑身嘅意粉。 另外嗰個烤雞配飯個烤雞烤得個皮好脆，入面都仲好多汁，外脆內嫩 ，唔會烤到好乾咁。啲汁用嚟配飯就啱啱好喇。待應姐姐話用餐時間75分鐘，不過無人等位所以都無趕我哋走，坐多咗一陣 。長沙灣呢一區，最近都多咗好多新興餐廳。呢間食物質素都算唔錯，睇得出花咗好多心思。 如果喺附近嘅話，不妨一試。

同朋友食飯🤪朋友介紹我試一試呢間餐廳！一入到去見到特別嘅裝修環境，真係留下難忘的印象😊雖然地方細細， 音樂柔和唔會嘈親我哋傾計😆我最欣賞佢嘅Menu，係一本充滿旅行氣息嘅筆記本，貼滿左旅遊嘅相同食物，食物嘅分類方法相當特別，海鮮會寫「FROM THE SEA」，肉食會寫「Lone Travellers From the land」😆👍🏻每款肉類嘅旁邊都有相當可愛嘅動物小圖案，留意到這些細節位置，諗落真的相當有心思！令人有舒服又窩心的感覺......我今次叫咗杯Green Tea Latte , 侍應話係冇咖啡因嘅飲品，畫花好特別又靚，飲落有少少夾但係奶味真係好濃，都係唔錯架😆下次再試下其他野食先.....

我見人地上網影的相幾靚同評語幾好所以特登同男朋友來試下。地點唔係就腳,落左車仲要行好一段時間。因為午餐時段,選擇唔算多。咁我點左個龍蝦汁大蝦意粉,男朋友點左西班牙海鮮飯,加左個是日餐湯。餐湯是南瓜甘荀湯,足料唔錯既,加8蚊是抵加既。龍蝦汁意粉都唔錯,蝦不會太老,但無menu上所講既蒜香味,意粉好掛汁,亦唔會太淋。但講到呢個西班牙海鮮飯,我真心真係未食過咁難食晚西班牙海鮮飯,百幾蚊份量少過個意粉成倍,得3啖飯,仲細過我碗餐湯。又有陣苦味,係直頭入口覺得苦。真心無下次,個經驗太差。

長沙灣一直予人一種老區的感覺，但近年來已漸起變化，很多年輕人因租金實惠而相繼來到這裡創業，區內逐漸湧現了不少新派cafe及酒吧，最新一員就是位於順寧道的Choo Choo。 這間與人氣小店Holy Chef只有一街之隔的新店，以火車cafe為主題，店名Choo Choo就正是火車聲的意思。走進店內，就會看到左右兩邊的屏幕不斷播放世界各地的火車風景，令人有一種身處外地的感覺。假日午市人流不少，全場座無虛席。點了幾乎每枱必叫的黑松露蜆肉珍珠糙米飯，蜆肉肥美，堆至小山高，賣相相當吸引。不過「大餸」的我禁不住邊吃邊想才幾粒蜆怎麼夠送飯？誰知食落卻發現有咬口的珍珠糙米飯內原來還混入了不少蜆肉、露荀粒和松露醬，食落相當夠味，好有驚喜！至於龍脷柳露荀捲配青醬意粉，也做得有水準，未上枱已傳來濃濃的羅勒香，意粉煮得al dente，自家製的羅勒醬又落得夠重手，食落非常香，加上龍脷柳肉質嫩滑，捲著爽脆的露荀微微煎至金黃色，香味更見突出，味道層次豐富。試完主菜，原來甜品同樣令人喜出望外，酒店出身的餅廚對製作甜品特別有要求，一道未命名的甜品，就集芝麻脆脆、奶凍、熱情果蓉、威士忌泡沫及花生脆脆於一身，酸甜脆滑有

餐廳位置幾隱蔽唔係朋友介紹都唔識黎餐廳裝修特別 左右兩旁有移動既雪景仿如置身列車中 有種旅行既感覺同行三人 叫左一個小食兩個主菜小食係炸八爪魚🐙好香口 仲有兩個唔同醬一個係蛋黃醬 另一個係酸酸地既醬個人兩款醬都好鍾意😋前者令🐙錦上添花 後者可解油膩之後就叫左微辣白酒蜆意大利麵辣度對唔食得辣既朋友都接受到淡淡既白酒再配上微辣 唔會搶過蜆既味道蜆好新鮮清甜😋蜆既份量都幾多下最後就係阿根廷紅蝦意大利麵配龍蝦醬我個人比較鍾意呢碟多啲因為呢碟濃味啲 好重龍蝦味(重口味人士🤣)好香 蝦都好大隻又新鮮推介👍🏻👍🏻👍🏻

色香味俱全價錢唔係好貴～好適合情侶或三五知己空閒去聚會，地方係有小小難搵～😂我家小姪女吃度停唔到口，話好開心好好味～真的你快樂所以我快樂了～很開心的晚餐，就開心而言已經很值了👍🏻👍🏻

今天在長沙灣找到一間以列車做主題既餐廳，餐牌都是自製的，加入左一啲旅行既分享同餐廳內既裝修都好有去旅行既感覺，同朋友食飯+收手信，真係岩哂格調☺️講番d 野食先😂👏🏻先來一個沙律芥末籽燒雞牛油果沙律配糖心蛋$138沙律菜好爽脆，配埋秘製醬汁感覺好fresh 又惹味，糖心蛋做得好，見到個色水都好吸引好好味😋阿根廷紅蝦意大利麵配風乾蕃茄龍蝦醬.巴馬臣芝士 $178勁大隻🦐🦐🦐，汁好濃郁，除左酸酸地既蕃茄味，mix 埋龍蝦醬唔會似係飲龍蝦湯果陣勁咸既咪，配上彈牙既意粉同加添香味既芝士，讓人諗番都流口水🤤🤤白酒 . 蜆---脆多士 迷你蕃茄 $138汁吸收口蜆既精華，好甜🤤🤤多士烘得好脆，不過咁多汁如多幾件多士用黎送就更正😆西班牙依比利亞黑毛豬梅扒---迷你甘筍 燒粟米 $178睇落好肥膩，食落卻沒有想像中的油膩感，香濃的豬味在口中徘徊🤤🤤唔洗點汁都已經好好味🥩🥩

公司早放同老婆食lunch, 訂左位所以好快有得入.入到去落左order, 一路好耐心咁等, 等等下足足等左成個鐘先有野食, 望住背景既火車影片真係有暈車浪既感覺.ok唔緊要啦總算有得食, 一上枱果下呆左. 個西班牙海鮮飯份量少到誇張, 大概得一個手掌多少少既size. 平時食飯食得慢既朋友黎到呢度唔洗驚俾人笑食得慢啦, 因為兩啖就食哂.仲可以教識啲小朋友珍惜食物, 因為唔小心跌咁一啖就唔見50蚊.如果你話好好食都唔緊要, 吖又唔係喎, 普普通通咁, 未至於難食囉. 加錢叫左杯奶茶同檸茶仲衰過大快活其實我都唔明白點解評價咁高? 係咪有咩隱藏菜單我唔識叫?

Choo Choo喺長沙灣順寧道，由於附近係住宅，平日夜晚都幾僻靜，餐廳隔離係一間車行，比較唔顯眼。不過入到餐廳就係另一番景象，我哋入到去都差不多滿座。餐廳設計成一個火車車廂咁，側邊有四個大螢幕，裝潢成四個火車車窗咁，播緊嘅係移動中嘅景色，頭頂仲有行李架。餐牌就好似⋯⋯唔係⋯⋯係直頭係一本遊記嚟，貼咗啲車票、旅行照片，仲有啲唔同旅遊景點到此一遊嘅蓋章。【白酒.蜆 $138】啲蜆都幾多幾大粒，質感水潤，酒味濃度適中。配有脆多士同車厘茄，脆多士蘸白酒汁食，好好味～【古朴葉烤魚 $188】用香葉烤魚，上枱已經聞到陣陣香烤味。烤完魚肉嫩滑仍保持多汁。配上泰式香蔥芫茜醬，甜蜜中帶點香辣，食落更惹味又開胃。【西班牙伊比利亞黑毛豬梅扒(全橡級別)$178】用橡果作為飼料嘅靚豬，肉質粉嫩，脂肪豐富。一放入口即刻feel到滿口油香肉香，咬落肉汁亦相當豐富。配菜有迷你甘荀、燒粟米。非常高質嘅黑毛豬，可惜只有三件，有啲「唔夠喉」。餐廳裝潢有心思，食物質素高，絕對係一間值得支持嘅隱世小店。

今日係第二次黎呢間餐廳，因為知道聖誕一定多人到爆，所以就boxing day個日先去🤓我地中午去到，就算係公眾假期，都仲有lunch set食，就叫左微辣白酒煮蜆意粉、腩肉泡菜飯配溫泉蛋，同好鍾意嘅南瓜蘆筍湯（好似係蘆筍）。南瓜湯足料，飲落厚厚的南瓜蓉，加上少少椰汁🤔🤔然後意粉係我鍾意的質感，因為用扁意粉，同埋佢係比較清的口味，醬汁有白酒同少少香茅味，原來同海鮮真係好得🤷🏻‍♀️cls 真心要試下呢個🤘🏿🤘🏿腩肉飯又難得咁滿足友人的口味😂😂佢就鍾意少少油膩的感覺，但係加左青寧同泡菜一齊食，我自己就更加鍾意🥰好啦，下次會再幫親但希望唔好因為太多人而差左，因為好多餐廳都係咁😥 寧願等耐d，都想食用心同好食嘅美食！

吃了黑墨魚西班牙海鮮飯，蒜香蝦意大利麵配風乾蕃茄龍蝦醬，前者的碟子不但特別和賣相好，味道確好好，後者食到最後，有感鹹重過龍蝦味。這間餐廳的午膳套餐，所包的飲料只包檸水茶奶茶，卻不包㗎啡，如果要叫㗎啡，要額外付$12，仲是沒有拉花的普通咖啡，是我未試過的待遇，我建議大家不要額外比$12叫㗎啡了，因不太好飲。

呢間位於屋企附近嘅餐廳一直都很想試，臨近年尾收爐終於得閒慶祝下。CHOO CHOO 原來就係模仿火車嘅聲音，內裏的裝修都充滿火車車廂嘅特色。餐廳裏面有兩個’窗口’，播住一啲日本嘅雪景，模仿係火車裏面，望向窗外嘅景色。特別嘅係連餐牌都有一啲旅行嘅照片同人手寫嘅描述，充滿着心思。叫咗一個墨西哥辣肉醬粟米片配酸忌廉牛油果醬($98). 上菜嘅賣相很驚喜，紫紫紅紅，充滿特色。泰式軟殼蟹羅勒葉墨魚麵（ $158 ），上菜嘅時候已經聞到一陣嘅辣香，食落亦都刺激味蕾。墨魚丸麵好入味，有蒜香亦有羅勒香。原隻軟殼蟹炸得香脆，份量十足。怕唔夠飽用$28加咗個青醬意粉， 十分抵食。慢煮三文魚配法式芥末醬($158) - 不得不推介大家試一試佢嘅三文魚，真的很高水準，是我食過過最好嘅三文魚。肉質鮮嫩，熟成度剛剛好，外皮卻非常香脆。忍唔住要要咪埋眼，仔細感受一下佢嘅味道， 實在係太好食